ابشتري جوال وابغاء نصحتكم

السلام عليكم
كيف الحال
ندخل على موضووووووووووووع على طووول:)
المهم انا بشتررري جوال للعيد :cool: وابغاء اشاوركم كان في رأسي n86 عاجبني شكله ومميزاته ومايعلق كثير وتصويره حلوه
انا امس قاعد اتمشي في اسواااق الجولات اشوف الاسعار وقاعد اتكلم معا واحد سعودي اسأله عن مميزات n86 قال موحلووو والمديل قديم قال ايش رايك :eek: بلاك بيري وقال افضل من n86 انا استغربت قلت ما وقف الخدمه قال كذب في كذب ماوقف الخدمه ولاشي وسال عن سعره قال 2200 وانا سمعت عن البلاك بيري وشايف الناس طايحن فيه ودددي اجربه وشوف كيف الناس معجبين من البلاك بيري حتى انهم صاروا مدمنين وانا ما اعرف واحد عنده البلاك بيري علشان اشوووف مميزاته
انا بغاء جوال شكله حلو فيه مميزات حلوه
مثل gps وبلوتوث و التصوير و الصوت مرتفع و ....الخ
ابغااااكم تنصحوني
بلاك بيري او n86 او غيرهم >>>>> ومع ذكر السبب
معليش طولت عليكم

اهلين وسهلين

الله يرزقك بجوال يعجبك,انا انصحك بـ اي فون.
اذا تقدر خذلك 4g او 3gs واتوقع ماتحتاج 32 جيجا فانصحك بـ16 جيجا
والله ييسر امورك

والله دامك كسرت حاجز 2000 :d
نصيحة خذلك ايفون 3جي اس ابيض :cool:

اقتباس:

---

المشاركة الأصلية كتبت بواسطة azooz291

اهلين وسهلين

الله يرزقك بجوال يعجبك,انا انصحك بـ اي فون.
اذا تقدر خذلك 4g او 3gs واتوقع ماتحتاج 32 جيجا فانصحك بـ16 جيجا

والله ييسر امورك

---

هلاوالله عزوز شخبارك انت باااقي في الخميس

المشكله اي فون ما جربته
بس اشكرك على المرور

اقتباس:

---

المشاركة الأصلية كتبت بواسطة الشمــــالـــي

والله دامك كسرت حاجز 2000 :d

نصيحة خذلك ايفون 3جي اس ابيض :cool:

---

هلاوالله الشمالي
اشكرك على المرور

بلاك بيري ماينفع الا في خدمة الـ bb يعني ماراح ينفعك في التصوير ولا الصوت

وجوالات سوني اريكسون ممتازه في التصوير خاصتآ ولكن عيبها عند البيع يطيح سعرها وبالنسبه لجوال n86 اشوف ان الجهاز ثقيل !

هذا موقع اكسيوم في شركات جوال كثيره خذ لفه فيه واختار الجوال الي يناسبك

http://www.axiomtelecom.com/uae/index.php/ar

اقتباس:

---

المشاركة الأصلية كتبت بواسطة meshoo

بلاك بيري ماينفع الا في خدمة الـ bb يعني ماراح ينفعك في التصوير ولا الصوت

وجوالات سوني اريكسون ممتازه في التصوير خاصتآ ولكن عيبها عند البيع يطيح سعرها وبالنسبه لجوال n86 اشوف ان الجهاز ثقيل !

هذا موقع اكسيوم في شركات جوال كثيره خذ لفه فيه واختار الجوال الي يناسبك

http://www.axiomtelecom.com/uae/index.php/ar

---

اشكررررك على الرابط :cool:

وعليكم السلام ورحمة الله وبركاته

اسمع نصيحتي وان شاء الله ماراح تندم

طالما انك وصلت للـ 2000 ريال فلا تاخذ الا ااي فون

بالنسبه لخدمة البلاك بيري مازالت تعمل لأنهم اتوصلوا لإتفاقيه مع الشركه

عموما الأاي فون ممتاااااز حتى لو كان 3جي اس مو لازم 4

صحيح راح تتعب شوي في البدايه عشان تتعود عليه وتتعلم عليه بس صدقني بعدها ماراح تفكر في غيره ابدا

:)

آي فون وبس :cool:

آي فون وبس :cool:

أيفون 4 وبس

بتحس أنك كاشخ على شي يستاهل

مو تكشخ بنوكيا والله محد درا عنك

هلااا اخوي ..

زي ما قالو الاخوان .. دام ميزانيتك على الـ 2000

آي فون .. بعدها سوني اريكسون .. ( ساتيو )
صدقني لو تجربهم رح تكره شي اسمه نووكيا ..

اما البلااك بيري .. ما ينفع الا لمحبي المسن والسوالف .. وخدمه البي بي ..

ومافيه اي مميزات ..

خلك على آي فون او سوني اريكسوون .. وانت مغمض .. والله يوفقك ..

اشكركم على الردوووووود وبيض الله وجهكم
ان شاء الله اليوووم ارووح اشتري اي فون :cool:

طيب شوف الايفون 3gs وشوف 4g

عشان ماتشتري 3gs وتندم بعدين

لان تقريبا 3gs 32gb بـ 2900 ريال

و4g 16gb بـ 2924 ريال طلبيه من موقع ابل البريطاني

هلاوالله ميشو مشكووور على النصيحه
انا بروووح اشوف اي فون وشوف مميزاته واسال عن سعره ان شاء الله بكره اشتري او بعد بكره
المشكله ما اعرف الطلب من الموقع اخف ارسل غلط وتروح فلوسي اذا موجود في اكستر 4g اشتري

بالنسبه لمسئلة الشراء لاتشيل هم اطلبه لك

ولكن ياخذ الطلب 3 اسابيع على مابال يوصل البريد في بريطانيا , والى السعوديه من اسبوع الى اسبوعين

وهذا موقع ابل البريطاني

http://store.apple.com/uk/browse/hom...ne?mco=MTE2NTQ

الله يعطيك العافيه يا ميشو
الشباب اليووم كلهم يقلوا لاتشتري 4g والله انهم يحلفون انه كله خربات
يا شباب انا اليووووم رحت اشوف اي فون 16 3gsجيجا السعر 2750 >>>>> تمام السعر ولا غالي
المشكله ياشباب احس شكله عادي ما تحس بلفخامه
وغير كذا الذاكره داخليه فقط مافي خارجيه >>>> مهم جدا علشان لو ابغا ابيع الجوال ما اقعد انزل اللي في الذاكره كله في الكمبيوتر والله مشوار بس لو في خارج كان نزلت الذاكره بكل سهوله
وغير كذا التصوير مو كويس :(

الشباب كلهم اللي في المنتدي و اخوياء قالو اي فون:cool:
مادري ايش السبب علشان البرامج اللي فيه
انا سمعت البرامج حق مره عجبتني صحاب المحل يقول في برنامج يطلع لك الساهر :p
ويتكلم على برامج كثير والله حبيت الجوال من البرامج بس :o

انا ابغا النصيحه اتوكل على الله واخذ اي فون
وغير كذا تنصحوني بالابيض ولا الاسود
والله تحيرت كثير
معليش طولت عليكم

لاتشتريه غالي جدا

يوم كان ينباع عند موبايلي كانت تبيعه بـ 2600 والحين المحلات نصب عيني عينك

الظاهر اني شفته بأحد المحلات عندنا 16 قيقا 3gs بـ 2400 او 2500 تقريبا

والذاكره داخليه ياباحطاب وش فيها تراها 16 قيقا يعني كبيره تكفي وزياده لاتشيل هم

والي يميز الايفون تطبيقاته زي الالعاب والبرامج اما حق ساهر هذا كلام فاضي :d

اما الكاميرا لك عليها يعني عاديه في النهار استخدامها حلو

اما الايفون 4 كان فيه مشكله الارسال والحين حلوها ولاتنسى انك بتطلب من الدفعه الجديده ومميزاته اعلى كاميرا اقوى 5 ميقا بكسل + فلاش وكاميرا اماميه لاتصال الفيديو ونظام جديد + الجهاز تصميمه حلو وانحف من الاول
وبيفرق معك عن القديم 400 ريال تقريبا حرام تفوت الجديد

^^^

شوف اي فوون o4G

الكاميرا حلوه مع فلاش

اقتباس:

---

المشاركة الأصلية كتبت بواسطة meshoo

لاتشتريه غالي جدا

يوم كان ينباع عند موبايلي كانت تبيعه بـ 2600 والحين المحلات نصب عيني عينك

الظاهر اني شفته بأحد المحلات عندنا 16 قيقا 3gs بـ 2400 او 2500 تقريبا

والذاكره داخليه ياباحطاب وش فيها تراها 16 قيقا يعني كبيره تكفي وزياده لاتشيل هم

والي يميز الايفون تطبيقاته زي الالعاب والبرامج اما حق ساهر هذا كلام فاضي :d

اما الكاميرا لك عليها يعني عاديه في النهار استخدامها حلو

اما الايفون 4 كان فيه مشكله الارسال والحين حلوها ولاتنسى انك بتطلب من الدفعه الجديده ومميزاته اعلى كاميرا اقوى 5 ميقا بكسل + فلاش وكاميرا اماميه لاتصال الفيديو ونظام جديد + الجهاز تصميمه حلو وانحف من الاول
وبيفرق معك عن القديم 400 ريال تقريبا حرام تفوت الجديد

---

والله ما اعرف كيف اشكرك يا ميشو والله اني تعبتك معي
الله يعين اقعد ادور على جميع المحلات في ابها علشان القاء ارخص
عندي بعض الاسأله
اي فون 4 موجود في السوق ؟
كيف اطلب من الموقع ؟
وكيف ارسلهم الفلوس ؟
وكيف يرسلوا الجوال؟
انا ما اعرف شيء يا ميشو ما ابغا تورطني
والله اخاف ارسلهم الفلوس وبعدين يجحدوني والله خايف مره ما ابغا اتورط
طيب اذا ما قدرت على اي فون 4
اتوكل على الله واخذ 3gs

اقتباس:

---

المشاركة الأصلية كتبت بواسطة Y.k.A

^^^

شوف اي فوون o4G

الكاميرا حلوه مع فلاش

---

اشكرررك على المرور

اولآ لازم يكون عندك فيزا وفيها مبلغ الشراء

ثانيا يكون عندك بريد في بريطانيا

^^^^^^^^^^^^^^
ما عندي ولا وحده من اللي قلته
طيب مافي في المحلات ؟
اتوكل على الله واخذ 3gs
اعتذر منك يا ميشو لاني طولت عليك:o

طيب ايش الفرق بين 4g و 3gs غير الكامير و الشكل

هذي المواصفات والصور والخيار لك .

مميزات ايفون, مواصفات iphone 4g :
* تصميم جديد بالكامل.
* انحف من الآيفون ثري جي اس بنسبة 24% وتحديداً 9.3 ملم
* كاميرا أمامية
* كميرا خلفية مع فلاش LED
* 5 ميقا بكسل للصور والفيديو بدقة 720p بوضع ثلاثين فريم للثانية
* 5x ديجتل زوم
* اوتو فوكس بالضغط على المكان المُراد
* دعم الاتصال المرئي بالشاشة الأمامية فقط، ويتم العمل مع مزودي الخدمة لدعمها عبر 3G
* استخدام شرائح Micro SIM الموجودة نفسها بالآيباد
* شاشة الجهاز من نوعية Retina
* دقة الشاشة 326 بكسل لكل انش
* رزلوشن الشاشة 960×640
* نسبة التباين 800:1
* تقنية IPS للشاشة نفس التقنية الموجودة للآيباد
* 3.5 انش للشاشة
* معالج A4 الخاص بآبل
* البطارية أفضل بنسبة 40%
* رباعي الموجة HSDPA/HSUPA
* دعم لـ Gyroscope الخاصة بالتوازن
* متوفر بلونين: اسود وابيض

http://img.gsmarena.com/vv/pics/appl...e-4-ofic-4.jpg

http://pic.gsmarena.com/vv/reviewsim...marena_001.jpg

في المحلات بتحصله بس يبيعونه اقل شي بـ 3500 ريال للـ 16 قيقا !

وحياك الله لااحرج ولاشي :)

اعد النظر في شراء الجوال!. :rolleyes:

انت وش وضعك , تجلس 6 شهور وتبيع , تجلس كل سنة وتشتري غيره؟!

انا اشوف هذا يصلح لك , ومن تجربه جوال ينشد فيه صراحه اسمه "6710-Navigator"

سعره اقل من 1700 ريال

لكن ابرز المشاكل إلي فيه هو الـ (Zoom bar) منطقة التكبير


http://www.ppcps.de/images/smartphon...igator_big.jpg


http://www.cellularhost.com/wp-conte...-navigator.jpg

وهذا فيديو يبين المشكلة

[ame="http://www.youtube.com/watch?v=55itlTj4oQk&feature=related"]http://www.youtube.com/watch?v=55itlTj4oQk&feature=related[/ame]

وتتصلح على الضمان يعني ماعليك خوف , واسئل قبل لا تشتري. :)

^^^^^^^^^^^^^
بيض الله وجهك وريحتني
بس يا ميشو حيرتني كثير
والله حرام اشتري اي فون 3 جي اس وينزل 4 جي
والله متحير مررره>>>>>>> ما احب افكر واتحير
يكفي الاكورد نستني اسمي من كثر التحير والله صرت افكر في كل دقيقه كامري ولا اكورد
وانت يا ميشو حيرتني

اذا مالك في البرامج والالعاب وحركات الايفون , اختار لك اي جوال نوكيا مناسب لك من موقع اكسيوم الي اعطيتك واقرا مواصفات كل جهاز يعجبك !

اقتباس:

---

المشاركة الأصلية كتبت بواسطة King

اعد النظر في شراء الجوال!. :rolleyes:

انت وش وضعك , تجلس 6 شهور وتبيع , تجلس كل سنة وتشتري غيره؟!

انا اشوف هذا يصلح لك , ومن تجربه جوال ينشد فيه صراحه اسمه "6710-Navigator"

سعره اقل من 1700 ريال

لكن ابرز المشاكل إلي فيه هو الـ (Zoom bar) منطقة التكبير


http://www.ppcps.de/images/smartphon...igator_big.jpg


http://www.cellularhost.com/wp-conte...-navigator.jpg

وهذا فيديو يبين المشكلة

http://www.youtube.com/watch?v=55itlTj4oQk&feature=related

وتتصلح على الضمان يعني ماعليك خوف , واسئل قبل لا تشتري. :)

---

اشكرك على المرور ياKing
انا عندي الجوالين كل سنه اغير جوال والقديم اخلي الثاني
والله انك حيرتني يا كنق :confused:

والله نصيحه ياسالم خذ لك الايفون 4g والله انه خطير من ناحيه الكشخه فخم ومن ناحيه التطبيقات فالايفون هو التوب في الالعاب والبرامج
فنصيحه لك خذه واتوكل على الله وغير من النوكيا وجوالاتها
والله حتى انا اللي طول عمري وانا مع النوكيا غيرت الى سوني اريكسون وان شاءالله الايفون في الطريق
والله يوفقك في اللي تختاره
وان شاء الله نشوفك عما قريب

طيب البرامج والالعاب مافي مثله في نوكيا
اتمني من الشباب اللي عندهم اي فون 3 جي اس يفدوني من ناحية البرامج

لا البرامج اللي في الايفون مافي زيها ولافي اي جوال اخر
لانها تطبيقات من شركه ابل والشركه زي ماعندها اي جوال غير ايفون
والالعاب اللي في الجوالات الاخرى مثل نوكيا وسوني اريكسون ماتقارن بالبرامج والالعاب اللي في الايفون
وسلامتك

اقتباس:

---

المشاركة الأصلية كتبت بواسطة k.s.b.s

والله نصيحه ياسالم خذ لك الايفون 4g والله انه خطير من ناحيه الكشخه فخم ومن ناحيه التطبيقات فالايفون هو التوب في الالعاب والبرامج

فنصيحه لك خذه واتوكل على الله وغير من النوكيا وجوالاتها
والله حتى انا اللي طول عمري وانا مع النوكيا غيرت الى سوني اريكسون وان شاءالله الايفون في الطريق
والله يوفقك في اللي تختاره

وان شاء الله نشوفك عما قريب

---

يا هلاوالله بخلودي
اشكرك على النصيحه
بس انا ما اقدر اشتري 4 جي اذا كان 3600 والله غاااالي مره
والله منى عارف اشتري ايش ودي اغير نوكيا كل حياتي نوكيا
والله ودي باي فوون 4 جي

ياشباب شفولي حل اشتري 3 جي اس ولا ...؟
انا ما اقدر اشتري اكثر من 3000

والله نصيحه انتظر لاتشتري الايفون 3gs لانه صار الحين مع كل الناس صار منتشر مع الكل بشكل غير طبيعي حتى مع الصغار
سمعت انك رجعت ابها ياحلو :mad:

انصحك تنتظر حتى تتوفر معك قيمة 4g ومن ناحية التطبيقات صدقني ما تطفش منه خصوصا اذا كان متصل بالنت على طول(اذا كان رقمك موبايلي 1 جيجا بـ100 ريال شهريا)

3gs حلو جدا.اشوفه مع اخوي ممتاز وكل تطبيق يقول الزود عندي,بس مشكلته الكاميرا.

بالنسبة لجوال نوكيا انا عندي زي الي عارضة اخونا king بس الجيل الثاني > الي اقدم منه


http://farm3.static.flickr.com/2348/...0365dc4b_o.jpg


جوووووال رووعة يمكن الحين تم سنه وشوي والحمد لله زي الفل > مع اني استخدمت البلاك بيري ( بيبي كيرف , وبيبي بولد )
ولا قدرت استغني عنه


بس اذا كنت تبي تغير وجوال يونسكـ >> اي فون o4G
وشوف احد يطلبه لكـ من بريطانيا >> واحد ثقه

شوف باحطاب عزيزي
زود ريالاتك شوي واشتري آي فون 3gs تقريبآ 3000ريال فقط مفتوح
والا آي فون 4gs بـ 4100 ريال


وترى مابينهم ذيك الفرق أنا شفت الاثنين واستفسرت عنهم , إلا اللي يحتاج الدقة في كل شي
ويحب التكنولوجي ياخذ الـ 4gs

أنا معاي سوني أريكسون ونوكيا وبلاك بيري وأيبود تتش

وأكثر جهاز أستخدمه من الثلاثة كميزات الآيبود تتش وبعده جوال السوني

فخذلك آيفون وتوكل على الله

جهاز متعوب عليه وتراه مو صعب

اشكـــركم على الردوووود والله انكم ما قصرتوا والله يوفقكم
معليش يا شباب تعبتكم معاي سامحوني المهم
انا امس مقهور مره رحت ادوووور على جميع محلات الجولات في الخميس كله والله ما حصلت حتى المحل اللي قال 2750 خلص ادووور ما حصلت قالوا خلاص انقطع مستحيل تحصل :mad: مافي غير 4 جي والله غاااالي مره 4250 وبعدين تذكرت الاخ مـــيشو قال موجود عند موبايلي ارخص فرووح عند موبايلي الفرع الرئيسي واخذ سراء واجلس ساعه الاء ربع وبعدين يقووول الموظف خلص :mad:قال اذا تبغه نحجزلك وبجي بعد اسبوعين :(
وسجل اسمي ورقم جوالي وطلب 32 جيجا واسعارهم حلو 16 جيجا 2600 ريال 32 جيجا 2999 ريال ومعاء شريح مافي رصيد مسبقت الدفع >>>> مافهمته صح وبعدين اسأله اقول اقدر اشغل شرايح غير موبايلي قال تقدر >>>>> والله اشك فيه

بعض نصايح الشباب قبل الشراء:)
الله يووفق الاخ اغاااار يا هوندا و k.s.b.s
دق عليه اغار يا هوندا يقول لا تشتري غير برطاني وامركي مو كويس :confused: وبعض اخوياء يقلوا كلها امركي سواء
وبعدين شباب نصحوني قال لا تشتري اي فون مقفل اشتري مفتوح علشان يشغل جميع الشرايح وسالهم كيف اعرف يشغل جميع الشرايح قال جربه عنده ؟ وانا ماعندي خبره
وبعض الشباب قالوا خلي يشفر الجوال علشان تقدر تحمل :confused:
انا مستغرب ليش المشوار هذا كله ليش مو مثل نوكيا اشغل الجوال وحط الشريح تشتغل لا يحتاج مفتوح ولا مقفل ومشفر وجهاز الجوال

المهم يشباب انا ابغاء نصايحكم تكفووووون ما ابغا اشتري وبعدين اتورط والله خايف مررره انا بروح ابهـــا اشتري الجوال علموني نصايح قبل لا اشتري يعني كيف اعرف مقفل ولا مفتوح وكيف اعرف مشفر ولا غير مشفر
اذا ما حصلت في ابها ببرووووح جده لاني بسافر 22 رمضان
تكفون يا شباب جده برووح شارع فلسطين وابغا واحد فاهم في اي فون يروووح يشتري معاي >> انا امره ونتسحر سوا على حسااابي هههههههههههههههههه

معليش طولت عليكم مررررررررررره
لولاء الله ثم انتم كان برووح فيه

هههههههههههههههههههههههههههه

طالما الشغله فيها سحور على حسابك كلمني لما توصل ونروح سوا خخخخ

عادي والله الموضوع لا هو معقد ولا شي

اطلبه من موبايلي وريح عمرك من المشاوير

والشي الثاني كلها امريكيه

في امريكيه مشفره على شركات محتكرتها وتبيعها بسعر ارخص من السوق

وفي امريكيه غير مشفره تشتغل على جميع الشبكات بضعف السعر

يعني الموضوع سهل

دخل الشريحه اذا اشتغلت معناها مو مشفر

اذا ما اشتغلت معناها مشفر

:)

الي عند موبايلي مفتوح على اي شبكه لاتشيل هم , ولاتشتري من محلات جده زيها زي اي محل واكيد بيبيعه اكثر من 2600 وموبايلي اضمن لك ويعطونك ضمان سنه !