اخواني ابي جواب صريح
انا محتار بين اكورد واريون جراندي
لو رجع فيك الزمن ورا ايش تاخذ اوريون جراندي او اكورد
خصوصا من ناحية العزل والهدوء داخل السياره
تكفون ابي مساعدتكم
عرض للطباعة
اخواني ابي جواب صريح
انا محتار بين اكورد واريون جراندي
لو رجع فيك الزمن ورا ايش تاخذ اوريون جراندي او اكورد
خصوصا من ناحية العزل والهدوء داخل السياره
تكفون ابي مساعدتكم
من ناحيتي لو رجع بي الزمن بأخذ اكورد ولكن كوبيه لاني كنت ناوي عليها من قبل ولكن اخذت سيدان
شاكر لك اخوي واتمنى يتحقق اللي ببالك
ونشوف باقي الشباب
اكووورد بلا شك
اذا تهمك الجودهـ فخذ الاكورد
اذا تهمك المواصفات اورين
وبالتوفيق
اذا رجع الزمان اكورد
واذا تقدم الزمن اكورد
اذا يهمك العزم اوريون افضل
اذا تهمك الرساوه اكورد
والله يطرح لك البركه
ياشباب بليز ركزو على كلامي
انا اسمع الاكورد مزعجه من الداخل
يعني الاوريون افضل ام لا
موضوعك هنا بيقولون الاكورد
و موضوعك اللي بالتويوتا العربية بيقولون لك اوريون
لن تصل لنتيجة .. جرب بنفسك افضل :)
ركز في الكلام اخوي وبدون اي تحيز
1- قوة المكينة
الاوريون في القومات تشوفها افضل مع العلم ان الاكورد تتغلب على الاوريون من ناحيت عدد الاحصنه ؟؟؟؟
السبب واضح لثقل وزن الاكورد
2- الرساوه والثبات
ما حد يختلف ان الاكورد بأنظمتها وثقلها تتفوق على الاوريون بأشواط كثير
3- الجودة
المواد المستخدمة في الاوريون رديئة خارجيا وداخليا بعكس الاكورد
4- الفخامة
من النظرة الاولى الاكورد الافخم و ديكورها الاحلى + المواد المستخدمة في صنع ديكور الاكورد اعلى جودة وهذا شي واضح
5- المواصفات
تتغلب الاوريون على الاكورد بزر التشغيل اما بقية المواصفات فهي تركيب من عبد اللطيف وتقدر تركب على الاكورد اكثر
اما في الموديل الجديد (2011) فالاكورد فاقت حتى فأتها ولا نرى تغيير في الاوريون الا الزوايد الخارجيه الملفقه من عبد اللطيف
6- الامان
*
نصيحة مجرب ترى الثنين تقريبا نفس كمية الأصوات من الداخل لكن أن أرشح
فرخ المرسيدس الأكورد
مقارنه بين حادث كامري 2009-وهوندا اكورد 2009 - تويوتا العربية
شوف صلابت تويوتا وهوندا
آخر نصيحة جرب الاوريون وجرب الاكورد قبل الشراء
اضغط على المقارنة وشاهد
تحياتي
اكوووووووووووووووووووووووووووووووووووووووووووورد
غيرها لا تدور الا الماني
اول شيء وشهي الاكورد اللي تبيها 4او 6 سلندر
العزل والازعاج كل السيارتين مهب جيد ولا سيء انت جرب واحكم
كانك تبي ديكور روعة داخلية ممتازه رساوة جبارة وسماكه البدي لكن عزم مهب زين خذ اكورد
كانك راعي سرعة وحركات حلوة مثل التشغيل بالبصمة والدخول الذكي لكن داخلية سيئة خذ اوريون جرااندي
بالتوفيق لك وترا فيه مليووووون موضوع مقارنات حط في البحث وشف الردود
جربنا السيارتين ،،
تقريباً نفس العزل ،،
عزل الهواء تكلم عنه يوم تركب الألمــاني ..
لكن نصيحة جرّب السيــارتين ، وشوف اللي ترتاح لها ..
اقتباس:
المشاركة الأصلية كتبت بواسطة taigr
ظلمت الاوريون و بقوووة :)
و للعلم هي ليست حديثة العهد بل من 2007 و شوف جودتها كيف الان ماشاء الله :)
بالاضافة الى ان القراندي كل قطعها شد بلد من المصنع و اصلي و ليس كما قلت :)
اعد التفكير مجددا
انا بختار اوريووووووون ...
لكن في بعض الشباب هنا لو تقوله بعطيك اوريون ببلاش بس لا تشتري اكورد بيقول لا خلها لك وهي عاجبته .. بس انا عني بختار اوريون ..
وفي المواصفات والصبر والقوه والعزم مايحتاج اقولك .. وانها التويوتا وتمسك سعرها وقطع غيارها ارخص مقارنه بالاكورد ..
طبعا يبقى هذا مجرد رأي وان شاء الله الشباب راح يفيدونك وزي ماقالو لك اغلب الشباب .. جرب السيارتين ولا تنسى تستخير ..
ربي يوفقك ويعطيك الموتر اللي يملى عينك .. :004:
في السنتين الاخيره كم صدام تويوتا شفته طايح ولا منعوج ولا مو موجود اصلا ..
التركيب في المصنع السعودي الياباني في جده (( ممكن شباب جده يفيدونا اكثر ))
اما في صوت المقصوره الداخليه اراهم متساويات وذا يهمك اختفاء الصوت اتجه للالماني .
انصحك بالاكورد عمرها الافتراضي من محركات وديكورات وتجهيزات اطول من تويوتا (( السعوديه )) .
^^^^^
:confused: :confused:
ما بقى الا يركبون المكينة عندنا :confused:
حلوة ذي البدي يتركب بالسعودية :p
الى الاخ Silver Aurion
انا اعرف اشخاص عندهم اوريون وفيها مشاكل وآخر مشكله شفتها في شخص وهو يمشي طاح الدركسون عليه وصدم وحدة كهرباء والصور موجوده اذا كنت تبي تشوفها
بانسبه الى الاكسسوارت الموجوده فيها والله ما ادري ويش اقول ان كانت من الوكالة مشكلة و ان كانت من عبد اللطيف هم مشكله خاصة الزوايد انا شفتها موجوده في الوكالة اللون الابيض فيها اختلاف في اللون واضح غير كذا في الواجهيه و الخلفيه تحس الزوايد مركبه فوق الصداديم بشكل غبي صراحة
على العموم هذي وجهة نظر يمكن اتكون صح ويمكن اتكون غلط
اخوى صاحب الموضوع انا بقولك شي كل واحد بيتكلم عن الشي من واقع تجربه وقبل كل حاجه صلاه الاستخاره وماخب من شار واستخار , وبعدين حبيب قلبى روح سوى للسيارتين قياده تجريبيه test drive وتاكد من نفسك
تقبل مرورى .
بختاار افالون :dبس الشكل القديم
انا والله ماادري ايش اقولك كلهن سيئات الصراحه
أذا انك تقدر على الأفلون الجديده خذها أريح لك وموفق ان شاء الله ..
هلا حياك يالتايغر :)اقتباس:
المشاركة الأصلية كتبت بواسطة taigr
مافي سيارة لا تخلو من مشاكل صحيح :)
يعني حتى الاكورد فيها مشاكل وحد ينكر و السيارات من صنع الانسان و الاخطاء لابد من وجودها
بالنسبة للاوريون اللي تقول عنها اعرفها لونها اسود و على فكرة قدرنا نوصل لراعي السيارة و حجرنا له
و طلع كذاب الدركسون ما طاح قبل الحادث ابدا :)
و لو تركز بالصورة ليه ما جاب صورة لداخلية السيارة بموقع الحادث ؟ و جاب الصور الداخليه و هي واقفة بالبيت !!
واضح الوضع حتى لو تركز راح تلاحظ عامود الدركسون سليم ولا طاح مثل الدركسون :)
و بالنسبة للاوريون اللي انت تقصدها الجديدة 2011 صح
هذه طال عمرك فئة ليست اجبارية مثل التورنج و القراندي و السبورت 2010
هذه هي قراندي بالاساس و اللي عليها مجرد اكسسوارات بالوكاله مثل اي اكسسوار موجود عند اي وكيل
و الغرض من تركيبها و عرضها بمعرض الوكاله ان الزبون يشوف اذا عجبته يطلبها بالبدي كيت
و اذا ما عجبته عادي ياخذ القراندي المعروفة :)
اما السبورت اللي نزل من 2010 فهي فئة اجبارية اساسية مثل التورنج و الجراندي :)
عرفت كيف ..
و بس طال عمرك :)
اخوي استخير وبس ولا تسمع اي كلام ترا كل السيارتين حلوة وجميلة وانت شوف الانسب وتوكل على الله
كلن يمدح غنمه :d
انا شايف ان الاكورد الفل اوبشين مع شاشة الملاحة افضل من الاوريون كاشكل داخلي وتنسيق الديكور وتوزيع الازرار
شي محترم الصراحه ومحد يقدر يقول غير دا الكلام ,,
اسعار قطع الغيار لحد يضحك عليك ويقولك قطع الهوندا غاليه ترى دا كلام زماان ولموديلات 07 وانت نازل ,,
وسعر اعادة البيع للهوندا مرتفع ولو انه مايتقارن بالتويوتا لكن يظل يبرد القلب ,,,
وكيل يعتبر جيد جدا وخدمته حلووه واسعار الصيانه مقبوله حتى مقارنه مع الشركات الكوريه ,,
انا ماعندي مشكله مع الهوندا ولو يرجع الزمان اخد اكورد مرره تانيه ( لو كانت الخيارات محصوره بين اوريون واكورد )
والاوريون والكامري سياره حلوه وسياره تعتبر الورقة الرابحه لشركة تويوتا ومبيعاتها دايما في تنافس مع الاكورد خصوصا
في امريكا دايما تحصل الكامري في المرتبه الاولى وتنافس شديد بين السيارتين ,,
وماعليك من بعض الناس الي تذم في الهوندا وفي مشاكلها ومسوين من الحبة قبه صدقني ناس عمرها ماجربت سيارات
وتحصل اول سياره اشتراها اكورد وخرب عنده شي قام وقال الاكورد سياره زفت وانا ندمان على شرائها ,,
كل انسان سبحان الله عمره مايقتنع بالي عنده ,,
تحصل راعي الاوريون يقول ياريتني اشتريت اكورد والعكس صحيح ,,
خصوصا لما يكون الواحد دافع مبلغ كبيير في الاكورد يبدأ يحس بالندم خخخـ
السيارتين كلها عينين في راس ..
وبصراحه سعر الاوريون منافس جدا للاكورد
وبسعر الاكورد ممكن تزود شويا وتاخد سياره من فئة اعلى وافضل
لاتنسى كل السيارتين على وشك تغيير الشكل بالكامل ...
تقبل مروري
يا بعد هالطلة
الموضوع مو تعصب بس جرب السيارتين وراح تروح يم الاكورد
الاوريون كامري بس 6 سلندر وقارنها بالكامري وبالذات الداخلية
أعتقد الموضوع هذا ملينا منه من كثر من ينطرح هنا
أتمنى من الأعضاء يستخدمون عملية البحث قبل طرح هذي المواضيع
عموماً يا صاحب الموضوع جرب السيارتين و أستخير الله تعالى قبل كل شي
كل واحد فيهم لها ميزه عن الأخرى ، و الخيار الأخير لك