هل بالإمكان ترجع فلوس سيارتي

السلام عليكم ورحمة الله وبركاته

كل عام وانتم بخير . وعيدكم مبارك :d

المهم يااخوان انا قصتي قصه انا اكثر واحد رايح ملح مع الاكورد احس انها اطلق سياره لكن الحين للاسف مدري كرهتها وكرهت كل السيارات :(

المهم خلوني اقولكم سالفتي انا شريت هوندا اكورد 2006 سبيشل وفحصتها وكل شي تمام مافيها شي طالعه ملاك
طبعا راعي الفحص قالي غير الجنزير بس ومافيها شي ثاني وغيرته والسياره تمام التمام .
المهم وصيت واحد يجيبها بالديره الي انا ساكن فيها وهو بالطريق خربت وجتني بالسطحه الموهيم دخلتها بالورشات
الي بالديره وكلهم يقولون هذا خراب هذا خراب انا غيرت كم قطعه ع غير فايده وطبعا الخراب الي فيها صوت طقطقه
وديتها للرياض اول ورشه حقت هوندا قال هذا مكينه خراب يعني المكينه مودعه ورحت للورشه الي بجنبها قال خلها عندي ابشوف يمكن الصدر ماطبق زين طبعا رحت له بالليل قالي المكينه مودعه حتى قال السياره انت داخل فيها ببحر
لقوا شجر لقوا تراب لقوا مويه فكوا فلتر الهواء وجلس يطق فيه طلع قطع طين. المهم نظفوووها وغيرت المكينه وركبت مستعمله وطلعتها من الورشه والسياره زي الحلاوه طبعا عطاني راعي الورشه حقت المكينه ضمان شهرين عليها
المهم رجعت للديره وتعيدت فيها وضبطتها بس لمبات المكيف ماتشتغل ولا المسجل وديتها لفني مسجلات فك المسجل
طلعت بلاوي المويه واصله داخل السياره المسجل مودع رايح فيها والقطع الالكترونيه خربانه طبعا هالكلام هاليووم
الي هو بعد اربع ايام من طلعتها من الورشه وغيرت المكينه لكن حصل شي ماله اوم داعي السياره طفت علي ولارضت تشتغل انا وقف شعر راسي وبعدها بفتره اشتغلت

خلاصة الكلام انا انغشت بالسياره وراعي السياره يوم باعها ماعلمني وشفيها مجرد انه نظفها بالهواء وباعها
والحين السياره موقفه عند البيت اخاف امشي عليها وتطفي وبعدين يرتفع ضغطي وعلى كلام الفني حق المسجلات
بحكم انه سعودي قال السياره داخلها مويه واحسن لك تروح تشتكي لان السياره كل فتره راح يخرب فيها شي

الحين مدري وش اسوووي

تكفوون ساعدوني هل اشكي الفحص والا من اشكي والا اشب بالسياره:mad: واقول قدر الله وما شاء فعل :(

اسف ع الازعاج
لكن من حر مافيني كتبت الموضوع
يمكن احد يفيدني بشي والمشكله لو اببيعها كذا يمكن ماتجيب لي شي
المشكله خسرت عليها اكثر من عشر الاف ريال

يعني لو شاري 2007 فل كامل ومامشت واجد احسن :d
لكن قدر الله وما شاء فعل

لا حول ولا قوة الا بالله ..

الله يعينك ..

هذا اللي اقدر اقولة ..

لاحول ولا قوة الا بالله والله يعوض عليك بخير ان شاء الله

نصيحتي اتصل على صاحب السياره الي باعها عليك وادع عليه وقوله ما راح احللك ولا ابيحك ليوم الدين يمكن يهديه الله ويرجع لك دراهمك

حسبي الله عليه شي يقهر الله يكون بعونك

اقتباس:

---

المشاركة الأصلية كتبت بواسطة aen alshqa

لا حول ولا قوة الا بالله ..


الله يعينك ..

هذا اللي اقدر اقولة ..

---

امين يارب

وماقصرت ياخوي :(

اقتباس:

---

المشاركة الأصلية كتبت بواسطة saken

لاحول ولا قوة الا بالله والله يعوض عليك بخير ان شاء الله


نصيحتي اتصل على صاحب السياره الي باعها عليك وادع عليه وقوله ما راح احللك ولا ابيحك ليوم الدين يمكن يهديه الله ويرجع لك دراهمك

حسبي الله عليه شي يقهر الله يكون بعونك

---

والله يااخوي صاحب السياره دقيت عليه اول ماشريت الموتر ابستفسر ع البنزين ولا رد علي

امين يارب

ومشكور ياخوي

معك رقمه رح اشتك عليه ويجيبونه

اقتباس:

---

المشاركة الأصلية كتبت بواسطة ابولمى

والله يااخوي صاحب السياره دقيت عليه اول ماشريت الموتر ابستفسر ع البنزين ولا رد علي

امين يارب

ومشكور ياخوي

[/center]

---

حط تقرير استلام وارسل رساله فيها كل كلامك واختمه بدعوه خله يعرف انك دعيت عليه واذا فيه ذرة ايمان وخوف من الله بيجيك لو طال الزمن

اقتباس:

---

المشاركة الأصلية كتبت بواسطة abu khaled

معك رقمه رح اشتك عليه ويجيبونه

---

انا الحين نويت ادخلها ورشه يشيكون عليها كل شي وبعدها ابنزلها للمعرض

وراح ازعجها بالاتصالات واذا مارد ابرسله رساله وابكتب فيها كل شي

ومااقول الا حسبي الله ونعم الوكيل

اقتباس:

---

المشاركة الأصلية كتبت بواسطة saken

حط تقرير استلام وارسل رساله فيها كل كلامك واختمه بدعوه خله يعرف انك دعيت عليه واذا فيه ذرة ايمان وخوف من الله بيجيك لو طال الزمن

---

تقرير كيف يعني ؟

انا ناوي ادق واذا ماارد ابرسله وبكتب فيها كل شي

وان كانه عنده ذمه وضمير بيجيني وان كانه مادرا عني مااقول الا حسبي الله ونعم الوكيل

واظاهر ان السياره من السيول الي جت الرياض

لكن نقول قدر الله وما شاء فعل

تقرير استلام الرسائل بالجوال عشان تضمن ان الرساله وصلته

عن طريق ضبط الرسائل

أو مر على شيخ المعارض وقوله مشكلتك يمكن يفيدك بشي - لانك لو تشتكي يحق لك توصلها شرعاً

الله يكون بعونك

اخوي تبي نصيحه بنسبه لشكاوى البيع والسيارات المغشوش سعرها اول شي روح لشيخ المعارض ويعطيك الجواب الكافي ويعلمك الطريقه الصح
لابد تمر شيخ المعارض

اقتباس:

---

المشاركة الأصلية كتبت بواسطة saken

تقرير استلام الرسائل بالجوال عشان تضمن ان الرساله وصلته


عن طريق ضبط الرسائل

أو مر على شيخ المعارض وقوله مشكلتك يمكن يفيدك بشي - لانك لو تشتكي يحق لك توصلها شرعاً

الله يكون بعونك

---

اها فهمت عليك

طيب كيف اوصل لشيخ المعارض ووين احصله

انا ابشووف وش يصير اذا ممكن اخذ حقي والا خلاص قدر الله وما شاء فعل

اقتباس:

---

المشاركة الأصلية كتبت بواسطة القايله

اخوي تبي نصيحه بنسبه لشكاوى البيع والسيارات المغشوش سعرها اول شي روح لشيخ المعارض ويعطيك الجواب الكافي ويعلمك الطريقه الصح
لابد تمر شيخ المعارض

---

وهذا الي بيحصل ابحاول اني امره لكن مدري وين احصله

وابشووف وش يقولي والله يكتب الي فيه الخير

اذا انت بالرياض شيخ معارض النسيم - معرض الحمزه وبالنسبه للشفاء مدري والله من شيخ المعارض فيه

أو اذا انت برا الرياض مر معارض السيارات واسالهم يدلونك على شيخ المعارض

اقتباس:

---

المشاركة الأصلية كتبت بواسطة saken

اذا انت بالرياض شيخ معارض النسيم - معرض الحمزه وبالنسبه للشفاء مدري والله من شيخ المعارض فيه


أو اذا انت برا الرياض مر معارض السيارات واسالهم يدلونك على شيخ المعارض

---

مشكور ياخوي

واسفين اذا تعبناك معانا

والله يوفق الجميع

طيب اخوي هل انت سألت راعي السيارة عن اي عيوب بالسيارة ؟
او انك مجرد فحصتها وما سألته ..؟

اقتباس:

---

المشاركة الأصلية كتبت بواسطة aziz93

طيب اخوي هل انت سألت راعي السيارة عن اي عيوب بالسيارة ؟
او انك مجرد فحصتها وما سألته ..؟

---

والله ياقلبي الي شرا السياره قريب لي وانا جيت وشفتها والسياره صراحه نظره وباين انها نظيفه

لكن مفروض هو يعلمن يقول ترى هي داخلها مويه والا فيها كذا وكذا وهي تقريبا من بقايا امطار الرياض اتوقع

لان مطلعن منها شجر وتراب ومويه راعي الورشه الي شافها قال انت طاب ببحر .

وحتى الفحص نصحني فيها وانا توكلت ع الله واخذتها

السلام عليكم

اخويي ابولمى

عيبك انك صلحت السياره لو ماصلحتها ترجعلك فولوسك كامله

هذا يسمى غششش ويسمى غبن الرجال غبنك ينقص من قيمتها تراجع الورشه وتا خذ منهم ورقه ان السياره فيها
لقوا شجر لقوا تراب لقوا مويه فكوا فلتر الهواء وجلس يطق فيه طلع قطع طين. ترجعع كل الورشتيين وتراجععع شيخ المعارض وتقوله السالفهه واثباتاتك معك إن السياره فيها كذا وكذا اسم الشخص الي باعك السياره ورقم جواله المهم يردلك بعض المبلغ لا تصلحح فيها شييي

رح لم معارض النسيم وسئل عن شيخ المعارض شيخ معارض السيارات ( حمزة العلي الحمزة الرياض معارض النسيم

وبتوفيق

الشباب كفوا ووفوا
كلامهم سليم خذ تقارير الورش ورح لشيخ المعارض
ولا تنسى تقول تقول ( اللهم اجرني في مصيبتي واخلف لي خيرآ منها )

الله يعينك

وبقولك الله يعوضك خير

ومقولة \\ ماضاع حق وراءهـ مطالب \\

ياخوي الله يعينك ويساعدك يا رب
اعتقد الشباب ما قصروا معاك واعطوك الاشياء الي لازم تمشي عليها واهم شي لا تنسى الفواتير حق كل شي عشان اول ما يسائلك عن شي تنزله فاتورتها ولو تروح تفحصها بالوكاله وتجيب معاك تقرير الفحص حق الوكاله وتقرير فحص الكمبيوتر حق الرجال الي قالك سليمه واشتريها.

والله ياغلاي مادري وش اقولك فيه الموضوع مافيه قانون فيه مقوله تقال (القانون لايحمى المغفلين ) وانت محشوم طبعا

لكن وش تسوي مابيدك شي الأن لعلك انت كنت مستعجل وخبرتك قليله وهو محترف لكن مابيدك شي الحين الا الدعاء

اقبل بالي انكتب لك والله انها غبينه لكن مابيدك شي

لا حول ولا قوة إلا بالله

وين راحت الضماير

والله قهررررر

.... لاحول ولا قوة إلا بالله !!
والله قويه الحركه :( ... ومال أمها داعي :( ... الله لا يوفقه :mad:

المهم حبيبي رح أشتكي عليه بالمحكمه ولا عند شيخ المعارض ... المهم لازم تاخذ حقك ... والله يوفقك ... وبالله طلب .. قل تم .. لاتقطعنا قولنا وش بيصير معك تكفى لأني مقهوووووووور :mad:

مــوفــق إن شاء الله .

نصيحه لك لا تبيع السياره احرقها روح اشتك على صاحبها الاول شوفلك اي دبره لكن بيع لا تبيع لو تجلس بدون سياره ابعد نفسك عن دعاوي الناس واسألني انا الله يستر على اللي فات والله يكفينا الشر

مشكورين يااخوان على الافاده وعلى وقفتكم معي

وان شاء الله اعلمكم بالاحداث لكن ياخوي الي تقول لاتبيع يعني انا راس مالي هالسياره حطيت عليها كل شي والحين اعتبر مطفر للاسف

يعني مالي الا ابيع ان مارجع حقي ومااقول الا حسبي الله ونعم الوكيل والسياره حاليا مع اخوي علشان يجمع الاوراق

والتقارير الي تثبت ان السياره مودعه مع المويه ومااقول الا الله يعوضني باحسن منها .. دعواتكم لي

اقتباس:

---

المشاركة الأصلية كتبت بواسطة ابولمى

مشكورين يااخوان على الافاده وعلى وقفتكم معي

وان شاء الله اعلمكم بالاحداث لكن ياخوي الي تقول لاتبيع يعني انا راس مالي هالسياره حطيت عليها كل شي والحين اعتبر مطفر للاسف

يعني مالي الا ابيع ان مارجع حقي ومااقول الا حسبي الله ونعم الوكيل والسياره حاليا مع اخوي علشان يجمع الاوراق

والتقارير الي تثبت ان السياره مودعه مع المويه ومااقول الا الله يعوضني باحسن منها .. دعواتكم لي

---

الله يسهل امرك

وحنى ان شاء الله واقفين معك

ننتظر اخبارك

اخوي خلاص ولاتحط بصيص من الامل ان فلوسك ترجع لان الغلط منك المفروض توديها تفحصها من اصغر برغي الى المكينة

وان كونك وديتها ورشة وقالوا لك انها سليمة ارجع لهم والعن خيرهم

اما انك تحلم فلوسك ترجع لك مالك امل لان هدي مسألة بيع وشراء والغلط منك وانا اخوك شكله بدي السيارة غرك بنظافته

أخوي أنا صار لي موقف قريب منك

شريت كامري 2002 كانت مقلوبة و أنا ما كنت أدري أو بالأصح انغشيت فيها و كان البودي حقها مغري لأنه توه مرشوش

و تعال شوف أنواع أصوات الهواء و اهتزاز الدركسون و الدركسون مايل مو مستقيم

المشكلة اني مشيت بها 220 و أنا ما أدري انها مقلوبة

لكن بعد ما دريت صرت أمشي 110 أو 120 بالكثير

و البوية صارت ألوان في السيارة كل جهة لون غامق و لون فاتح و في جهة البوية مقشرة تقشير

و مرة رحت بها الطائف و تجي أمطار و السيارة تخر و يدخل فيها موية من القزاز الخلفي ما ركب مضبوط بعد القلبة و صارت الموية تدخل و أحط لها كيس عشان الموية

بس الحمدلله ما كان معاي أحد من خوياني ولا كانت فشيلة من جد سيارة تخر

مع اني لما فحصتها الفحص قال فيها صدمة خفيفة من قدام ما تؤثر في النهاية طلعت مو صدمة إلا قلبة و رشة

حتى الصدامات صارت ما تنوزن إذا انوزنت كم يوم ترجع تحصل فجوة و الشنطة ما تنفتح بالريموت و في فجوة أكبر من الثانية

هذا غير اني خسرت فيها أشياء ثانية

بعدها أخذت درس

بالنسبة للفحص مثل ما أقول في بعضهم ما عندهم ذرة أمانة و لا همهم

أي واحد يشتري سيارة اذا في أحد من أقربائه يسأله ممكن يعرف أحد في الفحص عشان يكون أمين

و انت شوف إذا تقدر تشتكي

لكن أعتقد خلاص السيارة كم شهر معاك و يمكن راعيها خلاص استعمل الفلوس و ضيعها

لذلك ما راح يرد على جوالك أرسل له رسالة تأنيب ضمير

حاول انت تصلح الأشياء اللي خربت ممكن إن شاء الله تكون آخر الخرابات و تضبط أمورك تمام

اذا انت من جدة أرسلك على ميكانيكي تمام بشوفها لك

آسف على الإطالة

اسسسسسسسمع ... روح ركب مكينتك الاوله روح احفر الارض اهم شي ترجعها روح اشحذ راعي الورشه اللي صلحتها اول يجيبها لك بأي سعر ركبها .. اي شي غيرته ارجع ركبه

وروح فيها زي ما اخذتها منه لشيخ المعارض

ط¬ط±ظٹط¯ط© ط§ظ„ط±ظٹط§ط¶ : ط¥ظ„ط²ط§ظ… ظ…ط¹ط±ط¶ ط³ظٹط§ط±ط§طھ ط´ظ‡ظٹط± ط¨ط¥ط±ط¬ط§ط¹ ظ…ط¨ظ„ط؛ 220 ط£ظ„ظپ ط±ظٹط§ظ„ ظ„ظ…ظˆط§ط·ظ† ظ„طھظ„ط§ط¹ط¨ظ‡ ط¨ط¹ط¯ط§ط¯ ط§ظ„ط³ظٹط§ط±ط©

^
^
^
^
^

ووللي يقول ماعندك امل شوف الرابط اللي فوق من جريده الرياض وعلى فكره ترى مادري ليش طالع الرابط خرابيط زي كذا على العموم انت ادخل الرابط وبتشوف الخبر بنفسك وبتدري ان ان شاء الله عندك امل

ولا يهمونك تكفى انشب لهم بس تكفى حاول ترجع سيارتك زي اول .. وروح لشيخ المعارض وقولهم ... واذا ماقدرت .. برضو روح راجعهم ... يمكن فيه حل ثاني .. بس تكفى لا تخليه

واذا تبي مساعده ترى مستعد باللي تامر عليه <<< انقهررررررررررررت :mad:

حسبي الله ونعم الوكيل :(

اللــه يهديك بس لو انك قبل لا تشتري السيارة سويت لها فحص بالوكالة ولا رد كاب ولا شركات كبيرة ومعرفة وتريح بالك

لاحول ولا قوة الا بالله والله يعوضك

ابوي عنده مبدأ يقول : إشتر اكسنت وكاله ولاتشتري بانوراما مستخدم ..

المهم الله يعينك ويعوضك خير بيعها وزد عليها وطق لك اي سياره وكاله .. لو سيكل اهم شئ مايحتاج غير زيت & بنزين ..

الله لا يوفقه هالغشاش

لو قال انو فيها خراب كذا وكذا وانا ابي فيها السعر الي هو طالبه في ناس تشتري اما ايقول مافيها شي ويطلع كل عيوب السياره فيها فانا مما اقول غير الله لا يوفقه في المال اللذي اخذه

ارسله رساله وقله الله لا يهنيك في مالك والله لايوفقك فيه هاذا اذا كان عنده ضمير اصلا

على وصفك هذا وطين ومدري وشو
شكلها من السيارات اللي جاها سيل جده