السلام عليكم ورحمة الله وبركاته
اتمنى تكونوا بصحه وعافيه
بدون مقدمات طويله وبدون نصائح وفلسفة
انا ما احب السرعه وغير مؤيد لها بصراحه
بس بعض الأحيان الواحد تسير له ظروف تجبره على التنازل عن بعض قناعاته
المهم
يوم الخميس الماضي تنازلت شويتين عن قناعتي بالقياده الهاديه والراكزه
كان عندي مناسبه في منطقة تبعد عن ينبع تقريبا 100 كلم
ولسبب سوء التخطيط من المنسقين وعدم التزامهم بالوقت المحدد فقد تأخرت عن موعد المناسبه
وانا ماشي في الخط بسرعة 200 كلم/ساعه (ان شاء الله ما اكررها)
(طبعا ما ابغى اتفلسف واقول اني ماحسيت اني ماشي 200 خخخخ)
المهم
فجأه وانا طاااير عدى من جنبي كامري 2010 وسار ماشي جنبي بالضبط
كعادتي ما اعطيت الموضوع اي اهتمام لأنه كثيييييير يحاولو يتحرشوا فيا (لاتفهموها غلط) عشان معايا 6 سلندر
وطبعا الكامري اعتقد تفصل على 240 او 220 فلا استطيع مجاراتها ولا اريد
بعد مسافه التفت عشان اشوف ليش هذا مصمم انه يمشي جنبي ولفت انتباهي انهم قاعدين يصوروني فيديو خخخخ
طبعا الوقت كان في الليل وما اعرف كيف يصوروني خخ
واتوقع انه بكره تطلع في اليوتيوب ويقولوا كامري طرحت اكورد كوبيه 6 سلندر
لأنهم كانوا يصوروا طبلونهم ويصوروني بكل استهتار وعدم تركيز في السواقه وتشتيت لإنتباهي
اول ماشفت الكام ضربت فرامل وهديت السرعه الى 140 كلم/ساعه
ومازالوا يتمحرشوا خخخخ
ايش الحل في الشعب اللي زي كدا
اسف عالإطاله
منظر تعليقاتكم
:)
