عن أكورد 2010 أسالكم - عاجل أرجوكم!

السلام عليكم ورحمة الله وبركاته

هذه أول مشاركة لي في هذا المنتدى وإن شاء الله لن تكون الأخيرة إذا انضممت إلى عائلة الهوندا أكورد :cool:

أنا نويت على أكورد 2010 إن شاء الله ولكن أريد أن أسأل عن أسعارها بالوكالة كم؟

يا ليت تعطوني أسعار السبيشل والفل كامل 4 سلندر

هل فيه عروض تصفية على هذا الموديل أو لا بحكم قرب 2011؟

كم رقم وكالة هوندا في الرياض لاني جربت أتصل أكثر من مرة على الرقم 014464646 ولا أحد يرد!

هل فيه رقم ثاني غير هذا؟ أو هل فيه موقع للوكالة على الانترنت يعرض الاسعار والمواصفات؟

وإذا كان من نصيحة بخصوص هذا الموضوع فلا تحرموني اياها ولن احرمكم الدعاء :)

أرجو الرد بسرعة لأني مضطر أحسم أموري هاليومين :(

السلام عليكم
شف انا سالت عن قيمة السبشل قبل تقريبا كذا اسبوعين او ثلاث يقولي ب88,400الف ريال
وعن سوالك عن الموقع للعبدالله الهاشم للاسف مو موجود
ماعندك من بعد الله الا هالمنتدى
وهذا الي اعرفه وان شاء الله ماكون قصرت معك
والله اعلم

مشكور اخوي على الرد

88 الف والله غالية! يعني في هالوقت مو توها نازلة حتى نقول معقول!

طيب وفي المعارض كم اسعارها؟


مشكور اخوي مرة ثانية واذا كان احد عنده اسعار حديثة يعني هالاسبوع سأل عن السيارة والا يقدر يسأل ارجوكم عطونا خبر

في معارض جده قبل اسبوع / اسبيشل 88 و 84 ..الفل / مابين 95 و 98

بعطيك اقل الاسعار ممكن تحصلها بالمعارض ..

السبيشل من 83 الف الى 86 الف بالمعارض ..

الفل مخمل ماني متأكد انه فيه بالمعارض بس بالوكاله 98.900

الفل جلد بالمعارض على 99 الف و 98 و بالوكاله على 101.900 تقريباً

اصبر برمضان راح يسون عروض قويه احتمال خصم 5 الاف ع السيارة

وعليكم السلام ورحمة الله وبركاته
اول شيء بالنسبة للرقم اللي تتصل عليه هذا فرع الخالدية في الرياض
اما رقم فرع خريص 014454646
وبالنسبة للاسعار اللي اعرفه سعر الفل اربعه سلندر جلد 2010 تقريبا 102000
اما باقي الفئات والله ماعندي علم
وفيه موزعين في الرياض اسعارهم اقل من الوكالة بشوي اللي هم السبر في خريص ونساح في الشفاء
والله يوفقك بالسيارة اللي تسرك :) والله يعطيك خيرها ويكفيك شرها

مشكورين جميعا على المعلومات :)

يعني اذا حصلت بـ 84 او 85 يعتبر السعر هذا هو السعر المعقول ولا فيه مبالغة!

المشكلة اني شبه مضطر اخذها الايام هذي والا انا اعرف اذا جاء وقت نزول 2011 اكيد بيسوون عروض وهذا اللي قاهرني :(

طيب من الموزعين اللي تتكلمون عنهم ممكن معلومات بارقامهم للاتصال ومن اللي تنصحون فيهم تحديداً؟

جزاكم الله خير

بالنسبة للموزعين والله ماعندي فكرة عن ارقامهم
بس اذا انت من سكان الرياض شوف معرض نساح اللي في معارض الشفاء ومكانه واضح على الشارع الرئيسي في مدخل المعارض وعارض اغلب الالوان والفئات واشوف ان اسعارهم كويسه واذا اللون اللي تبيه مو موجود عندهم يجيبونه لك من الوكالة وبسعر المعرض وسعرهم اقل من الوكالة

شف يالغلا أنا شريتها قبل لاتنتهى الاختبارات بثلاث إيام
بس بصرآحه الاكورد ســيآآآآآآره..مهوب مثل غيرها مش حــآلك
لاكن نصيحتي لك لاتنسى الاكسسوارات

الوكالة بطريق خريص ليه مآتروح ؟؟ :d

اخوى صاحب الموضوع عسالله يجمعه بالموتر الى تبيه ويعطيك خيرها ويفيك شرها مقدما
اخوى:
قبل ما تشترى السياره هل عندك المقدره انك تسوي سيرفس بمعنى هل تقدر تسوي لها الصيانه لانو قطع غيار هوندا غاليه مثل ماتشوف وتسمع
تانى شي : انا ما اكرهك بالسياره بس الواحد يفكر بعقله مو قلبه
تالت شي : انا عن نفسي عندى اكورد 2008 v6 بكل امانه ولله الحمد والمنه لم اوفق فيها والحمد لله رب العالمين
رابع شي : السيارات توافيق وانا اخوك بمعنى حتى لو شريت افخم واقوى سياره بالعالم اذا الله سبحانه مو كاتبلك راح تتعب بالاخير
خامسا اسئل الله جل في علاه في حق هاذا اليوم المبارك يوم الجمعه ان يوفقك بالسياره الى ترتاحلها وتريحك من المشاكل
تقبلووووو مرورى .

اقتباس:

---

المشاركة الأصلية كتبت بواسطة ملكـ بطيبتي

لاكن نصيحتي لك لاتنسى الاكسسوارات

---

وش تقصد أي اكسسوارات؟

اقتباس:

---

المشاركة الأصلية كتبت بواسطة A_C_C_O_R_D

الوكالة بطريق خريص ليه مآتروح ؟؟ :d

---

انا خارج الرياض وودي اذا جيت للرياض اختصر واكون عارف وجهتي << عجاز بقوة :d

اقتباس:

---

المشاركة الأصلية كتبت بواسطة حميد

اخوى صاحب الموضوع عسالله يجمعه بالموتر الى تبيه ويعطيك خيرها ويفيك شرها مقدما
اخوى:
قبل ما تشترى السياره هل عندك المقدره انك تسوي سيرفس بمعنى هل تقدر تسوي لها الصيانه لانو قطع غيار هوندا غاليه مثل ماتشوف وتسمع
تانى شي : انا ما اكرهك بالسياره بس الواحد يفكر بعقله مو قلبه
تالت شي : انا عن نفسي عندى اكورد 2008 v6 بكل امانه ولله الحمد والمنه لم اوفق فيها والحمد لله رب العالمين
رابع شي : السيارات توافيق وانا اخوك بمعنى حتى لو شريت افخم واقوى سياره بالعالم اذا الله سبحانه مو كاتبلك راح تتعب بالاخير
خامسا اسئل الله جل في علاه في حق هاذا اليوم المبارك يوم الجمعه ان يوفقك بالسياره الى ترتاحلها وتريحك من المشاكل
تقبلووووو مرورى .

---

يا شيخ انت تكره امة انت بالسيارة مو شخص واحد :d

والله شوف السيارة مدحوها كثير وصحيح قالوا ان اسعار قطعها غالية شوي لكن سمعت عن شيء ودي اتاكد منه ان الموديلات الجديدة 2008 - 2009 - 2010 قطع غيارها ارخص من الموديلات اللي قبل هل هذا الكلام صحيح؟

ومع ذلك انا اذا اخذت ان شاء الله جديدة ما راح تتعبني بالخرابات ويمكن حدي سنة سنتين وابيعها يعني كلها بتصير تشييكات صيانة دورية وتغيير قطع استهلاكية

انت واضح من كلامك انك من جد ما توفقت في سيارتك ولكن الله يرزق خير منها ويعطيك خيرها ويكفيك شرها

الله يجزاك خير على دعوتك ولك بمثل :)

شوف خوي
انا شاري 2010 فل مخمل فبل شهرين بالضبط
طلعت ب95.500 وانا ماخذها من الوكالة
واذا تبي نصيحتي اقللك شو الملاحظ واجري على رب العالمين
اول شي المميزات
سيارة قوية فخمة متينة احلى و اشيك من الكامري اضافاتها حلوة مرة بس ينقصها النافيقيشن (الملاحة )
بالنسبة للبنزين فهي مرة اقتصادية و ثباتها عالي والحمدببه
الافضل انها تكون سيارة عائلية
المكيف ماشالله قوي و جميل

السلبيات وانا اكلمك عن تجربتي الشخصية
اول شي
1 _ تسمع صوت الهواء على السرعات العالية والسبب عدم سماكة جلدة الابواب
2_ صار عندي صوت عند الكفر الامامي مدري هو من البريك او من الكفر او شي هذا الصوت سمعته لما يكون معي وزن يالسيارة و طبعا سمعته على سرعة واطية تقول 20 او 30 مثل طقطقة بس خفيفة
رحت انا للوكالة و حجزت موعد و بكرا انشالله اشوف و اقولك شو سوو
علما والله انو سيارتي ماشية 2000 كيلو بس
و انا محافظ عيها جدا

المهم انك تتروى شوي وانشالله تتوفق ياخوي

جزاك الله خير اخي ابراهيم

من ناحية صوت تنسيم الهواء مع السرعات العالية يعني كم؟ فوق 160؟

من ناحية الصوت اللي طلع لك ان شاء الله يكون شيء خفيف يمكن مع الثقل على السيارة يكون فيه شيء بسيط يحك بالكفر والا شيء

عموما طمنا وش يصير معك ووش يقولون لك واذا ما عليك امر اخوي ابراهيم تسالهم عن الاسعار خصوصاً سبيشل لؤلؤي

السرعة فوق ال 120 تبدا بالظهور
بالنسبة للوزن انا اكلمك اني اكون محمل 4 اشخاص بالاضافة لي يعني المفروض يكون طبيعي انشالله بكرا نردلك خبر

اليوم وديتها الوكالة و قالولي بسووها على الضمان ببدلو شي اسمو شي شفط
وهذا خلل بالمصنعية يعني انشالله تمشي الامور

يعطيك العافية ابراهيم

من ناحية التنسيم بعد 120 هذي والله مشكلة! معقولة!

اما موضوع الصوت فان شاء الله تمشي الامور تمام بس انت سمعت عن مثل هذي المشكلة صارت مع اكوردات ثانية والا حالتك استثنائية؟!

طيب بخصوص الاسعار سالتهم والا لا؟

وشكرا :)

حبيبي التنسيم في كل السيارات في افالون في اوريون في سوناتا في التيما في ماكسيما في كامري في في في يعني اكيييد كل سيارة فيها تنسيم حتى البي ام فيها
لكن الفروق ان التنسيم اقل من سيارة لسيارة
نصيحتي اركب اكورد واركب سيارة ثانية وشف الفرق الاكورد من اقل السيارات صوت التنسيم

اسمع ياحبيبي

الاكورد السبشل 2010 بـ 85 الف

الاكورد السبشل 2009 بـ 81 الف

طبعا كلها اصفار زيروو ... والله يوفقك

انا مطلع سيارتي قبل شهرين بتاريخ 30 مايو 2010 4 سلندر الفل جلد ب 97.900 من الوكاله

الله يعطيك خيره ويكفيك شره مقدماً
وسعره عنده في البحرين فل كامل 4 سلندر ب 9500 وقت العرض

لا اسمحوووووا لي انا جربت كامري 2010 اقسم بالله ذبحني تنسيم الهواء

والحين معي هوندا اكورد 2010 فرق السماء عن الارض يمكن تحس فيه خفيف مره

ما تحس بالهوندا لين تجرب غيرها



فعلا الكورد جرب غيري تعرف خيري

الاكــــورد افضل سيارة على مستوي العالم بنظري :o

يا شباب فيه موزع اسمه محمد العمودي وش رايكم فيه؟ ووين مكانه؟

ارجو الرد باسرع وقت

^^^

في اي مدينة طيب؟؟

اذا كنت من جده انصحك بمؤسسة محمد حمود البقمي معروفين بجدة بالهوندا اكورد .. والهوندا بشكل عام

اقتباس:

---

المشاركة الأصلية كتبت بواسطة victorious

يا شباب فيه موزع اسمه محمد العمودي وش رايكم فيه؟ ووين مكانه؟

ارجو الرد باسرع وقت

---

مكانه في الرياض الدائري الشرقي مخرج 12 اذا ماني غلطان انا شاري منه موتري قبل سته شهور
اكورد فل كامل 4 سلندر جلد 2009
وماعليه كويس
هو موزع لعبدالله هاشم .. وله نسبة يعني تدفع الفلوس عنده وتاخذ سيارتك من الوكالة

^

طيب وش فرقه عن اذا اخذتها مباشرة من الوكالة؟

كم كان سعره وكم كان سعر الوكالة؟

اقتباس:

---

المشاركة الأصلية كتبت بواسطة victorious

^

طيب وش فرقه عن اذا اخذتها مباشرة من الوكالة؟

كم كان سعره وكم كان سعر الوكالة؟

---

يفرق سعر الموزع عن الوكالة شيء بسيط يمكن الف او الفين ريال
بالنسبة لي يوم آخذ سيارتي كان نازل في الوكالة موديل 2010
واللي أخذتها كانت آخر حبة ذهبي 2009
كان سعر الفل 4 سلندر جلد 2010 في الوكالة 102,000
و الـ 2009 بـ 93,000 مع اللوحة والاستمارة

طيب وش الاشياء اللي لازم انتبه لها عند الشراء؟ الملحقات اللي تجي معها؟ اي شيء تحس انه مهم او ذكرته بعد ما طلعت من الموزع وحسيت انه فاتك ما سالته او طلبت منه؟

ترى اول مرة اشتري سيارة وغشيم بهالامور شوي :d

اقتباس:

---

المشاركة الأصلية كتبت بواسطة Victorious

طيب وش الاشياء اللي لازم انتبه لها عند الشراء؟ الملحقات اللي تجي معها؟ اي شيء تحس انه مهم او ذكرته بعد ما طلعت من الموزع وحسيت انه فاتك ما سالته او طلبت منه؟

ترى اول مرة اشتري سيارة وغشيم بهالامور شوي :d

---

ههههههههه :d وسع صدرك
اول شيء الملحقات اللي تجي مع السيارة بتلقاها في الشنطة
شنطة اسعافات وفيها الشماسه وميداليه عليها شعار عبدالله هاشم :cool:
وبتلقى الدعاسات الأصلية مغلفة في كيس من الوكالة برضوه في شطنة السيارة
وشيك على الأستبنه والعفريته وباقي العدة بتلقاها مرتبه في الفلين اللي جنب الأستبنه وتأكد من كتالوج السيارة في الدرج اللي قدام الراكب وبيعطونك كتيب الضمان والصيانة
واهم شيء انتبه وقت استلام السيارة ترى الواحد من الفرحه ذاك اليوم كنه عميان :d ماينتبه لبعض الدقشات اللي تجي أحيانا في السيارة بسبب الشحن :mad: عشان كذا حاول يوم استلام السيارة تروح في النهار وخذ لفه على السيارة وتأكد ان مافيها شيء ومايمنع تاخذ احد معك يمكن يشوف شيء انت ماتنتبه له :d
انا يوم استلمت سيارتي كان فيها حكه بسيطه في طرف الصدام ما انتبهت لها إلا يوم وصلت للبيت :confused: وطبعا كنت رايح استلمها لحالي :o
ومبروك مقدما .. الله يعطيك خيرها ويكفيك شرها

الله يبارك فيك عزيزي عزيز :d

والله يتمم على خير

كاني كتبت رد بس مدري وين راح :(

اقتباس:

---

المشاركة الأصلية كتبت بواسطة Victorious

الله يبارك فيك عزيزي عزيز :d

والله يتمم على خير

كاني كتبت رد بس مدري وين راح :(

---

حياك اخوي
تحت امرك باللي نقدر نفيدك
ولا تنسى تعلمنا اذا شريت نبي ناخذ فره معك
دوعابه ,, دوعابه :d

ياصاحب الموضوع عندي سيارة اكورد 2010فل كامل مقاعد جلد طلعتها على الزيرو قبل شهر ونصف مشيت عليها 8000 ابيض لولي انايلون مازال فيها لم يتقطع الى كرسي الراكب لا اقول اخت الجديدة بل هي جديدة فعلا
ومارح تخسر اذا اشتريتها بدل ماتشتري جديد. راح تفرق لصالحك فل كامل بدل ما تاخذ اسبيشل
اذا انك حاب تتواصل معي ارسل لي ايملك ارسلك رقمي

اقتباس:

---

المشاركة الأصلية كتبت بواسطة شارف

ياصاحب الموضوع عندي سيارة اكورد 2010فل كامل مقاعد جلد طلعتها على الزيرو قبل شهر ونصف مشيت عليها 8000 ابيض لولي انايلون مازال فيها لم يتقطع الى كرسي الراكب لا اقول اخت الجديدة بل هي جديدة فعلا
ومارح تخسر اذا اشتريتها بدل ماتشتري جديد. راح تفرق لصالحك فل كامل بدل ما تاخذ اسبيشل
اذا انك حاب تتواصل معي ارسل لي ايملك ارسلك رقمي

---

ما شاء الله تبارك الله :)

قبل كل شيء وقبل ما اشوف حدك اخي شارف ما سبب البيع؟

لعلها تكون خيرة اني ما شريت حتى الان ممكن هذي تكون من نصيبي ولكن ليش تبي تبيع والسيارة جديدة؟ :confused:

اولا السيارة ما تنعاب معروفة الاكورد واني لحد الان متردد ابيعها وشارط سعر طيب عشان يروح التردد بصراحة سيارة قوية وتخدم في الخط وفيها مميزات جدا رائعة لا احد يقول اوريون او غيرة
ولاكن السيارة صغيرة على عائلتي قبل ماشتريها كنت اقول انا وزوجتي واطفلتي تكفينى الاكورد ولاكن راح عن بالي ان امي واخواتي دائما اخذهم معي في رحلاتي وقررت اشتري بدالها اكسبلورر عشان تتسع لنا السيارة ولاكن لوكنت انا وزوجتي فقط ما افكر ابيعها بعد ماجربتها
اذا حاب تعرف السعر افضل ان يكون بـاتصال مباشر افضل وحتى كمان تشوف السيارة
وهذا ايميلي ارسلي ايميل ارسلك رقمي hani1398@live.com برجا الاسراع لاني امكن راح ابيعها قبل يوم الجمعة

يا جماعة ولله الحمد
استلمت السيارة و الصوت اللي كان بالكفر خلاص راح
قالو الشركة انهم غيرو الهيدروليك شفت و ركبو نوعية افضل لانو النوع اللي كان قبل كان في مشكلة في بعضهم
و بصراحة الشركة بدلوه على الضمان يعني ما دفعت ولا شي
و ثاني يوم استلمت السيارة
والمعاملة رائعة جدا

الحمد لله
لانك صراحة خوفتني بس الحين رجعت طمنتني
وش رايكم ياجماعة اتوكل على الله واشتري اكورد ؟

اقتباس:

---

المشاركة الأصلية كتبت بواسطة شارف

اولا السيارة ما تنعاب معروفة الاكورد واني لحد الان متردد ابيعها وشارط سعر طيب عشان يروح التردد بصراحة سيارة قوية وتخدم في الخط وفيها مميزات جدا رائعة لا احد يقول اوريون او غيرة
ولاكن السيارة صغيرة على عائلتي قبل ماشتريها كنت اقول انا وزوجتي واطفلتي تكفينى الاكورد ولاكن راح عن بالي ان امي واخواتي دائما اخذهم معي في رحلاتي وقررت اشتري بدالها اكسبلورر عشان تتسع لنا السيارة ولاكن لوكنت انا وزوجتي فقط ما افكر ابيعها بعد ماجربتها
اذا حاب تعرف السعر افضل ان يكون بـاتصال مباشر افضل وحتى كمان تشوف السيارة
وهذا ايميلي ارسلي ايميل ارسلك رقمي hani1398@live.com برجا الاسراع لاني امكن راح ابيعها قبل يوم الجمعة

---

تم ارسال ايميل لك :)

اقتباس:

---

المشاركة الأصلية كتبت بواسطة ibrahimtaha83

يا جماعة ولله الحمد
استلمت السيارة و الصوت اللي كان بالكفر خلاص راح
قالو الشركة انهم غيرو الهيدروليك شفت و ركبو نوعية افضل لانو النوع اللي كان قبل كان في مشكلة في بعضهم
و بصراحة الشركة بدلوه على الضمان يعني ما دفعت ولا شي
و ثاني يوم استلمت السيارة
والمعاملة رائعة جدا

---

ما شاء الله

مبروك والحمدلله على سلامة السيارة :)


سالت عن الاسعار؟ << ناشب لك :d