عرض للطباعة
السلام عليكم
ان شاء الله راح اشتري اكورد الاسبوع القادم ولازلت محتار بين الكوبيه والسيدان :confused:
الكوبيه عاجبتني ونفسي فيها،،، لكن كل الناس يقولون السيدان السيدان
فقلت اسأل واستشير، قبل ماسوي شي لاني مراح اغيرها وبتصيف معي << نظام شيبان :d
شرايكم بالله هل الكوبيه فيها مميزات غير الشكل،، وهل تأيدوني اخذها ؟
ان شاء الله احصل مجربين يفيدوني
انا صراحه ماجربت لكن بما ان الكوبيه معجبتك لا تفكر في غيرها
اذا انت مقتنع فيها توكل على الله وخذ الكوبيه
السيدان افضل انصحك بها
افضل في الشكل لا اكثر ولااقل
اخوي
توكل على الله وخذ الكوبيهـ مررره جناااااااااااااان بسـ تكون فل كامل
انا اشووووف الكوبيهـ افضل واحلى من السيدان بكثيــررر ..
الله يكتبلك اللي فيهـ الخير
تحياتي لكـ
اشوف الكوبيه خطيره ونفسي فيها صراحه
لكن بنتظر باقي الشباب،،، يعطيكم العافيه
السيدان عشان الاهل
اول شي مرحبا فيك وثاني شي والله اني كنت ناوي اكتب موضوع نفس هذا اليوم بس انت سبقتني وانا محتار مثلك في الكوبيه ولا السيدان لكن انا رحت امس لهوندا والفروق بينها ان السيدان حساسات والكوبيه لا والتخشيبه وكذا يعني ولا الكوبيه احلا بكثييير وانا نفسي فيها بس محتار مثلك لكن اصبر ترا بتنزل موديلات 2010 بعد شهر وشف الفرق بين السيدان والكوبيه والاحسن واللي عاجبتك اخترها والله يعطيك خيرها ويكفيك شرها مقدما ومشكور واسف على الاطاله ...
حبيبي بتكلم عني وعن المجتمع الي عايشين في خيرهـ
عن نفسي اقوول روح خذ لك اكورد كوبية الشكل سبورت ومميز ومدام نفسك فيه الدنيا ما تسوى تحط شي بنفسك ولا توصله
عن المجتمع خذ لك سيدان زيك زي باقي الناس اذا جيت تبيع لين فيها سعرها وقطعها موجودهـ
كامل حبي وتحياتي
باختصار شديد يالغالي
اذا انت تودي اهلك دايما او عندكم في البيت سيارة ثانية وتقدر تاخذ اهلك فيها خذ الكوبيه ولا يردك الا اللون الابيض مررررررررررره فخم على الكوبيه
واذا مافي غير سيارتك في البيت واهلك كثير خلك على السيدان
تحياتي.
سيدان كان عندك اهل توديهم وترجعهم
كوبيه كانك وحداني
ولكن الشكل كوبيه احلى واجمل وتكون مميز
سيدان لك وللزمن
اذا انك بنجد او الجنوب انصحك بالسيدان لان الناس ماترحمك
واذا انك بالغربية اوالشرقية انصحك بالكوبيه
الي في بالك خذه والا اذا على كلام الناس بتصفى على سيكل
انا تارك سيارتي و الوالد هو اللي مستلمها
و الله اخوي يقولي ابوي ترك سيارته و قام ياخذ سيارتك ههههههه :d
^^^^
حتى انا خايف من كذا :mad:
قبل شوي كنت عندهم وركبت المواتر والكوبيه ضيقه حيل من داخل اقصد من ورى ،، لو يركب بزر صغير كود يصفط رجلينه لول
ازين مافي الموضوع الموظف طلع من قبيلتي واخذته النخوه تخبرون ،،، قلت له ابي نصيحتك وسألته عن كل الانواع
قال السته سلندر مالك فيها غاليه على غير سنع ،،، والكوبيه هج عنه << بصريح العباره
لو انه احد غيرك ماقلت له هالكلام :cool:
خذ لك اربعة سلندر فل كامل افضل شي،،، قلت له الصطب حق البي ام مهو موجود فيها وصراحه شكله خطير ،،، قالي تركبه بالغرابي ب 450 ريال ويولع نور هذا حق الوكاله بس عاكس << صراحه اقنعني
وبالنسبة للعائله والله عندي عائله بس مهب دايم راكبين معي يعني بالاسبوع يركبون مره ماتفرق من هالناحية لو اخذت كوبيه ومثل ماقال هوندا مان عيون الناس فعلا والله ماترحم
الى الان محتار ولكن احتمال كبير اخذ السيدان 4 سلندر وازبط فيها بالغرابي
اشكركم جميعاً
كل المعروض 2010 على كلامه،،، بس اللي شدني انه بمواصفات السيارة كاتبين 5 سرعات مهب 6 ؟؟ كل الانواع 5 سرعات ناقل الحركة مدري ليهاقتباس:
المشاركة الأصلية كتبت بواسطة عاشق السوسو
انا اشوف انه الستة سلندر تفرق فرق شاسع في القوة و العزم ..............
اذا الكوبيه ٦ سلندر و انت تحي التميز انصحك فيها بقوة .
تبيها شكل خارجي الكوبيه ..
اما الداخلية الخلفية مساحة ضيقة الامامية مــره حلووه تدل إنك راكب سيارة رياضية ..
ولكن إن كنت معرس خذلك السيدان ..
وإستخيـر ربك ..
وإن شاء الله أقدر اكون قد أفدتك ..
تحيــاتي
اخوي خذلك السيدان وارتاح انا فكرت ورسيت على السيدان وخلاص
أنا ما جربت و لا وحده منهم
لكن الكوبيه له هيبه أكبر بكثير من السيدان
و أن أشوف الكوبيه أجمل و شبابي أكثر
لاهنتوا اشباب
انا فكرت فيها وعلى قولة موظف المبيعات (اذا تبي تركب جنحان وتطير خذ 6 سلندر) بس وين الطيران اللي يقولون عنه
هذي اخذها لاصرت موظف بجده او بالشرقية واهلي بالرياض امسكها خطوط والعن ام مها ،،، بس ال 4 سلندر بعد مهب مقصره خصوصا اني بالرياض وشغلي بالرياض مهنا فرق
الله يجزاكم خير والله اني استفدت منكم
انا سيارتي هوندا كوبيه خذتها 2009 بس اهيه موديل 2008 مريحه حيل وبصراحه واسعه ما تحس انها كوبيه وشكلها جذاب بس انا تحسفت باللون خذتها سيلفر احلى لون برايي سموكي
لو بتاخذ رأيي .. بقولك لا تاخذ هوندا من الاساس .. لووول
بالتوفيق ان شاء الله
معليش اذا بتاخذ كوبيه يا v6 اذا كنت تقدر عليه والا لا تاخذ
تخيل سياره سبورت l4 والله ما تجي
اللي عندي أياها سيدان وكان خاطري بالكوبيه وللحين خاطري فيها والله من تمر علي بالشارع أصير جني مينون آبقق عيني فيها هههههه
بس الوالد للأسف ما رضى آخذها مع إن سيارتي السيدان من خذيتها للحين محد ركب بالخلف !!!
وشخصيا أنصحك بالكوبيه إذا خاطرك فيها
شوف خيو
كانك تبي الكوبيه خذها بدون تردد
بس الافضليه للسيدان
تدري ليش
لانها مرغوبه اكثر
ولها اكسوارات اذا حبيت تعدل
اما الكوبيه
مافيها اكسوارات
وبعدين شكل السيدان افضل من الكوبيه
مع احترامي للجميع
والله ياخوي اذا انت تبيها يعني لك وللزمن افضل السيدان
ولكن اذا كان نفسك في الكوبيه فلاتشاور احد وتوكل على الله
إذا بتأخذ 6 سلندر خذ كوبيهـ ... وإذا بتأخذ 4 سلندر خذ سيدان ,,,