عرض للطباعة
السلام عليكم ..
ندخل بالموضوع ع طول .. المهم
أنا معي 105000 ريال والأوريون قراندي بدون شاشة بـ 105 والاكورد الاربعة سلندر 99
طبعا كلهم 2010 وانا ابغى سيارة حلوه و مريحة بس اغير زيت و اعبي بنزين
يعني بدون عيوب و خرابات وانا ماتهمني ستة ولا اربعة سلندر
وانا في بالي اكورد 2010 فل جلد و اخوياي يقولون خذ اوريون يكفيك انها تويوتا
ومدري ايش ومن الهرج ذا المهم الي جرب السيارتين يعطينا رأيه
والي ماجرب هم بعد يعطينا رأيه
والله يوفق الجميع لما يحب ويرضاه ...
كامري سبورت camry se 2010 غير كذا لاتفكر
اوسيفيك 2010civic وغير كذا لاتفكر
الاكورد معروف مايحتاج اقول
هونداي كادينزا بانوراما
ياناس انا قلت اكورد و اوريون ماقلت كامري ولا هونداي ولا كيا
كان مايهمك السرعة والتسارع خذ اكورد
اذا اوريون لؤلؤي اصوت للاوريون اما غيره فالاكورد
اوريوووووووووووووووووووووووووووووووووووووووووووووو وووون
بدون منازع
اذا تبغى سرعه فيها
اذا تبغى عزم فيها
تبغى رساوه عندها
سياره كامله والكامل الله
هذي ما يبغالها تفكير وانا اخوك
إذا ما يهمك العزم خذ الأكورد
شوف لا تفكر اصلا تاخذ اكورد 6 سلندر فل .. لان الـ 4 سلندر فل نفس مواصفات الـ6 سلندر بالظبط مافي فرق غير بالمكانيكا
بالنسبة للتويوتا : كل الي على السيارة من اكسسوارات تلاقيه تماما بكيلو2 و قطع خايسة .. لا يغرك انها 6 سلندر و تطلع على سيارات كثيرة ، بس لاحظ انها بعد الـ 140 سلم لي على الرساوة
اذا محتار زيادة : خذ السيارتين ايجار و دووووس بإخت اختهم و شوف ايش يناسبك
و قبل اي شي
استخير الله
اذا مايهمك العزم الاكورد افضل
رح جرب السيارتين ., واركبهم ., وسقهم .,
بعدها بتقرر بدون ما تكتب موضوع ., او تسال أخويااك .,
:)
شوف خذ اكورد احسن لون لؤلؤى
اما الاوريون ترجع تيوتا وكل سيارات تيوتا عيوب حتى في الكزس
وصناعتها استراليه زي طقت الكامري والاكورد ياباني ميه ميه
اذا انت رجلك حاره وراعي سرعه خذ لك اورين بس تذكر ترا كا داخليه كامري بس اذا
انت راعي كيف ومروق اكثر وقتك انصحك با الاكورد حلوه وسياره تستاهل
كل السيارتين جيده ...
والاعضاء راح يزيدوا حيرتك الافضل انك تشوف وش الانسب لك وش تميل له اكثر
مر الوكالتين وجرب السيارتين واللي ترتاح لها خذها
أخوي بدون تحيز للهوندا لكن جودتها وفخامتها تجبرنا على مدحها
غير الاكورد لا تاخذ لان الاوريون هي الكامري اللهم المكينة 6 سلندر
نصيحة : خذ لك هوندا واترك عنك خمبقة تويوتا ...
والله القرار صعب
لكن انا اعتقد انك في الحالتين بتكون سعيد
زي ما قالو الشباب ان الكامري و الاوريون متشابهين من الداخل
لكن هذا لا يعيب السيارة ابدا
( انا من واقع تجربتي للاكورد 2009 بصوت للاكورد )
تم التصويت للأوريون
ويكفيك إنها 6 سلندر
وفوق هذا مواصفات ماتحصلها بالاكورد 2020 :p
غير الاكورد لاتفكر
الاوريون عيبها تويوتا ولاتنسى مشاكل تويوتا من 2009 وفوق
هــــــــــــونــــــــــــــدا أكـــــــــــــــورد
وعليكم السلام :)
يآهلا :rolleyes:
شف يالغالي التصويت والآعضآء بيصوتون على حسب ذوقهم واختيآرهم ، وانت بعد بتختآر سيآرة على حسب ذوقك< آحلف :d
علشان كذا اختر الشي الي ينآسبك آنت ولاعليك من شلهوب سدير ولامن غيره < انثبر الله يرحم وآلديك ترآك غثيتنا :mf_cupidhit:
وكلهم حلوين ، انت الحين خليتنا نحتآر مثلك :aa_bal3a:
الاكورد عزمها ضعيف والاوريون ماشاء الله طيآره :rolleyes:
والاكورد آحلى شكل بالنسبه لي :cool:
آقول ليه مآتآخذ سونآتآ الجديده فل كآمل < الظآهر بتتشوت الرجآل قال اوريون او اكورد وش دخل السونآتآ :d
والله يوفقك :)
لكل من قال ان الاوريون فيها مشاكل يثبت لي
لكل من قال ان الاوريون تلفيق ابو جمييل و قطع كيلو 2 يثبت لي
لكل من قال ان الاوريون كامري يثبت لي
ولا الكلام ترا جداااااا سهل
و المشكله اغلب اللي رد اذا ما تهمك السرعه .. حلوة ذي
ترا مو شرط معاي اوريون يعني مسرع و حق سرعه
و هذه الفروق بين الاوريون و الكامري للي ما يعرف و يمشي على كلام الناس
وللمعلومية كلها موجودة بالاوريون و غير موجودة بالكامري
ميكانيكيا :
- المكينة 6 سلندر
- القير 6 سرعات مزودة بنظام تتابعي ( تربترونك ect )
-نظام التعليق مزودة بقوائم امامية انضغاطية ماركة ماكفرسون و خلفية مزدوجة الوصلات لعمل استقرار و رساوة عالية ( نفس الموجود باللكزس )
انظمة سلامة :
- 8 ايرباقات متوزعة في المقصورة مع نظام الكبح الاضافي srs
- vsc
-TCR
- ebd
- wil
- مزودة بالتصميم العالمي المتفوق goa لمتصاص الصدمات عند الحوادث للتخفيف من اصابة السائق و الركاب
- بالاضافة الى abs المتوفرة ايضا بالكامري
مواصفات و اكسسوارات :
- الدخول الذكي
- التشغيل الذكي بضغطة زر
- مسجل 6 سيديات مع بلوتوث و التحكم من الدركسون و ايضا نظام aux ( الكامري سي دي واحد فقط )
- جلد طبيعي للدركسون
- جلد في كامل المقاعد
- مكيف الكتروني
- زينون فيلبس الالماني و محول دينسو الياباني
- نظام afs لالتفاف الانوار في المنعطفات
- مزودة بـ 6 حساسات من دينسو اليابانية مع العرض في شاشة المعلومات
- طبلون زينون ثلاثي الابعاد مع شاشة عرض المعلومات مثل ممشى البنزين و درجة الحرارة و معدل السرعه و معدل صرف البنزين و مدة الرحله و غيرها .
- رشاش اسطبات امامية
نصيحه لصاحب الموضوع
اوريون 2010 قراندي ماشاء الله تبارك الله اليوم ركبت مع واحد
الصلاة ع النبي تشوف العدسات تلف مع اللفات و هادية و كل شي ممتاااز و شكل الوجهية 2010 فخمة جدا
و فوق هذه لك التميز =)
بالتوفيق
كلهم حقات كرف
كلهم راسيات
كلهم كويسات
شف الي يعجبك بنظرك وتوكل
لان مسألة الخرابات بالسيارتين معدومه نوعاً ما ..
الأكورد ياباني و هوندا معروفة بالجودة والدقة بالصناعة و أغلب الأعضاء معهم قيمة الأوريون بس أخذوا أكورد و الأوريون
أعتبرها كامري والكامري غنية عن التعريف صحيح فيها بعض المواصفات و الفروقات ولكن تضل بنظري كامري و أفضل
حل إنك تجرب السيارتين وبعدها تقرر ولولا إختلاف الأراء لبارت السلع و أنت بمنتى هوندا الكثير متعاطف مع الأكورد
وراح يصوت لها ...
اكورد يكفيك انها ياباني وتجيك قطعه وحده من المصنع وارسي بكثير من الاوريون
لا احد يقولي الاوريون راسي مثل الهوندا الاكورد ارسى مع الخط بكثير
ايه وجهه نظرنا كذا تبغى تصادرها؟؟!!!اقتباس:
و المشكله اغلب اللي رد اذا ما تهمك السرعه .. حلوة ذي
ترا مو شرط معاي اوريون يعني مسرع و حق سرعه
اناا ياخي اشوف ميزه الاوريون عن الاكورد قوة المكينة
>>اتكلم عن الاكورد ال4سلندر
ولاشكل خارجي وداخلي ورساوة الاكورد افضل بكثير ولاتغرك الموصفات الي يحطها ابوجميل في مستودعه
ومعروفة الاوريون كااامري6سلندر
وبشرق اسيا اسمها كاامري
وبعدين مو انتوا تقولوا مايعيبها اسم كاامري بالعكس الكاامري معروفة بالكرف
ليش تزعلوا لمن نقول كاامري؟؟!!!
سلااام
انصحك بالاكورد وبقوه
سيبك من الشعب ماغير تويوتا
خلاص مو مشكله انا اروح عند الوكاله و اشتري كلمة كامري و اركبها بدال كلمة اوريون عندي بالشنطة
اتغيرت السيارة ؟! صار فيها شي جديد ؟؟ اتحولت لـ 4 سلندر او صار اي تغير مثلا ؟ عجيب ردودكم ما حصلتو الا كلمة كامري
مع ان ما يعيبها شي بالعكس الكامري عريقة و معروووووفة
بس انت بتشبيهكم هذه تعيبوها او خلينا نقول تحاولو تنزلو من قيمتها بشكل غير مباشر
واللي يقول بشرق اسيا و مدري ايش .. طيب ليه تحكم بمنظور واحد
ليه ما تروح لأمريكا و تشوف الكامري اللي عندهم نفس عندنا
ليه ما تروح استراليا و تشوفو الاوريون زي اللي عندنا
ترا الموضوع مسئله تسويق و اذا البعض مو عارف ايش يعني تسويق ما الومه
اخوي برق
يعني كل هذه الفروق وما عجبتك الاوريون ههههههههههههههههه
خلاص يا معلم كامري كامري مو مشكله
اروح انا اجرد المرسيدس من كل المواصفات و الاكسسوارات و اقول هذه كرسيدا ما عليك انت كل شي يمشي =)
واللي يقول تلفيق ابو جميل اتحدااه بأي شي لو جاب لي شي واحد بالاوريون الجراندي ملفق بالسعودية
و على فكرة اشوفكم تفتخروا بالصناعه اليابانية 100% < صرت اشوفها كثير
مع ان الموضوع المثبت حق اصوات الداخليه بالاكورد اووووووووووووه يا كثرها ولا الفحمات
يا ناس شوي شوي لا تخلو تفكيركم بالعاطفة للهوندا
و صدقني اللي قال الاوريون ماهي راسية ابصم بالعشرة لو ساقها
ولا الكلام سهل جدا
اشترها كلها :d
50 الف في الاكورد
وال50 الثانيه بالاوريون ..
حطها دفعه اولى .. والباقي اقساط .. :d
السلام عليكم ورحمه الله وبركاته وش اخبارك ان شاء الله بخير على العموم انا اشوف انك تاخذ اكورد تدري اخوي قبل اسبوع توه مرجعها للوكاه مع العلم ان الاوريون الي معه 2009 انا ما قلت شي السياره شكل وعزم ورزه بعد بس وش الي خله يرجعها يقول التنسيم اشغل مخي وثاني شي الرساوه لك عليها يعني مو زي رساوه الاكورد يلومني يا الاكورد وهي واقفه تشوفها فارشه الكفرات والاهم من هذا كله (الواحد ما يدري الرزق حقه وين انا افضل انك تصلي صلاه الاستخاره )وانتمنى ان الرساله وصلت وتقبل مروري
اوريون ولا تتردد
عبد الله هاشم ما عنده سالفة على الاقل عبداللطيف جميل متطور نوعا ما
اضافة الى انه الهوندا قاسية بشكل مو طبيعي
وهذا فرق جوهري انا كان عندي كامري مو اوريون والله العظيم ارتاح فيها اكثر من الهوندا
الهوندا تكسر ظهرك في المشاوير
خذ كلامي وانا والله الحين عارضها للبيع
في الاخير واذا تبي النصيحه مالك الا حل واحد...
صل صلاة الاستخاره والي يميل له قلبك توكل على الله وخذه
الله يكتب لك كل خير ويوفقك..
Silver Aurion
كل سياره خاليه من العيوب ., لاكن انت تبين من كلامك أن الاورين مافيها لا مشاكل ديكور ولا مشاكل ثانيه .,؟!!
تفضل: :)
بخصوص النقر على الزجاج .. من لدية العلم .
الدعسة لاصقة بالصاجج ومو راضية ترجع !!
تقرير :الحل لأصوات التندا ( فتحة السقف ) كفاية طقطقة
تم حل مشكلة السلف نهائيا
والقائمه تطول . :rolleyes:
ـــــــــــــــــ.,.,.,ـــــــــــــــــ
والمواضيع الي زي كذا دايما صاحب الموضوع يكتب .,
ويهج .,!!!!!!!!!!!!! :confused:
شكرا للجميع على ابداء الراي
المنتدى مليان مواضيع مقارنه وكلها هواش زي كذا
صلي الاستخاره وشوف السيارتين بمحل تاجير جربها واشتر اللي ترتاح له