بصراحة كرهت الهوندا وودي اتخلص منها (تجربة شخصيةخاصة)

اولا بسم الله الرحمن الرحيم

كل عام وانتم بخيراخواني ملاك سيارات هوندا (لتتسع صدوركم لما اقول)
انا املك سيارة هوندا اكورد 2009 وانا محايد للحق لا لاي شركة اخرى

اعجبت بها عام 2008 واستخرت بعد عناء طويل من كثرة الخيارت الموجودة في الاسواق وقررت اخيرا ان اقتنيها ولكن==================صدمت

1- عزمها جدا جدا جدا سيىء هل معقول عند الدوار والسيارة الاخرى قريبة مني والدعسة تصل الصاج وسيارتي لا تتحرك الا كمايتحرك الدباب الاسوزي مصييييييييييييييييييييييييييييييبة

2- عزلها السيء جدا جدا هل من المعقول ان اسمع كل مافي الشارع وكانني لا اركرب 2009

3-اصوات الديكور التي تتناوب في العمل عندما يقف الطبلون الخلفي يشتغل حزام السائق

هل اشتري الجودة لانصدم في التخلف والتراجع لشركة هوندا

عنما يركب احد معي في الخلف سوالي له هل يصلك تكييف هل نحن في عام84 ميلادي مثلا

اتمنى اني لم افتح الجرح ولكن الواقع يتكلم

عندما جربت سيارة احد الاصدقاء احسست انني قد تورطت والحمد لله

بسمه تعالى :


إذا قبلت بإمرأة و إكتشفت أنها بها تلك العيوب الجمة بعد الزواج فماذا ستفعل ..إما ستتقبل و تحاول إصلاحها و إن لم تستطع فلا حول و لا قوة .... إن كنت تحب هذه السيارة فستتقبلها على عيوبها و التي أتوقع بأنها متواضعة خلفآ لباقي السيارات و التي تتدهور حالتها بعد سنة من إستخدامها ....لا أريد المديح و لكن أنظر للشوارع و أنظر لسيارات هوندا القديمة و الجديدة فهل ترى من إختلاف يذكر .... بالتوفيق.

وسع صدرك بس :d
همآها تمشي وفيها مكيف خلاص < برآ :p
هي مشكلتها غآليه ونآقصها موآصفآت آكثر :)
كيف فل كآمل ومآفي مكيف خلفي ؟؟ ندري انه قوي اللي قدآم بس يآخي ليه مآفي خلفي :mad:
والمفروض فيه شآشه وحسآسآت وكآميرآ :d
كذا يمكن نقول سعرها معقول بحدود 92 الف :cool:
< آتكلم عن 2008 و9 :rolleyes:

ونا نفس الحال .. بس وش تبيني اسوي .. لازم تتحمل ..

الله يعييييييييييييينك

ومااافي احد رآآضي عن سيااارته

الي معاه اكورد يطلع فيها عيوووب

والي معاه كامري يطلع فيها عيوووب

والي معاه ألتيما يطلع فيها عيووووووووووب

يا نااااااس ترا هذي سيارات اسسستهلاكية يعني لا يجيني واحد يقولي اصوات وما اصوات

لما تشتري مرسيدس او بي ام ذااك الوقت لك الحق تقول لييه في اصوات

ولييه عزمها سيييئ

<< وجهة نظررر لا اكثر ولا اقل

السلام عليكم ,,
الهوندا مدري وش بها تأخرت كثير المفروض انها تواكب العصر
والمشكله سعر غالي وما فيها ميزه الا الرساوه بس
لا شاشه
لا كاميرا خلفيه
لا تشغيل زر
لا بصمه
لا عزم صاحي
الشكل الخلفي لك عليه 2007 افضل
هالمواصفات كلها متوفره بالكامري والالتيما
والسوناتا ,, ولا حد يجي ويقول لو جت بالمواصفات تجي غاليه
اجل انا وش اشتري ؟؟ مكينه ومقاعد ؟؟
والمشكله اصوات ديكور وفحمات وهوبات ,,
للأسف لا تستطيع منافسة الكامري فما بالك بالاوريون

بصراحة هي أفضل الموجود

وعن تجربة شخصية

كان معي أكورد 2006 وصار لي حادث انقلاب وسلمت الحمد لله
وبحثت عن سقف في التشاليح ما لقيت المناسب
وبعد استخارة واستشارة بعت السيارة

وقررت اشتري سيارة جديدة بصراحة لفيت الوكالات كلها طبعا وأنا مكاني :)

قلت ما في غير الأكورد رغم بعض اللي حولي قالوا انت منت صاحي : غير , بدل !

قلت أكورد 2010

والحمد لله طلعت الله يبارك فيها وفيكم

والسلام

انت قبل ماتهرج بكلامك هذا

روح منتدى نيسان وشووف عيوب المكاسيما والألتيما

روح منتدى تيوتا وشووف عيوب الأوريون

تحب يدك مقلوبه انك اشتريت الأكورد

كل كلمه قلتهآآآآآ صــدق

بس وشـ آنسوووووي آنبيعهآ نخسرررررر

فآخلنآآآآ ع قردنآ لآ يجينآ آقررررد منه :d

والآكورد لآ تنسآ موجبآتهآ بـعــد < وهذآ الي مصبرنآ عليهآ

مثل :

قوة البدي < مآشآء الله كآنهآ كآبرس تسعآوي

الرسآوه < آجيك ع دورة الثمآمه مطبلن ولآ تزحف فيني

الفخآمـه < من بعدين كآنهآ لكزس ع لمعه :d

متعه السوآقه < لبآ التخيط فيهآ ع الدآيري

أخوي العزم ماهو سيئ ولكن نظام المحرك ( فتك ) السبب الرئيسي في التقليل من العزم من أجل التقليل من إستهلاك

الوقود و المحافظة على عمر المحرك أطول مدة ممكنة ولكن بعد سرعة معينة تقريبآ 80-100 السيارة عزمها ممتاز كمحرك

4 سلندر .

مسالة الأصوات مشكلتك صوت ديكور و حله موجود هنا وبسيط جدآآ تقدر تكبر الموضوع وتقدر تعالجه بأقل مايمكن ولكن

لو ماشريت أكورد بتشتري بي أم أو بانوراما أو لكزس مثلآ الخيارات المتاحة من فئة الأكورد كامري أو التيما أو لومينا

أو مازدا مع إحترامي الشديد الأكورد تتفوق بالجودة وياليت تاخذ فرة على مستوى الأنترنت وتشوف معاناة أصحابها وتحمد

ربك . وكل الأشياء أو العيوب إللي ذكرتها معروفة و المفروض جربت وسالت قبل تشتري ولكن لا تنسى بالمره القادمة علشان

ما تلوم نفسك والقناعة كنز لا يفنى.

تقبل مروري

اقتباس:

---

المشاركة الأصلية كتبت بواسطة حبيب هنادي

كل كلمه قلتهآآآآآ صــدق

بس وشـ آنسوووووي آنبيعهآ نخسرررررر

فآخلنآآآآ ع قردنآ لآ يجينآ آقررررد منه :d

والآكورد لآ تنسآ موجبآتهآ بـعــد < وهذآ الي مصبرنآ عليهآ

مثل :

قوة البدي < مآشآء الله كآنهآ كآبرس تسعآوي

الرسآوه < آجيك ع دورة الثمآمه مطبلن ولآ تزحف فيني

الفخآمـه < من بعدين كآنهآ لكزس ع لمعه :d

متعه السوآقه < لبآ التخيط فيهآ ع الدآيري

---

كلامك 100% :cool:

عجبتني مطبلن ع دوار الثمامه هههههه

انا امس جربت امشي 160 ف منعطف ع طريق البحري بالدمام بس حدي وصلت 140 وخففت خفت :o

بس حلوه موجباتها :d

كلامك سليم 100 %
بس اذا كنت تتكلم عن العزم فهذا عزمها هي اربع سلندر .. وبالنسبه للاربعه قويه تعتبر

ترا إلي معك اكورد 2010

لو معك 2005 وقلت هالكلام كان استغربت منك :rolleyes:

اهلا وسهلا بك عزيزي وكل عام والجميع بخير ,,,

اقتباس:

---

المشاركة الأصلية كتبت بواسطة هنادي جدة

1- عزمها جدا جدا جدا سيىء هل معقول عند الدوار والسيارة الاخرى قريبة مني والدعسة تصل الصاج وسيارتي لا تتحرك الا كمايتحرك الدباب الاسوزي مصييييييييييييييييييييييييييييييبة

---

بالنسبة لي لايهمني العزم قد مايهمني جودة السيارة والعزم متساوي مع الكامري بالضبط ,,,

اقتباس:

---

المشاركة الأصلية كتبت بواسطة هنادي جدة

2- عزلها السيء جدا جدا هل من المعقول ان اسمع كل مافي الشارع وكانني لا اركرب 2009

---

بالعكس الاكورد افضل السيارات على جيلها من ناحية العزل الا اذا كانت سيارتك فيها مشكلة هذا شي ثاني ,,,

اقتباس:

---

المشاركة الأصلية كتبت بواسطة هنادي جدة

3-اصوات الديكور التي تتناوب في العمل عندما يقف الطبلون الخلفي يشتغل حزام السائق

---

اللهم لك الحمد ماسمعت اي صوت في الديكور الا من جهة المرايا الوسطيه وصوت منخفض جدا واما اصوات الابواب لها حل وحلها في موضوع مثبت في هذا القسم وشخصيا نجح معي هذا الحل ,,,

اقتباس:

---

المشاركة الأصلية كتبت بواسطة هنادي جدة

عنما يركب احد معي في الخلف سوالي له هل يصلك تكييف هل نحن في عام84 ميلادي مثلا

---

بهذي النقطه اتفق معك تماماً وشي يقهر بالاضافة الى الحساسات والتشغيل الذكي وغيرها ... فهذه الاشياء من المفترض ان تكون موجودة في الاكورد مقارنة بسعرها المرتفع ,,,

على العموم كل شخص غير راضي عن سيارته فـ بني ادم طماع ونحمد الله على كل حال ,,,

^^^

أختلف معااك أخووي في ناحية العزم

لأنه انا معي كامري وعزمها افضل من الأكورد رغم ضغر مكينتها الا انها افضل بسبب خفتهااا

وأكثر شيئ يعجبني في الأكوورد الفخآآمة الدااخلية ماشاءالله تبارك الله الله يهني ملااكهاا

بعكس الكامري مجردة من اي نوع من انواع الفخاامة إلا إذا كان حسبتو ازرار الطارة والبلوتوث والستارة الكهربائية

وكرسي السائق الإلكتروني وحطوو لنا ريمووت خلاص محد قدناا حنا ملاك الكامري

^^

هذي تعتبر اشياء فخمة في الكامري خخخخخخخ الله المستعان بس

..............................

وأفضل شيئ انه كل واحد يرضى بقرده لا يجيه اقرد منه

^^

والله بصراحه مالي ومال العزم لكن انا اسمع واقرا من المواضيع بان الاكورد والكامري متساويان في العزم والله اعلم ,,,

وزي ماقلت لصاحب الموضوع كل شخص غير راضي عن سيارته والرد المذكور احد الادله :d ,,,

وياليت كل واحد يرضى بالواقع واللهم لك الحمد على النعمه اللي حنا فيها ,,,

^^^

ما انتبهت للرد

لكن صدقت ابن آدم طماااااااااااع

لو ياخذ مرسيدس تلقاه يشوف الي فوقه ويقول ناقصه كذا وكذا وكذاا

لكن الحمدلله على كل حاال

أخي والله إني أشوفك غلطان واجد على الأكود كانت سيارتي أكورد 2009 فل أبشن صا علي حادث وناوي على أكورد 2010 فل 6 سرندل الله لايعوقني بشر شاريها يعني شاريها وتحياتي للأكورد :cool:

اقتباس:

---

المشاركة الأصلية كتبت بواسطة eyad-shaaban

^^^

أختلف معااك أخووي في ناحية العزم

لأنه انا معي كامري وعزمها افضل من الأكورد رغم ضغر مكينتها الا انها افضل بسبب خفتهااا

وأكثر شيئ يعجبني في الأكوورد الفخآآمة الدااخلية ماشاءالله تبارك الله الله يهني ملااكهاا

بعكس الكامري مجردة من اي نوع من انواع الفخاامة إلا إذا كان حسبتو ازرار الطارة والبلوتوث والستارة الكهربائية

وكرسي السائق الإلكتروني وحطوو لنا ريمووت خلاص محد قدناا حنا ملاك الكامري

^^

هذي تعتبر اشياء فخمة في الكامري خخخخخخخ الله المستعان بس

..............................

وأفضل شيئ انه كل واحد يرضى بقرده لا يجيه اقرد منه

---

يالله أن تحيي أياد في منتدانا الموقر:d بنسبه للعزم العزم واحد الأكورد نفس الكامري
وبنسبه لصاحب الموضوع أقول أحمد ربك غيرك يشتكي أكثر منك ويكفيك رزتها أذا تغسلت صح ما فيها مواصفات لكن بصراحه الأكورد جباره مشاء الله

وأنت يا اياد صدتك:p..

السلام عليكم ورحمة الله وبركاته
والله يا خوي انا توني شاري اكورد 2010 فل ولله الحمد
بس قبل ما اشتريها بحثت في مثيلاتها التيما والكامري مع احترامي لاصحاب الكامري الاانها سيارة فاااااااشلة وهذا الكلام من واقع تجربة لانها عند اخوي 2008 اما الالتيما فهي مع ولد عمي ويا حسرة وش فيها من مواصفات .........دخول ذكي <<<<<يا شيخ
التشغيل بلمسة زر <<<<<<<لا يا هووو خلا بس ارتحنا
والله كلها اشياء استحي اقولها الشئ الوحيد المميز هو الكاميرا وهي للغشمان بس اما تقولي دخول ذكي التشغيل بلمسة زر فهي ما تقدم ولا تأخر واما من ناحية العزم فانا مارى فيه اي مشكلة لاني يوم خذيتها ما كنت ادور عزم ولا خرابيط كنت ادور سيارة تعيش وتكد معاي اما لو منت تدور عزم كان من البداية اخذت موستنج ولا كامارو
وشكرا
ارجو انك تكون اقتنعت

صراحة انا اويدك في كلامك من
ناحية العيوب بس وش انقول غير
ان خلاااااص اشترينا واذا فكرنا انبيع
انبيع بخسارة
شكلك نفسي اشتريت السيارة بدون ما تجربة
انا نفس حالك بس قاعد احاول اتاقلم ويا الوضع
لين الله يفرجه ان شاء الله
وصراحة الاكورد كرهتني في الهوندا
كامل كنت من اكثر المحبين
للهوندا بس الاكورد كرهتني
بالهوندا سيارة شايب مو شباب

بس نصيحة اذا جابت ليك سعر كويس
بيع وخذ ليك سيارة ثانية
واذا ما جابت ارضى باداء السيارة
واتقبل الوضع وانظر للشىء الايجابي
ولا تقارن ادائه ويا اي سيارة ثانية
لان بتتعب السيارة في القومة ادائه
غير مرضي بس بعد سرعة 80 السيارة
بكون ادائه ممتاز
والسبب وزن السيارة والقير 5 نمر كل السيارات
صارت 6 نمر ما عدا الاكورد

انتم مدري وش تبون بالضبط

يعني تبي كل ما زاد موديلها تزيد السرعه مثلا

ع كذا ف 2020 بتصير السيارات نفس سرعة الصاروخ

خلاص روح اخذ لك كومارو ولا موستنج

احنا موب ف حلبة سباق عشان تبيها مثل الصاروخ

ترى عزمها زين واحمد ربك ع النعمه غيرك يتمنى يركب ددسن وموب لاقي

يكفيك وانت تمشي فيها الكل يناظرك ويتمنى يمتلكها سياره رزه بمعنى الكلمه

اقتباس:

---

المشاركة الأصلية كتبت بواسطة Mrs Honda

كلامك 100% :cool:

عجبتني مطبلن ع دوار الثمامه هههههه

انا امس جربت امشي 160 ف منعطف ع طريق البحري بالدمام بس حدي وصلت 140 وخففت خفت :o

بس حلوه موجباتها :d

---

على طاري الطريق البحري بالدمام احب اقلول مايحتاج اتجرب و انا اخوك تراني ماشي علية 190 :d
من وجهة نظري ان عزم السيارة جميل جدا و متناسب مع السيارة :cool:
انا ولله الحمد ماعندي اي مشكلة في سيارتي لا صوت و لا فحمات و لاشي
السيارة صار ليها اكثر من سنة و لا بدلة فحمات و لا غير فحمات
كل الي بدلة بطارية السيارة و اتوقع ان عمر البطارية الافتراضي انتهى ( سنة )

^^^^^^^^^^^^^^^^^^^^
هذا الكلام اللي حبيت أسمعه ... في الأول و الأخير لا أحد يجي يركب معاه ٤ مو ذوات الأوزان الثقيلة
وسيارته ٤ سلندر و يداعس و يسرع و يمسك بريكات و في الأخير فحمات و قير و و و و
تراه في سيارات لمثل الأغراض هذي زي ال SUV الصغير من أمثال ال crv و طقتها ...... على العموم ياليت أصحاب السته يكتبولنا عن العزم لأن عالمهم غير ....
و بالنسبة للمواصفات لا أحد يجي يا شباب و رجاء خاص و يذم في الأكورد لأن في الأول و الأخير الوكيل هو اللي يشلح المواصفات الكاملة و يبيع السيارة بسعر الفل الكامل .....
و ثاني شي يا ليت تشوفوا الأكورا و الله و الله عالم من التكنلوجيا و لكن أتوقع لو يجيبوها وكلاؤنا الكرام و الله اول ما يشيل من المواصفات الحساسات و الشنطة الشفط و نظام الباركينق أسيست و في الأخير و كالعادة الشاشة .......
أنا أنقهر أشوف سياراتنا بشاشات الآلة الحاسبة بينما يوجد نفس مواترنا تجي بمواصفات كاملة من و بسعر أقل من أبو ولف
أقصد (( الستة سلندر و الرشاشات )) اللي يقول حنا ما شغلنا الا نمشي و نغسل في النور ......:(

اقتباس:

---

المشاركة الأصلية كتبت بواسطة 2010 accord

السلام عليكم ورحمة الله وبركاته
والله يا خوي انا توني شاري اكورد 2010 فل ولله الحمد
بس قبل ما اشتريها بحثت في مثيلاتها التيما والكامري مع احترامي لاصحاب الكامري الاانها سيارة فاااااااشلة وهذا الكلام من واقع تجربة لانها عند اخوي 2008 اما الالتيما فهي مع ولد عمي ويا حسرة وش فيها من مواصفات .........دخول ذكي <<<<<يا شيخ
التشغيل بلمسة زر <<<<<<<لا يا هووو خلا بس ارتحنا
والله كلها اشياء استحي اقولها الشئ الوحيد المميز هو الكاميرا وهي للغشمان بس اما تقولي دخول ذكي التشغيل بلمسة زر فهي ما تقدم ولا تأخر واما من ناحية العزم فانا مارى فيه اي مشكلة لاني يوم خذيتها ما كنت ادور عزم ولا خرابيط كنت ادور سيارة تعيش وتكد معاي اما لو منت تدور عزم كان من البداية اخذت موستنج ولا كامارو
وشكرا
ارجو انك تكون اقتنعت

---

اذا صارت عندك في السيارة ابيك تشيلها حتى لاتكون غشييييم :d

قالوها في الامثال : الي ما يعرف الصقر يسويه كنتاكي

اقتباس:

---

المشاركة الأصلية كتبت بواسطة هنادي جدة

1- عزمها جدا جدا جدا سيىء هل معقول عند الدوار والسيارة الاخرى قريبة مني والدعسة تصل الصاج وسيارتي لا تتحرك الا كمايتحرك الدباب الاسوزي مصييييييييييييييييييييييييييييييبة
اخوي معليش بس انا وكثير من عيال خالي معنا اكوردات وندعس فيها لاكامري ولا سوناتا ولا طقتها تجيبنا خاصة في الخط ماادري عن سيارتك والله فيها بلا ولا شي



2- عزلها السيء جدا جدا هل من المعقول ان اسمع كل مافي الشارع وكانني لا اركرب 2009
انا مثلك كنت اقول عزل فاشل ومدري وش بس والله يوم ركبت كامري 9 وسوناتا10 حقت اخوياي عرفت وشو العزل الفاشل >>افضلهم الاكورد في العزل وجرب وبتعرف

3-اصوات الديكور التي تتناوب في العمل عندما يقف الطبلون الخلفي يشتغل حزام السائق
بالله ادخل منتديات الكوريه او تويوتا وتعرف ان كل السيارات فيها اصوات ديكور واكثر من الاكورد بعد

هل اشتري الجودة لانصدم في التخلف والتراجع لشركة هوندا
اشتري سيارة تمشي معي سنوات

عنما يركب احد معي في الخلف سوالي له هل يصلك تكييف هل نحن في عام84 ميلادي مثلا
هذي ممكن انا معك لكن التكييف الامامي قوي جدا وباااارد ماشاء الله عكس الكامري مثلا عن تجربة مكيف فاشل بس زينته فتحتين امامية وخلفية

لكن اخواني بالنسبة للعزم حق السيارة شوفوا وزن الاكورد وشوفوا وزن الكامري ايضا فرق شااااسع بينهم لكن الاكورد اقوى من الكامري قومة وخط>>افتح اليوتيوب وشوفوا التسارع من 0-100 والى الفصلة بعد الاكورد تتفوق بقوووة وبفرق كبير ايضا

""ممكن ماتوفقت في السيارة ياخوي يعني ماتعمم ع كل السيارات بالفشل ولا ماشفت من اكثر السيارات انتشار اذا ماكانت الاكثر هي الاكورد الشكل الجديد

---

هذا اللي كان عندي واسف ان كثرت عليك

اخوي انت تقول انك بتتخلص منها ولكن عقلك الباطن يقول لا
فعشان كذا كتبت هذا الموضوع في المنتدى لين يجي احد يقنعك ليش تمتلك اكورد

^^^

بسس عندي مدااخلة على الأخ الي يقوول فرررق شاااااسع بالوزن بين الأكورد والكامري

ودي افهم كيف .؟

لأنه الكامري وزنها 1500 للأوتو و 1460

ووزن الأكورد 1540 للأوتو و 1475 للعادي

ويييييييين الفرررق الششششاااسع في الوزن .؟؟؟

ياخي بكل بساطة

بيع ام السيارة ولا تناظر للخلف

مادام مو عاجبتك لا تجبر عمرك على ما تبغاه ..

و روح خذ لك كامري .. لانه فيها مكيف خلفي و الي بالخلف ما يقول لك المكيف مو واصلني

اقتباس:

---

المشاركة الأصلية كتبت بواسطة Doabil

^^^^^^^^^^^^^^^^^^^^
هذا الكلام اللي حبيت أسمعه ... في الأول و الأخير لا أحد يجي يركب معاه ٤ مو ذوات الأوزان الثقيلة
وسيارته ٤ سلندر و يداعس و يسرع و يمسك بريكات و في الأخير فحمات و قير و و و و
تراه في سيارات لمثل الأغراض هذي زي ال SUV الصغير من أمثال ال crv و طقتها ...... على العموم ياليت أصحاب السته يكتبولنا عن العزم لأن عالمهم غير ....
و بالنسبة للمواصفات لا أحد يجي يا شباب و رجاء خاص و يذم في الأكورد لأن في الأول و الأخير الوكيل هو اللي يشلح المواصفات الكاملة و يبيع السيارة بسعر الفل الكامل .....
و ثاني شي يا ليت تشوفوا الأكورا و الله و الله عالم من التكنلوجيا و لكن أتوقع لو يجيبوها وكلاؤنا الكرام و الله اول ما يشيل من المواصفات الحساسات و الشنطة الشفط و نظام الباركينق أسيست و في الأخير و كالعادة الشاشة .......
أنا أنقهر أشوف سياراتنا بشاشات الآلة الحاسبة بينما يوجد نفس مواترنا تجي بمواصفات كاملة من و بسعر أقل من أبو ولف
أقصد (( الستة سلندر و الرشاشات )) اللي يقول حنا ما شغلنا الا نمشي و نغسل في النور ......:(

---

طيب الحين انت حطيتها براس الوكيل .. حرام عليك يا رجل

الحين انتوا اجمعتوا على ان الاكورد تتقارن بالكامري .. طيب شوف الكامري

وش فيها مواصفات ؟ بتقول لي شاشة ؟ بقول لك شوف الشاشة لونها ابو كلب و في الغالي تكون الباين يعني حتي مو تويوتا ، تلاقي مكتوب تويوتا على مدخل الكاسيت لكن لما تفك المسجل تلاقي مكتوب الباين او اي شي

بالاول و الاخر سعر الاكورد صدقني انه سعر عالمي و بالدليل ..

www.honda.com

ادخل على موقع الشركة و تلاقي سعر الاكورد بالدولار ، اضربة في 3.88 ( سعر صرف الدولار ) و يطلع لك السعر الاجمالي للسيارة ( سياحي - اسبشل - اربع فل - ستة .. الخ ) . وعلى فكره نفس الاسعار الي بالموقع هي سعر السيارة بأمريكا .

اختلاف المواصفات يرجع بالاول و الاخر على المستهلك نفسة ( انا مو متحيز ) .. لكن لما الشركة تعمل استفتاء بالمعارض ( مثل معرض الحارثي بجدة ) ليش يجي العميل و يجيلس يمدح في السيارة بدون ما يكتب وش الي يبغاه بالسيارة ، ليش لما تروح المعرض و تستفسر عن الاكورد ما تقول لمندوب المبيعات ( ياريت لو كان فيه كذا او كذا ) لانه هذا الكلام بيخلي المندوب يوصل كلامك للادارة العليا ..

تتذكر من موديل 2005 الي موديل 2008 لما الناس عملوا صجة على اللون العودي و ليش ما ينزل على السيارات و من هذا الكلام .. راح الوكيل غصب عنه نزله على موديل 2009+ لانه لقي طلب عليه و هذا بيفتح له سوق اضافي فمثلا تخيل معي ( واحد اشترى الاكورد لون عودي و اللون العودي بطبيعة الحال ارخص بأشواط من اللون الؤلؤي ، و الوكالة ترش اللون العودي و اللون اللؤلؤي بنفس السعر ، يعني سعر كيلو البوية للون العودي 50 ريال مثلا ، و الوكيل لما ترش البوية يحسبة عليك بـ 100 ريال كانه راش لك لون لؤلؤي .. شوف المكسب بالبوية وصل لـ 100% و غير شغل اليد و غير الاساسات الي تجي تحت اللون ، طبعا تختلف من لون للون ... الخ )

تتذكر اول مانزلت 2008 و صارت صجة ورجه على الشاشة .. ايش صار ؟ بكل بساطة وكالات هوندا بالسعودية و البحرين و الامارات و اعتقد باقي دول الخليج بعد ، نزلوا شاشات تركب مكان شاشة الوكالة ( فك و ركب )

لكن بما ان العميل ساكت و جالس ( يطبطب ) للوكيل و كل شوية يقول للوكيل " مافي احسن من كذا ... الخ " هذا الي بيخلي الوكيل مايجيب المواصفات الي تبيها .

بالنسبة للوكيل :

الوكيل ما راح يجيب مواصفات ما يبغالها العميل ، فمثلا : انا سمعت ان الاوريون او الافلون او سيارة من السيارات ، المهم نزلت بالتشغيل بالبصمة ( بالزر ) راحوا العملاء رجعوا للوكيل و عملوا ( هيصة ) علشان يغيروا من بصمة لمفتاح ( مو عاجبتهم النعمة ) ، فتخيل لما الواحد مايطلب الشاشة او يطلب لون معين او صفة موجوده بالسيارة الامريكية او الماليزية ، ويجلس يطلبها من النت و يركبها نفسة ! وش درا الوكيل عنها اذا كان هذا يبغالها ولا لا ، لكن لما يكون فيه طلب عليها ، راح يلبى الوكيل رغبة العميل ( الوكيل في النهاية هدفه الربح بغض النظر عن اي شي ثاني ) .

و ابسط مثال ، محلات الجنوط ، لما زاد الطلب على جنوط الـ c300 الـ RT/8 ، راح راعي المحل و طلب الجنوط من الصين و جابها و هو طالعة عليه بـ 700 او 1000 ريال بالكثير و يبيعها على الخلق بـ 2000 ريال الجنط لحالة ..


هدفي من الرد ... فكر مره ثانية قبل ما تذم الوكيل و شوف وين اساس المشكلة

نصيحتي لك ياخوي من شخص مجرب(صديق لي)
كان عنده اكورد2009 وباعه وكان سبب البيع نفس كلامك بالضبط تكيف وعزم ضعيف الخ
وشرا كامري اس اي سبورت2010 والموتر مشالله تبارك الله ممتاز جداجداجدا وقوي للغاية
وانصحك تروح تويوتا تشوفها وتقرر وانا متأكد انها راح نال على اعجابك.....لك مني جزيل الشكر

اقتباس:

---

المشاركة الأصلية كتبت بواسطة eyad-shaaban

^^^

بسس عندي مدااخلة على الأخ الي يقوول فرررق شاااااسع بالوزن بين الأكورد والكامري

ودي افهم كيف .؟

لأنه الكامري وزنها 1500 للأوتو و 1460

ووزن الأكورد 1540 للأوتو و 1475 للعادي

ويييييييين الفرررق الششششاااسع في الوزن .؟؟؟

---

الكامري الاسبورت وزنة ورساوته وقوة عزمة مو طبيعية للقير العادي ومستحيل نقارن اكورد بالكامري وخصوصا اذا كان كامري سبورت

اقتباس:

---

المشاركة الأصلية كتبت بواسطة هـsiـاجر

الكامري الاسبورت وزنة ورساوته وقوة عزمة مو طبيعية للقير العادي ومستحيل نقارن اكورد بالكامري وخصوصا اذا كان كامري سبورت

---

الأسبورت والـ glx كلها نفس القوة

لكن تختلف في نظام التعليق

ويكون في الأسبورت اقسى ( مساعدات رياضية )

لكن مافي فررق لا في العززم ولا في الوزن ابدا

السلام عليكم و رحمة الله

سيارتي :تويوتا أوريون - جراندي

موديلها : 2008

العداد :+ 47 الف

المده من الشراء : سنتين و يوم واحد

----------------

قبل لا أشتري الاوريون كنت بامووووت من الحيره مع " أكورد " لأنها رسمية أكثر من " أوريون " اللى يغلب عليها الطابع الرياضي

المهم , كان الفيصل بين السيارتين ( المحرك )

و الحقيقه كان صعب أدفع فوق 100 الف ريال لمحرك 4 سلندر لأني كنت أملك سيارة 4 سلندر !! فكانت " أوريون "

طبعا واجهت بعض المشكلات المعروفه في ( أوريون / كامري ) مثل صوت الديكور , بس حليتها بنفسي و في دقائق

المهم , لما تجي تقارن بين أكورد - أوريون من ناحية " بعض " العيوب الفنية البسيطة , ترى ما فيه فرق كبير

- العزل في سيارتي " جيد " و ما أشوفه سئ , لكن أعتقد أنه أفضل في " أكورد "

- العزم ما تقدر تقارن مع 6 سلندر , بس الشباب يقولو مستواها مثل الكامري , طيب الكامري على أنه 157 حصان لكني جربت أقوم مع كامري , و الله من الصفر انه يمشي جنبي الين الـ 60 , بعدها اتقدم عليه بشكل تدريجي

يعني انا صراحة تفاجأت من مستوى الكامري , و اذا كان مستوى أكورد مثل كامري , فالحقيقه مستوى جبار لسيارة 4 سلندر

- الفرامل موديلات 2007 و 2008 في أوريون معظمها كان فيها رجة مع الفرامل

تصدق أنا خرطت الهوبات و السيارة ماشية 9700 كلم ( تسعه الاف و سبع مائة كيلو !! )

لكن , للأن و الفرامل ممتازة ( شوف الممشى فوق )

با ختصار ياعزيزي

كل السيارات في السوق فيها سلبيات تقريبا متشابهه , لا تضيق صدرك , فيمكن تبيع و تاخذ غيرها و تطلع لك نفس السلبيات

و أقسم لك بربي , كنت راح أبيع سيارتي و اشتري " أكورد " بس بعد البحث عرفت أني ما راح أوصل لمفهوم " السيارة الكاملة " لأنها خرافة :047:

البعض يقول المرسيدس ما فيه أصوات , أقولهم سوقو المرسيدس في شوارع " جده " و اسمع أحلى " السمفونيات " الالمانية , طبعا موكل المرسيدس , زي انها مو مثل كل التويوتا !!

أقنع بسيارتك و أصبر , و ستتعود عليها مع الوقت

SAMiR

اقتباس:

---

المشاركة الأصلية كتبت بواسطة سامر الليل

السلام عليكم و رحمة الله

سيارتي :تويوتا أوريون - جراندي

موديلها : 2008

العداد :+ 47 الف

المده من الشراء : سنتين و يوم واحد

----------------

قبل لا أشتري الاوريون كنت بامووووت من الحيره مع " أكورد " لأنها رسمية أكثر من " أوريون " اللى يغلب عليها الطابع الرياضي

المهم , كان الفيصل بين السيارتين ( المحرك )

و الحقيقه كان صعب أدفع فوق 100 الف ريال لمحرك 4 سلندر لأني كنت أملك سيارة 4 سلندر !! فكانت " أوريون "

طبعا واجهت بعض المشكلات المعروفه في ( أوريون / كامري ) مثل صوت الديكور , بس حليتها بنفسي و في دقائق

المهم , لما تجي تقارن بين أكورد - أوريون من ناحية " بعض " العيوب الفنية البسيطة , ترى ما فيه فرق كبير

- العزل في سيارتي " جيد " و ما أشوفه سئ , لكن أعتقد أنه أفضل في " أكورد "

- العزم ما تقدر تقارن مع 6 سلندر , بس الشباب يقولو مستواها مثل الكامري , طيب الكامري على أنه 157 حصان لكني جربت أقوم مع كامري , و الله من الصفر انه يمشي جنبي الين الـ 60 , بعدها اتقدم عليه بشكل تدريجي

يعني انا صراحة تفاجأت من مستوى الكامري , و اذا كان مستوى أكورد مثل كامري , فالحقيقه مستوى جبار لسيارة 4 سلندر

- الفرامل موديلات 2007 و 2008 في أوريون معظمها كان فيها رجة مع الفرامل

تصدق أنا خرطت الهوبات و السيارة ماشية 9700 كلم ( تسعه الاف و سبع مائة كيلو !! )

لكن , للأن و الفرامل ممتازة ( شوف الممشى فوق )

با ختصار ياعزيزي

كل السيارات في السوق فيها سلبيات تقريبا متشابهه , لا تضيق صدرك , فيمكن تبيع و تاخذ غيرها و تطلع لك نفس السلبيات

و أقسم لك بربي , كنت راح أبيع سيارتي و اشتري " أكورد " بس بعد البحث عرفت أني ما راح أوصل لمفهوم " السيارة الكاملة " لأنها خرافة

البعض يقول المرسيدس ما فيه أصوات , أقولهم سوقو المرسيدس في شوارع " جده " و اسمع أحلى " السمفونيات " الالمانية , طبعا موكل المرسيدس , زي انها مو مثل كل التويوتا !!

أقنع بسيارتك و أصبر , و ستتعود عليها مع الوقت

samir

---

مآشآْالله علييك أخووي سسامر

مبدع وين ما تكوون

وكلامك عيين الصواااب

الله لا يضرك

<< متابعك في تويوتا و مازدا والحين شفتك في هونداا

هلا عزيزي


شاكر لك المتابعة...


كل الشكر و التقدير

SAMiR

^^^
ايه الحبيب قاط وجهه في كل مكان >> دعابة :cool:

^^^^

منوور والله وين ما يروووح

اقتباس:

---

المشاركة الأصلية كتبت بواسطة eyad-shaaban

الأسبورت والـ glx كلها نفس القوة

لكن تختلف في نظام التعليق

ويكون في الأسبورت اقسى ( مساعدات رياضية )

لكن مافي فررق لا في العززم ولا في الوزن ابدا

---

اقول كيف الحال تبي تعلمني بسيارة اخوي المكينة حقت السبورت اكبر وروح الوكالة وشوف ياحلوو يعني مصدقني

اقتباس:

---

المشاركة الأصلية كتبت بواسطة هـsiـاجر

اقول كيف الحال تبي تعلمني بسيارة اخوي المكينة حقت السبورت اكبر وروح الوكالة وشوف ياحلوو يعني مصدقني

---

الله يصلحك يعني انا بتكلم من فراغ مثلا .؟

انا عندي كامري glx 2010 فل كامل

وعند واحد من اخوياي كامري se 2010 وكلها نفس المكاين

والإختلافات بين الـ glx والـ se

المقاعد في الأسبورت تكون رياضية + المسجل في الأسبورت يكون 6 سيدييات + التعليق رياضي في الأسبورت ( مساعدات رياضية ) + زوائد رياضية + عداد مختلف عن الـ glx + أشياء بسيطة جدا

لكن المكاين كلها وحدة

وتراا انا عضو في موقع تويوتا العربية من قبل ما يطلع الششكل الجديد للكامري وعارفه من الـ أ للـ ي

وأحسس طلعنا عن الموضوع وهو اصلا عن الأكوورد

تبي أعطييك معلومات عنها بعد .؟

لأني كنت حاطها في بالي قبل الكامري من عام 2009 اول ما طلع اللون العووووودي آآآخ عليه بسس

لكن الحمدلله على كل حاال واستقرينا على الكامري في آخر شيئ