رد منفصل على انتقادات الاكورد
السلام عليكم يا شباب
هذه اول مشاركة لي بس من القهر لازم اكتب كل اللي عندي بصراحة
انا اخوي عندو اكورد 2005 و انا اكورد 2008 سبشل ماشاء الله تبارك الله
خلوني اتكلم بكل صراحة وربي سيارتي ماشية بالضبط 42 الف و شوية و لمن وديتها صيانة الاربعين الف قلي ماعمرك غيرت اقمشة قلت له لا والله لا اقمشة و لا فحمات قال غريبة كلها نص عمر يعني لسه تمشي بس قلت خليني اغيرها احسن قلي هي اساسا تتغير على العشرين المهم انا حاب اوضح انها بتعتمد على السواقة اكثر من اي شيء ثاني
1- الاكورد مافي زيها وربي الكامري 2009 على 120 تخاف و الاكورد 180 واول مرة وربي ولا حسيت فيها الين ما انا انفجعت بس ماشاء الله رسااااااوة في الخط افضل من مليون سيارة في نفس فئتها
2-الاكورد 2008 الاربعة سلندر مو حق مقاومات صح بس تعطيك في الخط يعني مع الالتيما جبته على ال140 و اللي يقول الاكسنت و اليارس انا اقولهم الصني قام علي بس لعبت به في الخط الين ما كره نفسه ياشباب حجم السيارة على الاربعة سلندر ما بيساعد في القومات سؤال مهم مهم مهم يطرح نفسه:
ايش بستفيد اذا هو سبقني و لا انا سبقته ؟
ترى و ربي كلام فاضي
3-انا مو انحيازي بس الاكورد ماهي خالية من العيوب بس وربي افضل بكثير من غيرها يعني باختصار بقول رضى الناس غاية لا تدرك ممكن فيها اشياء تعجبني انت تعتبرها عيوب و العكس.
4-جميع العيوب اللي فيها ماهي عيوب اساسية تضر بالسيارة كلها اشياء ثانوية و لها حل.
5- اللي يقول قطعها غالية ممكن تبين ايش القطعة بالضبط و تقارنها مع اسعار قطع السيارات الثانية بنفس الفئة.
6-اللي يقول مافيها عزل و ربي انه عزلها احسن من الكامري.
7- انا اعترف انه الاكورد 2003-2007 افضل من الاكورد 2008 بس في نواحي كثيرة العكس صحيح.
8- اللي بيدور على الفخامة يشوف شي على قد فلوسه يعني بي ام مثلا او بانوراما اوممكن المايباخ او المازراتي اذا مرة مفلس.
9-الاكورد 2008 احترامها في الشارع افضل من سيارات كثير في فئتها.
10- سؤال اخر يطرح نفسه ليش الاكورد مافي منها ليموزينات في حين نجد الكامري و الالتيما الليموزينات منها مثل الريالات.
خاتمة
الكمال لله سبحانه و تعالى وياشباب ارجوكم المنتدى مكان للتعارف وحل المشاكل الخاصة بسياراتنا كفانا الله شرها واقتراحتنا تجاه تلك المشاكل وليس مكان لزرع الفتنة وتذكروا اختلاف الراي لا يفسد للود قضية.
