عملت حادث امس وأبي مشورتكم + صور أرجوا إفادتي

السلام عليكم ورحمة الله وبركاته

وكل عام وأنتم بخير

أخواني حصل لي حادث أمس والمشكله أنو طلع الإيرباق (أكياس الهواء)

وأبي مشورتكم في تصليح السياره

هل أغير الكبوت والصدام والرفرف علما أن أسعارها حصلتها في صناعية أم الحمام

صدام أمامي بـ 570 ريال أصلي
شبك كامل بـ 1045 ريال أصلي
رفرف يسار بـ 670 ريال أصلي
شمعه يسار بـ 790 ريال أصلي
كبوت بـ 1150 ريال أصلي

المشكله الأهم عندي أكياس الهواء لأن الطبلون انشق والبوري

وأبي ارجعها زي ما كانت وتشتغل

حتى لو جيت أبيعها ما أبي أغش أحد وطبعا انا محافظ عالسياره جدا جدا جدا

والله لا يفجعكم بأحد ولا يفجع أحد فيكم يارب

ملاحظه : ما عرفت احط الصور هنا لأني مقل في إستخدام الإنترنت وهذا رابط الصور

http://www.m5zn.com/uploads/2010/9/8...zsv83d7hls.jpg

http://www.m5zn.com/uploads/2010/9/8...rajvmi7dwv.jpg

http://www.m5zn.com/uploads/2010/9/8...8qmpwv95nf.jpg

وعليكم السلام

الحمد لله على السلامه , وانت بخير وصحه وسلامه

اشوف ان الحادث مايستاهل ان الايرباق يطلع !

الصدام الواضح انه منشق ومتكسره الكلبسات فالافضل انك تغيره مع انك تقدر تضبطه بمحلات الفيبر لكن مادري هل يرجع مثل اول والا لا ويمكن فتحتات الكلبسات بالصدام نفسه متقطعه

الشبك الافضل ركب من الزينه هذي في انواع كثير واوفر لك واذا تبي نفس شبك الوكاله صيني اجيبه لك بحدود 200 ريال

الرفرف والكبوت يتسمكرون ان شاء الله

الشمعه لابد من التغيير

اما الايرباقات الله يعينك شوف التشاليح وش وضعها

والحمد لله على سلامتك مجددا :)

اول شي الف حمد الله على السلامه وانشالله تكون اخر المصائب

ثانيآ كل عام وانت بخير وبصحه وسلامه

بنسبه لسياره لا تغير غير الشبك والشمعه فقط ............ والصدام اذا يصلح لاتغيره وفر فلوسك حق الأيرباق لأن حسب علمي ان الايرباق مكلف وجهت نظر فقط

ونشالله ماتشوف مكروه

اولا الحمد لله على السلامة والحديد يتعوض اما الروح ما تتعوض

بسيطة يا راجل بسيطة

الشبك اشتريه تجاري وصدقني ما راح تشوف الفرق وسعرة 250 ريال كامل

الرفرف ممكن تتسمكر وترجع زي ما كانت ونفس الكلام ينطبق على الصدام اما الكبوت على حسب كلام السمكري لازم يتغير لانه ما يتسمكر



بس المشكلة الايرباق

والاهم من كده كله انه ما يكون في ضرر وراء الصدام

وانا اول عملت حادث وكلفتني مع القطع ورش البوية و شغل اليد قريب 3000 ريال ولاكن بدون الايرباق !!

والله سهل عليك امورك

وكل عام وانتم بخير

الحمد لله على السلامة يالغالي ..

الكبوت : سولة تعديل بدون سمكره ..
الشبك : تغير وخذلك صيني مافية فرق .. عند الاخ ميشو 200 ريال
الصدام : يحتاج تغير .. والافضل انك تاخذة من التشليح .. علشان ماتحتاج الى رش ..
الرفرف : كذالك تعديل بدون سمكره ..
الشمعة : تحتاج تغير ..
الارباق : شوفلك التشليح ..


والله يعينك .. يالغالي ..

الحمد الله على سلامتك وماتشوف شر
وبسيطه الحمد الله

حبيت افيدك في الارباقات
لان انا سويت حادث وقالولي ح يكلفني قرابه 20 الف ريال :mad:
بالسيستم والحساسات والبالونات حقتها

وما اقول إلا الله يعوضك خير ان شاء الله

أول شي الحمد لله على السلامه والله يعوض عليك

اذا تبغى ورشة سمكره شغلهم مضبوط وانا مجربهم

صناعية العروبة ورشة السياره الحديثه وعندهم فرن السمكري فلبيني اسمه تيتو

روح له وهو بيعلمك وش الي يتغير وش الي يتصلح واسعاره جداً حلوه وقبل تروح له مر كذا ورشه وشوف الاسعار

انا اشوف الشغله مو مستاهله انك تغير بجديد لانه بالنهاية راح ترش بويه

اذا بغيت توصل للورشه افضل مدخل الي من جهة اليورمارشيه من الجهة الجنوبية اول ما تدخل تحصل الورشه قبالك

الحمد لله على السلامة

والله يعوضك ويخلف عليك بخير

حمدالله على سلامتك و معوض خير ان شاءالله

غريبه انه الايرباق طلع مع انه الحادث مو لدرجه انه يطلع الايرباق

ماااتشوف شر والحمد لله على السلامه

جعلها اخر المصايب ياااااارب

الحمد الله على السلامه

ماتشوف شررر إن شاء الله

الحمد لله على السلامه وأنشاء الله أخر المصايب
اذا كنت من سكان الرياض عندك تشليح حاير في أشياء نظيفه
وعلى فكره من اسبوع تقريبا في موزع معتمد لوكالة هوندا في صناعية الشفاء
لقيت عنده شمعه كامله من التشليح بس نظيفه مررره
وسعرها 400 ريالا حبيت افيدك وبتوفيق أخووي.

الحمد الله على سلآمتك
في الحديد ولا فيك يالغالي
انا كان معي اكورد 2007 وصار لي تقريبا نفس الحادث وسويت تعديل للكبوت ورشيت طرف الرفرف والصدام صلحه السمكري عند محل الفيبر
ما اخفيك إني ما اقتنعت بالتعديلات اللي سويتها مع ان الورشة والله شغلهم حلو بس الصدام للأسف بعد فترة طلع فيه شقوق من الشمس :(
وتحسفت اني ماغيرته جديد
أتوقع الكبوت والرفرف تقدر تعدلها
أما الصدام نصيحتي لك إذا تقدر تغيره غيره وبالنسبة للشبك مو ضروري تركب نفس شد البلد فيه اشكال ثانيه حلوه وارخص من الأصلي
والله يعوض عليك
:rolleyes:

الحمدلله على سلامتك
وان شاء الله ماتشوف شر

لا وانا اخوك لاتروح وكاله
وترا حادثك مثلي تمام
بس انا الجهه اليمنى
وشف هالموضووع بيفيدك كثير كثير

http://www.hondaarabia.com/club/t37487/



اي شي تبيه
راسلني وابشر
والف الحمد لله ع السلامه

بيض وجيهكم ورحم الله والديكم وكل عام وأنتم بألف خير والله يعيده علينا وعليكم بالصحه والعافيه

انا ما ضاق صدري إلا من الأيرباق هو اللي مجنني والله وبالنسبه لأخوي ميشو راح أتواصل معه بإذن الله بعد العيد

بس أبي رايكم بالأيرباق وش الحل معه وهل لو بعت السياره كذا أحسن

والله ياخوي انا انصحك لو كانت ميزانيتك تسمح انك تشتري ايرباق من التشليح يصير تمام
اما لو ما تسمح الميزانية انصحك حط لها ديكور واخفي الايرباق بس لمبة الايرباق حتفضل والعه عندك وبعد فترة اذا جاتك قروش ارجع ركب الايرباق هذا افضلك
واذا بتبيعها خلي الصورة حق الحادث معاك عشان تبين للمشتري انه الحادث مو قوي بس الايرباق طلع
الله يعينك ياخوي ترى الاكورد اكثر سيارة حساسه من جهة الايرباقات وهذا ينصب في مصلحت السلامه اولا.

اقتباس:

---

المشاركة الأصلية كتبت بواسطة لآيــ@ــمونكـ

لا وانا اخوك لاتروح وكاله

وترا حادثك مثلي تمام
بس انا الجهه اليمنى
وشف هالموضووع بيفيدك كثير كثير

http://www.hondaarabia.com/club/t37487/

اي شي تبيه
راسلني وابشر

والف الحمد لله ع السلامه

---

بيض الله وجهك وما قصرت إن شاء الله بأتشرف بالتواصل معك

وعليكم السلام

وكل عام وانت بخير

الحمد لله على سلامتك

والحمد لله افادوك الاخوان وماقصصروا

والبعض يتسأل ليه يطلع الايرباق والصدمه مو قويه مره

لان حساس الارباق قريب من الصدام وتقدر تشوف اذا فكيت الصدام او طليت من تحت
بالتحديد تلقاه على نفس العمود الي ورا الصدام والي راكبه عليك الفلين << الظاهر الوصف صحيح :d

ربي يعينك ويجزاك كل خير

والله ياخوك انا ماعندي الا ورش .. لكن غالين يمكن ورش الشباب احسن من الورشه

لكن الرفرف سمكره بس اهم شي البويه ادفع اللي يجي لكن بويه زي الناس اهم شي

وثاني شي اذا ماتبي تركب الايرباق .. فيه عندك النعماني يركب غطا بدون ايرباق او شي زي كذا سمعت عنه

لكن نصيحتي لك ركب الايرباق ماتدري عن الدنيا ووش ييصير الله يستر


الله يعينك ويسهل امرك وان كان فيه شي اقدر اساعدك فيه ترى تحت امرك << ترى حطيتها بالاحمر عشان ماتستحي اذا بغيت تطلب شي :mad:

اقتباس:

---

المشاركة الأصلية كتبت بواسطة bЯộǾk ❤

ربي يعينك ويجزاك كل خير

والله ياخوك انا ماعندي الا ورش .. لكن غالين يمكن ورش الشباب احسن من الورشه

لكن الرفرف سمكره بس اهم شي البويه ادفع اللي يجي لكن بويه زي الناس اهم شي

وثاني شي اذا ماتبي تركب الايرباق .. فيه عندك النعماني يركب غطا بدون ايرباق او شي زي كذا سمعت عنه

لكن نصيحتي لك ركب الايرباق ماتدري عن الدنيا ووش ييصير الله يستر


الله يعينك ويسهل امرك وان كان فيه شي اقدر اساعدك فيه ترى تحت امرك << ترى حطيتها بالاحمر عشان ماتستحي اذا بغيت تطلب شي :mad:

---

تسلم والله ما تقصر وانا بروح للتشليح اشوف إيرباق والله يسهلها

اقتباس:

---

المشاركة الأصلية كتبت بواسطة ya$$er

الحمد الله على سلامتك وماتشوف شر
وبسيطه الحمد الله

حبيت افيدك في الارباقات
لان انا سويت حادث وقالولي ح يكلفني قرابه 20 الف ريال :mad:
بالسيستم والحساسات والبالونات حقتها

وما اقول إلا الله يعوضك خير ان شاء الله

---

أماااااااا عشرين ألف :(

انا بروح بعد شوي لتشليح الحاير والله قهر

المشكله اني صادم بسيارة مرور واقف عاليسار وكانت عيني عالجوال ورفعت راسي إلا انا صادم فيه

وما معي تأمين ويبون مني المرور 7300 ريال والله يكون بعوني يارب

وإن شاء الله إن اللي جاني تكفير ذنوب

انا من رايي تسوي بالارباق زي ما انا مسويه
تلحيم نفس الديكور ورشه بويه ولا فيه اي اثر انه مفتوح بس اللهم انه لمبه الارباق مفتوحه
هذا موضوعي: http://www.hondaarabia.com/club/t34825/

حسبي الله عليهم واقف باليسار وحاطين الغلط عليك وربي شي يقهر :mad:
ربي يعينك ان شاء الله ويسهلكـ اموركـ ويفقك الي في الخير والبركه

آخر المصاايب إنشاء الله
والله يعينك عليها

سؤال شاطح : هل تحس الارباق ساعدك يعني لو بدون الارباق فيه فرق لآن حرام الصدمه ذي تططططلع الارباق :@ << ما يعرف يعبر :d

الكبوت ما اتوقع يحتاج سمكره تعديلات بسيطه ويضبط الاسطب اكيد تغير
بس الصدام شف رح شف التشليح والله يعينك لان التشليح دايم الصدمات من قدام هي الي تودي لتشليح << من كثر الفرفره في التشلح :d

بس انا اقول شف السمكره كم تكلف لك وشف التشليح كم تكلف وانت ابخص بالسعر اذا حسيت السمكره اغلى وما تستاهل طق لق تشليح بس يكون بدون صدمات

معليش ع الاطاله بس قلت الي عندي والله يعينك

قدر الله ما شاء فعل

حمد لله على السلامة

ومعوض خير أخوي

الحمد لله على السلامه

ومتشوف شر انشاء الله
معليك اخوى الحديد يجى مكانه حديد

وانشاء الله مايرينا مكروه