تقرير - اصلاح ( بوري - هرن ) الأكورد 2007

بسم الله الرحمن الرحيم

السلام عليكم ورحمة الله وبركاته

اعزائي الكرام

اقدم لكم اليوم تقريري الأبسط من البسيط لاصلاح بوري الأكورد :)

طبعآ خلونا من الفصحى ونحول عامية اصرف

المهم في الأمس واليوم << انا اقولكم كيف صارت امس واليوم لأن الساعة كانت 11 ونص في الليل وماباقي شي وتعدي 12 وندخل في اليوم الجديد .. ماعلينا :d

بما أني مسير عند الشباب وناويها سهرة حلوة وبعد العشاء وذاك الكباب اللي يحبه قلبكم جبنا علبة بيبسي ماسكة اليوم عليه مايهم نص ريال مع اني موقف من زمان عنه بس خربناها اليوم

^^ كل هالخربطة لأن التقرير بسيط وابي مقدمة تاخذ مساحة على الأقل

طبعآ في البداية فكيت الشبك وهو كلبسات من تحت عدد 4 وتقدر تسحبه للخارج بس ماانصحكم لأن الكلبسات راح تنكسر ومالك حل الا تدخل السكروب وتفك الكلبسات كلها وبعدين راح يطلع الشبك معك

طبعآ بعد ماتفك الشبك راح تشوف البوري عدد 2 ( واطي وعالي )

دائمآ يخترب اللي على جهه اليمين مادري هو واطي ولا عالي

طيب الحين نشوف هالفيديو مع صوت الهرن قبل التصليح

[ame]http://www.youtube.com/watch?v=kV1g5ISTB8U[/ame]


بعدها نفك الهرن اللي مايشتغل ونفتح شوي على الوزنية اللي بالخلف بمفك وصورة الوزنية نشوفها بالصورة تحت

http://hondaarabia.com/club/attachme...1&d=1266286320

طبعآ انا وزنته وركبته وأشتغل تمام وتذكرت مراقبنا King

يوم قال غسل البوري ونشفه زين

المهم ماصدقت خبر ورحت فتحت المويه وحطيت الهوز في البوري لين قال بس وقلت خربانه اما يضبط وضعه ولا بكرة انا في النعماني اشتري جديد

وخليته ينشف ربع ساعة وانا انفخ فيه بعدين ركبنا البوري والنتيجة كانت في الفيديو التالي

[ame]http://www.youtube.com/watch?v=0gVC3J2Luq8[/ame]

وبعدين ربطنا على البوري تمام ورجعنا الشبك وكل شي تمام والغينا فكرة النعماني وبروح له اذا البوري جاب العيد :d


وفي النهاية تجربة لصوت البوري رجع يطرب الواحد

[ame]http://www.youtube.com/watch?v=0Y_2IdlOiDo[/ame]

^^^^
أكتشاف جديد 30 ثانية او 34 ثانية ويوقف الانذار ثواني ويرجع يشتغل ( تقدرون تقولون ياخذ نفس وبعدها يلع لع )

وسامحونا على التقرير البسيط واذا في أي أستفسار راح أكون سعيد جدآ بالرد عليه :)

يعطيك العافيه على التقرير بس اكثر شي ضحكت منه لم تدق البور وطاح المفك هههههههههههههههههههههههههههاااي

ولاصوت البوري لم كان خربان :d

تقبل تحياتي

:cool:
موضوعك جا متأخر كثييييير يالسمي

اغلب الاعضاء الي يمسكون خطوط "مثلي" هرنهم احتضر ومات

وكان مافي الا الجديد :d (مركب له هرن تجاري 30 ريال وشغال مثل الكيك)

بعد هالتقرير الطيب ... بنزل السيارة اشوف وين حاط الهرن القديم عشان انظفه واجربه .. وان شاء الله يرجع يشتغل وأرجع لصوت الطرب الاصيل :)

ماقصرت .. ولا يحرمنا منك ولا من تقاريرك

اقتباس:

---

فكيت الشبك وهو كلبسات من تحت عدد 4 وتقدر تسحبه للخارج بس ماانصحكم لأن الكلبسات راح تنكسر ومالك حل الا تدخل السكروب وتفك الكلبسات كلها وبعدين راح يطلع الشبك معك

---

يووووووه ياكثر ماانكسرت علي :d

عندي استفسار هل البوري يبيله وزن ولا ركب مش حالك

مشكور يا مشرفنا على التنزيل

اقتباس:

---

المشاركة الأصلية كتبت بواسطة aliahmed

:cool:
موضوعك جا متأخر كثييييير يالسمي

اغلب الاعضاء الي يمسكون خطوط "مثلي" هرنهم احتضر ومات

وكان مافي الا الجديد :d (مركب له هرن تجاري 30 ريال وشغال مثل الكيك)

بعد هالتقرير الطيب ... بنزل السيارة اشوف وين حاط الهرن القديم عشان انظفه واجربه .. وان شاء الله يرجع يشتغل وأرجع لصوت الطرب الاصيل :)

ماقصرت .. ولا يحرمنا منك ولا من تقاريرك

---

اهلين خيو علي :)

والله هالبوري كان يوم يشتغل ويوم تجيه سكته قلبية

وقبل التجمع طلعت للخبر والدمام ورجعت رأس تنورة وبعدين طلعت للدمام ورجعت رأس تنورة وبعدها طلعت هافمون ومنها جيم البوري وصار مايشتغل وكنت ناوي اليوم على جديد بس قلت خلني اتعبث شوي وأشوف وش يصير معه والحمدلله ضبط :)

اقتباس:

---

المشاركة الأصلية كتبت بواسطة slaitr

يووووووه ياكثر ماانكسرت علي :d

عندي استفسار هل البوري يبيله وزن ولا ركب مش حالك

مشكور يا مشرفنا على التنزيل

---

مرحبآ ياصديقي :)

أبشرك عندي 2 من الكلبسات انكسرت والظاهر بسبب المدة والحرارة صار يابس وينكسر بسرعة لكنه تمسك يعني تمشي الحال

وبخصوص البوري الجديد ركب وخلاص لأنه موزون وجاهز وتقدر تحوس فيه كل مافتحت الوزنيه تغير الصوت وكل ماقفلت عليها راح يختفي الصوت

اقتباس:

---

المشاركة الأصلية كتبت بواسطة نحيب الاماكن

يعطيك العافيه على التقرير بس اكثر شي ضحكت منه لم تدق البور وطاح المفك هههههههههههههههههههههههههههاااي

ولاصوت البوري لم كان خربان :d

تقبل تحياتي

---

تشوف انت :d ماتسمعني اضحك على طيحة المفتاح

والرجال اللي يدق الهرنات فرحان بالهرن :d

انا اصلا فقدت الامل امس فكيت البوري و طلعت البيت و فكيت البوري ( القطعة الدائرية ) عن القطعة البلاستيك ( الي مثل الحلزون )
بس انصدمت اني ما يمديني افكة زيادة عن كذا و جهزت 1000 ريال على اساس اشتري بوري + فحمات خلفية .. اليوم

بس جاء التقرير بوقتة و صراحة انصدمت و نزلت من غرفتي اجري على المخزن ، و صرت اقول وينك يا **** << كلام مشفر :)

بس السؤال المهم

فيه بالبوري قطعة بلاستيك بيضة ( الفيش تبع الكهربة ) هذا لو جات عليه الموية هل يخرب ؟!

و بعدين وش الي اغطسة بالموية ( الين يغرق :) ) هل هي القطعة البلاستيك او البوري نفسة او الاثنين سوا ؟!

شكـــــــــــــــــــــــراً

ويعطيك الف مليون مليار عااااااااااااااااااااااااااااااااااااااااااااااااا اااااااااااااااااااافيه

على الموضوع المهضوم والخفيف والدايت

عزيزي البراك حياك الله

بخصوص القطعة البلاستيك البيضاء عادي لو صادها الماي ماعندك مشكلة بس الأهم ينشف مضبوط < وأنا أخلي مسؤليتي اذا اخترب :d

انا جبت هوز ماي وفتحته على الآخر ودخلت الهوز في البوري وخليته يشرب من هالماي لين قال بس وصبيت ماي وطلعته وصبيت وطلعته

وبعدها جلست انفض البوري علشان يطلع الماي ويمكن ربع ساعة

وركبته وهو باقي رطب والحمدلله ماصار شي وكنت حاط في بالي ان ممكن يحترق الفيوز بس كل شي تمام والحمدلله

واذا تبي شغل مرتب حط لزقه على القطة البلاستيك علشان مايصيدها الماي مع انها محمية تمامآ ومافيها غير حديدة وحده بس

من جد تقرير >>>>>>>>>>> خربان عنده البوري منذو مبطي :o

http://www.m5zn.com/uploads/2010/2/1...38wddiqdtt.jpg

المسمار بتاع الوزنيه نفكه شوي شوي لين الصبح ولا الى متى >>> دعابه دعابه :d

طيب سؤال ثاني لازم نفك البوري الساعه 12 بالليل ولا عادي نفكه العصر >>> معقدك معقدك يالمباشر :d

من جد شوكراًً يا علي على هالتقرير لانك جيت بوقتك

من زمااااان عن تحفك التقريرية :d

جيت بوقتك من جد وانشاء الله باحاول اصلح الهرن

بس بغيت اسالك الهرن الي انا مركبه مو تبع الوكالة

مركب هرن من محلات الزينة ياباني ينفع ولا لا ؟

:cool:
وعليكم السلام ورحمه الله وبركااته
بلا فصحه بلا هم :p
تحسسني انكم يلمشرفين مدرسين عربي<<الي يتكلم فصحه:d
بحط الرابط بلمفضله لانه هرن سيارتي احسه ملحوس شوي من اسبوعين من اول ماطلعتها من الوكاله
:p
ولا بروح الوكاله غيررروه كيفي ههههههه
مع انه ماحس خربان الا اذا علقت عليه
.
تسلم ياعم

بيض الله وجهك
والله البوري عندي انه يجيه حالات
فعلن ودنا ببوري يلعلع صدز :d

اقتباس:

---

المشاركة الأصلية كتبت بواسطة HONDA HAILL

من جد تقرير >>>>>>>>>>> خربان عنده البوري منذو مبطي :o

http://www.m5zn.com/uploads/2010/2/1...38wddiqdtt.jpg

المسمار بتاع الوزنيه نفكه شوي شوي لين الصبح ولا الى متى >>> دعابه دعابه :d

طيب سؤال ثاني لازم نفك البوري الساعه 12 بالليل ولا عادي نفكه العصر >>> معقدك معقدك يالمباشر :d

من جد شوكراًً يا علي على هالتقرير لانك جيت بوقتك

---

يامرحبا بك يالحايلي :)

في الليل راح يكون له طعم خاص اذا ماعندك شي وقتها

والأهم مايكون في البيت وعندك جيران ولا ساكن مع الأهل الا طالع لك الشايب ومتفاهم معاك غلط :d

والمسمار يبيله تعب شوي يعني تفك البوري وتوزن وبعدين ترجع تركبه وتشوف واذا الصوت ماعجبك ترجع تفكه وتوزن

ولازم التركيب علشان مع الصامولة في قران للبوري بالخلف لابد يشبك اللي هي الدائرة حول المسمار خلف البوري

اقتباس:

---

المشاركة الأصلية كتبت بواسطة S A M I

من زمااااان عن تحفك التقريرية :d

جيت بوقتك من جد وانشاء الله باحاول اصلح الهرن

بس بغيت اسالك الهرن الي انا مركبه مو تبع الوكالة

مركب هرن من محلات الزينة ياباني ينفع ولا لا ؟

---

ياهلا اخوي سامي

بخصوص الهرن كل الأنواع لكل السيارات يجي فيها وزن بالخلف الا بعضهم لموديلات ثانية

فك الهرن وراح تشوف الوزنية بس أنتبه على الشبك وانت تفكه

اقتباس:

---

المشاركة الأصلية كتبت بواسطة abAdy.777

:cool:
وعليكم السلام ورحمه الله وبركااته
بلا فصحه بلا هم :p
تحسسني انكم يلمشرفين مدرسين عربي<<الي يتكلم فصحه:d
بحط الرابط بلمفضله لانه هرن سيارتي احسه ملحوس شوي من اسبوعين من اول ماطلعتها من الوكاله
:p
ولا بروح الوكاله غيررروه كيفي ههههههه
مع انه ماحس خربان الا اذا علقت عليه
.
تسلم ياعم

---

:d اهلين عبادي

الله يسلمك ويسلم لي مرورك العسل :)

الهرن عندي كان مثل مايطلع لك ساعات تعلق عليه وتحسه يخورها شوي ويرجع ولا كأنه فيه شي وهذه بداية الجلطة

أنصحك تعمل له ريجيم قاسي بالهواء الناشف وبعدين غسيل بسيط وقول ان شاء الله تضبط امورك معاه

تقبل تحيات مدرس الجغرافيا < المباشر

اقتباس:

---

المشاركة الأصلية كتبت بواسطة ياسر الشمراني

بيض الله وجهك
والله البوري عندي انه يجيه حالات
فعلن ودنا ببوري يلعلع صدز :d

---

هلا بالشيخ ياسر :d

ووجهك ان شاء الله

شوف شغلك معاه وخله يعرف مين صاحب القرار الأول والأخير :d

يعجبني الواحد لصار يزين حاجته بنفسه
الف شكرلك يامشرفنا ع التقرير الرائع
وشكرآ قليله بحقك

ياخي احس الأكورد تصرف هرنات:d
من خذيت السيارة مغير لها للحين ثلاث هرنات مرتين ع الضمان ومره
على حسابي:( مع ان اخر واحد مغيره برمضان الي فات بس احس بدء يجيب العيد
وكنت ناوي وبعد كم شهر اغيره بس يوم شفت تقريرك بخليه لين يسكت
وبطبق عليه العمليه الجراحيه الي سويتها انت:d

يعطيك الف عافية عودتنا ع التقارير المفيدة:cool:

اقتباس:

---

المشاركة الأصلية كتبت بواسطة الشمــــالـــي

يعجبني الواحد لصار يزين حاجته بنفسه
الف شكرلك يامشرفنا ع التقرير الرائع
وشكرآ قليله بحقك

---

الله يعافيك يالشمالي ولا تنسى الجو وقتها يساعد شوي ماهو حر ورطوبة << والا أقرب ورشة :d

اقتباس:

---

المشاركة الأصلية كتبت بواسطة accordyon

ياخي احس الأكورد تصرف هرنات:d
من خذيت السيارة مغير لها للحين ثلاث هرنات مرتين ع الضمان ومره
على حسابي:( مع ان اخر واحد مغيره برمضان الي فات بس احس بدء يجيب العيد
وكنت ناوي وبعد كم شهر اغيره بس يوم شفت تقريرك بخليه لين يسكت
وبطبق عليه العمليه الجراحيه الي سويتها انت:d

يعطيك الف عافية عودتنا ع التقارير المفيدة:cool:

---

ياهلا ياهلا :)

الحمدلله هذا البوري حق المصنع ويوم اخترب قلت ماجاء وقتك الا يوم خلص الضمان لكن الحمدلله ضبط وضعه

طبق واذا أمكن تتحفونا بالفيديو تضيفونه هنا :d

الله يعطيك الف الف عافيه


والله ماقصرت


لكن المشكله اني ما اعرف كيف افتح الشبك


يعني تقدر تقوووول غشيم حبتين



يالله نحاول نفتحه حبه حبه عشان ماينكسر



المشكله الاخرى ان الفيديو مايشتغل عندي بالعمل



إحترامي لك ياغالي

ياهلا وغلا

بخصوص الشبك للأسف مادري كيف طريقة فكه للموديلات 2008 وطالع

اهم شي انتبه للكلبسات اللي تحت لاتنكسر

واتحفنا بالفيديو لاتنسى :d

احترامي وتقديري لك ياعزيزي

مشكور أخوي المباشر

هههههههههههههههههه


والل مت ضحك في المقطع الثاني

يوم تضرب بوري ويطيح المفك هههههههههههههه:)


تسلم يدينك على التقرير

الله يسلمك يابو نايف ومنور الموضوع يالغالي

اقتباس:

---

المشاركة الأصلية كتبت بواسطة فتى زهران

الله يعطيك الف الف عافيه



والله ماقصرت


لكن المشكله اني ما اعرف كيف افتح الشبك


يعني تقدر تقوووول غشيم حبتين



يالله نحاول نفتحه حبه حبه عشان ماينكسر



المشكله الاخرى ان الفيديو مايشتغل عندي بالعمل




إحترامي لك ياغالي

---

تفضل يالغالي هذه طريقة فك الشبك والصدام واماكن الكلبسات وعددها

http://www13.0zz0.com/2009/11/08/20/509076130.jpg

http://www14.0zz0.com/2009/11/08/20/151271539.jpg

وهذه للأكورد كوبيه والطريقة مشابهه بعض الشيء :)


http://www6.0zz0.com/2009/11/08/20/594965415.jpg

http://www14.0zz0.com/2009/11/08/20/266111944.jpg

يعطيك العآفية

أنآ حالياً عندي نفس المشكلة

وان شاء الله يكوون حلها نفس حلك

لأني مسكت خط الرياض ويوم وصلت زكم

بشووف ع النهار والله يستر ...

ليت تحط رآبط الاخ king اذا عندك لفايدة اكبر ان كان شارح لكم

يالغالي جيت بوقتك كنت اليوم بشتري البوري بس مالقيت وقال لي تعال بكرة ..


ماعلينا .. المهم كيف افك الشبك الي قدام؟!

وايش سالفة وزنية البوري لأني مافهمت بكل أمانة ؟!

مشكور على الموضوع :d
المقطع الثاتي من جد ونااااااااااااااااااااسه
ههههههههههههههه:d

مشكووووووووور
مشكوووووووووووووووووووور

ضبط معآي معن كنت أعتقد أنه مآرآح يضبط وتغربلت لكن
فكيتهـ وكم كلبس متيـبس تكسًر وتجرحت أيديني كني متطارح مع أسد
بسسس ركب ، وفرنآ 150 شغل يد ، و 160 عالي 160 واطي = 470 < مبلغ منيييح :rolleyes:
يعني مانحتاج شيل اغراضك ورووح وتعال ورقة خروج للوكالة :p:027:

تسلم خيووآ

بنزلكم الصور بالرد الثاني طريقة الفك والتركيب ، تآبعونآ : )
:toot: <<<< :a040:

مثل مآوعدت نزلت الصور بموضوع لكمية الصور وامكانية رؤيتها كموضوع لمن لم يمر هنا

على هذا الرابط :

http://www.hondaarabia.com/club/t48820/