ماهو سبب نقص زيت المكينه

السلام عليكم
شباب , أنا معاي أكورد ستاندر 2008 و أغير زيت كل 3000 كم
أربعه بدون سيفون و أربعه ونص مع السيفون
بس اللي أنا ملاحظه أن فيه أوقات قبل لا أغير الزيت أحصله ناقص ربع العيار و بعض الأوقات أحصله على العلامه العليا
علمآ أن المسافه كلها داخل المدينه ولا عمري تعديت120 , و نوع الزيت سوبر جي تي 30/50
( مكان التشييك على العيار دائمآ بالكراج حق البيت عشان محد يقول يمكن المكان بطلعه , و أيظآ أنا أقيس مرتين أول ما أغير و قبل لا أغير )
فما هو سبب النقص , هل لو كان الزيت مقلد ينقص أو فيه سبب آخر للنقص
بإنتظار ملاحظاتكم

غير زيت كاسترول جي تي اكس وراح تشوف الفرق

انا كنت اغير زيت هوندا وينقص لم غيرت الكاسترول حسيت بفرق الزيت ماينقص

10/30 نوع الزيت

اقتباس:

---

المشاركة الأصلية كتبت بواسطة نحيب الاماكن

الكاسترول

10/30 نوع الزيت

---

حسب علمي انه خفيف و يتبخر بسرعه
مو زي 30/50

قصدك 20w50

اقتباس:

---

المشاركة الأصلية كتبت بواسطة كوارداوي

حسب علمي انه خفيف و يتبخر بسرعه


مو زي 30/50

---

بالعكس مايتبخر ولاشي ويكون خفيف على المكينة

النوع الثاني ينفع لثمانيه سلندر لان الثمانيه ينقص الزيت فيه

ويعوضون بالنوع هذا عشانه ثقيل

مساء الخير أخوي هذا انا معي أكورد 2005 وأغير gtx10-30ولا أذكر جت منه مشاكل طبعاً10-30للأربعه سلندر و20-50 ل8سلندرهذا حسب علمي وإذا فيه أحد يقدر يفيدنا يآليت .

اذا جيت تقيس الزيت .. لازم تكون السيارة مطفية اكثر من 4 ساعات ..

انا معي اكورد وثلاثه من جماعتنا معهم اكورد وكلننا ينقص علينا الزيت عند تغييره نص لتر تقريبا
اعتقد يتبخر اويطلع مع الشكمان ما ادري
وكلنا خلاص الاكورد الزيت ينقص فيها شي طبيعي

اغلب السيارات الاربعة سلندر بكافة انواعها يينقص فيها الزيت

نحيب الأماكن
أشكرك على التوضيح
فهد 95
عين الشقاء
متابع شديد
عاشق الأبيض
أشكر لكم مروركم , بس إلى الآن محد جاوب على سبب النقص؟!

انا استخدم فوكس سوبر جي تي 20w50

4 علب ( بدون سيفون )
4 علب ونص ( مع السيفون )

وما اغيره إلا على 5 أو 6 آلاف << ولا ينقص إلا قليل ما شاء الله .. بس اخاف امشي كثير وتخبط المكينة

لكن شيك على ( الصرة والواشر) اذا تحتاج تغيير غيرها

وتأكد من التركيب الصحيح للصرة والسيفون

بعض البناشر الله يهديهم

http://cbrworld.net/photos/tutorials...1/500x375.aspx

^
الواشر

http://www.diymyhonda.com/fit/wp-con...b7aa201ebf.jpg


~ الصور من الانترنت ~

غريبة فيه نقص في زيت المكينة؟؟
اول مره اسمع ان الاكورد تنقص زيت اكيد فيه مشكلة رح وشف وش وضعك

الأكورد الفضي
الصره و الواشر و السيفون الحمدلله ما فيهم تهريب
أحبك يالأكورد
أشكر لك مرورك

طبيعي أخوي نقص الزيت من الاحتكاك وفأي سيارة لا تهتم صاحبي معه بي ام 320من يغير الزيت ممكن مايبقى غير علبة تقريبا

في نقص طبيعي وهو ماخوذ بعين الاعتبار اثناء صناعة السياره ولو تلاحظ في الانبوب الواصل بين الفلتر

والمكينه تلاقي هوز صغير طالع من اعلى المكينة ومشبوك في الانبوب ويسموه لي تبخير الزيت (تنفيس)


الحين نروح للنقص وهويختلف من نوع زيت لاخر والشباب عطوك تجاربهم وانا بقولك تجاربي

الترا سفن ..لاحظت عليه نقص واضح ويحتاج اضافة بعد 3000 كيلو تقريبا

شل .. نقص بعد 3000 ويحتاج اضافة زيت لكن اقل من السابق

موبيل سوبر xhp .. مالاحظت عليه نقص على معيار الزيت يعني امشي عليه مسافات كبيره بدون زياده (النقص موجود لكن غير ملاحظ)

جودة الزيوت السابقه ممتازه وهي مصنعه في السعوديه لكن الفرق في المواصفات

والنقص الطبيعي موجود ولكن يختلف من زيت الى اخر وسلامتك

انا اغير الترا سفن

كل شهر ينقص الزيت بس بمقدار ربع علبه تقريبا

طبعا المسافه المقطوعه تكون من 3000 الى 3500 كيلو

انا اتوقع لاني امشي على سرعات عاليه فـ الزيت يتبخر

مشكلتك ياعزيزي طبيعيه باذن الله :)

ولو تجرب زيت هوندا اشوف انه تمام للموديلات الجديده :cool:

وشوف مقدار النقص مع زيت هوندا كيف بيكون

انا اغير زيت هوندا الاصلي

انا اغير زيت هوندا
بس مع كل تغييره اغير سيفون
وامشي بسرعات عالية احيانا امشي على الفصلة 220
وامشي احيانا فوق 3500 الى 5000كم
ينقص شئ بسيط مررررررررررررره

أنا معي أكورد 2005 4سلندر آخر 10 تغييرات أغير زيت ألترا7 بصراحه ممتاز وأرتحت له ولا يحترق بسرعه ولاتنقص الحمد لله وطبعاً أغير الزيت كل 5000 كيلو مره بفلتر ومره بدون فلتر

*** أهم أسباب نقص الزيت هي السرعه العالية وتمشي على الزيت واجد ولا تغيره ***

من قاااال ان الزيييت طبيعي ينقص في 4 سلندرررر ؟؟؟؟ لاااا مووو طبيييعي انا عندي كرسييييداااا مااا تنقص ابد ؟؟ وهذي هوندا اكووورد 2008 وينقص انا اقوووولك سووووبر جييي تي فيييه مقلد ناازل بالسوووق هذااا ينقص وانا كنت ابنجن اولللل لاااني ممغييير زيييت للجييب وطلع ناااقص فقوووولة له السبب قااال الزيييت الاول مقلد وفعلااا طلع كذااالك ,,,,,,,اسمع اذا بتغيير جي تي غييير ابووو 3 ختووووم ,,,,,,, لااانه الاصلي واذااا تبي تتاكد ان سياارتك ماا تنقص اطلع الوكااله وغيير الزيييت بالسيفووونـــ

أنا الحمد لله معي سيفيك واغير زيت هوندا واغيره كل 4 ألاف كيلو
ولا ينقص الزيت ابد شوف يمكن عندك مشكله.

أشكر كل من تفاعل بموضوعي
أسم ينطح أسم
و إن شاءالله راح أغير نوعية الزيت مع السيفون

ياشباب انا عندي مشكلة
لمن اغير الزيت بالسيفون اعبي اربع علب ويطلع مزبوووط ومرة ابو يمن عبأ اربع علب ونص زاد الزيت مرة واضطر انه يسحبه ايش المشكلة ياليت اللي عنده خبره يقولي وسلامتكم

حبيبي

شيك ع البلط وش اسمها هذي الواشر والبلط منهم

السره بختصار توي تذكرت اسمها هههههههههه

توي اليوم سويتها بمحل

اقتباس:

---

المشاركة الأصلية كتبت بواسطة متصفح

في نقص طبيعي وهو ماخوذ بعين الاعتبار اثناء صناعة السياره ولو تلاحظ في الانبوب الواصل بين الفلتر

والمكينه تلاقي هوز صغير طالع من اعلى المكينة ومشبوك في الانبوب ويسموه لي تبخير الزيت (تنفيس)


الحين نروح للنقص وهويختلف من نوع زيت لاخر والشباب عطوك تجاربهم وانا بقولك تجاربي

الترا سفن ..لاحظت عليه نقص واضح ويحتاج اضافة بعد 3000 كيلو تقريبا

شل .. نقص بعد 3000 ويحتاج اضافة زيت لكن اقل من السابق

موبيل سوبر xhp .. مالاحظت عليه نقص على معيار الزيت يعني امشي عليه مسافات كبيره بدون زياده (النقص موجود لكن غير ملاحظ)

جودة الزيوت السابقه ممتازه وهي مصنعه في السعوديه لكن الفرق في المواصفات

والنقص الطبيعي موجود ولكن يختلف من زيت الى اخر وسلامتك

---

هلا فيك يالغالي

صحيح يا اخوي متصفح

والنقص وارد في كل سيارة لكن يكون بشكل بسيط ولا يلاحظ

فيه ناس اذا لقوا نقص اثناء تغيير الزيت يقومون يضيفون زيت يعني مثلا السيارة ما تتحمل إلا اربع علب ونص يقوم يحط خمس علب و الزيت اذا زاد يعدم المكينة بينما اذا نقص بشكل معقول أو بشكل غير ملاحظ ما يأثر

وانا الزيت يلي استخدمه حاليا موبل

و يلي كنت استخدمه اول هو قلف وكان تمام معي

ولكن رحت لبنشري وكنت مضطر اني اغيره لاني كنت مسافر وقال لي ما عندي قلف مخلص قلت عبي لي موبل و انا اعرف موبل لا باس فيه ممتاز وخذت يلي علبته ذهبيه و الله ناسي من كم إلى كم بس اعتقد من 10 / 30 و التغيير كل 3000 اما قلف كنت اغيره كل 3500 او 4000 وكان تمام معي

و التغيير مع السيفون 4 علب ونص و بدون سيفون اربع علب كل الناس على هالوضع

وسلامتك ،،،

السرعه العالية والـ rpm العالي .. تزيد استهلاك البنزين والزيت

في كل السيارات




مرة ثانية أقولها لك :d

ضروري تشيّك مضبوط على الصرة و الواشر والكارتير ووجه الكارتير و صوفة المكينة

لأنه

احياناً ما يوضح التهريب بشكل ملحوظ إلا بعد ما تمشي كثير على الزيت
3000 كم وفوق >> لأن الزيت يصير أخف


^

كلامي من تجربه


واذا احتجت لتغير القطع اللي ذكرتها لك .. لازم تركب أصلية ومن الوكالة أضمن لك .. يعني لا تاخذها من البنشري



بالتوفيق .. ان شاء الله

الاكورد الفضي
يعطيك العافيه على المرور و الإفاده
لا خلا ولا عدم