قدر الله واااحد صدمني اكوورد 2010

السلام عليكم
الحمدلله على كل حال ان شاء الله انها خيره اشوف مصيبة غيري واتحمد ربي
اخووواني قدر الله وجاء واحد وصدمني اليوم الظهرية

كنت ماشي في المسار الايسر وهو في الايمين
وكان في باص واقف في ماسار وجاك وخش علي :(
ويوم وقفت ونزلت راعي الفوورد اللي صدمني هرب المشكلة يمديني الحقة بس قلت بكيفه
ولا اخذت اللوح لانها صغيررررررره :mad:


وجاني شركة نجم وحط الطرف الثاني هرووب

المهم بغيت استفسر الحين انا مامن عند التعاونية تامين سند بلس
يعني يغطون عني مبلغ عشرة الآف في السنه

بكرة ان شاء الله براجع شركة نجم اعطوني موعد الصبح
الحين الشركة بتعطيني فلوووووسي والا لاااا

انا ابي اصلحها بالوكالة خوفي يقولون لا تصليح الوكالة حق التأمين الشامل :(

افيدوووني وش تتوقعون رايح يصير من تقرير نجم وشركة التأمين اخاف يضحكون علي :p

وسؤالي كم تتوقعون تكلف الصدمة هذي في الوكالة ؟؟؟

http://www6.0zz0.com/2010/02/16/12/145047267.jpg


http://www7.0zz0.com/2010/02/16/12/837102768.jpg

الحمدلله ع السلامة وماتشوف شر ان شاء الله واخر الاحزان

وخيره يارجال

التامين يغطي وتتصلح بالوكالة تقريبا تكلفك من 4500 الى 5000 ريال يبيلك رفرف وصدام امامي مع الرش ولا تسويها الا بالوكالة

والله يعوضك يارجال

يالله الحمدلله ع السلامة و ان شاءا لله اخر الاحزان

من رأي لا تستعجل بتغير الصدام الامامي حتى لو وكاله .. يمكن تحتاج تلميع للجزء الاسود البسيط و انتهينا

حلاتها بوية شد بلد

لكن الرفرف غيرها و رشها وكاله لان الؤلؤي صعب رشتها ومو اي واحد يضبطها صح

و التكلفة ما اعتقد انها راح تكلف اكثر من 1000 اذا على رفرف فقط

الحمدلله على السلامه

انا اشوف الصدام ماجاه إلى مخش لو تنقط عليه يختفي

مشكله إذا بتغير الصدام إذا بتبيعها بيقولون الناس اكيد جايها وجهيه وبتنزل من قيمتها

والرفرف تغيره والله يعينك ياخوي ويبعد عنك المصايب وإحتسب الأجر

مشكوورين اخواني الصدام مو مغيره لانه الحمدلله ماجاه شي بس اهم شي الرفرف :(

اقتباس:

---

المشاركة الأصلية كتبت بواسطة خالد ksa

مشكوورين اخواني الصدام مو مغيره لانه الحمدلله ماجاه شي بس اهم شي الرفرف :(

---

الرفرف ماراج يكلفك شئ

والسعر اللي عطيتك اياه كبير تقريبا ماتتعدى 3000 ريال بالوكالة

واللي يقول 1000 ريال يالحبيب اهو راح يصلح سيكل الظاهر :p

اخوي انا جتني صدمه في الباب حق السواق قبل شهر كلفتني باب جديد مع الرش 3000 ريال

يعني ما راح يكلفك اكثر من 3000 ريال

طيب مشكووووورين الحين التعاونية بتعيطني تعووويض لان اللي صدمني هرب

ونسيت التامين يسوووونها بالوكااالة اوو لااا جاااووووبني لان تاميني مو شامل تامين شبه شامل

اخوي الحمدلله على السلامه

التكلفه بسيطه ولكن ودها لواحد ماهر في ورشه يعدلها لك بدون ماتخرب البويه وتراها سهله يعني بالحراره يحرك الطعج اللي في الرفرف بدون ماتطيح البويه

حرام تحوس وتخرب وهي 2010

موفق

الرفرف قيمته 570 بالوكاله جديد

الرش 400 او 500

نقول كل الشغل ما يتعدى 1300 مع الرش

التأمين كل شي في الوكآلــه

والله يعينك عليهم بيلطعونك

A-C-C-O-R-D الله يبشرك بالخير ان شاء الله متتجاوز 1300 ريال

B 5ob3aH بنسبة للتامين ولطعتهم انا التامين حق من التعاونية وماقد جربت معاملتهم

Silver Aurion مشكوووور اخووووي

اكووورد وبس طيب وش رايك انت ماعطيتني رايك

والله ياخوي اذا شفت الوضع مره مطول

يا انك تحاول تصبر او انك تشتري رفرف بـ 570 و ترشه بورشه ممتازه مره زي الوفا وطقتها

وبكذاـ

الرش بـ 350 او 400 والرفرف 570 كلها ماتجي 1000 وريح راسك من المشاوير

ماتشوف شر ياخوي
و سلامات ان شاء الله

و انا اقول اذا تطلع
بالحراره مدري الشفط
سوها و ريح بالك
منها تبعد عيون الحساد عنك شوي

و ان شاء الله اذا بتصلحها
مثل ما قالوا الشباب
ما راح تكلفك الا 1500 بالكثير

ما عليك انت تأمر امر و كملت موضوع بالبروفايل معاه

المهم بالنسبة للتأمين

اللي صار معاي كالتالي لما صدمت وكنت مأمن

تجيب تقرير من المرور + تسعيرة الوكاله للقطع + تسعيرة الرش سواء من وكاله او ورشة + امور اخرى مثل صورة الرخصة و الاستمارة او التفويض

تعطيها للتأمين و هم بحسب مجموع المبلغ اللي يشوفوه قدامهم راح يكتبون لك شيك بقيمة الاصلاحات كامله

+ في مبلغ لازم تدفعها للتأمين و هو ثابت عند كل حادث على ما اعتقد بالنسبة للتعاونية 500 ريال

بس عارف فين المشكله اللي بتواجهك

متى راح يسلموك الشيك .. في ناس اعرفهم جاهم التعويض بعد شهر و في ناس اسبوعين

وفي واحد بالواسطة جابها بأسبوع :)

عني انا كنت مأمن تأمين شامل عند انسعودي ( السعودي الفرنسي ) بقيمة 1500 ريال

و الحادث اللي سويته كان الخطأ علي 100% و تم تعويضي بمبلغ 13 الف + 2500 للطرف الثاني

وانا ما دفعت الا 350 ريال رسوم ثابته عند كل حادث + 10% من سعر قطع الغيار ( 950 ريال فقط )

والتعويض ما اخذ اكثر من اسبوع لا واسطة ولاهم يحزنون

حبيت افيدكم بنوع اخر من التأمين :)

والله يسهلها عليك

الرفرف جديد بـ 800 وكاله

أنا شاري واحد من شهر

والرش ما راح يكلفك كثير

بالعربي ما راح تتعدى 1500

وأنا من رائي تأخذ فلوسك من التأمين وتخليها في جيبك

واللون الأسود اللي على الصدام والرفرف امسحه بـتـنر ويروح

خلها دافعه للعين . ترى صدمتك خفييفه مرره .

وأذكرك بما ان سيارتك 2010 ما راح يصلحها التأمين الا في الوكاله


بالـتوفيق }~

~ تأمين التعاونيه يعطيك فلوسك خلال اسبوعين

قد تعاملت معهم عشان واحد صدمني وكان مأمن عندهم

ولا تأميني شركته غير }

بخصوص الصدمة , رأيي انك تسمكر الصدمه في احد الورش المعروفة

والرش بالوكالة لأنهم يضبطون اللون بشكل عجيب , او انهم يرشون الصدام كامل لكن رش راح يعجبك ولا راح يبين معاك ,,

الله يوفقكم اخووووااااني والله يقدر لي وارد لكم الجميل على مساعدتكم

اولآ الحمد لله على السلامة وكل شي أهون من شي زين ماجت بالوجة و لآ بمكان صعب صحيح إنها تحرق وتقهر ولكن

قدرالله وماشاء فعل ويمكن تكون عين و إنتهت على رفرف ما جت بنفسك والحديد بداله حديد وربي يعوضك خير بالنسبة

لسعر الرفرف أنا مسعر قبل فترة رفرف أكورد ب 610 ريال ومتأكد من كلامي و قطع غيار هوندا مثل الأسهم يوم ترتفع

ويوم العكس و فيه أحد الاعضاء أفاد بأن السعر 570 يعني السعر متقارب ومثل ماقلت لك مارح تتعدى أكثر والرش بالوكالة

أتوقع 500 ريال او شي من هالقبيل يعني كلها على بعضها 1200 ريال بالكثير ويرجع الموتر زي ماكان والتأمين يعطيك

غصب عنه لا تشيل هم وإن شاء الله آخر المصايب وفيه قاعدة و أنت تسوق عد إللي يمشون حولك كلهم غشم لاتقول ليش يلف

ليش يحد إنتبه و حط مسافات قدامك وجنبك سيارتك 2010 و 90% بنغالية يمشون على عماها بديرته ماحصله سيكل يسوقه

وعندنا أطلق موتر و يحدد خلق الله مالك بالطويلة أهم شي وسع صدرك و المسألة بسيطة وبالتوفيق أخوي

King اخوي مشكلة محلات السمكرة يطفشون الواحد يصلحون ويخربون من جهة

اخوي برق وفق الله

مشكوووور كثير

بنسبة للبنقلة حاط لهم الف حساب
بس المشكلة من ربعنا السعودين بعضهم يشوف معك موتر جديد يقوم بيسقط عليك مايخاف يعرف انك راح توقف
مثل اليوم بالظهر يوم خش علي الله يهديه الشارع كان ضيق ياصدمني يا اركب الرصيف الله يهدية بس

يـــــــآخوي أشــتر لك رفرف كـآمل من التشلــيح مـآيتعدى الـ 400

أنـآ أعـرف وآحد شرى رفرف من التشليــح بـ 300 ريــآل

مدري حظه حللو ولا راعي التشليح دلخ ولا أسعـآرهـآ كذآ

عـآد انت وحظك لأن كل واحد يحط السعـر إلي يبيــه



مــوفق

انا انصحك انك تصلح الموتر ف الوكالة


انا ما اعرف نظامكم
لكن الي فهمته من الاعضاء
انهم يعطولك الفلوس وانت تروح تصلحها

اذا هذا الي صار انا انصحك انك تصلحها ف الوكالة
حتى ولو بتزيد
ترا الموتر يستاهل
2010 مو مديل قديم
يعني على موديل السنه ماشاء الله

والله يوفقك

عندك 3 حلول

1- دور لك رفرف تشليح يكون نظييف..

2-اشتر رفرف جديد ورشه رشه محترمه وكالهـ..

3- سمكره ورش جزئي..

..

شووف اللي يناسبك اكثرر

والله يكتب لك الخير

ماتشوف شر وسلامات

انا ماعندي علم بالموضوع لاكن حافظ على اي شي باسيارة حقت الوكاله وشكرا

اخوي نسيت لا اقولك انا يوم اروح التشليح لقيت اكوردات 2009 لؤلؤي رفارفهم جديدة بس يبيلها تلميع بـ 700 ريال

تفك مسمار وتركبه بسيارتك الرفرف ونخلص .. !!

الف شكر اخواني لقيت الرفرف من الوكالة سعره 630 ريال اتوكل على الله واشتريه ان شاء الله

الحمد لله على السلامة

صدق تشوف حالك وتحمد ربك

لا يضيق صدرك يا خوي

إن شاء الله تستلم فلوسك


المهم غير كل شي فيه حكه وصلح في الوكالة

أخوي لاتستعجل نصحيتي لك مثل ماقالو الشباب

خل تغيير الرفره آآآخر حل .. لأنه يطيح من سعر الموتر واااجد

روح للتشلح والله تحصل رفرف لؤلؤي جدييييد .. وكلها فك وتركيب

عندنا بالقصيم قبل أسبوع شايف ثلاث أكوردات بالتشليح الرفرف سليمه

وإذا انت ماتبي من التشليح .. حاول تروح لورشه يعدلها تعديل .. وإذا مافيه أمل .. الشكوى لله اشتر رفرف من الوكاله

السلام عليكم جميعا
بالنسبه للتامين ياشباب ابغى اامن على سيارتي تامين شامل بس قالولي التعاونيه 2500 ريال بس شايف واحد من الاخوان يقول 1500 ريال شامل ياليت ياشباب تدلوني عليه

الحمد الله على سلامتك يا الغالي في الحديد ولا فيك

وماتشوف شر يابعدي معي اكورد 08 ونفس صدمتك بضبط ونفس المكان

كانك ماسويت شي فيها رح سمكره وتعديل رفرف ثم يلمعه لك اذ فيه مخووش بس نصيحه لا ترش ولا تسوي شي اكثر من كذا

ماعليش على الردالامتاخر

تحياتي,,,

اقتباس:

---

المشاركة الأصلية كتبت بواسطة imac

أخوي لاتستعجل نصحيتي لك مثل ماقالو الشباب

خل تغيير الرفره آآآخر حل .. لأنه يطيح من سعر الموتر واااجد

روح للتشلح والله تحصل رفرف لؤلؤي جدييييد .. وكلها فك وتركيب

عندنا بالقصيم قبل أسبوع شايف ثلاث أكوردات بالتشليح الرفرف سليمه

وإذا انت ماتبي من التشليح .. حاول تروح لورشه يعدلها تعديل .. وإذا مافيه أمل .. الشكوى لله اشتر رفرف من الوكاله

---

اخوي مافهمت عليك يعني اغير الرفرف او اني اسمكره ؟

اقتباس:

---

المشاركة الأصلية كتبت بواسطة مشعل بن عبد العزيز

الحمد الله على سلامتك يا الغالي في الحديد ولا فيك

وماتشوف شر يابعدي معي اكورد 08 ونفس صدمتك بضبط ونفس المكان

كانك ماسويت شي فيها رح سمكره وتعديل رفرف ثم يلمعه لك اذ فيه مخووش بس نصيحه لا ترش ولا تسوي شي اكثر من كذا

ماعليش على الردالامتاخر

تحياتي,,,

---

الشر ماايحيك
سبحان الله :d ونفس المكان

تحس بقهررر بس الله كتبها علينا وراضين بقدره

طيب وش رايك بدل السمكرة اغير الرفرفر مره وحده ؟؟؟

افيدني يااخوي

خليتوني رصيف الله يسامحكم