التعديل البرستيج على الأكورد
السلام عليكم ورحمة الله وبركاته كيف الحال ياشباب , التعديل الشغل الشاغل لدينا ولكن عندما نقول تعديل على الأكورد ليس كالتعديل على الكامري او المكسيما لا إن التعديل على الأكورد هو إضافة لمسات معينة تزيد من فخامة وجمال وجاذبية وسحر هذه المركبة انتبهو تقلبون السيارة مثل الكامري والمكسيما زعانف ولحية ومعجون وترفيع وغيره الحذر الحذر كل شيء إلى الأكورد , الأكورد معناها دلع ماله نهاية وجمال يبغلها شويت مكياج , على سبيل المثال ليش مانقلب السيارة من 4 سلندر فل كامل إلى 6 سلندر فل كامل خصوصا إني رايح الوكالة وعارف المطلوب كالتالي :
(من فل كامل 4 سلندر إلى فل كامل 6 سلندر) :
- لو نلاحظ هناك في صدام الأكورد الخلفي غطاء بإمكاننا نزعه وإستبداله بشكمان زينة كي يصبح مثل الستة سلندر وبصراحة سألت عنه في الوكالة وقالوا لي سعره 284ريال .
- نستبدل VTI-E الموجودة في 4 سلندر إلى V6 VTEC الموجودة في 6 سلندر وسعرها 109 ريال.
- نستبدل 2.4 الموجودة في 4 سلندر إلى 3.0 الموجودة في 6 سلندر وسعرها 45ريال , الطريقة كما هي موضحة في الصورة :
من :
http://uae4up.com/uploads/c855501e1a.jpg
إلى :
http://uae4up.com/uploads/05da9ce120.jpg
أما بالنسبة للتحكم بالمسجل عن طريق الدركسون عند إرادة تركيبه يذهب الضمان والوكالة ليست مسؤلة عن الخراب الذي سوف يتسبب للسيارة , والمحرك هذا شيء مستحيل , يعني الشكل الخارجي راح ينجح معك 100% وهذا اللي يهم الناس .
إذا كنت راح تتبع نصيحتي فلا تضع إلى اللمسات التالية :
- ركب زينون على الواطي حتى لو كان فيلبس مع انه غالي لكن راح يعطيك تميز اكثر من غيرك وسعره 2000ريال , او هيلا الماني وسعره 1000ريال .
- ركب كشافات من الوكالة ماشاء الله شكلها حلو مرة وسعرها 1343ريال انته من اللي في الغرابي في كشافات سعرها من 400-450ريال هذي قديمة رح للوكالة وش العجب واللي في الوكالة يأتي معها فاصل جديد للشمعات الأمامية والكشافات .
- ركب مكان الصندوق السفلي الذي يأتي أمام القير مسجل كاسيت وسعره 1500ريال في الوكالة أو شاشة مناسبة وسعرها حوالي 2000ريال أو اكثر وبشرط ان يكون من الوكالة أو من محل قوة الأحلام لأن مسجلهم يأتي معه تخشيب لكي يعطي منظر أحلى وافخم .
- ضع جهاز IPOD الذي يخزن قرابة 15000 ملف إلى 25000الف ملف للاستماع والمشاهدة وتلاقها في معرض اكسترا وسعرها يبدا من 1500 إلى 2000ريال وانصحك فيه راح يغنيك عن الكاسيت والــــCD .
- جهاز مقياس درجةالحرارة الخارجية وسعره 1400ريال .
- بإمكانك ان تغير الجنوط وسوف تجد جنوط عليها علامة هوندا مثل الوكالة ومقاسها ايضا 16 انش وسوف تجدها في معرض قوة الأحلام بالرياض قرب وكالة هوندا في خريص .
- ضع استكر هوندا على النافذة الخلفية اليمنى او اليسرى كي يعطي السيارة منظر جمالي وتميز .
- بإمكانك استبدال سنادة الرأس الموجودة عندك إلى سنادة رأس المرسيدس الفئة S وهي موجودة في الغرابي وسعرها 500ريال طقم بــــ5 سنادات 2امامية و3 خلفية .
- ظلل السيارة تظليل ضد الشمس او مايسمى بعازل حراري وافضل تظليل عازل للحرارة من كلام احد الاخوان هو عند شركة (في-كيو) وسعره 1500ريال مع الضمان .
- ضع عند درجة الباب دواسات مضيئة عند فتح الباب تجدها عند محل قوة الأحلام وبصراحة شكلها يجنن .
- خشب الدريكسون للمحافظة عليه من الأملاح ولكي يعطي شكل جمالي وكالة او من محل قوة الأحلام وبشرط ان يكون بنسف لون تخشيبة الوكالة .
- إذا خربتها مرة حط جناح خلفي لأنه يأتي وكالة في البحرين .
- ضع بعض اللمسات اللي تراى انها لا تؤثر على السيارة بأي شيء .
لماذا انصحكم بوضع هذي الإكسسورات في سياراتكم وغيرها لا ؟
لأن عند إرادة بيع السيارة سوف يكون من السهل فك كل ماركبته دون ان يظهر هناك اي ثقوب او عيوب في السيارة بعد اخراج الإكسسوارات وبكل سهولة ويسر و بإمكانك استرجاع اكسسوارات السيارة الأصلية دون علم احد ودن ان تسبب أي ضرر للسيارة .
لكن مع وضعك للزعانف واللحية والنسافات وغيرها من الثقوب فسيكون هناك الكثير من الثقوب في السيارة حيث ان سعرها اثناء بيعها سيقل كثيراً والأدهى من ذلك وامر ان الزعانف راح ترميها في الأخير في الزبالة الله يكرمكم وراح تخسر المال الكثير لأنك راح ترجعها للوكالة وراح تطلب منهم انهم يرجعونها لوضعها الأصلي وهذا راح يكلف كثير كثير .
هذا ياشباب اللي عندي وإن شاء الله اكون افدتكم , والسلام عليكم ورحمة الله وبركاته أخـــــوكم دحــــــــــوم 2006 :d :d ,,,
