نصيحة مجرب ل بنزين 91 او 95

السلام عليكم و رحمة الله و بركاته
اولا مبروك عليكم الشهر و عساكم من عواده

طبعا بعد ما كثرت الاسئلة عن استخدام بنزين 91 او 95 و مين الافضل للسيارة طبعا انا بكلمكم عن تجربتي الشخصية و لكم حرية الاختيار

من لما طلعت الموتور قبل 3 شهور و نصف كنت اعبي بنزين 91 و ذللك بعد نصيحة اخذتها من مندوب مبيعات الشركة و مهندس هندي بالصيانة بالدمام
وبالفعل السيارة ماشالله و الامور تمام
لكن لما شكيت بالعزم انه مو قوي مرة قلت بغيرها و بعبي 95

فانتظرت لما فضي التنك و ضزت اللمبة و عبيتها فل 95
اول شي لاحظته اتغير صوت الموتور و صار فيه ضوجان تسمعه لما تولع المندشن يعني الصوت عالي ماهو الي كان قبل حتى المكيف سبحان الله تحس تبريده مو مثل قبل

قلت برجع بفضي التنك و بعبيه 91 لاحظت انه يطول اكثر يعني ممكن احتراقه ابطئ فيطول اكثر و بهيك لاحظت انه كلام المهندسين و اصحاب الخبرة كلو صحيح و توني اليوم معبيها 91 و انشالله الامور تكون وصلتكم
و هذي نصيحتي لكم اخواني ب 91 لانه لما قالو عبيها 91 كانو عارفين هذا الشي و مشكورين وانا اسف على الاطالة

مع احترامي لك
95 وبس
العكس

وعليكم السلام ورحمة الله

يعطيك العافيه أخي أبراهيم
والمشكله تكمن بأعتقاد البعض أن الأغلى هو الأفضل

والله كتاب الوكالة يقولون عب 91 عشان كذا معبي لكن من ناحية العزم ترا فرررررررق

انا جربت الاثنين لاحظت ان 95 يخلص بسرعه بس

والعزم ووووواحد ماتغير

انا عن نفسي اشوف 91 افضل وعادي بما ان الوكالة قالوا لك

انا زي ما قال الحبيب سيارتي اول ما طلعتها من الوكالة كنت اعبي 91 قلت خلني اجرب 95 شفت صوت و رجع على 91 و سيارة بعدها 100%

91 وبس

يكفي ويوفي

ما تفرق

كلامكم غريب و عجيب
أول مرة أشوف ناس تمدح الــ 91
بما أنه رخيص أكيد أنه رديئ
و حسب ما سمعت من أشخاص مقربين أنه يحترق بسرعة و يتلف البخاخات و حاجات كثيرة و يقلل العزم

طبعا يا اخوان كلنا بنعرف انه البنزين ال 95 انقى و افضل و احتراقه او اشتعاله اقل لكن هذي بعد تجربة شخصية
و هذا كلام الشركة والصيانة و بالنسبة للعزم ممكن يكون ال 95 افضل
لكن بالنسبة لضوجان الموتور فهو اعلى على 95
ويبدو انه ثقيل جدا على الصبابات و زي ما اقولكم لو تجربون تشغلون المكيف و تسمعون الصوت كيف راح تشعرو بالفرق
والسلام

مشكور والله يعطيك العافية على موضوعك
أنا جربت 95 بصراحة ما فرقت معي يعني قطعت بالتانكي تقريباً 500 كم وبـ 91 تقريباً نفس المسافة ومن ناحية العزم ما لاحظة شيء ورجعت على 91

انا رجعت للكتلوج يلي يجي مع السيارة من المصنع ( ترى سيارتي اكورد 2004 )
مكتوب انه البنزين الذي يجب استخدامه هو 91 او اعلى
فقمت بالتحويل من 95 الى 91 ولم يحدث اي مشاكل :cool:

^^^^^^^^^


وانا متلك كمان :d

اقتباس:

---

بما أنه رخيص أكيد أنه رديئ

---

&

اقتباس:

---

طبعا يا اخوان كلنا بنعرف انه البنزين ال 95 انقى و افضل و احتراقه او اشتعاله اقل لكن هذي بعد تجربة شخصية

---

أذا على كذا أعذركم

النقاء والرصاص .......ألخ , مالها دخلها أبداً في الفرق بين 91 و 95
أبحثو وأن شاء الله تعرفو :)

91 هو الافضل

95 هو الافضل:banned2:

:dلأني من اخذت الموتر(قبل 3 شهور) وانا اعبي 95

والحمدلله كل شي تمام العزم-المكيف-الاستهلاك

وسلامتكم:rolleyes:

السلام عليكم
يعطيك العافيه أخوي ع موضوعك
بس كل الي قلته وجهة نظر منك واحترم وأقدر وجهة نظرك
بس يالغالي بنزين95 أفضل وأريح لسياره وبصراحه أقوى لعزم السياره
وبالنسبه لبنزين91 كثير إشتكوى منه من ناحية البخاخات وغير كذا سبب رجفه في المكينه لبعض السيارات عكس بنزين95 هذا شي يدل على إنه يسبب مشاكل.
طبعا أخوي هذه وجهة نظري بخصوص موضوع
ك
تقبل مني خالص التحايا.

يا جماعه الخير

سالفة الفرق بين 95 و 91 هي

ان نسبة الهبتان في البنزين 95 = 95%

و نسبة الهبتان في بنزين 91 = 91%

و كل ما زادت نسبة الهبتان .. كان اجود و افضل للمكينة

و على فكرة ممكن البعض يتسائل ليه هذا لونه اخضر و هذا لونه احمر دام ان المكونات الكيميائية نفس بعض و الفرق بالنسبة فقط 4%

عشان يفرقون بين البنزين 95 و 91 فقط لا غير .. يعني اضافة لون للتفرقة ولا بأثر في البنزين :)

مع العلم ان الاخضر اضافة لون و الاحمر لونه الاصلي للبنزين

ادري كثرت حكي خخخخخخ :d

بس مكينة الاكورد تقبل بنزين 91 و انت طالع

و اجود انواع البنزين هو بنزين 100 الموجود بالكويت و الامارات

^^^^^^^^^

يالحبيب لو تبي تفلل التانكي في الامارات

اقل شيء بتدفع 100 درهم

يازين 91 بس

30 ريال يتعبى التانكي وانت تضحك

^^^^^

شي اكيد لسببين

- ارتفاع سعر البنزين بالامارات
- سعر بنزين 100 بطيعة الحال غالي لانه الافضل و اصفى بنزين للمكينة :)

اي والله الله يعز ابو متعب و السعر رائع و عقبال ما يصير مثل الديزل :d

^^^^^^^^^

لو يصير مثل سعر الديزل بيصير مشروبي المفضل ههههههههههههههههههههههههههههه

91 وبس ولاتجلسون تهذرون 91 افضضضضضضضضضضضل وانا بشتري اكود واستنى 91 بي احر من الجمر

من تجربه شخصيه انا جربت الاثنين مافيه اي فرق الا بالعزم فقط ،،، كنت مسافر احد المرات وجربت الاثنين
الاخضر نهايته على الترس الخامس الى 4 الـ rpm والسرعه 190-195
اما الاحمر فكانت تفصل السرعه معي والـ rpm على 3.8 تقريبا

انا احس ان 95 افضل


ومدري وش بعبي

انا معي اوريون اول وقالو الوكاله 91
وانا عبيت 95

انتبهو ترا الخطوط الطويله مافيها 95 انا رحت الطايف وسالت محطه قال مافيه 95 كل المحطات كذا عاد مادري صادق ولا كذاب بس خذوا الحذر مالها داعي قطعه

لو سمحتوا خليتوها هوووووواش ..

91 أنا مجربه وكانت السيارة أحس عزمها ضعيف ..

وغيرت على 95 بدت السيارة تتحسن بالعزم والحمد لله الآن ماشي مثل الحلاوة مع السيارة ..:)

تحياتي لكم ..

91 على كلام الكتاب حق السيارة والمهندس حق الصيانة

وموظف الشركة والعزم مالعزم هذي كلها تهيااات

والله يوفق الجميع

موضوع جميل للنقاش ............
بصراحه انا لي ثلاث سنوات اعبي 91
وانصدمت كثــــــير فيه
اعدام على البخاخات
ويحرق البواجي
وزود على كذا
اعدام عندي ميزانيه البلوف ......
وفيه شخص اعرفه ميكانيكي مو تركي ولا فلبيني
سعوودي ويشتغل اكثر 25 سنه بورشه خاصه بالحكومه ويقول ان بنزين 91 يعدم البخاخات والبلوف
والحين انا مدخل موتري للوكاله بسبب رجف بالمكينه ووزن بلوف سببها بنزين 91

هذا والله أعلم

اقتباس:

---

المشاركة الأصلية كتبت بواسطة ابو حمدان

انتبهو ترا الخطوط الطويله مافيها 95 انا رحت الطايف وسالت محطه قال مافيه 95 كل المحطات كذا عاد مادري صادق ولا كذاب بس خذوا الحذر مالها داعي قطعه

---

نصيحه منــــــــي

لاأحد يعبي من محطه مافيها فلتر بنزين يوضح لوونه
والمعروف ان 95 احمر
و 91 اخضر
وفيه بنزين لونه اصفر هذا اقل من 91
فيه محطات كثير طايحين فيه واحيانا يحل محل 95 الله يهديهم بس يغشوننا عيني عينك

91 آفضل :cool:
همآها تمشي بس :d

يازين الاخضر ههههههههههههههههههههههههه

انا جربت الاثنين
وكلام الاخ صحيح

لمعرفة معلومات أفضل عن الفرق بين 95 و 91

الرجاء زيارة الصفحة التالية
http://www.hondaarabia.com/club/showpost.php?p=400898&postcount=1

بالنسبة للناس اللي ما تهتم في العزم وما تتعدى السرعة القانونية :d ودايم ما شيين في حالهم همهم الهدوء والاستقرار على الطرقات :A6rb.Com_36: يحط بنزين 91 لأنه بيكون موفر على جيبه وموفر على الناس الجنان والسرعة ..

لكن بالنسبة للناس اللي رجلها حارة :eek: ودايم يحب يكون طلقة :a098: من بين السيارات يحط 95

من المعروف أن تطاير بنزين 95 أعلى من بنزين 91 وذلك لاختلاف درجة الأوكتان بينهما وكلما كانت نسبة الأوكتان أعلى كان الاحتراق أقوى وأفضل وأكثر إكتمالا وأقل ضررا وأقل رواسب كربونية على رؤوس شمعات الاشتعال مما يجعل أداء المحرك أعلى وأفضل منه من استخدام بنزين 91 ...


قمت في احدى المرات تجربة بنزين 91 ويا ليتني ما جربته

• السيارة عزمها صار في الأرض
• البواجي فكيتها لقيتها أسود من السواد وذلك بعد استخدامها 5000 كيلو فقط .
• تفتفة خفيفة جدا على سرعة 120 كلم .

وعلى اثر ذلك قمت بالتحويل مرة أخرى إلى بنزين 95 وتغيير فلتر البنزين وطقم بواجي جديدة حينها أحسست الفرق بالعودة لبنزين 95

95 وبس

وأذكر إني شفت بنزين لما سافرت لبنان آخر مرة عنهم بنزين 98 << عاد هذا لحد يولع سجارة بجنبه ...

أنا من الناس اللي مهتم بالعزم والتعديل والتزويد ولا أرضى بغير 95 بديلا ...


أرجو زيارة هذا الرابط ايضا لزيادة الاستفادة من خلال الأسئلة الموجودة به

http://www.swcc.gov.sa/modules/artic...e.asp?a_id=202

^^ لاحظ إنه همهم التوفير

^^^^^^^^^^


يعني اخضر ولا احمر :)

95 أفضل و 91 مافيه مشاكل و الوكالة تقول لا تعبي اقل من 91 وعن نفسي مااعبي إلا 91 ومامنه أي مشاكل

والبنزين عندنا رخيص الله يخليلنا أبو متعب . الدول الأوربية أسعار البنزين ترتفع و تنزل بشكل يومي وفي بعض الدول

تانكي الجيب أو الجمس فل ب 600 ريال ماتشوفون القطارات والسياكل شغالة عندهم مع العلم عندنا البنزين أرخص من

المـــــــــــاء ولله الحمد نعمة تبي شكر . بالامارات تففل الأكورد ب 110 ريال تقريبآ :eek: وعندنا 28 ريال :d فلها وفلفلها

أحمر ولآ اخضر مافرقت انت وجيبك .

91 91 91 91

وبس

والله انا شايف الفرررق الي يقول 91 يجرب 95 ويشوووف الفرررف
وربي فرق بالعزم وصوت المكينه
95 وبس
يارجال الوكاله يبغون موترك يخخرب علشان تمشي قطع الغيارر
فلذالك عب 95 وبس
وبتشوف الفرررررق

صلووووو على النبي ياشباب شوي وتتبافسون الي مرتاح مع الاخضر يبقى عليه والي مرتاح مع الاحمر يبقى عليه انا عن نفسي جربت الاثنين الاحمر افضل بكثيييير معي وهو الي ريحني حتى اني اذكر يوم اني بثاني ثنوي بحصة الكيمياء الباب الاخير او الي قبل الاخير يتكلم عن البزين في السعودية واذكر مدرسنا المصري يوم يقووول (( الي عندو سيارة جديدة ويبغى يحافظ عليها ويطول في عمر مكينتها يعبيها بنزين اوكتين عالي لانو كل مازاد الاوكتين كل مازاد عمرة مكينة السيارة يعني علاقة طردية اما الناس الغلابة الي زيينا مابتفرقش معانا سيراتنا قديمة والاوكتين بمصر 81 انتهى ... )) والذمة على المدرس انا كل ماجيت اعبي اخضر اتذكر كلام المدرس واعبي احمر << تراني كنت دفرة الطاولة الاولى ولا عمري نمت :) يعني كلام موثوووق من عالم كيميائي اما بالنسبة للسيارات الثمانية والستة سلندر هذا الي راح تفرق معه بالمرة لان التفتفة تبااان فيها السوبر حقنا كنا نعبية اخضر كربن وسار يتفتف وحلف الشايب ماعاد يعبيه اخضر واعذروني اذا اخطيت بشي يمكن اكون نعست بالحصة :d

والله يا شباب انتون مكاينكم ما يفرق عندكم لانهم 6 و 4

اما انا 8 سلندر انواع الفرق جربت 91 يعبي كثير لكن يخلص بسرعة هع
عبيت 95 يعبي خفيف لكن يطول

والحين انقلبت الآية 95 يخلص و91 يطول هههههههههههههههههه

يازين مكاين الكوبالت اس اس 6 سلندر 2.2 لتر هههههههههه

مشكور على النصيحة