تقريري الان القلم السحري( صور )< اول مره تسمع به صح تعال وشوف

بسم الله الرحمن الرحيم
السلام عليكم ورحمة الله وبركاته

اخباركم
ان شاء الله منيحين
:d
دووووم يارب
:rolleyes:
المهم
حبيت افيد اعضاء منتدى محبي هوندا <الله لا يحرمني منكم:o

الموضوع اسمه غريب

انا لقيت موضوع للعضو قعقوس
عن المشوخ الي بسيارته ودخلت
ولقيت رد حلو من العضو سمو الذات < مو متاكد:d

وعقبها فكرة اني اشتري القلم السحري <والله صدق سحري
طبعاً انا اتكلم لاني مجرب القلم

القلم مهمته
:eek:يشيل المشخات الي على البدي :eek:

:)وطريقته سهله وممتازه :)

والحين بخليكم مع الصور

هذا القلم وجايبه عن طريق ارامكس للنقل
http://im1.gulfup.com/2010-09/12857331291.jpg

وهذي صورة مقربه للقلم مع ريشتين معه
http://im1.gulfup.com/2010-09/12857331292.jpg

وهذي صورة سيارتي عليها مشخات من الجنز لان كان احد جالس على سيارتي
http://im1.gulfup.com/2010-09/12857331293.jpg

طبعاً انا مسحت المكان وخطيت بالقلم على المشخات ونلاحظ هنا ان المشخات راحة > شي مو معقول:eek:
http://im1.gulfup.com/2010-09/12857331304.jpg

وبعدها قلت خلني اجرب على سيارة الوالد وجرب على جيب

ونلاحظ الصور
http://im1.gulfup.com/2010-09/12857331305.jpg

والان مسحت نص الخط وخليت نص عشان تلاحظون الفرق
http://im1.gulfup.com/2010-09/12857331306.jpg

وبعدها كملت ولاحظوا الفرق :eek:
http://im1.gulfup.com/2010-09/12857331307.jpg

وهذا مقطع للقلم
[ame="http://www.youtube.com/watch?v=0Ct6lWh6jKY&feature=player_embedded"]http://www.youtube.com/watch?v=0Ct6lWh6jKY&feature=player_embedded[/ame]

وان شاء الله اني افدتكم

كلمة شكراً لك تكفيني وتعليقاتكم تهمني

وقريباً ان شاء الله راح اطلب كمية وبيعها للاعضاء بخصوص حقين الرياض :d

مع تحياتي
رائد الحميدي

مشكور يالطيب وما قصرت
وانا ودي اشتري واحد منك اذا ممكن
بس كم سعره

وعليكم السلام ورحمة الله وبركاته

صباح الفل ياسميي العزيز

يعطيك العافيه عالتقرير الرائع الخطيييييير

طيب وشباب جده مالهم نصيب في الموضوع

ياريت تذكرلنا الأسعار ومن فين وطريقة الشراء

:)

و الله الكلآم صحيح إجل ~> يالبييه بسس

يبي لنا وآحد اجل ~> يسارتي انواع الخدوش من المبزره

ياليت تلو تدبر لنا هع ..

تسسلم تقرير و لا إروح من هييك ..

مودتي .. }

يستاهلون حقين الرياض وكلكم
بس انا ما اعرف وسيلة نقل للدمام وجدة وزي كذا :(<يعني مالي فهالامور
وشريته عن طريق موقع سوق.كوم

سعره 40 ريال
وسعر الشحن 10 ريال

الله يعطيك الف عافية اخوي

بصراحة شيء خيالي وفعلا القلم سحري

وبكذا حنا اصحاب اللون الاسود راح نرتاح كثير

بعد توفر هذا القلم

تقدر تطلب لي واقابلك في الغرابي:d

ماشاء الله تبارك الله

القلم روووعه ,, بس الخدوش اللي كانت في سيارتك بالصورة الاولى البوية طالعة من السيارة ؟

لإن الصوره الثانية واضح ان بوية السيارة ماراحت

ومشكوووور على تقريرك الرااااائع

____________

تسلم ياغالي والله موضوع اكثــر من رائع

ترى ابغا لي كرتون منه تعرفون طبعا السواقه في السعوديه كيف

تنزل السوبر ماركت ترجع تحصل السياره ممخشه

تحياتي

شريت السلعه من نفس الموقع ....... بس ابي اعرف خلال كم توصل.......؟

سعر أفضل

القلم الواحد بـ 1.99$ (7 ريال)*

للطلب من هنـــا (More than 10 available)

http://i629.photobucket.com/albums/u...y/FIXITFLR.jpg

*من غير تكاليف الشحن.

او ما شاء الله تبارك الله

بصراحة انا شفت الاعلان من قبل بس ما صدقت

بس بعد تقريرك الخطير الواحد لازم يصدق :d

ويا ريت لو في شباب يقدرو يوفرها في جدة يجزولي واحد

والف شكر على الموضوع الاكثر من رائع

:cool::cool: والله أنت روعة وتقريرك روعة وبصراحة يستاهل التثبيت لأن أصحاب الألوان الداكنة يحتاجون مثل الأشياء هذي والله ماقصرت وألف شكر لك على هذى الموضوع وتقبل مروري :cool::cool:

مشكور رائد على الطرح
مع ان الحل سهل

وعليكم السلام

يعطيك العافيه يارائد

* معاذ يوجد تكاليف شحن داخليه $2.99 وتكاليف الشحن الخارجيه تحسب لما توصل البريد

اذا بغيتو احد يطلبه من برا مو مشكله نجمع اكبر عدد طلبات واطلبها لكم من بعد اذن صاحب الموضوع والشحن كالعاده لجميع مدن المملكه :)

يعطيك العافيه رائد ماقصرت انا جاني ايميل من زمان عنه بس احد الزملاء قالي انه فعاليته ضعيفه وشغل اعلانات ماادري عن كلامه لكن نبغاك تفيدنا لاحقا هل يزيل الخدوش الى الابد ولا بعد كم غسله ومع مرور الوقت ترجع الخدوش بالظهور

اولا يعطيكم الف عافيه يا شباب
وثانيا الاخ ميشو اذا بتجمع الطلبات انا اول واحد سجلني ولك جزيل الشكر

انا اقدر اورفر لاهل الرياض بس دام ميشو بيتكفل بالموضوع انا بطلع منها
واي شي يصير معي بعطيكم خبر
من ناحية الاثر مايبقي اثر
بس اذا غسلت يروح ولا لا
توني مجربه وما ادري

مو مشكله نشوف وش يصير معك يارائد بالايام القادمه وكيف المنتج معك بشكل عام

وبعدها نجمع الطلبات وابشرو جميعآ :)

والله انا احتاج مثل هذا القلم وبقوة لان السيارة عندي انواع المخوش طبعا الكبوت هذا سبورت الصغار ما يحتاج
يا ريت بس تعطينا خبر على بعد الغسيل اش صار معاك يرجع المخش ولا لا
ومشكور على التقرير ويا ريت واحد يقولي كيف طريقة الشراء لاني ناوي على واحد وبقوة.

طيب ياشباب هل الغسيل يطيرهـ ؟

ما شاء الله .
بطــل .

مشكور صراحه جميل جدا

أنا قد شفته بالتلفزيون
بس كان بلبنان المنتج

بالله لا تنسوا تطلبولي المنتج لإنه في بعض الخدوش بسيارتي وقاهرتني

طيب عندي سؤال هل القلم سائل او ناشف ؟ :d

اتوقع بعد الغسيل ترجع مثل اول :d

لان بالمقطع ماتكلمو عن غسيل السيارة بعد التجربة

يعطيك العافية

والله جبار هالقلم

وانا بعد ابي واحد من مكه

مشكور على ىالتقرير

تحياتي

سجلني كمان ابي واحد لان في عيال الله يهديهم لعبو بسيارتي خلوها جدار ذكريات:(

انا ابغى كرتون :d

والله ماشاء الله اذا على كذا ماحد بيتعب من المخوش

وخصوصا اصحاب الالوان الغامقه :cool:

يسسسسلمو رائد :o

هلا شباب

أرجو ان لا يُفهم كلامي على انه تكذيب للرجل صاحب الموضوع و العياذ بالله

لكن من باب ( ليطمئن قلبي ) كما قالها نبي الله أبراهيم عليه السلام....

طبعا انتشر فيديو الاعلان عن هذا المنتج انتشار النار في الهشيم , و قد أشغلني البحث عنه و عن الوصول له

و خلال بحثي عن معلومات أكثر و جدت الكثير حول هذا المنتج.... مثلا

هذا برنامج اسمه " ستار رفيو "STAR REVIEW

مهمته تجربة و تقييم المنتجات بالاعلانات التلفزيونية , و المنتج ( fix it pro) أخذ 1 من 6 نجوم !!

و علق المقدم في الاخير على انه : لم يفعل اي شئ على الاطلاق !! ( الدقيقه 4:17 ) ثم رمى القلم بزدراء !!

[ame="http://www.youtube.com/watch?v=dVBgDk4Opig&feature=fvw"]YouTube - Fix It Pro Review[/ame]

لكن , ما قام به مقدم البرنامج هو أختبار نتائج القلم على خدوش تعتبر " عميقه " لحد ما , وربما هذا ما دعاه لأن يوصي بأنه ليس منتجا جيدا

بينما وجدت تجارب من ناس آخرين على خدوش تعتبر سطحية... مثلا

[ame="http://www.youtube.com/watch?v=lbwa9TJFhe0&feature=related"]YouTube - fix It Pro Lackstift - Im Einsatz - Nr.2[/ame]

و أخر

[ame="http://www.youtube.com/watch?v=HysjeXPdjNQ&feature=related"]YouTube - fix It Pro Lackstift - Im Einsatz - Nr.3[/ame]

أخيراً

[ame="http://www.youtube.com/watch?v=jklCfdAn6JI&feature=related"]YouTube - fix It Pro Lackstift - Im Einsatz - Nr.1[/ame]

كل ما أتمناه هو أن نعرف :

ما هي نوعية الخدوش اللتى يمكن لهذا المنتج أصلاحها ؟؟

و ماهي النوعية الاخرى من الخدوش اللتى من المستحيل على هذا القلم علاجها ؟؟

فقط حتى نضع النقاط على الحروف - قبل ان يصاب البعض بصدمه - و يكون الوجه من الوجه أبيض

تحيه لصاحب التجربه

SAMiR

وعليكم السلام ورحمة الله وبركاته

السؤال الي يسدح نفسه ولا واحد منكم فكر يسأله :confused:

كيف يعمل هذا القلم وكيف انه مناسب لجميع الألوان ..؟ والله شيء عجيب !

هلا اخووي رائد يا ليت لو تدبر لي واحد ما يحتاج شحن ولا شي أجيك عند بيتكم:d
ومشكور على التقرير.

بصراااحه روعه

انا ابي هالقلم يارائد لو تقدر تطلبه ياليت
تعطيني خبر

تحيتي

اقتباس:

---

المشاركة الأصلية كتبت بواسطة abdelslam

السؤال الي يسدح نفسه ولا واحد منكم فكر يسأله :confused: [/كيف يعمل هذا القلم وكيف انه مناسب لجميع الألوان ..؟ والله شيء عجيب !

---

هلا عزيزي

اذا عرف السبب يصير ولا عجيب ولا شي

القلم مملؤ بماده شفافه على ما أظن و تتلون حسب لون السيارة , أعتقد انها تكتسب اللون من نفس بوية السيارة

و يعمل مثل بوية ( التلقيط ) اللى تجي مع السيارة

يعني في الشمس يبان كل شي ...هذا روسي بموسكو يجربه شوف

( مقطع فيه موسيقى )

[ame="http://www.youtube.com/watch?v=z32UgJ8K1ys"]YouTube - FIX IT PRO TEST[/ame]

SAMiR

والله المووضوووع شدني من عنوانه

ماشاء الله عليك .. اختيار موفق للموضوع .. واحسبوني واحد من المجموعه الي راح تطلب

انا متواجد بالرياض :)

تحس انها بالنهار صارت مرقعه ....!

يعني فايدته في الليل فقط ....

برب

هونت اخذهــا

والله انا ماراح ازيد على الشباب شي
طبعا مشكووووووووووووووووووووووووووووووووووور
و انا بالخبر و ابي واحد او 3 مثلو

وانا ابي واحد بعد اذا راح ترسل لجده

انا بالامارات

ابغيه

الى اخوى صاحب الموضوع هل جربت هالقلم , والشي الثانى الى ابي استفسر عليه القلم ذا له الوان معينه يعنى على لون السيارات يجى ولى كيف ولى هو ماده تزيل الخدوش ارجو الشرح بشكل مفصل شاكر ومقدر واذا له فائده وجربته انا بشتريه منك والان
وهاذا رقم جوالى
0556866638
يسلمو عالموضوع .

يعني ذا الوان ولا كيف
اذا البويه راحت كيف بيعدلها
هذا ممكن فكرته زي الملمع
اذا صدمت واحد ولون سيارته جا بسيارتك يشيله ويرجع لونك
اما انه يحطلك لوون
قووويه صراحهـ