عرض للطباعة
السلام عليكم ورحمة الله وبركاته
كيفكم انا سيارتي موديلها 2008 ماشية الحين فوق 200.000 كيلو ولا سويت لها صيانة من5000 الاف تقربيا
والسيارة صار فيها تقطيع خفيف وما ادري وش علتها وناوي اوديها الوكالة بس ما اعرف وش يغيرون فيها
وهل تنصحون اني اوديها للوكالة او ورشة ثانية واذا وديتها الوكالة كم تكلف ومادري السيارة تطوول عندهم
بالنسبة للعداد يفصل على 215 تقربيا ابغى طريقة افصله وهل يضر السيارة اذا فصلته او لا
واتمنى انكم تفيدوني وماخاب من استشاركم ان شاء الله
معقوله؟؟؟؟
يمكن في غلط بالكتابه
انتظر شوي يمكن تعدل
اووووما ماوديتها الصيانه من 5000 والحين 200.000في غلط بالارقام اكيد
لا ما في غلط بالكتابة ولا الارقام
ما شاء الله 200 الف ..
والله ما انصحك بالوكالة لانهم بيسون لك لها صيانة يمكن تتعدى حاجز 5 الاف ريال
شف القطع الضرورية مثل بواجي و فلاتر و زيوت و من الشغلات الاستهلاكية وغيرها وان شاء الله تضبط
حبيبي ما فيه غلط بس الرجال يقول انه بس سوى صيانة الالف وغيرها لالااقتباس:
المشاركة الأصلية كتبت بواسطة شانزليزيه
مشاء الله تبارك الله ممشاه كثير
لكن أنصحك توديها لورشه مختصه افضل من الوكاله وأرخص.
الأفضل تسويها في احد الورش وإذا تعرف ورشة تثق فيها توكل على الله.
انت اهم شيء تحافظ على غيار زيت المحرك مع السيفون (الفلتر) وزيت القير
باقي الأشياء مو دائم تتغير ولها عمر إفتراضي او بالأحرى حسب إستهلاك القطعة.
اما الفصله محد يفصل إلا ومخه مفصول (اللهم اني صائم)
وسؤالك عن الضرر اكيد فيها ضرر لأنك انت تحمل المحرك فوق طاقته والتأمين هذا موجود حتى يحافظ على المحرك لأن لكل محرك وله طاقة معينه!.
يعني لا فلتر بنزين غيرته ولا فلتر هواء ولا بواجي ولا زيت مكينة وشكله ما غيرت زيت قير ؟؟؟؟؟؟؟؟
والله انك شر يالشمالي :) 200 الف بيض الله وجهك
اقتباس:
المشاركة الأصلية كتبت بواسطة بلال العلمي
زيت المكينة والسيفون اغيره شهريا وفلتر الهواء اغيره كل فترة غيره السيارة ما سويت فيها شئ
لازيت قير ولابواجي ولا شئ
لا يا شيييييييييييييييييييييييييييخ :(:(:(:(:(اقتباس:
المشاركة الأصلية كتبت بواسطة ملكة الهنادي رفحاء
زيت القير ما غيرته والله مشكله كبيرة لان وضعك حرج جدا
اذا غيرت زيت القير 90% راح يخبط عليك و يضرب القير لانك اتأخرت و بقوووووووة
ودي من بلال يشرح طريقة تغير زيت القير للحاله هذه عشان تعرف لها يا صاحب المووضوع اذا غيرت الزيت
مشكله والله
او انك تووديها للوكاله يغيرون لك زيت القير و قولهم انك مشيت عليه 200 الف ولا عمرك غيرت
و بنفس الوقت خذ ضمان تركيب زيت القير من الوكاله لا تتنازل عنها
ماشاء الله تبارك الله عليك وصلة 200000 وعندك 2008
بس اهم شي لازم تغير زيت القير على ثلاث مراحل اول شي تنقص مقدار علبة من القير وتحط علبة وتمشي حق يومين وبعد تعمل نفس الحركه للمرة الثانية والثالثة وبكذا تكون غيرت زيت القير
بس انتبه تغيره في الوكاله عشان الضمان حق التغيير.
وعليكم السلام ورحمة الله وبركاته
الله يهديك ويصلحك
لازم تنتبه الحين لحكاية تغيير زيت القير عشان مايخبط عليك زي ما قال اخونا سيلفر اوريون
وزي ماقال اخونا اكورد مودي بالضبط
لا تغير زيت القير دفعه وحده
قسمه على 3 او 4 دفعات
نزل مقدار علبه من الزيت القديم وحط مكانه مقدار علبه زيت جديد وامشي عليه كم يوم وبعدين ارجع اعمل نفس الحركه مره ثانيه وعلى هذا الحال 3 او 4 مرات
وانتبه تحط زيت غير زيت الهوندا تبع القير ولاتنسى تغير الفلتر الخارجي
وبعد ماتخلص من الموضوع دا روح غير بواجي وفلتر بنزين وفلتر هوا وفلتر مكيف
الله يستر عليك وعلى سيارتك
:)
أخوي آسف على ردي
و لكن (( الشاص)) هي السيارة المناسبة لك
و من جديد آسف :(
هههه ماشاء الله تبارك الله
ياخي وش تحس به:d:d
المفروض تغير زيت القير من 40الف والبواجي من 100
الله يعينك ويارب تمشي معك الامور
الله يستر علينا وعليك
ما قصروا الاخوان بخصوص زيت القير مع الفلتر الخارجي تبعه
كل اللي عليك تغيره الان التالي
البواجي < هي سبب التقطيع
فلاتر السيارة كلها خصوصا فلتر البنزين ( الصفاية ) لانو مليون بالمية معدوومة و فلتر الهواء ايضا بالاضافة الى فلتر المكيف
سير المكينة
ولا تسويها بالوكاله بيأخذو مبلغ و قدره ولا راح تستفيد من الضمان لانه مخلص عندك
سويها بورشة معروفة و محترمة
و دربك سالم :)
اقتباس:
المشاركة الأصلية كتبت بواسطة silver aurion
مو هذا اللي مخوفني من القير خصوصا اما الباقي مو مشكلة والوكالة اذا جيتهم يبي ينفضون جيبي نفض على اشياء ممكن اني اسويها بورشة ثانية بس اضمان اللي تقوول عنه وش حقه
اقتباس:
المشاركة الأصلية كتبت بواسطة اكورد مودي
والله ان السيارة كارفها كرف ما خليت ديره ما جيتها علشان كذا وصلت 200000
وبالنسبة للقير اول شئ اغير الفلتر وبعدين الزيت او العكس لانه اذا غيرت الفلتر ممكن ينقص تقريبا علبتين او اكثر واذا تعرف ورشة مضبوطة دلني عليها
اقتباس:
المشاركة الأصلية كتبت بواسطة memories
مو هذا اللي مخوفني انه يخبط ومالي الا اني اسوي الطريقة هاذي
اقتباس:
المشاركة الأصلية كتبت بواسطة doabil
لا عادي اخوي بس الشاص ما يخرب يعني علشان اخذه وغير كذا والله ما في احلى منه بر وديرة
اقتباس:
المشاركة الأصلية كتبت بواسطة احبك يالاكورد
والله احس اني توهقت وغير كذا توي اعرف الزيت انه لازم يتغير كل 40 الف والبواجي 100 بس كل طقه بتعليمه
اقتباس:
المشاركة الأصلية كتبت بواسطة silver aurion
ما غيرت من الفلاتر الا فلتر الهواء وفلتر المكيف والله الشهر هذا والله اني ناوي انفض السيارة ان شاء الله
ماشاءالله
هذا قير اكورد 2008طاق
مشى عليه 100 الف بدون مايغيره
وانت مشيت 200 مشاءالله
http://a.imageshack.us/img265/5291/dsc0926fhdr.jpg
وش فيه القير مخبط والا وش سالفته والله انك خوفتنياقتباس:
المشاركة الأصلية كتبت بواسطة abady.777
انا استغرب على الوكاله ماتغيره الا على 60 الف ؟؟
المفروض 40 الف هذا المتعارف
بس اخوي زي ماقالو لك الشباب لازم تغيره على كم مرحلهـ
لان القير الحين لو فيه مشكله ولا شي ماهيب طالعه معك لان الزيت فيه شوائب وعفسهـ وغطيه على اية شي فيهـ
لاكن لو تغيره على طول كامل اذا فيه شي بيظرب على طوول
على العموم الله يعدي امورك على خير
تحياتي
اليوم رايح ورشه شفت اكورد عنده صار لها
اسبوعين
سألته شسالفه شفيها
قال ماشي عليها 100 الف بدون مايغير زيت القير
وخبط القير
الله يعينك
اما سالفة التقطيع حصلت معي وغيرت بواجي وفلتر البنزين وراح التقطيع
اما زيت القير اول مرة 60 والباقي كل 40
والسير لازم يتغير
طبعا انا توقعت ان سيارتي مشت الاكثر من موديلات 2008
لكن اعتقد اني الثاني (بعدك)طبعا من ناحية الممشى
مشت سيارتي 186309>>>راح اخذ نظرة على السيارة ورجع يكتب
سبحان الله اللي مايعرف المنتدى متهني بسيارته..
ولد عمي متزوج ومايعرف شي في الحياه اسمه منتدى هوندا.
معه اكورد 2005 ماشيه 250 الف ماقد لمس زيت القير.
المهم وانا فوق راسه اصايح عليه وغيره وعلى دفعات وهو يضحك.
المهم راح خم له كم علبه حتى مايدري كي يكفيها.
وراح عند ابو يمن وغير ابو الزيت مره وحده . واقسم بالله العظيم ان مافيها شي.
والظاهر سيارتي(2007) بتخبط قبلها.
حتى دركسون سيارتي يقرقر لاجيت الف وهو زي اللوز ماشاء الله.
ياراعي الموضوع توكل على الله وغير بواجي وفلتر بنزين وفلتر هوا وزيت قير وادعس.
شوف أخوي
واحد من الشباب يقول غيره بالتدريج
و احد ثاني يقول لا يفك الزيت الا في الوكاله و بعد ما يتغير ما يعدي سرعة ال ٨٠ كم / بالساعة
و الله أعلم