الطريقة الكاملة لتغيير بواجي الأكورد بالصور

السلام عليكم ..

نود أن نشرح هذا الدرس الخاص بتغيير بواجي الأكورد موديلات 2003 - 2007 ..
طبعاً هذا الشرح بالأمكان تطبيقه على السيفيك والأكورد V6 ولكن مع اختلافات بسيطة ..

على العموم نبداً بالشرح ..

================================
عزيزي القارئ تم كتابة هذا الموضوع فائدة للجميع و طلب للثواب و لا الكاتب ولا منتدى محبي هوندا تتحمل ادنى مسؤولية نتيجة تطبيق هذا الدرس او اي درس آخر، من ناحية أخطاء تطبيقية جراء قلة خبرة او سوء استخدام.
================================

في البداية نحتاج إلى عدة أدوات ..

الأداوات تقريباً تباع في محلات مواد البناء على شكل حقيبة متوفر بها جميع المقاسات المطلوبة .. ما عدا الأداة الثالثة تباع منفصلة

الأداة الأولى : Driver 0.5 inch

http://www.hondaarabia.com/data/gall...3/DSC00319.jpg


الأداة الثانية : Extantion for 0.5 Driver

http://www.hondaarabia.com/data/gall...3/DSC00321.jpg

الأداة الثالثة : حبة بكس مقاس 16 ملم او خمس اثمان البوصة للدرايفر نصف انش

طبعاً أنا تعبت لين ما لقيتها وبالأخير لقيتها بساكو .. طبعاً متوفر مع عدة السيارة حاجة بديلة ولكن ما استخدمتها من قبل وللأسف صادها اسيد بطارية وخربها ..

http://www.hondaarabia.com/data/gall...3/DSC00318.jpg


الأداة الرابعة : Driver 0.25 inch

http://www.hondaarabia.com/data/gall...3/DSC00323.jpg

الأداة الخامسة : حبة بكس مقاس 10 ملم للدرايفر ربع انش

http://www.hondaarabia.com/data/gall...3/DSC00317.jpg


الأداة السادسة : قفازات مقاومة للحرارة تجدونها في ساكو في الغالب او محلات مواد البناء .. بالنسبة لي أن مشلحها من الداوم :d

http://www.hondaarabia.com/data/gall...3/DSC00324.jpg


الأداة السابعة : كشاف يدوي .. لو تلاحظون أن الكشاف زينون :d

http://www.hondaarabia.com/data/gall...3/DSC00338.jpg

الأداة الثامنة : ما ادري وش فايدتها بس شكلي حلو لما ألبسها واشتغل في السيارة :d
طبعاً تلاقونها في محلات مواد البناء او ساكو .. انا مشلحها من الدوام :d

http://www.hondaarabia.com/data/gall...3/DSC00337.jpg

يتبع >>>>

قبل كل شي .. طفي السيارة وشيل المفتاح منها حق لا يجي واحد ذكي ويشغلها على بالة انه يمزح معاك .. ترى انت قاعد تتعامل مع نظام كهربائي ذو فولطية عالية جدا ً

طبعاً حق نرتاح في الشغل نحتاج نفتح الكبوت على المستوى الثاني.. جميعنا نعرف المستوى الأول ولكن خلنا نتعرف على المستوى الثاني ..

يوجد ثقب خاص بعمود الرفع في الجهة الداخلية من الكبوت أسفل يسار ..

اصحاب الفل اوبشن للأسف ما عندهم دي الميزة :d

http://www.hondaarabia.com/data/gall...3/DSC00328.jpg

طبعاً يصير الكبوت مفتوح بهذه الطريقة ..

http://www.hondaarabia.com/data/gall...3/DSC00329.jpg

نجي للمكينة .. يوجد غطائان بلاستيكيان .. الغطاء الأول الي مكتوب عليه كلمه I-VTEC هذا مالنا شغل فيه .. نروح للغطاء الي فوقه ونفك البرغي رقم 1 و 4 باستخدام حبة بكس مقاس 10 ملم ونحتفظ بهم في مكان مناسب .. بعدها نفك البرغيين رقم 2 و 3 .. نلاحظ انهم ما ينتزعون من الغطاء البلاستيكي ..

http://www.hondaarabia.com/data/gall...3/DSC00325.jpg

بعد ما نفكه نشوف الكويلات .. انا بافك واحد للشرح وطبقوا انتوا نفس الكلام على البقية ..

من اليسار .. الكويل الأول والثالث مربوطين يحتاجون فك باستخدام حبة بكس 10 ملم ..

http://www.hondaarabia.com/data/gall...3/DSC00326.jpg

بعد ما نفك البرغيين نفك جميع القوابس .. ونسحب ملفات الكويلات.. ننظف أي اتساخ زيت بقطعة قماش نظيفة وجافة .. وهذي صوة الكويل ..

http://www.hondaarabia.com/data/gall...3/DSC00330.jpg

الحين نحتاج دي الأدوات ..

http://www.hondaarabia.com/data/gall...3/DSC00332.jpg

نركبها لتصبح بهذا الشكل ..

http://www.hondaarabia.com/data/gall...3/DSC00331.jpg

ندخلها مكان الكويل ونلفها عكس اتجاه عقارب الساعة لفك البوجي ..

عندما نتيقن أن البوجي مفكوك نقوم بإدخال الكويل مرة أخرى لسحب البوجي ..قد تحتاج عدة مرات لكي تمسك البوجي بالكويل وعوضاً عن ذلك يوجد مغناطيس طويل بساكو لألتقاط القطع المعدنية الصغير تستطيع استخدامه في اخراج البوجي ..

http://www.hondaarabia.com/data/gall...3/DSC00333.jpg

الآن بالنسبة لتركيب البواجي الجديدة ..
ندخل البوجي الجديد .. ونستخدم هذه الأداة بدون الدرايفر ..

http://www.hondaarabia.com/data/gall...3/DSC00336.jpg

نقوم بإدخال حبة البكس التي فككنا بها البواجي وادراتها عكس عقارب الساعة ليصبح البوجي بشكل عمودي ومن ثم نلفه بأتجاه عقارب الساعة باليد فقط .. وعندما نعجز عن ربطه باليد نركب الدرايفر ونلفه ربع لفه فقط ..

طبعاً اذا قمت باستعراض عضلاتك وربطت البوجي بقوة جداً سوف يذوب ويلتحم برأس السلندر .. اما اذا كان مرخي او غير عمودي سوف يتسبب بذوبان الكويل بسبب تسرب حرارة الأنفجار الداخلي .. استخدم الكشاف اليدوي للنظر داخل ثقب الكويل للتأكد بأن البوجي مربوط بشكل عمود وكذلك قم بتطبيق طريقة الربط الي فوق .. لأن بهذي الطريقة مستحيل يصير عند غير عمودي ..

================================
عزيزي القارئ تم كتابة هذا الموضوع فائدة للجميع و طلب للثواب و لا الكاتب ولا منتدى محبي هوندا تتحمل ادنى مسؤولية نتيجة تطبيق هذا الدرس او اي درس آخر، من ناحية أخطاء تطبيقية جراء قلة خبرة او سوء استخدام.
================================

اتمنى اني وفقت في نقل خبرتي إليكم واي استفسار انا حاضر .. :)

هذا الموضوع عبارة عن جهد شخصي لصاحبه الهادف .. يمنع نقل هذا الموضوع إلى منتديات أخرى بدون أذن من الكاتب مع الأشارة لرابط الموضوع الأصلي واي انتهاك لأي من الشروط السابقة سوف يعرضك للمسائلة مع أدراة المنتديات المنقول الموضوع إليها ..

مشكوووووووووور

سلمت أناملك يا سيد ميكانيك

يعطيك الف عافية اخوي وصاحبي الهادف
صور الكراج تذكرني يوم اجيب موتري يوم الحادث من بقيق ونغير له كفر هههههه
شاكرين لك هذا الموضوع الحلو المفيد

تسلم اخوي الهادف على المجهود

الله يعطيك العافيه على هذا المجهوووود

اقتباس:

---

المشاركة الأصلية كتبت بواسطة ل م س 3 3 4

مشكوووووووووور

---

العفو أخوي ..

اقتباس:

---

المشاركة الأصلية كتبت بواسطة الخولاني

سلمت أناملك يا سيد ميكانيك

---

الله يسلمك

اقتباس:

---

المشاركة الأصلية كتبت بواسطة Mad Devil

يعطيك الف عافية اخوي وصاحبي الهادف
صور الكراج تذكرني يوم اجيب موتري يوم الحادث من بقيق ونغير له كفر هههههه
شاكرين لك هذا الموضوع الحلو المفيد

---

الله يهديك بس :d من حظك داك اليوم كنت ساحب على الدوام :d
بكرة باحط موضوع طريقة تغير الكفر الأحتياطي علشانك بس :d
على العموم ان شاء الله يفيدك الموضوع واتمنى ما تودي سيارتك ميكانيكي حق يغير بواجي سيارتك .. بعد ما عندك حجة انت .. الشرح موجود واذا بغيت شي عندك جوالي :)

اقتباس:

---

المشاركة الأصلية كتبت بواسطة يامطنش

تسلم اخوي الهادف على المجهود

---

الله يسلمك أخوي ..

اقتباس:

---

المشاركة الأصلية كتبت بواسطة فهد الشمري

الله يعطيك العافيه على هذا المجهوووود

---

الله يعافيك اخوي فهد ..

واتمنى واحد يجي بكرة ويقول ان طبق الطريقة ونجحت معاه :)

يعطيك ألف ألف عافيه الهادف على هذا الموضوع الهادف :)

طبعا نظرا لأني إنسان دايم اجيب العيد بأي شيء أفكك فيه فانا ماخذ الموضوع للفائدة >>> اما التطبيق بدري علي :d

شكرا لك :cool:

اقتباس:

---

المشاركة الأصلية كتبت بواسطة الاخطبوط

يعطيك ألف ألف عافيه الهادف على هذا الموضوع الهادف :)

طبعا نظرا لأني إنسان دايم اجيب العيد بأي شيء أفكك فيه فانا ماخذ الموضوع للفائدة >>> اما التطبيق بدري علي :d

شكرا لك :cool:

---

الطريقة سهلة جداً اخوي الأخطبوط .. لو تقرا كتلوج الوكالة تلاحظ الطريقة مشروحة ولكم ما بتفهم منها شي ..

على العموم انت يبغالك جلسة حق تتعلم كيف ولا ترى الطريقة سهلة جداً لو التزمت بالكلام المذكور .. :)

الله يعطيك الف عافيه

وبصراحه شرح وافي وكافي مابعده شرح

وانا ان شالله ناوي اغيرها في البيت

بس يليت تقولي وين القى المفكات هذي كلها بالضبط

ووش اسم القطعه يعني لو رحت للمحل وش اقوله..؟

ومشكور وماقصرت...

.
.
ماشاء الله تبارك الله

لايكون انا دااش الخدمة السريعه في الوكالة

ماشاء الله تبارك الله

شغلك نظيف ....

اقتباس:

---

المشاركة الأصلية كتبت بواسطة اكورد لؤلؤي

الله يعطيك الف عافيه

وبصراحه شرح وافي وكافي مابعده شرح

وانا ان شالله ناوي اغيرها في البيت

بس يليت تقولي وين القى المفكات هذي كلها بالضبط

ووش اسم القطعه يعني لو رحت للمحل وش اقوله..؟

ومشكور وماقصرت...

---

الله يعافيك أخوي ..

الشنطة الا بها المفكات دي تحصلها في اغلب محلات مواد البناء الكبيرة .. في محل الفارس في طريق الخضرية في الدمام ..

كذلك تلقاها في ساكو

سعرها يتراوح بحسب النوعية من 100 ريال وحتى 300 ريال ..
شوف الملفات المرفقة

بالنسبة لحبة البكس الخاصة بفك البواجي يجي مقاسها 16 ملم او خمس اثمان البوصة
انا شريتها منفصلة من ساكو ..

روح اي فرع ساكو واسأل الموظف عن حبة بكس مقاس 16 ملم او خمس اثمان البوصة حق درايفر نصف انش ..

اقتباس:

---

المشاركة الأصلية كتبت بواسطة ميدو مشاكل

.
.
ماشاء الله تبارك الله

لايكون انا دااش الخدمة السريعه في الوكالة

ماشاء الله تبارك الله

شغلك نظيف ....

---

الله يعافيك اخوي .. :)

نفس شغل الخدمة السريعة ويمكن احسن منه :d

أبـيك تـسمح لي أنا يا الهـادف ..
إني أغـير في الورشـة ماهو كـسل لكن أدوات العـملية ماهي عـندي كـاملة يعني العدة ناقصة
وإلا أنا من النوع اللي يستـمتع بمثل هالأمـور وغير كـذا واحـد كهربائي مايكلفني واجـد آخر مرة
كـنت مغـير عـندهـ البواجي وفـلتر الهـواء وأخـذ مني 15 ريال .. يعني بتسمح لي أكـيد


;)

يعطيك العااافيه ..؟!

هههههههه مشكور على الموضوع اغير بواجي السيفك بدون نظارات وقفازات حارس حارتكم ههههه لو اني مديرك بشغل كان خصمت السرقه من راتبك ههههههه
بس شكلك تشتغل بمحل غاز ههههههههه امزح معك لاتزعل

اقتباس:

---

المشاركة الأصلية كتبت بواسطة just 4 u

أبـيك تـسمح لي أنا يا الهـادف ..
إني أغـير في الورشـة ماهو كـسل لكن أدوات العـملية ماهي عـندي كـاملة يعني العدة ناقصة
وإلا أنا من النوع اللي يستـمتع بمثل هالأمـور وغير كـذا واحـد كهربائي مايكلفني واجـد آخر مرة
كـنت مغـير عـندهـ البواجي وفـلتر الهـواء وأخـذ مني 15 ريال .. يعني بتسمح لي أكـيد


;)

---

العدة ياخوي كما ذكرت لك .. موجودة في محلات مواد البناء الكبيرة او ساكو ..
وانا حبيت بس اعلمكم حرفة بدل ما تاخذ سيارتك لهندي يغير سيارتك وترى العملية اذا انت متمرس عليها ما تاخذ منك أكثر من 10 دقايق ..
على العموم .. خذ راحتك أخوي .. أنا حبيت أضيف الطريقة للعلم والفائدة فقط .. :)

اقتباس:

---

المشاركة الأصلية كتبت بواسطة beckhaam

يعطيك العااافيه ..؟!

---

الله يعافيك اخوي بيكهام ..

اقتباس:

---

المشاركة الأصلية كتبت بواسطة التراري طاره غير عادي

هههههههه مشكور على الموضوع اغير بواجي السيفك بدون نظارات وقفازات حارس حارتكم ههههه لو اني مديرك بشغل كان خصمت السرقه من راتبك ههههههه
بس شكلك تشتغل بمحل غاز ههههههههه امزح معك لاتزعل

---

النظارت مو مهمة ولكن القفازات مهمة اذا كانت سيارتك حارة .. الا اذا يدك مثل الخيش و فما فيه مشكلة تقدر تمسك الحرارة ولكن اذا يد ناعمة مثل يدي :o اكيد ما بقدر امسك الأشياء الحارة ..

على العموم القفازات دي تشتريها ارامكو من شركة باكستانية وسعر الزوج الواحد بدولار فقط بينما النظارت تشتريها من شركة امريكية بخمس دولارات تقريباً

انا اشتغل في ارامكو حبيبي مو في محل غاز :)

فديتك ياناعم اشوف نعومة يدك بصوره هههه بس الضبان مثلي عادي عندهم يعطيك العافيه ومقصرت ونشوف ابداعك القادم:cool:

اقتباس:

---

المشاركة الأصلية كتبت بواسطة الهادف

اصحاب الفل اوبشن للأسف ما عندهم دي الميزة :d

http://www.hondaarabia.com/data/gall...3/DSC00328.jpg

---

يالهادف الميزه هذي موجوده بالفل اوبشن ( وانا مسويها بنفسي :rolleyes: )

اللي ما يقدر يسويها اصحاب الـ v6 لان حامل الكبوت فيها يجي مساعدات :cool:

الصراحه جهد رائع ومن ابداع لأبداع الله يعطيك الف عافيه

مشكوووووور

شغل حلو صراحة :)

بس تبي النصحية الزينة

اولا اشتغل وقت النهار

ثانيا خل السيارة تبرد قد المستطاع >>> ترى الحروق شينة :p

ويسلمو على الجهد هذا :)

اقتباس:

---

المشاركة الأصلية كتبت بواسطة اتــشـــــ

يالهادف الميزه هذي موجوده بالفل اوبشن ( وانا مسويها بنفسي :rolleyes: )

اللي ما يقدر يسويها اصحاب الـ v6 لان حامل الكبوت فيها يجي مساعدات :cool:[/center]

---

تصدق قمت اخلط بين الفل اوبشن وبين الـ V6 :d

انت شفت الموضوع كله وانتبهت لها الغلط البسيط .. :(

على العموم مشكور على المرور

اقتباس:

---

المشاركة الأصلية كتبت بواسطة MAX177

الصراحه جهد رائع ومن ابداع لأبداع الله يعطيك الف عافيه

مشكوووووور

---

مشكور حبيبي على المرور

اقتباس:

---

المشاركة الأصلية كتبت بواسطة Black Arrow

شغل حلو صراحة :)

بس تبي النصحية الزينة

اولا اشتغل وقت النهار

ثانيا خل السيارة تبرد قد المستطاع >>> ترى الحروق شينة :p

ويسلمو على الجهد هذا :)

---

هلا غناتي مرتضى .. يشرفني مرورك على الموضوع :)

انا ما احب اشتغل وقت النهار لأن بصراحة الجو عندنا في النهار حلو ولا يخليك تشتغل :(

بالنسبة لحرارة السيارة .. لا تخاف مع القفاز المقاوم للحرارة بأمكانك الأمساك بشي معدني درجة حرارته 350 مئوية لمدة 5 دقائق .. :cool:

فيه نوعيه عزلها يوصل لأكثر 10 دقايق خاصة باللحامين ولكن للأسف مي عندي

ومشكور على مرورك ..

ابشرك انا شريت العده وكل شي جاهز

مابقى الا التنفيذ

بس الحين ظهر وتعرف جونا العليل من البرد مااقدر اشتغل

يعني ان شالله الليله بنفذ العمليه :)

بس اخاف تضبط معي واتهور واركب مكينة 6 سلندر :d

ويعطيك الف عافيه اخوي الهادف على الطريقة

وبوافيكم بالتفاصيل الليله ان شالله....

اخيييييييرن

تمت العمليه بنجاح

بفضل الله ثم بفضل الاخ المبدع الهادف

وانا غيرت البواجي في نفس اليوم الي قلت عليه

بس مافضيت اكتب الرد

وفي الاخير اقولكم حرام تودون سياراتكم لـ هنود يلعبون فيها

والله مايبيلها شي استمتع عليها والله

والله يعطيك العافيه اخوي الهادف وماقصرت

وعقبال ماتحط موضوع تركيب مكينة 6 سلندر :d

والله يعين...

مشكور اخوي الهادف على الشرح الأكثر من رائع..
وان شاء الله نحاول التطبيق..
على العموم حنا جيرانكم بين سيهات والقطيف <<عنك>>:)

واكرر شكري لك...

اقتباس:

---

المشاركة الأصلية كتبت بواسطة اكورد لؤلؤي

اخيييييييرن

تمت العمليه بنجاح

بفضل الله ثم بفضل الاخ المبدع الهادف

وانا غيرت البواجي في نفس اليوم الي قلت عليه

بس مافضيت اكتب الرد

وفي الاخير اقولكم حرام تودون سياراتكم لـ هنود يلعبون فيها

والله مايبيلها شي استمتع عليها والله

والله يعطيك العافيه اخوي الهادف وماقصرت

وعقبال ماتحط موضوع تركيب مكينة 6 سلندر :d

والله يعين...

---

هلا بيك اخوي ..
مبروك عليك تغيير البواجي :d
كنت اتمنى واحد يجي ويقول ان طبق الدرس بنجاح :)
وان شاء الله بكرة نحط موضوع (( طريقة تحول مكينة اربعة سلندر إلى ستة سلندر )):d

اقتباس:

---

المشاركة الأصلية كتبت بواسطة راعي الهـنـــ 2006 ـــادي

مشكور اخوي الهادف على الشرح الأكثر من رائع..
وان شاء الله نحاول التطبيق..
على العموم حنا جيرانكم بين سيهات والقطيف <<عنك>>:)

واكرر شكري لك...

---

العفو اخوي .. وان شاء الله تتطبق الدرس بنجاح
والله يحيك ويحي أهل عنك والخوالد كلهم :d

ههههههههههههههههههههههههههههههه

احسن ان باخر الشهر ماصرفوا لك شي الدوام

طالع مطلوووووووووووووب كل شي منهم

يطعيك العافيه ع الطريقه

مشكور جدا على الإبداع والشرح الوافي الكافي.....<<حلوة الكافي صح:cool:

مثل ما قال اتش ... الفل فيه بساتم ... و اقل نوع و الاربع الفل فيها هذه الفتحة ( بالنسبة للـ 2006 )


ما شاء الله الشرح ولا اروح ما شاء الله عليك جبتها في الصميم يا صاحبي ... << ما راح اطبق الدرس هذا لو تعطيني فلوس هههه لانه كل شغلي عند الوكالة الا في حالات جفاف جـيـبـي من الفلوس او كـــ خدمة لصديق


وشكرا

تسلم اخوي الهادف على مجهودك الرائع

الصراحه كفيت ووفيت

وبالنسبة الى عده الفتح مايحتاج تشتريها لانة تجي مع السيارة من الوكالة وانا مستخدمها من قبل ومغير بواجي سيارتي

وتحياتي لك

الف شكر لك يالغالي وسلملي على السبيشل

مشكوور وماقصرت شرح وافي يابعدهم ...

مشكورررررررررررررررررررررررررررررررررر
ويعطيك العافيه

يسلمووووووووووووووووووووووو

عداااااك العيــــــــــــب يا شنب

بكره العصر بس تقعد كفو والله

سلم الله ايديك

موضوع ذهبي