سيارتي الى رحمة الله

السلام عليكم

بعد 3 سنوات تقريبآ من العطاء المتواصل بلا كلل مع سيارتي اكورد 2007 v6 وبعد ما شهدت شوارع وطرق المملكه شرقها وغربها وجنوبها قوة الاكورد واللي اثبتت انها كانت تستحق كل ريال اندفعت فيه وكانت افضل سياره اشرتيتها في حياتي ولم اندم على قرار ابدآ

المهم بعد هذا المشوار القصير ( 3 سنوات فقط ) قدر الله علي وشاءت قدرته ان يحصل لي حادث مروع قبل 3 شهور والحمد لله على قضائه وقدره وعلى رحمته ان خرجني من هذا الحادث سليمآ معافى ...


طبعآ الحادث كان وجه لوجه والتصادم كان قوي والسياره راحت تشليح مافيه شك بس حبيت اوريكم صورة السياره بعد الحادث للعبره اولا

والشي الثاني احب استشيركم في سعر السياره تشليح كم تتوقعون تجيب وايظآ الجنوط الاربعه الاصليه ( شد بلد ) وطبعآ المكينه اوكيه ماجاها شي الحمد لله

هذا قضاء الله وقدر لاحول ولا قوه الا بالله :(

الله ياربى ياكريم يعوضك احسن منها ياكريم :cry:

والله على حسب حالت السياره ويالله يارجل معوض انشاءالله خير حتى انا جاتني ضربه موجعه في حادث الله لا يعيده من جد تالمت خاصه للي يحافظ على السياره ةيجيه كذا والله حسيت فيك مشكله

الله يعوضك بخير منها يا رب
ان شاء الله انها تكون خيره لك
((ان لله وانا اليه لراجعون اللهم اجرني في مصيبتي واخلف لي خيرا منها ))

ربك يعوض والحمدلله عسلامتك في الحديد ولا فيك

يالطييييييييييييييييييف
الحمدلله على السلامه

للاسف ودي افيدك بس ماعندي خلفيه

الله يعوضك الاجر والخير ويعطيك ما تتمناه
وبالنسبة للتشليح اكيد بتجيب سيارتي انسرقت منها مرايات كهرب مثل حقاتك ورحت التشليح لقيت يمين يسار بــ 1300 و فوق بعد يعني لو تسمكرها وتصلحها يمكن تكلف عليك شوي بس لو تبيعها تجيب لك اكثر من التشليح

أسأل الله أن يعوضك بخير منها ويستر علينا وعليك وعلى المسلمين أجمعين من هذه الحوادث يارب العالمين

وعليكم السلام

الحمدلله ع سلامتك اخوي وماتشوف شر ان شاء الله واخر الاحزان والله يعوضك بـ 2010 ان شاء الله

تقريبا تقريبا يعني مو اكيد حط احتمال يمكن تجيبلك اكثر ويمكن اقل

بحدود الـ 20.000 ريال

وان شاء الله اكثر

لاحول ولاقوة الا بالله

الحمدلله على السلامه

والله يعوضك بلي افضل منها

اقتباس:

---

الله يعوضك بخير منها يا رب
ان شاء الله انها تكون خيره لك
((ان لله وانا اليه لراجعون اللهم اجرني في مصيبتي واخلف لي خيرا منها ))

---

اللهم آمين

خير ماقلت هذا الدعاء


أعجبني هذا الرد :)

الحمدلله على سلامتك اخوي وفي الحديد ولا فيك

والله يعوضك بأحسن منها يارب

وهذا مقدر ومكتوب

بالنسبه للجنوط انا اشوف انك تفكها وتلمعها وتبيعها انت بمعرفتك وحتى لو طولت عندك وماانباعت المهم انك تبيعها انت بأي طريقه لانه في التشليح بيبخسوك سعرها ويسوا عليك فاهمين (شغل استهبال)

اما المكينه ماعندي اي خلفيه عنها والله

واسأل الله الكريم ان يعوضك بأحسن منها

قدر الله وماشاء فعل

والحمد الله على سلامتكـ يا الغالي

والله يعوضكـ خير ويخلف لكـ بخير منها

الحمدلله على سلامتك وفي الحديد لا فيك
وربك اذا عافاك اغناك والسيارة بدالها مليون سيارة بس العافية ماتتعوض
والله مالي خبره بالتشليح بس انصحك الاشياء الي تقدر تفكها من السيارة مثل المرايا والمسجل والدرج والجنوط
شيلها قبل ما تبيعها للتشليح لانهم كذا كذا بيبخسونك في السعر والاشياء الثانية لمعها وبيعها بمعرفتك حتى لو تعرضها هنا بالمنتدى بتلاقي زباين لها
تحياتي.

الحمد لله على سلامتك

ممكن تجيب لك تشليح 27 الف ..لان المكينه والقير سليمه

الحمدلله على السلامة
الله يعوظك يارب

بسمه تعالى :

السيارة إلى مثواها الأخير و النفس تندب حظها لرؤية هذه الفاجعة و لسان حالنا يقول إلى متى ؟.... و لكنها العظة و العبرة و هل من متعظ ؟...... حمدآ لله على سلامتك و ما من مصيبة للمؤمن إلا عوضه الله خيرآ منها بالدنيا و الآخرة .... و لا حول و لا قوة إلا بالله.

الحمدلله على السلامه
وماتشوف شر ان شاءالله
.
ومعوض خيـــر يارب

الحمد لله على سلامتك
و في الحديد و لا في العبيد

السياره تتعوض ان شاء الله
اهم شي دام انت طلعت منها سالم
نحمد الله على كل شي

و نصيحتي يالخوووي
مثل ما قالوا الشباب
الاشياء الي تقدر تشيلها شيلهم
و اعرضهم هنا في المنتدى بتشوف لهم زباين

و انت ترا 6 سلندر
يكفي مثبت السرعه و ازرار الصوت هذولا مطلوبين
و الجنوط كمااان

او اقول وقفها دخل البيت و بطلها كلها تشليح
بتجيب لك بالراحه في حدود 25

و اسف على الاطاله

معوض خير يالغالي والحمدلله انها بالحديد ولاهي فيك وإن شاء الله معوض خير والله يجبرك في مصيبتك..

أما عن الاسعار مالي خلفيه عنها بس على ماأضن انك خلاص بعتها تشليح صح.

الحمد لله على سلامتك الحديد يعوض لكن الروح لا تعوض واحمد ربك على كل حال

الف الحمد الله على السلامه

والله يعوضك بالصحه والعافيه

ولايورينا وياكم مكروه

اقتباس:

---

المشاركة الأصلية كتبت بواسطة tamim

والحمد لله على قضائه وقدره وعلى رحمته ان خرجني من هذا الحادث سليمآ معافى ...

---

هذا اهم شئ والله والحديد يتعوض وانا اخوك
الله يجيرك في مصيبتك ويعوضك خير ان شاء الله
بس حبيت اسألك السيارة كان عليها تأمين ؟؟

الحمد لله على السلامه ماتشوف شر , نصيحه بعها ودور مستعمل

انا انصحك انك تفك الجنوط وتبيع السياره بدون جنوط وفك المسجل حق السياره وبيعه

الحمدلله على السلامة وماتشوف شر

الحمد لله على السلامه ... ماتشوف شر -إن شاء الله-
تكفير من الذنوب يارب ...
السيارة أتوقع تجيب لك من 20 ألف إلى 23 ألف ريال ..

اشكر كل من رد على الموضوع

والله يسلمكم من الحوادث ويكفيكم واهليكم شرورها

بالنسبه للسياره مانباعت الى الان واقفه امام المنزل وبيني وبينكم مافضيت لها من يوم الحادث لاني امشي على عكازات من اصابات الحادث والشفاء من عند الله سبحانه ، وبصراحه ماعرف وش المشاكل اللي بالسياره بالظبط عشان اقدر احدد موقفي منها ، طبعآ انا رايح ابيعها تشليح اكيد ولكن تفرق في السعر اذا القطع الداخليه اوكيه او لا ...

بس الصراحه والله ردود بعض الاخوان حمسوني ان السياره ممكن تجيب 20 الف لانه بصراحه عرضتها على بعض اصحاب التشاليح وبخسوني سعرها بقوة

على العموم انا فكرت انه اذا جابت السياره سعر حلو كاش بابيعها بكل قطعها لاني محتاج الكاش في اسرع وقت ، واذا ماجابت قيمه ساعتها بفككها وبابيعها تشليح لان فيها قطع كثيره سليمه وساعتها اعضاء المنتدى من اصحاب الاكورد لهم الاولويه وبالاسعار اللي يحددونها

تحياتي لكم ...

الحمدلله على سلامتك وماتشوف شر