عاجل جدا جدا جدا .. سيارتي انسرقت بالرياض

بسم الله الرحمن الرحيم

السلام عليكم ورحمة الله وبركاته

اولا اسال الله ان لايريكم مكروه وان لايحدكم على ماحددت عليه وان يديم علينا وعليكم الامن والامان

داخل المنتدى وانا كلي امل بفزعتكم

انسرقت سيارتي يوم الجمعه الموافق 21/6/1431 بمدينة الرياض من شارع الستين ( صلاح الدين ) من امام مطعم مقصود الساعه 11 ليلا

مواصفات السياره

النوع / هوندا اكورد اسبشل
الموديل / 2009
اللون / ابيض
رقم اللوحه / ا ص هـ 8929 لوحات طويله


تكفون فزعتكم يالربع وحسبي الله ونعم الوكيل

هذا رقم جوالي 0564979782 فيصل

استودعكم الله الذي لاتضيع ودائعه

الله يعينك ويارب تلقاها بأقرب وقت
والأعضاء اللي من الرياض أوفياء وما بيقصرون يا غالي
ولك اني أفتح عيوني بشوارع أبها ,
تحياتي

ان شاء الله بتلقاها والمال الحلال ماتاكله النار

بس خلي ايمانك بالله قوي وأدعي انها ترجع لك سليمه ..

ولك مني انا ان شاء الله اتنظر لها بالقصيم { بريده }

انا عن نفسي بشوف لك بجازان

لان اكثر السيارت المسروقه بيحصلوها بجازان

انته عارف تهريب مخدرات وحشيش وقات والله يستر عليك

ويرجع لك سيارتك بالسلامه

مال الحلال ما يضيع انشالله وانشالله تلقاها

تم نسخ الموضوع للقسم العام + تغيير العنوان ليدخل الاعضاء

الله يكون بعونك ويعوضك ويرجعها لك زي ماكانت وافضل يارب ,,,


وحسبنا الله ونعم الوكيل على من سرقها والله لايوفقه دنيا واخره ,,,

الله يكون بعونك والله :(

اتمنى انك تكتب الموضوع بمنتديات كبيرة عشان تستفيد اكثر

وان شااء الله يارب ترجع لك سليمة

وحسبي الله عليهم

لاحول ولاقوة الابالله :(
الله لايوفقهم لادنيآ ولاآخره هاللي يسرقون :mad:
بس وشلون انسرقت ؟ مخليها مشغله ؟ :(
مآعليك ان شاء الله بنحوس عليها :aa_Police:

إن شآء الله بتلقآهآ قريب بإذن الله

بس لا تنسى الدعآء
"اللهم يآ رآد يوسف لآبيه رد لي ضآلتي" :o

"اللهم أجرني في مصيبتي وأخلف لي خير منهآ"

الله يعينك أن شاء الله بتلقاها قريب أنا سيارتي أنسرقت من الشرقية
ولقيتها فالرياض في حي النسيم والحمد لله مافيها شي بس القزازة
ألي وراء مكسورة الكلام هذا قبل شهرين

اشكر لكم تفاعلكم ولاخلا ولا عدم

عسى الله يحفظكم ان شاء الله ولاتشوفون مكروه

أتوقع تلقاها بالنظيم أو العزيزية ولكن من وين إنسرقت و إن شاء الله أساعدك في إيجادها

الله لايهينك اخوي برق ويحفظك

انسرقت بالرياض شارع الستين بحي الملز

لاحول ولاقوة الا بالله

حسبي الله ونعم الوكيل في الي سرقها

اخوي انصحك تنزل موضوع في منتديات الهجولة والتفحيط لعلهم يساعدوك

ومن منتديات الهجولة والتفحيط منتدى البحري وان شاء الله يفيدوك

وانا عن نفسي راح ادور عليها في جدة

ونصيحة لاتترك السياره شغاله وانت منت فيها حتى لو بتحط شي في الشنطة قفل السيارة

حسبنا الله على الحراميين

والله انا بعد صارت لي

بس سرقوا لي كفر ووقفوا الموتر على بلك حسبي الله عليهم

ان شاء الله موترك يرجع

شدوا حيلكم ياشباب تكفون

اقتباس:

---

المشاركة الأصلية كتبت بواسطة abdelslam

ان شاء الله بتلقاها والمال الحلال ماتاكله النار

بس خلي ايمانك بالله قوي وأدعي انها ترجع لك سليمه ..

ولك مني انا ان شاء الله اتنظر لها بالقصيم { بريده }

---

الله يمحطبه ليل نهار :mad: . إن شاء الله خير وتلقى السيارة ومني نفس كلام الاخ عبدالسلام.

بيض الله وجيهكم يالربع والله العظيم ردكم ودعائكم ووقفتكم يعنيلي الشي الكثير

وماهي بغريبه على الرجال شرواكم

وصدقت اخوي انمار ماعاد به امان الله يكفينا ويكفيكم شر كل من فيه شر

لكم مني كل تقدير واحترام

قسم بالله ناس مالها ذرية احساس الله لايوفقهم لادنيآ ولا آخره

حرام والله !! ناس تشتري السيارة من عرق دمه

وناس فاضيه لاشغل ولا شي تسرق

الله يردها لك بالسلامه

طيب يالغالي مافي شي يميز السياره غير الوحه

زي ماقالك انماار

حط موضوع بمنتديات الهجوله والتفحيط

حسبي الله ونعم الوكيل بس

عالم ماتخاف ربها

ولك مني كل حاره في الشفا وكل داعوس ادور فيه ولا يضيق صدرك

اخوي لك مني 3 مناطق ادور فية النزهة والمصيف - الصحافة والعقيق - السويدي وضوحية

آخوووي آذآ شآكـــ

آنـ الي سآرقينهآ مرآهقين ( دور في شوآرع التفحيط ) < مآ آتوقع لآنهم يبون موتر قير عآيدي

وآنـ الي سآرقينهآ تكرنآ وعبندآ ( فيه في آقرب سترآحه يفككونهآ )

لاحول ولاقوة إلابالله

الله يعوضك بخير إن شاء الله

لك مني ادورها بحي الشفا كله ولا مو بس الشفا الرياض كلها بس تلقاها بس لاتضيق صدرك واذا لقيتها عطنا خبر

الله يردلك سيارتك ونشالله تلقاها لاكن روح لمراكز لموزين <<شركات الموزين وحط مكافئه للي يحصلها وهم يدورن معك خاصه اصحاب اللموزين هم مدوجين مدوجين بيدورون لك

انشاء الله تلقاه في اقرب وقت...؟
والله يرده لك سليـــــــــمه...؟

الله يردها لك سالمه وابشر اول ما اشوفها بدق عليك

طيب كيف انسرقة ؟؟؟؟
تاركة شغالة او منقزه

اعطينا مواصفات للسياره غير اللوحه

لأنه الوالد سيارته انسرقت

واللي سرقها على طول غير اللوحه

ولقينا السياره عن حدود اليمن

ملياااانه قات

ان شاء الله انك بتحصلها سليمه

أسأل الله العظيم رب العرش العظيم أن تشل يدهـ
أدع ربك أخي الفاضل بعد كل صلاة
وأن شاء الله ترجع سيارتك سليمه يارب
حسبي الله ونعم الوكيل
لو يطبق الشرع مثل أول ماتمادى الحثاله على افسااااد ممتلكات المسلمين تلقى الديون راكبه راسه علشان يمتلك سياره وفي الاخير
يعبثون بالممتلكات ولاحسيب ولارقيب حسبي الله ونعم الوكيل

اكيد في احد شوارع التفحيط

الله يعينك يارب

حبيبي انت بلغت انا سمعت أن الي يترك السياره شغاله ما يقبلون بلاغه وبعدين الي اخبره يقولون اللوحات الجديده فيها شريحه تحدد موقع السياره وصدقني اكورد ما أخذها إلى واحد يبي يفحط , وبالأخير إنشاء الله تبي تلقهى لأن الي سارقه إذا خلص منها ينزلها في اي مكان , بس إذا لقيتها رد لنا خبر وكل واحد من الشباب رح يشوفوا لوحت كل أكورد في الطريق لعلهم يفيدونك وهونها تهون

ان شاء الله تحصلها بأقرب وقت

بس كيف انسرقت؟؟ اكييد شغالة:d

الله يردها بالسلامة ..

والله وصيت شباب بالنسيم والنظيم والسلي وان شاء الله يردون لي خبر،، حتى رقم جوالك خزنته

الحمدلله الذي عافانا مما ابتلى به كثيراً من خلقه << قولوا هالدعاء وان شاء الله ماتنسرق مواتركم

ابشركم لقيت السياره ولكن بهذا الوضع


http://arb-up.com/v5rsfdd6h738/20100609855.jpg.html

http://arb-up.com/xeqjzmfhjo6s/20100609860.jpg.html

http://arb-up.com/y37ziby1g26f/20100609861.jpg.html

http://arb-up.com/m17rgtt34mh8/20100609858.jpg.html

http://arb-up.com/oic8kv4kju29/20100609862.jpg.html

http://arb-up.com/5gcwcn9dl2ne/20100609864.jpg.html

http://arb-up.com/4350r8qlwbwy/20100609866.jpg.html


حسبي الله ونعم الوكيل

لا حول ولا قوة الا بالله العلي العظيم

قول: (( اللهم أجرني في مصيبتي وأخلفني خيراً منها))

الله يصبرك ويعينك على ما ابتليت به

الله يعوضك بأحسن منها يا رب

:(