الحقد والحسد !

السلام عليكم ورحمه الله وبركاته

اتمنى انكم في أفضل حال

اول شئ احب اشكر ربي على النعمه الي انا فيها

واحب ابلغكم اني استلمت السياره يوم السبت

وطبعاً من الفرحه ماقدرت اخش النت ولا المنتدى

المهم ياجماعة الخير ,

اول يوم والله ماقدر اوصف شعوري :rolleyes:

ماقدرت انام ومافيه اي شئ كان يشغلني غير الملكه لبى قلبها

استلمت السياره بعد صلاة العصر مباشره

وعبيتها بنزين وكل شئ كان تمام التمام

وما اسمع الا المؤذن يقول ( الله اكبر ) عز وجل

واصفط السياره عند المسجد الي قريب من البيت :rolleyes:

ويوم اني طلعت من المسجد

لقيت واحد الله يسامحه ماقصر استلم السياره بمفتاح على الكبوت

قلت مو مشكله الحمدلله على كل حال وان شاء الله انه يبعد شوي من غيضه

وعدت الايام والناس عرفت اني شريت سياره

وحبايب قلبي باركولي ,

بس الطرف الثاني !!

اخليكم مع الصوره :(

http://www.m5zn.com/uploads/2010/3/4...hfivmoc53r.jpg

حسبي الله ونعم الوكيل !

وش تنصحوني به :(

ماعندي لك حل إلا أني أقول

حسبي الله على من كان السبب

و إن شاء الله إنها تكون عن العين

حسبنا الله ونعم الوكيل , قسم بالله ناس ما تستحي :mad:

ان شاء الله خيره ..

:: عندي حل وبنسبه 50% يرجع ان شاء الله وتخف

روح لزيبارت وخلهم يلمعونها لك بمواد خاصه للاشياء الي مثل كذا

وان شاء الله تخف

وقل لنا وش يصير

لآحول ولآقوة إلا بالله العلي العظيم ..

الحصد والحقد أعمى قلبه يآلطيف .. أعتقد بملمع نآعم أو خشن بإذن الله تروح ..

لو كثر روح أشتكي الحكومة .. يرآقبون السيآرة أقل شي بس يــبـيـلك شغلة عشآن تقنعهم ..

مآدري بس وآحد من أخوياي

تجرحت سيآرته أكثر ن كذآ

وعطآهآ بوليش وما شاء الله ولآ كأنه صار شي

لكن أنت أسأل برضو عن الحل الأنسب أكبر عدد

وحسبنآ الله ونعم الوكيل

لاحول ولاقوة إلى بالله الله لايوفق الي سوى كذا :mad:

ممكن بالتلميع تروح إن شاء الله

ولو تقدر تدخل الساره بالبيت ماتتركها بالشارع يكون أحسن أأمن لك من عيال الحرام

وانت كل ماتنزل من سيارتك إدع هذا الدعاء { أستودعك الله الذي لاتضيع ودائعه }

وبيحفضها لك رب العالمين إن شاء الله ..

مبروك والله يعينك

بالتلميع تروح انشالله بس حاول انك تبتعد عن مكينة التلميع او تستخدمها بمكان الخدش نفسه
لانك اذا لمعتها بالماكينه كامل بتعاني مثل ما انا اعاني مع اللون الصعب

وتحياتي لك

أخوي حاولـ توقفــ عند المسجد مرهـ ثانيهـــ ونفس الوقت

ووقفهأإ وخشـ وطلع مع الباب الثاني وزبن بقربـ مكأإنـ وراقب

وانشاء اللهـ يطيح في شر أعمالهـ

لا حول ولا قوة الا بالله الله يكافينا شر الحاسدين يا رب
طيب اخوي انت توقف السيارة في قراج ولا خارج البيت حاليا؟

ياساتر .. لا حولا ولا قوه الا بالله
طيب اش استفاد في الاخر
ماعليه ان شاء الله تروح ولا يبقى فيها اثر
وحاول تغير مواقفك الي توقف فيها سيارتك في العاده

اللهم عليك بمن اذى اخوه المسلم متعمدا
اللهم شل اطرافه وجمد الدم في عروقه

ياحبيبي هذا متعمد ويبغى يظرك

الله يكون في عونك

الله لا يوفق اللي سوى في سيارتك كذا وفيه ناس حاقده وما تستحي على نفسها وحاول تسوي لها تلميع ممكن ينفع معاها..
وأنا مثلك واحد الله لا يوفقه ويكسر يدينه خمش لي الجهة اليمين من سيارتي في البابين والرفرف الخلفي وانقهرت وقتها بس وش تسوي مع هالنوع من حثالة البشر..

حتى انا ماسلمت منهم ضرب علي كمبيوتر السيارة بسبب العين لاحول ولاقوة بالله:(

اخي الفاضل
السلام عليكم ورحمة الله وبركاته

لقد قرات راسلتك وتأثرت بها واحب انصحك لله

اولآ حتى يمكننا العيش بسلام يجب عليك التالي:

• تشغيل صورة البقره في السياره دائمآ
• اذكار الصباح والمساء وبانتظام
• الاستغفار

حافظ على هذه الافعال البسيطه وان شاؤ الله ما يصيبك مكروه سواء في السياره او المنزل

فقنا الله واياكم لما يحب ويرضى

دمتم بود وعز

حسبي الله ونعم الوكـــيل الله يعينـكـ إخ ــوي ..

وح ــآفظ على الادعـــيه في السسيــآره

بسمه تعالى :


الحمد لله أنها جائت بالحديد و لم تجأ لشخصك الكريم ....لا حول و لا قوة إلا بالله ... المؤمن مبتلى و ليس له سوى الصبر فإن حرق الأعصاب و نتف الشارب على مشكلة لا يمكن حلها إلا بأن يهتدي ذلك الشخص بهداية الإسلام و كف الأذى عن الغير و نزع الجهالة و الضلال من عقله و قلبه ....أثابك الله و ذهبت حسنات ذلك الشخص لك و رب مضرة تأتي بعدها مكرمة من العزيز الجليل و رحمة الله واسعة ... أدعوا لمن فعل ذلك بالهدي و الصلاح و المسامح كريم ...فربما هدأت عينه و إنطفأت نار حقده بعد فعلته تلك ....لا تخف فيوجد مواد متطورة حاليآ ببعض محال التلميع تأـي بالنتيجة ....بالتوفيق.

http://pccorner71.jeeran.com/photos/224531_l.jpg

جزاكم الله خير جميعاً

وحسبي الله ونعم الوكيل على من كان السبب

وبإذن الله المع السياره اليوم وارد لكم خبر

بس والله للحين ماغلستها - للحين ريحة الوكاله ماطلعت منها :(

ااخ بس

يعطيكم العافيه ياشباب على التفاعل

اخوي والله مسوين لي نفس الخدوش ونفس لون موترك
بس احتسابها عند الله يوم العرض الاكبر

حسب الصورة انها ممكن تروح بالتلميع الا بعض الخطوط

حاول تلمعها بمركز ممتاز وان شاء الله تطلع مثل قبل :)

الحمد لله انها جات على كذا < أنا من ثاني يوم صدمت فيها وراح جزء من الجنب :(

ومثل ما قالوا الأخوان ممكن تروح بالتلميع

لا حول ولا قوة إلا بالله

انا لما طلعت سيارتي صار فيني اشياء غريبه ناس تكتب عليها بقلم احمر ويحطوون عليها رمل ما ينشال الا لما يكنسونه من كثره غير التشخط عليها وساعات اطلع الاقي طبعات احد صاعد عليها يعني شافت الويل سيارتي ...

صج الحسد حده مشكله مشكله

هلا اخوي .
ودها تلميع اكيد راح يرجع مثل اول . واهم شي لا تحط سيارتك برا .
احسن شي دخل سيارتك بداخل الكراج راح ترتاح وتفتك من المبزره الي بالشوراع . وحاول تشتري استكر مكتوب عليها مشاء الله تبارك الله . اكيد راح تدعيلي بالخير بعد ما تشتريها ولصقها بالخلف .
تحياتي للجميع :o.

أعوذ بالله هذا شكله من شياطين الأنس :mad:

حسبي الله ونعم الوكيل ابي افهم وش يستفيد ؟؟!!

الله يهون عليك مصيبتك ومشكلتك ومثل ماقالو الأخوان الأعضاء ودها محلات التلميع ويزين كل شي

لاحول ولاقوة الابالله :( شي يقهر

جرب التلميع عساء ينفع بس

وبعدها حاول ان توقفها بموقف آمن لن ها المرهـ جات على خدوش واشياء بسيطه

الله العالم الدور على ايش !!!

والعيال الحرام كثير

احتسبها دفعه بلاء ومعوض خير

اقتباس:

---

المشاركة الأصلية كتبت بواسطة أكورد~~~مكة

لآحول ولآقوة إلا بالله العلي العظيم ..

الحصد والحقد أعمى قلبه يآلطيف .. أعتقد بملمع نآعم أو خشن بإذن الله تروح ..

لو كثر روح أشتكي الحكومة .. يرآقبون السيآرة أقل شي بس يــبـيـلك شغلة عشآن تقنعهم ..

---

معليش لو رحت تشتكى الحكومه اظن يطردوك مع الباب
راح يقولك احنا فاضيين لك ولسيارتك
مالك الا تدعى عليه
الله ينتقم منه ايش استفاد

حسبي الله على من كان السبب

و إن شاء الله إنها تكون عن العين

لك بالحارة عداوات ..؟؟

سواء صغار او كبار .. الشك يروح لهم ..

يرسلون اخوانهم الصغار بغرض التخريب حسبي الله عليهم ..

طيب ابغى افهم

ليش الناس المريضة هذه مانلقاهم عند المولات .. ليش عند المساجد بس ؟!

صاحبي عنده سيفيك جاء معدي من عند مسجد .. جاه واحد مستعجل يبغى يلحق الصلاة و دقة ؟

يعني الواحد يوقف برا الحي و ينزل يروح المسجد ؟!

اسأل الله العظيم ان يهديه

ولاتنسى اخوي انه الدنيا دواره يعني الشي هذا بيصير فيه

والله يعينك اخوي

اقتباس:

---

المشاركة الأصلية كتبت بواسطة البراك

طيب ابغى افهم

ليش الناس المريضة هذه مانلقاهم عند المولات .. ليش عند المساجد بس ؟!

صاحبي عنده سيفيك جاء معدي من عند مسجد .. جاه واحد مستعجل يبغى يلحق الصلاة و دقة ؟

يعني الواحد يوقف برا الحي و ينزل يروح المسجد ؟!

---

هذي هينه

طيب تخيل رمضان انا رحت اصلي صلاة العشاء ولما جيت بخرج الاقي سيارتين ساديين علي تخيل

يعني مااقدر اخرج ولو ايش يصير المهم انتظرت وانتظرت طلعوا طال عمرهم بعد صلاة التراويح وللاسف ليتهم شباب لا شياب وقليلن الادب

وقالولي ليش ماصليت التراويح كم رمضان بتعيش المهم ماحبيت اكثر او ارد عليهم احترام لسنهم

ياخي الدين معامله وعمره ماجا بالاسلوب هذا طيب اذا انت بتصلي التراويح لا تسد على الناس

وغير الحكات والدقات اللي تلقاها على السياره عند المسجد بحجة انه مستعجل ويبغى يلحق

والله المسجد اللي عند بيتي بعيد واروحه برجلي من كثر مانكبوا السياره يالله الاهم الاجر مو مهم الدنيا

واسف على الاطاله

الحمدلله انها جات على كذا انا نفس الطريقة واحد مشى المسمار عالسيارة دار مادار بس قول الله يتولى امره

حسبي الله عليية
والله مادري ليش كذا نفسية الناس دنييييئه
والله شافو الاخوان سيارتي والله أن من
ثاني يوم طلعتها من الوكالة
واذا جات على كذا بسيطه
لو تشوف سيارتي
تقول روح رشها من اول وجديييد
لاحول الله
إن شاء الله مع التلمييع بترووح

TeTo20

اقتباس:

---

المشاركة الأصلية كتبت بواسطة الوهم الاخير

اسأل الله العظيم ان يشل يد الفاعل شلل نهائي

ولاتنسى اخوي انه الدنيا دواره يعني الشي هذا بيصير فيه

والله يعينك اخوي

---

ادعيله بالهداية

الله يحرق قلبه باحب شيء عنده قولو امين

في بولش., بنفس لون السياره .,

جرب راح ينفعك

لاحول ولا قوه الا بالله
مالك الا تقول حسبي الله ونعم الوكيل
اما هذي الفئه من الناس فماحد يسلم منهم
ومبروك على السياره والله يحفضها لك من عيون الحساد

الله يعينك اخوي ,, !

انا نفس الحكايه ,, موتري كله خدوش ماادري من وين تجي !

خدوش ببضا وسودا :( ,, !

والموتر توه مامشى 15 !!

اللون عنابي نفسك ,, واسمع الاعضاء يقولون بولش ,,

وين فيه بولش ,, وبالريـآض هو ؟ وكيف عنده تلميعه نفس لون السياره مافهمت هالنقطه !؟