الفززززززعه يا شباااااب سيارتي احترقت 2009 :( :(

الفززعه يا عياال سيااارتي احترقت ولا ادري وش اسوي
انا معي اكورد 2009 ماشية 60 ألف ( تحت الضمان )
وكنت امشي عادي جدا فجأه طلع دخان مع الكبوت وشبت نار
طبعا لحقنا ع اللي لحقنا عليه والباقي شب
البطاريه والظفيره رااحت فيها والاضرار في البطاريه و الظفيره و علبة الفيورز واشياء زي كذا و المكينة سليمه (يعني الجهه اللي عند البطاريه اهي المحترقه و الباقي سليم و البدي سليم الا الرفرف اللي عند البطارية يبيله رش بس)
ولا ادري وش اسوي
ورحت للوكاااله اللي بطريق خريص (الرياض) قالوا لي ما نتحملها لاننا فحصنا كل القطع و طلعت سلميه << واللله قهرووني وشلون فحصوها واهي محترقه :mad:ولا يعرفون من ايش الحريق ويقولون السيارة تكلف حوول الـ 50 ألف وييييييين يا عمي :confused:
طبعا اليوم طلعتها من الوكاله بعد الطقاق ولا ادري هل اني ابيعها تشليح والا اصلحها ؟؟ ولا اعرف ورش كويسه في الكهرباء اللي يعرف يفيدني تكفووووووووووون والا اللي بيشتري ترى البدي نظيف ماعدا الرفرف الايمن راحت بويته وهذي صورها :

http://file15.9q9q.net/img/75483697/...00215-1144.jpg

http://file15.9q9q.net/img/24241612/...0215-11451.jpg

http://file15.9q9q.net/img/83791515/...0215-11451.jpg

http://file15.9q9q.net/img/32481756/...00215-1148.jpg

http://file15.9q9q.net/img/62594661/...00215-1147.jpg

http://file15.9q9q.net/img/12826897/...00215-1148.jpg

http://file15.9q9q.net/img/55869116/...0215-11471.jpg

لوكنت في اوروبا او امريكا
تعطى سيارة جديدة + تعويض مالي + اعتذار رسمي من الشركة

ما أقول الا الله يعينك ويعوضك بخير منها


شي محزن للأسف :(

الله يعوضك بالخير.......... ياخوي
كيف حصل كذا ؟
أول مرة أشوف هاذي الحادثة
مع احترامي للجميع يمكن حد حطلك صلب زجارة أو شي

الله يعوضك ياااارب

انت مركب زنون ؟

احتمال كبير يكون صار التماس بالكهرب

الله يعوضك بخير منها

والله يالغالي السيارة يبغالها شغل وممكن تكلفك لكن مو 50.000 ألف ريال << لأن الوكالة تبدل جديد بجديد وقليل تصلح الحاجة

إذا ماركبت زينون ولا ركبت شيء ثاني ممكن يأثر على الكهرباء الوكالة راح تغير لك العبلة والضمان ساري عليها

يعني مالهم أي حق في رفض تصليحها (حاول معاهم وكلم الإدارة)

حسب ماهو موضح بالصورة ان عبلة الفيوز الخارجية احترقت ولا فيها فرصة انها تتصلح لأنها حساسة , العلبة الداخلية شيك عليها إذا مافيها فيوزات محترقه او نفس العلبة , والماكينة في نظري انها ما تأثرت من الحريق لكن يبيلك تشيك عليها , لكن الأسلاك بعضها احترق من اثر الحرارة


http://file15.9q9q.net/local/thumbna...56/600x600.jpg

كخطوة أساسية دور على علبة فيوزات خارجية مستعمله من التشليح او من احد الموزعين المعتمدين مثل النعماني وغيرها وإن شاء الله تحصل

أسلاك البواجي تغيرها , غطاء فلتر الهواء , الراديتر شيك عليها مع "اللي " حتى مايكون فيه ترهيب وتسبب إرتفاع حرارة السيارة

اما بالنسبة للجهة الآخرى مجرد آثار ظاهرية احترقت ممكن تغير الأغطية

http://file15.9q9q.net/local/thumbna...97/600x600.jpg

الاهم هو سلامة الماكينة


وفي رأيي انك تروح صناعية العروبة وتشوف لك كهربائي ممتاز وهو راح يقولك وش تحتاج من تغييرات وإصلاح

والله يعوضك خير بإذن لله ,,, :)

يعطييكم الف عاافيه وبالاخص اخوي king
طيب وش الافضل اني اصلحها أو أبيعها تشليح أو أصلحها وأبيعها
والللله اننيي ماادري محتاااااار ولا ادري وش اسوي
وكم تتوقع انها تتصلح به ؟ وكم تسوى بعد التصليح ؟ وكم تنباع تشليح ؟
انا ابي اشوف الافضل لي واسووويه وانا بصراااحه ما عندي خلفيه عن هالمواضيع وهذي اهي المشكله

روح للوكالة وانشب لهم واذا مافية امل انهم يصلحونها روح اشتكيهم اسياره على اضمان
من الباب للطاق تحترق

[QUOTE]
والله شئ محزن ويرفع الضغط لاكن الحمدلله على كل شئ ارواح راحت الحمدلله انك طيب وبخير والحمد لله ان الماكينة ماجاها شئ وذلك من خلال الصورة نصيحتي لك روح الوكالة كلم مسئول كبير مو اي احد ولازم تقعدلهم اذا كان الشئ صار من غير سبب حاول مرة ومرتين وثلاث لاتيأس لازم تطلع بنتيجة ولا تنسئ مسئول كبير وذا صار معك اي شئ اعطيني خبر.
:mad:

لاحول ولاقوة الا بالله ،،، الله يعوضك اخوي حمد ، واحمد ربك على كل شي .......

ياناااااس ياعاااااالم ، مافي حكومه بالبلد والا ايش الهرجه ؟؟؟ بعدين تعال انت مسوي شي بالسياره يعني نقول مالك عليهم طريق ؟؟؟؟ زينون اضافات كهربائيه
ايش اللي سياره تنحرق ومالنا دخل !!! من اللي له دخل اجل ؟؟؟؟

حبيبي اقرب مركز دفاع مدني او المركز اللي وقعت فيه الحادثه وطالبهم بتقرير !!! لاتستغرب ترى هذا من حقك وقلهم عشان اشتكي الشركه كذا بكل صراحه .... تاخذ التقرير من هنا ولا تاقف الاعند الغرفه التجاريه .... مانفعوا قل للموظف ارفعها لفرع وزارة التجاره .... كمان مانفعوا هذيك الساعه لاتردك الا المحكمه العامه بالمنطقه اللي انت فيها بشرط يكون فيها فرع لهم ،،، وادعم مطالباتك بتقرير الدفاع المدني ، واطلب من القاضي انه يخاطب شيخ طائفه االصناعيه بالديره اللي انت فيها لتزويدهم بتقرير عن سيارتك ( شيخ الصناعيه مايعطيك تقرير الا اذا جبت خطاب من الشرط او المحكمه يعني من جهه حكوميه)

وازيدك من الشعر بيت انتبه تطالب باصلاح السياره . لاااااا . اكتب في خانة ما يطالب به المدعي ... تبديل سيارتي بسياره اخرى جديده او ارجاع كامل المبلغ الذي دفعته لقاء قيمه السياره

صحيح ان الموضوع راح ياخذ وقت طويل من مواعيد ومراسلات وخلافه ،،، لكن انشاءالله يرجع لك حقك

قالوا لفرعون ايش فرعنك ... قال: ما لقيت احد يردني

f_15ss

والله كلامك عين العقل انا اشهد ان كلامك ذهب واتمنى صاحب السيارة اخذ هذا الكلام بعين الاعتبار

اخوي قد صارت نفس سالفتك قدامي بهونداي سنوناتا
والرجال انتظر لين جو المرور واخذ تقرير منهم
وقال انه صارت معاه 3 مرات ومن نشيك المرور انه سبب مجهول بس انها مشكلها بالكهربا
فلا تسكت او تصلحها انت بفلوسك وترد تتكرر معاك
ودامك منت مركب اي شي ع السياره كهربائي من زنون وغير انشب لهم واشتكي لو انك تنزل مقال بجريده هددهم ودق ع الفرع الاقليلمي الي بجده << قد شفت بالمنتدى انه بجده وحاطين رقمهم

الحمدلله عالسلامة يا غالي..
ولا تسكت أبدا عن حقك يا خوي واذا هذي المشكلة ما يشملها الضمان فما أدري وش اللي يشمله الضمان؟تغيير أقمشة؟!
يا غالي مثل ما قالوا الأخوان حاول معاهم وبعدها شوف الغرفة التجارية حتى تاخذ حقك وللأسف ما فيه حفظ لحقوق المواطن والا في الدول الخارجية يشمل سيارتك الضمان ويصلحونها لك هذا اذا ما غيرو لك السيارة لك..

الحمدلله على السلامه

أهممممممممممم شي أخوي لاتيأس وتمل .. ترا هنا البلاء

خل نفسك أطول منهم .. الدعوآ مهب ألف ولا ألفين .. هذي 50 ألف ولا تشيلح

طع شوري لاتخلي حقك إذا انت مالعبت بالكهرب

واستأجر لك سياره وشد حيلك معهم لاتخليهم أبد أبد

كلمت المدير شخصياً ...؟؟

كلمة .. ولا تسكت عن حقك .. وراح يغيرون لك السيارة ..

ماعليك من كلام الزوولة السودانيين .. نصابين

اهم شي ان سبب المشكلة هذي مو من الاضافات اللي سويتها زنون واشياء ثانية ..

اقتباس:

---

لاحول ولاقوة الا بالله ،،، الله يعوضك اخوي حمد ، واحمد ربك على كل شي .......

ياناااااس ياعاااااالم ، مافي حكومه بالبلد والا ايش الهرجه ؟؟؟ بعدين تعال انت مسوي شي بالسياره يعني نقول مالك عليهم طريق ؟؟؟؟ زينون اضافات كهربائيه
ايش اللي سياره تنحرق ومالنا دخل !!! من اللي له دخل اجل ؟؟؟؟

حبيبي اقرب مركز دفاع مدني او المركز اللي وقعت فيه الحادثه وطالبهم بتقرير !!! لاتستغرب ترى هذا من حقك وقلهم عشان اشتكي الشركه كذا بكل صراحه .... تاخذ التقرير من هنا ولا تاقف الاعند الغرفه التجاريه .... مانفعوا قل للموظف ارفعها لفرع وزارة التجاره .... كمان مانفعوا هذيك الساعه لاتردك الا المحكمه العامه بالمنطقه اللي انت فيها بشرط يكون فيها فرع لهم ،،، وادعم مطالباتك بتقرير الدفاع المدني ، واطلب من القاضي انه يخاطب شيخ طائفه االصناعيه بالديره اللي انت فيها لتزويدهم بتقرير عن سيارتك ( شيخ الصناعيه مايعطيك تقرير الا اذا جبت خطاب من الشرط او المحكمه يعني من جهه حكوميه)

وازيدك من الشعر بيت انتبه تطالب باصلاح السياره . لاااااا . اكتب في خانة ما يطالب به المدعي ... تبديل سيارتي بسياره اخرى جديده او ارجاع كامل المبلغ الذي دفعته لقاء قيمه السياره

صحيح ان الموضوع راح ياخذ وقت طويل من مواعيد ومراسلات وخلافه ،،، لكن انشاءالله يرجع لك حقك

قالوا لفرعون ايش فرعنك ... قال: ما لقيت احد يردني

---

هذا الكلام واشوف أنك لو ترسل خطاب للشركه الأم يكون أحسن من هاشم ماوراه إلى الدجه :mad:

شوف ترآ إذا صلحتها ممكن ترجع مره ثانيه لأن واضح إن فيه مشكله في كهربآء السياره

غريبه والله أكورد يصير فيها كذا لكن الله يعوضك يالغالي ودعواتنا لك ..

الله يعينك اخوي والحمدالله على قضاء الله وقدرة

اذا اخوي منت مركب زينون روح الوكاله وانشب لهم قلهم كنت ماشي في امان الله

الا سيارة شب اطلب تعويض منهم

معوض خير ان شاء الله

ياخوي حمد ..

اول شي .. جاوب على الاسئله ..
1- انت مركب زينون
2-مركب سستم
3- سويت اضافه للسياره ومن ناحية الكهرباء

..

نجي للمفيد ..

1- تشييكاتك بالوكاله باستمرار ؟؟
2- كم كم تشيك ..؟
3- اخر تشييك بالوكاله كم كان ؟

..

نجي للاهم

اذا مافيه اي اضافات بالسياره ..

روح لوكاله خريص .. وادخل على صالة العرض حقت السيارات

وقول لاي موظف ابي مدير فرع خريص

وبيقول لك مع الباب بنفس الصاله يطلعك لفوق ماله
(توصيف اخر للباب المؤدي للمدير* اول ماتدخل مع باب الصاله روح سيييده بيقابلك موظف الباب خلف الموظف مباشره بانحراف لليسار قليلا>>اتعب انا :d)

تطلع فوق .. وتطلب المدير وتدخل عليه (باوراقك كامل حقت السياره من تششيكات ومن استمار ومن كل شي يثبت انها لكـ)
المدير حجازي ونعم الرجل
وقوله السالفه .. من اول ماصارت الى كلام الصيانه لك

..

جرب وشوف ومنت خسران شي..


الحركه هذي جربوها 2 من الربع ... وطلعو بنتيجه
واحد منهم حصل خصم نص القيمه 12000 ريال وصلح سيارته بـ7000 ريال
والثاني غيرو له الشمعه مجاناً مع تشييكات اخرى وتغيير بعض القطع لان الرجال مصلحها عندهم بالوكاله ..

..

ماضاع حق وراه مطالب

طبعا مستحيييل يرجعوا لك المبلغ مال السيارة كامل او يعطوك موتر جديد لانهم راح يخصمون قيمة استهلاكك

وكل شيء بالهدوء والعقلانية يصير

وهل انت متأكد انك ما حست بالكهرب ؟!

اقتباس:

---

المشاركة الأصلية كتبت بواسطة محمد بن عبد العزيز

معوض خير ان شاء الله

ياخوي حمد ..

اول شي .. جاوب على الاسئله ..
1- انت مركب زينون
2-مركب سستم
3- سويت اضافه للسياره ومن ناحية الكهرباء

..

نجي للمفيد ..

1- تشييكاتك بالوكاله باستمرار ؟؟
2- كم كم تشيك ..؟
3- اخر تشييك بالوكاله كم كان ؟

..

نجي للاهم

اذا مافيه اي اضافات بالسياره ..

روح لوكاله خريص .. وادخل على صالة العرض حقت السيارات

وقول لاي موظف ابي مدير فرع خريص

وبيقول لك مع الباب بنفس الصاله يطلعك لفوق ماله
(توصيف اخر للباب المؤدي للمدير* اول ماتدخل مع باب الصاله روح سيييده بيقابلك موظف الباب خلف الموظف مباشره بانحراف لليسار قليلا>>اتعب انا :d)

تطلع فوق .. وتطلب المدير وتدخل عليه (باوراقك كامل حقت السياره من تششيكات ومن استمار ومن كل شي يثبت انها لكـ)
المدير حجازي ونعم الرجل
وقوله السالفه .. من اول ماصارت الى كلام الصيانه لك

..

جرب وشوف ومنت خسران شي..


الحركه هذي جربوها 2 من الربع ... وطلعو بنتيجه
واحد منهم حصل خصم نص القيمه 12000 ريال وصلح سيارته بـ7000 ريال
والثاني غيرو له الشمعه مجاناً مع تشييكات اخرى وتغيير بعض القطع لان الرجال مصلحها عندهم بالوكاله ..

..

ماضاع حق وراه مطالب

---

^
^
^
^
^
هذا الكلام السليم انصحك فيه وبشدة :cool:

اهنيك اخوي محمد عبدالعزيز على هذا الرد الصائب :o

الله يكون بعونكـ شي يحزن بصراحه وغريبه بنفس الوقت بالنسبه للااكورد

رح للمدير الي بفرع خريص واحد حجازي يعجبكـ لن مره صارت لواحد من الشباب مشكله بالسيارة اكورد 2008 حذفه وماحذفه كلم الصيانة ماسوو له شي تصريف على تسليكـ راح للمدير وامرهم يغيرون له القطعه باكثر من 3000 الف ريال

لاتسكت عن حقكـ ((هذا طبعا اذا ماكان الخطاء منكـ او انكـ سبب فيه ))!!

الله يخلف عليكـ ويعوضكـ بخير :(

الله يعوضك خير اخوي

و الحمدالله على سلامتك اهم شي لا تكسل عن حقك و روح طالب فيه

و ما قصرو معاك الشباب

أعوذ بالله ... الله يعوضكـ خير منها
حبيب قلبي ... طالب بحقكـ دامهـا خربانهـ خربانهـ ... الله يعينكـ
وشوف الضمان إذا شامل ... يغيرون لك السيارهـ كاملهـ ... بشرط ما يكون لعبت فيها

اخوي اذا متأكد ان السبب عيب مصنعي
يعني انت ما لعبت بالسيارة او اضفت اشياء
لا يردك الا المدير الاقليمي و الشركة الام
شوف لك واحد عنده لغة خليه يكتب لك خطاب متعوب عليها
وارفق الصورة وارسلها لشركة هوندا بالايميل

موفق ان شاء الله
ومعوض خير

الله يعوووضك خير

ولاتسكت عن حقك ابد ابد ..

وكلام الاخ محمد بن عبدالعزيز عين العقل ,,

( لاحول ولا قوة إلا بالله) الحمدلله على قضائه وقدره وقدر الله وماشاء فعل
والله ياعزيزي أشوف انك تسوي مثل ماقال أخونا Abdelslam عين العقل
اقباس من المشاركة الأصلية : Abdelslam

حبيبي اقرب مركز دفاع مدني او المركز اللي وقعت فيه الحادثه وطالبهم بتقرير !!! لاتستغرب ترى هذا من حقك وقلهم عشان اشتكي الشركه كذا بكل صراحه .... تاخذ التقرير من هنا ولا تاقف الاعند الغرفه التجاريه .... مانفعوا قل للموظف ارفعها لفرع وزارة التجاره .... كمان مانفعوا هذيك الساعه لاتردك الا المحكمه العامه بالمنطقه اللي انت فيها بشرط يكون فيها فرع لهم ،،، وادعم مطالباتك بتقرير الدفاع المدني ، واطلب من القاضي انه يخاطب شيخ طائفه االصناعيه بالديره اللي انت فيها لتزويدهم بتقرير عن سيارتك ( شيخ الصناعيه مايعطيك تقرير الا اذا جبت خطاب من الشرط او المحكمه يعني من جهه حكوميه)
واعانك الله على ماابتلاك
وعطنا الأخبار مع هاالوكيل اللي الله يفكنا منه ومن سياستة مع جشعه اللي ماله حد
ايش تساوي سيارة وحده يغيرها بالضمان وعلى حساب الشركة الأم لو رفع تقرير صغير من عنده ان السيارة فيها خلل مصنعي ... أكيد ولا شي .... بس الطمع وانا أخوك يعمي ..... كان الله في عونك .. ورد حقك منهم:mad::mad::mad::mad::mad::mad::mad::mad:

تستاهل السلامه يالحبيب
أن من راي الاخ محمد بن عبدالعزيز

:( شي يقهررررررر الله يعوضك
:mad:بس لا تخليهم انشب لهم وروح لمديرهم في فرع خريص وارفع شكوى

بس والله برد قلبي انت وابوك يوم هاوشتوا اللي مايتسمى خالد
والسوداني اللي مسوي نفسه فاهم ....

الله يعوضك بخير منها ان شاء الله

اول شي الله يعوضك بأحسن منها

المثل يقول خلي بينك وبين النار قاضي

روح لجمعية حماية المستهلك وقابل رئيس الجمعية وقوله انت من حقوقي عليك انك تحميني من جشع التجار والوكلاء وقوله الموضوع كامل وخله يشتغل في الموضوع والا ليش فاتحين جمعية تعنى بالمستهلك الا لأجل انها تحمينا من التجار

روح والقلب داعي لك

الحمد لله على السلامه
الله يعوضك خير منها :(

الحمد لله على السلامه
الله يعوضك خير منها
في الدنيا والأخرة

اضم صوتي ل vista خاطب الام في اليابان ترا السياره ممشاها 60 الف مو 400 الف
مازالت تحت الضمان ... والله يعوضك بأحسن منها ان شاالله والحمدالله على سلامتك ..