بنــــــــزين 91 و ( القلقــــــــــــــــــــــــــــــــة )

بسم الله الرحمن الرحيم

أخواني أعضاء ومرتادي محبي هوندا

الســــــــــــلام عليكم ورحمة الله وبركاته

يقولون من طول الغيبات جاب الغنايم وانا جاي معي مصيبة ( الله يكفينا شرك ) :d

الموضوع يحتاج شرح وراح أختصر قدر الإمكان . الموضوع و مافيه بنزين 91 أرخص و بنزين 95 أفضل و أغلى

أولآ سيارتي اكورد 2009 و لها معي سنة ونصف و أول ما عبيتها بنزين 91 وماشي إلى يومكم و الفترة الماضية

ماكنت أحس بشي ولله الحمد ولكن طلع عندي صوت وهذا الصوت يسمى ب ( القلقــــة ) و أسبابة ضعف الأوكتان

إذا كنت حاب تسمعه بشكل واضح فهو بالكامري واضح جدآآآآآآآ أما الأكورد فهو خفيف .

بعد قرأة و بحث وجدت الآتي سأضعها لكم وهي عبارة عن ردود لمجربين نوعية البنزين و الفرق بينهم .

اذا كان الاوكتان قليل 91 و اقل
فانه يحدث انفجار للبنزين و الهواء قبل اشتعال الشرارة
الانفجار يحدث بسبب ضغط و كبس البستم

نقطة اخرى
الكبليتر مثل الباترول و غيره
عند تعبئة 91
يصير للمكينة لقلقة للبلوف + و صرقعه
خصوصا عند وضع القير بنمرة خفيفة على 3
و اشتغال الموتر ضعيف و سيئ جدا في الصباح
و الحل 95 http://www.mekshat.com/vb/images/smilies/icon15.gif

نقطة اخرى
ال91 حار جدا بغرفة الاحتراق
لانه مافي تكافئ بين البنزين و الهواء
لذلك اذا كنت تمشي بخط على سرعة 170 و طالع
يذوب سطح البستم و يتحفر مع الايام

مثال اخر لتوضيح الصورة
مكينة اللحام
اذا زودت كهرب مكينة اللحام بواسطة الفرار اللي فوق المكينة
فان اللحام يبدا يقص الحديد اللي تبي تلحيمه
ما يلحم بسبب قوة الكهرب الزائدة فوق اللزوم
و العكس صحيح
و اذا قصرت على الكهرب
فانه عند التحليم يظهر كربون زائد اسود على طبقة اللحام
و مايمسك اللحام تمام ينكسر
و الحل لابد من التناسب 50% لكل قوة

مثال اخر
الاوكسجين + الغاز تستخدم لقطع الحديد
اذا زاد الاوكسجين تطفى النار
اذا زاد الغاز تكون النار حمراء و ماتنفع ماتقص حديد اطلاقا
لانه لابد من التناسب بان تكون النار زرقاء عشان تقص

http://www.mekshat.com/pix/upload01/...291_aaaaa1.jpg http://www.mekshat.com/pix/upload01/...1_aaaaaaa2.jpg

الحل

بنزين 95 متكافئ مع الهواء نسبة و تناسب http://www.mekshat.com/vb/images/smilies/icon14.gif

طبعا بالامكان تعبئة بنزين 91
بشرط اساسي
انك ماتتجاوز سرعة 160 و طالع
لانه مع الايام راح يموع و ينصهر البستم
و لذلك للسبب اعلاه

ــــــــــــــــــــــــــــ

هل تضمن ان بنزين 91 فعلا هو بالتاكيد بنزين 91
وانه ليس اقل من هذا الرقم
لماذا اذا عبيت 91 تسمع اصوات البلوف في المكينه وطقطقه تختفي اذا غيرت لل 95
ادفع 15 هلله زياده لليتر واكسب سيارتك ومن يقول ما فيهن فرق يلعب على نفسه
اقول لك خللك بالمضمون 95 وعساك تسلم

ـــــــــــــــــــــــــ

انا موتري باث وكنت اعبيه 91 وكنت دوم اسمع اللقلقة ومن رمضان الماضي مسكت معي اجرب الـ 95 وفعلا راحت اللقلقة لكن من ناحية صرفية او عزم ما تغير شيء

ــــــــــــــــــــــــــــــ
انا جربت الثنين على باث فندر كلهن يمشن في التانكي اذا فللته 550 كلم
مالاحضت اي اختلاف الشي الوحيد الي لاحضته لقلقه تضهر احيناً قبل تغيير بعض النمر عندما اعبي الـــ91
وهذي القلقه تضهر في التماتيك اما القير العايدي على كلام الشباب مافيها شي

ــــــــــــــــــــــــــــــــ

لا أريد الإطالة أكثر بالحالة هذي أجمع الغالبية بأن بنزين 91 يسبب لقلقة و مع مرور الوقت يسبب تحفر البستم و يقل

عمر المحرك كذلك لا أخفيكم بأنني وجدت من يعارض هذا الكلام ولكنهم قلة قليلة و أنا الآن بحيرة من أمري أغير

ل95 أو أستمر 91 و هل هناك مشكلة عند التغيير للمكينة أو الطرمبة او الصفاية أو غيرة .

اما بالنسبة للقلقة فهي واضحة خل النمرة ب 1 وخليك ماشي بسرعة 30 و ياليت يكون بطلعة افتح القزاز وتسمع

الصوت واضح .

شاكر لكم مقدمآ حسن المرور وأتمنى مرور ذوي الخبرة و قطع الشك باليقين بأدلة واضحة وبماذا ينصحون بأستخدامه

انا عن نفسي اعبي 95
وكنت ناوي اسال الاعضاء ايش يعبون لان موتري ماله معاي الا يومين وماني ذاك الخبره
وشكرا لك

مشكور اخوي على المعلومات الرائع واما انا اعبي 95

ال95 افضل من كل النواااااحي

عزم افضل

ويطول معك


يعطيك العاافية اخوي برق

كنت اعبي 95 في سيارتي السابقة

الان في البيوك بحكم هي سيارة اخوي ويستخدم معاها بنزين 91 المحرك بداية تبويشة

يسلمو ياخوان على المواضيع والردرد الجميلة وانا عضو جديد في منتداكم وناوي على اكورد 2010 عاد لاتنسونا من نصايحكم ياخوان وازا طلعت السياره اكيد حعبي 95

يعطيك العافية على المعلومة ولا تبخل علينا بأي جديد عندك
انا عن نففسي من يوم شريت السيارة ما اعبي الا 95 وتمام التمام معي

يعطيك العافية على المعلومااات القيمة
أنا مااعبي الا 95 الحمدلله

طيب انا عبيت بنزين 95 وتصرف ويوم عبيت 91 صارت معي تمم ما تصرف وامشي عليها فوق ال180 وعادي لها الحين سنتين الله يستر بس

انا من يوم اخذت السيارة من الوكالة سالت الاخ المصري وقالي 95

اقتباس:

---

المشاركة الأصلية كتبت بواسطة رهيين هوندا

طيب انا عبيت بنزين 95 وتصرف ويوم عبيت 91 صارت معي تمم ما تصرف وامشي عليها فوق ال180 وعادي لها الحين سنتين الله يستر بس

---

وانا كمان متلك 95 يصرف :mad:

اما 91 مايصرف:cool:

اشكر كل من مروا و أدلو بدلوهم و ننتظر البقية لأنني أعزم على تبديل نوعية البنزين لأوكتان 95 و أحتاج بعض النصائح

من ذوي الخبرة

والله اذا بتعبي 95 هو افضل حتى بتلاحظ ان التغيير في النمر احسن وقوه المكينه بتلاحظ انها زادت ...

لكن يصررررررررف :d

يعني انفض جيبك :d

ــأخوي 95 :cool:وبس صدقني اكثر المهندسين نصحوني فيه مع اني ماعمري عبيت الا منه ولله الحمد زي الحلاوه
وتاني شيء ومن ناحيه الصرفيه مو كثير على حسب الفرفره الي في راسك :d

مشكور اخوي برق على الموضوع المهم جدا

وانا املك سياره حاليا كربريتر مو بخاخ
كنت اعبي سابقا بنزين 91 وانواع الكربون والرجه في مكينة السياره كل 6 اشهر اعمل تنظيف للكربريتر مع الاصالاح
واحد من الشباب نصحني قالي اذا السياره بدت تتفتف وتطلع كربون ابدى عبي بنزين 95 وشف وش يصير
وبالفعل عبيت 95
واختفت التفتفه والدخان الاسود <<الكربون
فانصحكم بالابتعاد عن بنزين 91

شكرآ لكم جميعآ ومازلت أنتظر البقية

هل هناك مشكلة بعد التبديل من 91 إلى 95 لمدة التجربة لو رجعت ل 91 هل هناك مشكلة

اخووي انا معااي 2009 ويوم طلعتها قالو عبي 95
ومشيتها تقريبأ 80 الف ودخلتها الصيانه وغيروا لي الفلتر والطرمبة البنزين وقالو لي عبي 91 والمرهـ ذي نعديها لك ع الضمان
والله ستر
وشوف الكتيب اللي بالسيارهـ وراح يبان معاك نوع البنزين
وانت حر يالغالي
هذا اللي صار معااي
واعبيها الحين91 والحمد لله امشي عليها 140 اخر حد لي والحمد لله مابه شي

والله انا سالت مثلك في الموضوع هذا ميكانيكي خطير اسمه عصام عندنا في المدينة وقاللي انه ال 91يطلعلك كربون مع الوقت بسبب الرصاص

اما 95 فلك وللزمن ولا يهمك زي ماقلت امر ال 15 هللة هذي حافظ على سيارتك ببنزين 95 وبعدين ايش اللي يضمنا ان ال91 فعلا 91 ونفس الكلام عن ال 95 .

وتقبل مروري

حتى انا كنت اعبي سيارتي 95 اللي هي أكورد 2008 حسيت انها تصرف في استهلاك البنزين فغيرت الى 91 قل صرفها للبنزين

اقتباس:

---

المشاركة الأصلية كتبت بواسطة برق

شكرآ لكم جميعآ ومازلت أنتظر البقية

هل هناك مشكلة بعد التبديل من 91 إلى 95 لمدة التجربة لو رجعت ل 91 هل هناك مشكلة

---

حياك الله يا أخوي

شوف بالنسبه إذا حولت من 91 إلى 95 فهذا أفضل بكثيييييير وهذا ما أنصح به

لكن لو حولت من 95 إلى 91 فهذا يستوجب عليك بعدها تنظيف بخاخات



أنا بعطيكم تجربتي بين النوعين

لما طلعت السياره من الوكاله سألتهم ماهو نوع البنزين فأجابني الموظف بنزين ( 91 )

جلست أعبي بنزين ( 91 ) قرابة السنه وبحكم إني أنزل من المنطقة الشرقية للرياض كثييييير

فكنت أحاول كثيييرا للمقاومه مع كامريات واكوردات في الخط لكن السياره ماتستجيب معاي بسرعه

فقررت إني أعبي بعد السنه كما ذكرت وأحول إلى بنزين ( 95 ) وكان ذلك قبل سفري للرياض بيوم تقريبا

اليوم الثاني سافرت للرياض والله ثم والله حسيت ان فيه فرق في العزم

صرت أتحرش بالخلق عشان يدعسون معاي في الطريق ولا كان إبن أمه يمشي معاي

من الكامريات الأوتوماتيك << بس :d << عشانها تفصل :d

يعني بصراحه عزم ولا أروع والله الفرق بين بنزين ( 91 ) وبنزين ( 95 ) بالنسبه للفلوس

الفرق كله ما يقارب ( 10 ) إلى ( 15 ) ريال

وأنا ما أشوفها فرق كبير بين الإثنين دام إني بحافظ على سيارتي


الفرق الآخر بين النوعين هو

طبعا للمعلومية قبل أن أبدأ في الفرق أنا لما أسافر الرياض ماكنت أنقص عن ( 180 ) كم / س

يعني المقارنه بتكون على مدى صرفية النوعين وبنفس السرعه

أول لما كنت أعبي بنزين ( 91 ) من محطة التسهيلات اللي تجيك بعد نقطة دخول الدمام على يسارك

أوصل الرياض لبيت الأهل باقي تقريبا خط أو خطين تحت النص يعني مو ذيك الصرفيه ماشاء الله

لكن لما غيرت إلى بنزين ( 95 ) ومن نفس المحطه المذكوره وبنفس السرعه لاحظت إن البنزين

باقي فيه نص التانكي تقريبا أو فوق خط النص بخط تقريبا


مما يستنتج من هذا الكلام المذكور أعلاه

- فإن بنزين ( 95 ) يعطيك عزم السياره الفعلي .

- إن بنزين ( 95 ) غالي شوي بس عن البنزين ( 91 ) << الخايس :d .

- إن بنزين ( 95 ) لا يتم إستهلاكه مثل إستهلاك البنزين الخايس << :d .


آسف على الإطاله

اقتباس:

---

المشاركة الأصلية كتبت بواسطة الثقل صنعة

حتى انا كنت اعبي سيارتي 95 اللي هي أكورد 2008 حسيت انها تصرف في استهلاك البنزين فغيرت الى 91 قل صرفها للبنزين

---

:rolleyes: :rolleyes: :rolleyes:

:confused: :confused: :confused:

أنت متأكد إن معاك أكورد 2008 ؟؟؟؟؟؟؟؟؟؟؟؟

أول مره أسمع بأن 95 يصرف أكثر من 91

انا مجرب النوعين في خطوط

والا اقول لك عشان ما أتعب أنا نفسيا وجسديا من الكتابه تابع تعليقاتي في الرد اللي فوق هذا :d :p

بالمختصر المفيد بعد ماحولت من ال95 الى ال91

لاحظت فيه مشكلة بالسيارة بس مادري شنو ياعزم ياصوت

بعدها رجعت لل95

بكذا لاحظت عزم موتري مو مثل اول احسة قل نوعا ما بشكل ملحوظ

موفقين

أنا الحمد لله أعبي 95

مافي شيء اسمه بنزين خايس وبنزين مو خايس.
كل سيارة يناسبها نوع بنزين بعضها 95 وبعضها 91 واللي يقول عزم وتفتفة وما أدري وش إما عنده مشكلة أصلا في السيارة أو كان يعبي بنزين غلط يعني كان يعبي 91 والمفروض لسيارة 95 أو العكس أو أحد ضحك عليه بكلمة ونفسيا صدق الموضوع وأوهم نفسه.

راجع الكاتلوج حق السيارة مكتوب فيه نوع البنزين (نسبة الرصاص) وبعض السيارات يكون فيه استيكر ملصق في باب البنزين من الداخل يحدد نسبة الرصاص في البنزين اللي المفروض تعبية.
وإذا ماعندك كاتلوج ولا في ستيكر على الباب راجع موقع الشركة في الغالب يحطوا معلومات عن السيارة ونوع البنزين أو ممكن تراسل الشركة المصنعة كمان ويردوا عليك اترك كلام الوكلاء عندنا.
يعني حرك دمك وابذل مجهود ودور على اللي تبيه مو تصدق أي كلام ينقال وتدرعم مصفر الطبلون مثل xxxxx.

مع تحياتي
مهندس في شركة بترول

من باب الوكالة في 2007 الى يومنا هذا وانا استخدم 95

يعني اغيره الى 95


والله محتآآآر :(

اقتباس:

---

المشاركة الأصلية كتبت بواسطة المباشر

من باب الوكالة في 2007 الى يومنا هذا وانا استخدم 95

---

سيم سيم انـتا انا سوي:d

الناس في البداية حبو 91 لانو رخيص مع الوقت اتضح العكس مشاكل زيدة في السياة تيخر اسرع وصفى اغلى من 95
ياجماعة الخير في بعض الدول موجود 98 ولاتستغربو

بنزين 95 افضل للمحرك وكل ما ذكر في هذا الموضوع صحيح

تسلم اخوي برق وبالنسبة لي انا اعبي 95 وما اعبي غيره ولو نزل اوكتان 98 بعد باحطه

كل ما كان الاوكتان اعلى كل ما كان الاحتراق افضل عند انطلاق الشرارة نفسها

حبايبي 95 :cool: وبسسسس ولا تقولي يصرف
اقولك متى يصرف اذا كل ما عشقت السيارة كتمت لوالديها ذاك الوقت صح انا معك يصرف اما اذا كانت
سواقتك رايقه صدقني 100%
رايقه مو يعني ما تسرع لا انا امشي للفصله التفليله تمشيني 450 كم

اقتباس:

---

المشاركة الأصلية كتبت بواسطة بلال العلمي

بنزين 95 افضل للمحرك وكل ما ذكر في هذا الموضوع صحيح

تسلم اخوي برق وبالنسبة لي انا اعبي 95 وما اعبي غيره ولو نزل اوكتان 98 بعد باحطه

كل ما كان الاوكتان اعلى كل ما كان الاحتراق افضل عند انطلاق الشرارة نفسها

---

شكرآآآ أخوي بلال شرفني مرورك الله يعطيك العافية

مشكورييييييييييييييييييييييييييييييين جميععآآآآآآآآآآآآآآآآآآآآآآ

تشرفت بموركم وراح أعطيكم إنطباعي بعد التغيير من بنزين 91 إلى 95

طبعآ سبب التغيير هو صوت لقلقة أو قرقشة أو طقطقة خفيفة بالبلوف بسبب ضعف الأوكتان وعدم التكافئ

لمستخدمي بنزين 91 إذا حبيت تسمع الصوت خليك ماشي جنب جدار أو بمكان ضيق لتتمكن من سماع الصوت بشكل واضح

دوس بنزين و إرفع رجلك ودوس مره ثانية و إذا كانت النمرة كبيرة بسرعة أبطئ يظهر الصوت واضح والصوت هذا تسمعه

بالكامري بشكل أوضح خاصة من موديل 2007 و طالع لمستخدمي بنزين 91 .

أولآ قمت بتفريغ التانكي و إتجهت للمحطة و طلبت من العامل تزويدي ببنزين 95 أثناء التعبئة سألني العامل عند وصول عداد

اليترات 68 لتر هل التانكي فارغ . . . ؟ ؟ أجبته بنعم لأنني كنت أستخدم بنزين 91 و الآن غيرت ل 95 ( هنا مربط الفرس )

قال لي بنزين 91 سيء والكثير يشتكي منه ولا بد من حصول مشكلة خاصة بالسيارات القديمة بداية ال 2000 تقريبآ و أن الناس

بعد نزول بنزين 91 تركوا بنزين 95 بشكل واضح ومن ثم عادوا إليه بقوة و أفادني الكثير من مرتادي المحطة بأن بنزين 91 ليس

بالمستوى المطلوب ومشاكلة كثيرة .

على كل حال

عبيت 71 ليتر ب 44 ريــال

سعر الليتر ب 61 هلله و تختلف التسعيرة من منطقة لأخرى و الخطوط السريعة تسعيرتها أغلى من المدينة .

بعد تجربة بنزين 95 إختفت القلقـــــــــة وهذا أهم ما بالموضوع ونصيحتي للمحافظين لا تعبي 91 و الله الموفق