عرض للطباعة
السسسلام عليكم ورحمة الله وبركاته
كيف الحال ؟
شهركم مبــارك جميعـاً . وتقبل الله صيامكم وقيـامكم
أدري ازعجتكم بلون سيارتي كل شوي كاتب موضوع عنه
وانا بصراحه وصلت مع اللون الاسود لطريق مسدود :d
وقررت اني اصبغ سيارتي لؤلؤي
والسؤال /
1/ وش رايـــــكم بالفكره
2/ تعرفون لي ورششه ترش رش محترم يعني رشة وكالـــه ؟!
3/ كم يبي يكــلفني رش السيــاره طبعا بورشة محترمه ؟؟
4/ ياليت اللي يعرف الاجراءات المطلوبه لتغير لون السياره يعلمني ؟
ودمتم سالمين
تقبل الله صيامك وقيـامك وكل عام وانته بخير
أدري ازعجتكم بلون سيارتي كل شوي كاتب موضوع عنه
لا ازعاج ولا شيئ
وانا بصراحه وصلت مع اللون الاسود لطريق مسدود :d
وقررت اني اصبغ سيارتي لؤلؤي
والسؤال /
1/ وش رايـــــكم بالفكره
فكره حلوه بس بتطيح عليك سعر السياره لانها مو رشة بلد
2/ تعرفون لي ورششه ترش رش محترم يعني رشة وكالـــه ؟!
بالرياض لا والله ما اعرف
3/ كم يبي يكــلفني رش السيــاره طبعا بورشة محترمه ؟؟
تقريبا واقل تقدير ما بين 4000الاف الى 5000الاف على حسب نظافة شغل كل ورشه ولا تنسى عندك
المكينه لازم تطلع برا ويرشها من جوا (( بطن السياره من الداخل الي حوالين المكينه والمقدمه لأنها اسود عندك ))
4/ ياليت اللي يعرف الاجراءات المطلوبه لتغير لون السياره يعلمني ؟
اهم شيئ السياره مجدده ومفحوصه وتروح للمرور وتقدم طلب تغيير اللون وهما بيسون معك اللازم وبعد ما تدوخ بيعطوك ورق التعديل الخاصه باللون :d
مشكووووور يالغــــــــــــــالي
لا حول ولا قوة يعني المرور قلق
يعني مو بسهوله تاخذ ورقة تغير اللون :d
/
جزاك الله خير
ما انصحك اترش لان راح تخسر فلوسك و لا بتعجبك السيارة بعد الرش
اعرف واحد رش سفيك 2006 وكلفت 15000 الف
هل عندك استعداد تدفع هذا المبلغ
اذا مره منت عجبتنك السيارة
نصيحتي لك بيعها و زيد عليها مبلغ الرش و خذ لك سيارة ثانية بلون الي تبيه
لا يخوي ماعندي استعداد ادفع اكثر من 5 الاف ريــال
وبالنسبه لي ماابي ابيعها عشان موتري نظيف
اخاف ابيعه واطيح بموتر مكروف كرف واتندم
فعشان كذا انا فكرت ارشـــه يخوي اللون الاسود
سيء سيء سيء
وعليكم السلام ..
بالعكس اللون الاسود من افضل الالوان ..
حاول انك تدخلها على محل تلميع كويس ،
ولمّعها من بره ومن داخل ، وصدقني بتتراجع عن لون اللؤلؤي ..
وبعدين موديل 2007 منتشر منه لون لؤلؤي بكثرة ..
واللون الاسود فيه مميز ..
موفق ..
هلا اخوي ككاشي سن
ياخي بس الدوائر ماتروح حاولت فيها لين طفشت مافي
فايده وانا مو من النوع اللي يهتم ابي لون يخدم معي ومايهمني الانتشار
انا ابي لون يتحمل ويخدم معي ولا اغسله الا بالشهر مره
/
شكرا لك
تحيتي
اخوي تغير لون السيارة يعني السيارة بتنفك كلها من والى عشان كذا مو اي ورشة اتروح لهااقتباس:
المشاركة الأصلية كتبت بواسطة V6 2007
الورشة الي بتروح لها لزم اتكون مثل الوكالة يعني فيها مكنيكين على اعلى مستوى و كهربئين على اعلى مستوى
و لا تنسى ان و الورشة تشتغل في السيارة يمكن الى اكيد بكسرو بعض القطع و بكل بساطة بيقولك روح جيب جديد
على فكرة لون سيارتي اسود بس ان ما ادافع عن اللون الاسود ابد بس فكرة تغير لون السيارة شيلها من بالك
و لو تقولي تبي تبيع سيارك
انا اول واحد يقلك لا تبيع لانك بتخسر
لكن حسيت انك ملزم اترش و بكذا راح تخسر اكثر بكثير
اتخيل لون سيارك هو لون الكامري الاخضر 2007 :d والله ان الاسود احلى
احمد ربك ان لون سيارك اسود والناس تنظر للون وتتمنى ان سيارتهم مثلك
^^
والله كلامك سليــــم
بس ياولد كل مااشوف اللؤلؤي اقول لتني خذته والله انه خقق
وانا اكثر شي خايف منه ان السياره لما يفكوها ماترجع زي اول
وانا من النوع اللي ماابي شي يتغير بالسياره ويتعبني بالمسستقبـل
تحيتي لك ياذيب
إذا معك واسطة يجيبلك الورقة الى البيت بالراحة.اقتباس:
المشاركة الأصلية كتبت بواسطة v6 2007
اقتباس:
المشاركة الأصلية كتبت بواسطة ابو علي
كلام سليم
انا بصراحة ما احب اللون الاسود على السيارة
بس الـ 2007 اللون الاسود عليها ماشاء الله رهيب :cool:
واذا مرة معزم تبي تغير اللون انصحك تبيعها وتاخذ اللون اللي تبيه
لأنك لو غيرت لونها في كل الحالتين انت الخسران
اول شيء راح موديلها فشيء طبيعي بيطيح من سعرها ولو غيرت اللون بتنحسب عليك انها مرشوشة واللي بيشتريها بيحسبها مصدومة ومرشوشة
فنصيحه امسك قردك لا يجيك اقرد منه :d
صراحه ما انصحك تغير لون السيارة لانه فيها فكفكت مكينه واشياء ثانية الا اذا بتروح ورشة مضبوطه وشغلها مضمون ممكن
لو انت بجدة كان دليتك على ورشتين مضمونه هنا وانا رحت سالت واحد قالي يكلفك 5000 ورشة روتانا معروفه بشغلها و
ورشة العيتاني قالي 7000 وشغل وكاله ماعليه كلام
والي يقول انه واحد رش سيارته ب 15000 صراحه بالغت كثييييييير يا خوي اذا كان الوكاله ترش السيارة ب 12000 اجل خويك وين رش.
انا أبي أسأل بس وش دخـل المكينه وفكهـآ الرش على البدي وش يبون بالمكينه :d
^^
اذا يبي يرش السياره كامله وماتبين انه فيها لون ثاني يفك
المكينه عشان يرش البدي حق السياره الي ورا المكينه وجوانبيها
ويفك جميع ديكور السياره
يخلي السياره على البدي
اذا كان مايبي لون اسود موجود
:d
عطني رشتك وخذ رشتي >>امزح
اللون الاسود ملك الالوان مع الغسل والتلميع المنزلي >>عند البيت =جونان
انا سيارتي لونها لؤلؤي من كثر انتشار هاللون صرت اضيعها عند المواقف>>>لا والحين نزلت هاللون بعد الاختراعات في الالوان الخطيرة لون الصلصة >>>الدموي ...ولون الخيار
اخوي انا انصحك ولك حرية الاختيار
اصلا ماراح تحصل ورشة محترمة ترش لك هاللون ب5000 ريال >>>اللؤلؤي فيه زيادة عن باقي الالوان من ناحية السعر
الا اذا كانت ورشة مشي مشي حالك
ياحبيبي انا كنت برش الباب والصدام قال لي 1000 ريال وانت سيارة كاملة فك وتركيب ب5000 >>>تحطيم
اخوي تقبل نصيحتي بصدر رحب
اخوي انا ما ابالغاقتباس:
المشاركة الأصلية كتبت بواسطة اكورد مودي
و عشان توضح الصورة لجميع
الورشة قلة لراعي اسيارة ان تكلفت الرش كامل 5000
لكن و هم بفكون في السيارة مثلن الابواب كسرو الازياق و كسرو اشايى كثيرة و اضاعو بعض القطع
و للمعلومية في قطع السيارة لما تنفك لازم تتغير
و في النهاية السيارة طلعت من الورشة بعد 6 شهور و كان الاتفاق شهر واحد
5000 قيمة الرش و 10000 قيمة القطع الي الورشة خربتها
قطع الغيار غالية جدا
مثلا الازياق حق الباب قيمتهم 1000 و الجلود الي فوق الباب قيمتهم تقريبن 850 و يمكن تستغرب اذا قلت لك
هذي ارخص الاشياء الي اشتراها
اجمالي المبلغ طلع 15000 و فيه كسور بدل الاصفار
و بتستغرب لو قتلك ان الرجال باع السيارة بعد سنه من خروجها من الورشة
الرجال ما زال محتفض بلفواتير الى حد الحين
و لا تقولي ان الروشة ليست جيدة الورشة مشهورة عدنا في الشرقية
والله انا مستغرب من خويك انه طاعهم في كل مايقولون ولو انها على قولك ورشة محترمه ومشهورة ما كان عملو هذا كله
اجل اش تقول على لكزس 430 رشيتها عند العيتاني الي في جدة بشارع فلسطين كامل ولون احسن من الؤلؤي كان اللون بني داخل عليه الاصفر الي هو حق ال460 ولا وازيدك من الشعر بيت تراها سمكر الرفرف لانه كان فيه صدمه بسيطه
كلفني شغل يد 8000 ريال وتعال شوف الرشه كيف واتحدك تطلع انها مرشوشه
ملاحظه(اللكزس حساسه اكثر من السيفيك ورغم هذا ما كسروا ولا قطعه وحدة ولا خربوا شي ابدا ورجعوها مثل ما اخذوها)
نصييييييييييييحة اذا كانت السيارة ع رشة الوكالة لالالاتلعب فيها>>لأنها بتطيح من سعر الموتر كثيييييير لأن في البيع بيشكون وبيقولون اكيد مقلوبة ومرشوشة كامل
نصيحة خلك ع الاسود والله انه حلو ويكفيك انه ماانتشر مثل الؤلؤي
اخوي اللون الاسود هو ملك الالوان برأيي ويعطي السيارة منظر ملكي ورزة الله اكبر عليها
لاتستعجل وفكر قبل لا تقدم على هالخطوة لان يمكن الان انت متحمس للون اللولوي لكن بعد مده رح تحس انه مستهلك
والشوارع مليانه منه ومثل ماقال لك رح تضيع سيارتك في المواقف من كثرة اللون الابيض .
اذا كانت على التنظيف والتمليع كل الالون تحتاج الى رعاية وتنظيف يعني حتى الابيض يوم يلتم عليه الغبار تحس السيارة
صارت تقرف ويصير لون البودي زي الشاي بالحليب ... وكمان سعر السيارة بيخيس مرة بعد الرش .. ما حد بيصدق
انك رشيتها عشان تغير الون الكل بيحسب ان السيارة مصدومة او منقلبه لا قدر الله .
اشكركم جميـعاً
بس السيــاره ممخشه وفي جنب كامل برشه والصدام الخـلفي
وانا قلت دام اني برش اغير لونها مره وحده واشوف ولا واحد شجعني ع الفكره
الظاهر بـ استمر على اللون الاسود الين ربـــك يحلها بعد كم سنه واشتري سياره
ثانيه ,,,
الله يجزاكم خيـر جميعـا
اخووي لو تبي ترش لؤلؤي بيكلفك ..
ولازم تسووي رشه ابيض اول شيء وعليه لؤلؤي وفووق ذا لمعة اللؤلؤي ..
وشكرا انت تعرف مصلحتك ..
يا حبيبي على الاسعار .. 5000 و 15000 و 100 الف ؟
ترا تلاقي ورش رشتها ممتازه بـ 3000 الي 3500
اذا كان الشركة ترش السيارة بالكامل بـ 7000 ريال ، ليش اتبطر و اروح ادفع 15000 ريال
الحل بسيط علشان تطبق اللون اللؤلؤي
1 - خذ واحد معاه لون لؤلؤي و خليه يجي معاك الورشة ، راعي الورشة ياخذك على محل البويات و يطبق اللون على حسب رقم اللون الموجود عند الباب ، و ياخذ عينة و يطبقها على السيارة ، و انتهي الموضوع
2 - تاخذ صورة لرقم اللون الموجود باب اي اكورد لونها لؤلؤي ، و تروح للورشة و هو يطبق عليها
اما شغلة كيف يرش او كيف يرش الاساس ، او كيف يوقف وقت مايرش السيارة او هل يعطس او لا او طريقة مسكتة لمسدس الرش او هل يلبس فلينة حمالي او بكم .. هذا لا تتدخل فيه و خلي الرجال يشتغل برواقة ، يعني لو قال لك يبغالها اسبوع اعطية اسبوع و 3 ايام .. يعني خليه يخلص من الشغل كله علشان لو طلع فيه اي مشكلة مايحطها براسك .
و المرور مو شغلة صدقني مافيها دوخة ولا شي ، مادام اوراقك سليمة صدقني بتمشي ، انقال لي نفس الكلام لما رحت اطلع اللوحة و انها حوسة و دوران و تموت 100 مره علشان تطلع اللوحة ؟!
انا رحت و ماجلست نص ساعة على بعضها الا و قالوا لي خلينا نشوف وجهك الكريم بعد اسبوعين ، و فعلا جيت و استلمت اللوحة بكل بساطه خلال 10 دقايق بس و اقل
انا سيارتي لؤلؤي .. ودي انها ارشها اسوود:rolleyes:
ليه ماتجلدها اسود مطفي والله تطلع خقاق
خاصه اذا الجنوط سووود
تلميع بوليش كامل100%+تكيس كامل+تستيب كفرات =رووووعه
مع احترامي انت هطف مثلاً تغير الاسود ملك الالون انا لو يحصلي اسود خذت
الشكوى لله وانا اخوكاقتباس:
المشاركة الأصلية كتبت بواسطة اكورد مودي
في البداية الرجال ما كان يطيعهم بس بعد كذا الورشة صارة تاخر السيارة بسبب تاخر قطع الغيار
الورشة تسوي طلبيه لقطع الغير من البحرين عشان ارخص لصاحب الورشة و لو ما طاعهم كان الى الحين السيارة في
الورشة
الورشة هي وكالة مازدا و هي مشهورة في الشرقية و اكثر السيارات الي في الورشة هي سيارات الهوندا
هذي الرشة بـ 15000 و انت استغربت هذا لو اقول لك قصة واحد من الشباب الي رش مرسيدس في الناجم
كم كلف عاد لا تقولي ماتعرف ورشة الناجم حتى شباب من البحرين يجو يرشو فيها
اذا تبي تفتك من اللمعه والخرابيط
رح للغرابي ورشها رشه مطفي
يطلع لون سيارتك مطفي بـ 70 ريال
وخطيييييير شكلها .. افتك من التلميع والخرابيط
جرب ما راح تخسر شي
فيه ناس يتمنون ان لون سيارته غامق عشان يخليه مطفي
:d:cool:
للتوضــيح
هذا لون أســود مطفي
شوف كيف
http://autoworld.files.wordpress.com...lack_arrow.jpg
..
وهذا موتر واحد من الاعضاء مسوي له تجليد ازرق مطفي
http://www.up.no0f.com/get-2-2010-o60cvxkd.jpg
..
http://www.up.no0f.com/get-2-2010-jmcaxd16.jpg
:cool:
والله صراحه الاسود المطفي رهيييييييييييييييييب وشكلي راح اتهور وارشها مطفي بلا لمعه بلا دوائر
بس ابغى اسال كم يكلفني لو ابغى ارشها مطفي واذا فيه احد يعرف ورشة ترش مطفي تمام ياريت يدلني عليها
الله يسامحك يا خبعه.
والله فكرة المطفي حلووه
شكلي بسويهـــــا
شكرا لكم جميعــا على ارائكم وكلامك الاكثر من رائع < يسمع بالمدح
/
جزااكم الله خير
:cool:
عندي اقتراح بايخ
جلدها لفترهـ
لين ماتطفش وخلاص
الرشه المطفيه مو بويه يا اكورد مجنونه
هذي رششه نفس التغبيره
بس انها تخلي لون السيـاره مطفي ..
اتوقع بـ 70 ريال يرشونها لك .. وتروح بالغسيل
..
اما التجليده هذي شي ثاني
عطني سيارتك واعطيك سيارتي :d
فكر ورد لي خبر :d
طيب يالغالي ماعليهـا مخالفاتاقتباس:
المشاركة الأصلية كتبت بواسطة b 5ob3ah
يعني مايجيني عسكري يستقعد لي ؟
شاكر لك :)
اكـــــبر× غلـــــــط ×
رشة المصنع تفووووووق وتفررررررررررق كثير عن رشة أطلق وأطلق ورشة بالمملكة
أولآ شي معروف رشة الوكالة أو رشة المصنع تعيش عمرها بالكامل لأنه يتم رشها بطريقة مختلفة تمامآ عن الورش
الناس تروح تدور وتبحث و تتعب بالتشاليح علشان الموتر ما يقال عنه مرشوش وغير كذا قيمة السيارة إذا كانت تسور
70 الف ريال أتحداك تجيب 35 الف بعد الرش و بعده مدة بسيطة مع الغسيل والشمس لازم ترشها مره ثانية لأنها تطييير
غير أن الرش بيكون أي كلام مستحيل يكون مثل الوكالة إنتبه وأنا أخوك والله يعينك على التلمييع بس أبعد عن الرش....
اقتباس:
طيب يالغالي ماعليهـا مخالفات
يعني مايجيني عسكري يستقعد لي ؟
شاكر لك
اقتباس:
:)
أهم شي اذا شـاف استمارة السيـاره
اللون : اسود
ولون موترك اسود خلاص ما يقولك شي :)
..
موب تروح تجلدها ازرق وبالاستماره سيارتك اسود :d
الدوائر ما اتطلع الا من طريقة التمسيخ الغلط والغسيل الغلط
ونصيحه دخله احد مححلات التلميع الكويسهـ وشف وش بيطلع
شرط رجع تجدد حبك فيهـ :o
ههههههههههههههههههههه
ونصيحه ابعد عن فكرة تغيل اللون
تحياتي
اقتباس:
المشاركة الأصلية كتبت بواسطة مجوووودي
لو ان موترك فـــل ونظيف نظافة موتري
كان بدون تردد غيرت لو انه 4 سلنـدر عادي :p
بس سبشـل اسمح لي وبعدين انا كلام الشبآب يريحني
بسوي لها تلميـــع وبنشوف الحــل :d
صح نسيت
شهرك مبــارك ياحلوو:)
شكـرا للجميــــع وبارك الله فيكم
كلامكم مقنـــع بجرب اسوي لها تلميـــع وان شاء الله
تضبط
تحيتي للجميع
اقتباس:
المشاركة الأصلية كتبت بواسطة V6 2007
والله انا مثلك اللون اسود و انواع الخرايط على السيارة فكرة قبل فترة اغير اللون او ارش السيارة نفس اللون ..
قالي واحد من الشباب لمعها وتشوف لمعتها من داخل ومن برى صح طلعت من داخل دلللللع بس من برى الخرايط صارت اوضح والدقشات ترفع الضغط ...
المهم أنا زيك وأفكر في لون الكامري الجديده (الؤلؤي) مدري يستاهل والا لا وأفكر اسوي اللون في وكالة تويوتا .:rolleyes: