عرض للطباعة
عندي دودة السياره تهرب زيت
فحصتها قالوا اصلاح
التكاليف اختلفوا وما اتفقو
لقيت ورش تصلح شغل يد بـ 200 وورش ثانيه 450 الى اخر واحد ورشة عبدالعزيز اللي في شارع المدينه مع تقاطع حمزه طلبو عليها 750 ريال شغل يد
احترت وما عاد ادري وين اوديها
العاده ادخلها الوكاله واصلحها لكن هالمره الوكاله غاليه ( لا زم جديده ومايسوون اصلاح) وتكلف 4500 اقل شي اذا ماطلعوا حاجات ثانيه
اذا فيه احد سبق وأن هربت معه الدوده يعطينا رايه وتجربته في الموضوع
:dويعطيكم العافيه:d
اعرف ناس كثيرين صلحوها لانها دايم تخرب ...
سعر القطع ٣٠٠ ريال
شغل اليد ٣٠٠ ريال
ويمكن يعطيك خصم ٥٠ ريال
وانا من اللي صلحوها قبل اكثر من سنة وللحين مافيها الا العافية ..
ورشة رقم ٢٠ في صناعية ام الحمام
وينكم يا شباب
فزعتكم معانا
ترى محتاجين اصحاب التجربه
دلون على ورشه زينه نضمن شغلها وامانتهم
تكفووووووووووووووووووووووون
انا قبل حول شهر صارلي نفس مشكلتك تهريب زيت الدوده
ونصحني واحد اعرفه راعي ورشة سعودي طبعاً قالي شف لاتصلح السيارة عند ورشة ميكانيكا بما ان الموضوع الدوده
قلت ليش ؟
قال لان في محلات متخصصه باصلاح الدوردة والهايدروليك يسوون لها تجديد بالكامل وبقيمة 500 ريال فقط في الصناعية القديمة
زبدة الموضوع في محل بالصناعية القديمة اسمه الطائر للهيدروليك يفكون لك الدوده ويصلحونها وانت واقف خلال 3 ساعات وعندهم مصنع كبير يعيدون تصنيع قطع الدورة واهم شي العماله فلبينية
طبعا صلحت سيارتي اكورد 2004
ويعطونك ضمان 4 شهور عليها
اتمنى اني افدتك واذا تبي وصف الورشة
الصناعية القديمة - الرياض
وانت في شارع الامير سلمان جاي من مخرج 17
تجيك اول اشارة بعد النفق الكبير
لف يسار
ابتل علطوووووووول لم يجيك حرف تي
رح يمين
يجيك حرف تي
ديور
اول لفه يمين
يجيك اول تقاطع كبير
تلقى على يسارك ورشة هايدروليك لوحتها صفرا ماعليك منها جنب الورشة (يعني تلف يسار ) وتخلي الورشة ام لوحة صفراء على يسارك تلقى الطائر للهايدروليك على اليسار محل كبير
مر المحل وشف اذا ناسبك والله يكتب لك اللي فيه الخير
اقتباس:
المشاركة الأصلية كتبت بواسطة Accord V6
مشكور اخوي Accord V6
ابروح لهم يوم السبت انشاء الله العصر وربنا يكتب اللي فيه الخير
الف شكر لك على افادتك الجميله
انا قبل شهر مصلح الدودهـ
بـ 550
نصحني اخوي مصعب (B Useful)
واخوي مجوودي
في ورشهـ 20 في ام الحماام
وعطووني عليها ضماان 3 شهور
//تقبل مروري
اقتباس:
المشاركة الأصلية كتبت بواسطة mlo0ok
انا بصراحه مريتهم بس ما شفت الترتيب المطلوب اللي يخليك تثق في الورشه
طلبوا مني 200 ريال شغل يد
وقالو تحتاج نص يوم تقريبا
على العموم مشكور اخوي على مرورك واهتمامك
انشاء الله نصل للورشه المناسبه بمساعدتك ومساعدت الاعضاء الكرام
اكرر شكري لكل من شاركنا بإبداء تجربته وخبرته في الموضوع
مو لازم ترتيب وانا اخوك ... دام الشباب صلحوا عندهم ومعططينهم ضمان 3 شهور
غريبة
تهرب من 4500 وتهرب من 200 بكم تبيهم يصلحونها لك؟
بالتوفيق لك حبيبي
وأتمنى تصلح عند اللي قالوا الشباب
ولا تنسى مجووودي ومصعب من الأعضاء الثقات في المنتدى
يا شباب ابغى ورشة تسوي اصلاح الدودة مضمونه ومجربه في جدة لانه عندي بدا التهريب وابغى اصلحه
وابغاكم تدلوني لاني ما ابغى اطب في ورشة تخرب بدل ما تصلح وكم سعرها؟؟؟
ومشكورين.
اخوي مساء الخير
انا مجرب مركز الطائر وشغلهم جدا ممتاز
اللي في الصناعيه القديمه
ننتظر مزيد من الردود
انا صحلتها قبل اقل من شهر
القطعة ب 220 ريال اصلية
شغل اليد : 450 ريال (250 للمخرطة + 200 لابو يمن)
وعليها ضمان 3 شهور ... بورقة مختومة
السيارة موديلها 2006 ... اذا ماصلحتها لاتمشي عليها كثير وشيك ع زيت الدركسون
نصيحة اخيرة ....
زيت الدركسون اشتر الاصلي ACDelco ب9 ريال ولونه اسود
وانتبه من ابو 5 ريال اللي يجي لونه احمر
طيب ممكن تدلني على المحل الي عمل الاصلاح لك اكون شاكر لك.
الله يعينكم
لكن
أهم شي لا تستخدمون
" الزيت الأحمر " زيت القير الأوتو
استخدموا زيت دركسون الوكالة
ولا تزيدون المستوى أو تنقصونه
يعني المستوى لازم يكون صحيح
مشكور اخوي نو نيم
بس اذا سمحت تدلنا على الورشه
وهل حصل معك فرق في السياره بعد ما صلحتها
يعني تغير معك شي
ثانيا هل تحتاج الى وزن اذرعه بعد ماتصلح الدوده
أخ أبو أحمد
السلام عليكم
أخي الكريم انا قبل حوالي أربع شهور كان عندي نفس المشكلة وأخذت السيارة للوكالة وقالولي نفس الكلام ان الدودة تهرب زيت ولازم تغيرها ، وتكلف 4500 ريال إلخ .....
عموماً انا صلحتها بـ 650 ريال وطلعت الشغلة كلها عبارة عن طقم إصلاح جديد وساويتها عند ورشة بصناعية الأمير سلمان ، فيها واحد باكستاني بس معلمممممممممممممم إسمه محمد منير والورشة اسمها باشماخ بشارع بلقيس بالصناعية وهذا رقم هاتفن 014466943 طقم الإصلاح سعرو 375 ريال وأجرة يده 200 ريال وعمل وزن أذرعة بـ 70 ريال والحمد لله ماشاء الله مثل الليرة حتى الآن
شوفهن والله ييسرلك الخير يا رب
معلومات قيمة
شكراً لكل من أعطى معلومة في هذا الموضوع
مركز هيدروليك بجوار مركز الطائر للهيدروليك ..
هم الأفضل ومتخصصين في هالشغلة الشغلة راح تكلف 500-550 ريال خذ طقم إصلاح أصلي
واتجه لهم راح يركبون لك القطع ويعطيك ضمان 4 شهور , حاول تزود الزيت كل مانقص
حبيبي انا صلحتها في الوكالة
القطع 450 ريال
شغل يد 600 ريال
هذا الكلام قبل اسبوعين والحمدلله ضبط التهريب
اقتباس:
المشاركة الأصلية كتبت بواسطة accord v6
مشكور أخي على التوضيح ولكن ما أدري هل الذي من مكان بعيد (حائل) يكفيه الخميس من الصبح إلى المغرب وتكون جاهزة , وهل هم يشترون قطع الغيار أم صاحب السيارة ؟
الله يستر والله انا بعد بدأ يهرب الزيت واحترت بين الورشة اللي في صناعية ام الحمام وبين مركز الطائر
يا ليت تفيدونا وش الافضل بينها ؟
يا شباب امس رحت للورشة وقالي عندك تهريب في الدودة وش الدبرة عطوني رايكم
اروح بها لورشة ولا مركز الطاير للهيدروليك ؟
شباب موضوعكم المفروض يثبت كحل لدودة الدركسون لان اغلب ملاكها عندكم المشكله هذي
وش اللي يلزمني من الوكاله قبل اروح لمركز الهيدروليك الطائر ؟
اقتباس:
المشاركة الأصلية كتبت بواسطة b useful
ابشركم ...
الدودة عندي صارت تهرب زيت ..!
وشريت القطع*من الوكالة بالاضافة الى زيت دركسون بمبلغ 347 ريال ..
والوعد بكرة او بعدة بوديها ورشة 20 بصناعية ام الحمام ... !!
اقتباس:
المشاركة الأصلية كتبت بواسطة b useful
ههههه ماشاء الله لك سنتين على الاصلاح السابق
ننتظر تقريرك اخوي وياليت بالتفصيل الممل
سر ونحن ورائك دقة ساعة العمل ههههههه
عوافي يالغالي
ياشباب الطائر للهيدروليك الي بالدمام (الخضريه)
اخذ من 900 ريال وضمان شهر بس
والحين بعد تسعه شهور خربت علي مر ثانيه
هل في مكان ثاني افضل منه في الدمام ؟؟؟ بسرعهه
الظاهر الحال من بعضه أنا بدت عندي تهرب بعد
إذا فيه أحد من الشباب في المدينه يعرف أحد يصلحها
الله لا يهينكم
اخى الكريم قمت بتركيب اصلاح دودة وكلفنى 600 ريال ولكن المشكلة انى لقيت تقل فى الدركسيون وكمان احس ان وزنية الدركسيون مش مضبوطة
يا شباب بعد ما صلحت الدودو وسويت وزن اذرعة الدركسيون صار مرة تقيل ولو تلف يمين او يسار ما يرجع لحاله يبيله مساعده تكفون هل هذا طبيعى
يا شباب لو سمحت بقالي يومين بسمع صوت زنه في السيارة فتحت اليوم علبه زيت الباور لاقيته فاضيه تماما !!! و الله المستعان
رفعت السيارة عند ورشه لاقيت زيت اسفل السيارة تحت الدركسيون و قالي هذا دوده الدركسيون
ان شاء الله اروح اصلحها مثل ما قولتوا و لكن لو سمحت بعد الخبره و التجربه ايهما افضل هل هي ورشه الجنوب في الصناعيه القديمه ام ورشه 20 في ام الحمام المهندس تحسين ام مركز الهيدروليك اللى هو مركز الطائر ام كلهم نفس الشغل ؟؟ و مين يعطي ضمان فترة اطول على الشغل
شكرا
الصناعية القديمه
حقين الهدروليك
قد صلحت عندهم دوده سيارتي الاولى وابترا و صلحت عندهم طرنبة الدركسون للهوندا
تحياتي