وينكم وقسم بالله ضضاقت بي الوسيعه

السسسلام عليكم انا جديد بالمنتدي وكنت دايم اتصصفح المواضضيع لان معي اكورد موديل 2008 قبل قليل قريت موضوع مدري لـ مين بس ان الموضوع مثبت واسسمه ~> معلومات عن تنظيف الثروتل بدي للاكورد + تعليمات شركة هوندا ،، قلت بنفسسي بنظفه رحت ششريت البخاخ اللي قال عنه صصاحب الموضوع اسي دلكو ورجعت البيت قبل ششوي وفتحت الكبوت طبعا كنت ناسي افصل البطاريه ،، وفتحت الخرطوش اللي هو ماسسك في المكينه ورششيت عليه شوي ومسحته بالمنديل ناديت اخوي الصصغير وقلت له شغل الموتر وادعس دعسه خفيفه متواصله على دواسة البنزين عشان الحديده تنفتح لي شوي وارشش للي دآخل طبعآ ششغلها وجلس الموتر ينتفضض ويرتج وتطفى ،، بعدين قلت له شغل من جديد وادعس ششوي بنزين سواها ولحقت ارش على اللي دآخل بعدين طفى الموتر طبعا مارششيت كثير ،، رجعت كل شي لـ محله وضبطت كل شي سكرت الكبوت جيت ششغلت الموتر إلا الانبير حق الضضغط وصصل فوق حدود 3 والموتر حار مو تقولون بارد ،، بعدين على شوي شوي بداء الضضغط ينزل بس وصصل لـ الواحد ووقف مانزل وانا حاطها بالفاضي هو بالعاده يصير بين رقم واحد وبين الشرطه اللي فوق الصفر قلت يمكن لزم احرك الموتر ششوي طلعت بالموتر واخذت فيه فره الموتر مو طبيعي والضضغط عندي يرتفع وينزل والموتر صصار سريع وانا حاطه ع d احسسه يسرع من نفسه كاني ضضاغط ع دواسة البنزين وانا ماضضغطها ،، رجعت للبيت ورجعت قريت موضوع الاخ من جديد لقيته كاتب ان لزم نفصل البطاريه وانا الحين فاصصلها ومخليها ،، ي اخوان فزعتكم ضضضاق صصدري تقفلت الدنيآ بوجهي والله احسس اني بختنق خايف ع الموتر يجيه ششي ،، فزعتكم ي الربع تكفون قولو لي وشش اسوي الحين طالبكم

والله ودي افيدك لكن في ذا الموضوع ما عندي ذيك الخلفية لكن انت اكرفها يومين ثلاث وشوف اش يصير معك

جزاك الله خير اخوي ماقصصرت ،، تكفون ي الربع ي اهل الخبره وينكم ؟

على حسب ما فهمت <<يعني استنتاج شخصي
انه طبيعي جدا بعد التنظيف يرتفع العداد كم يوم حتى ياخذ وضعه الطبيعي من جديد

والسيارة اساسا ما تحتاج تنظف لثروتل بودي الا اذا حسيت برعشة في السيارة ولم يكن سببها الكراسي او البواجي

انا ولله الحمد معي 2007 ولم اقم بتنظيفه حتى الان

الله يعينك يآرب ,, وإن شاء الله بسيطة ,, يا رجآل مشهآ يومين وإن شاء الله الأمور تكون تمآم التمآم

وعليكم السلام ..

كنا مجربينها على كابريس 2006 ،،

ولعبت فينا المكينة ، وقامت ترج هي والسيارة ..

لين زانت الامور في اليوم الثاني ..

عادي اخوي ، اتوقع من بكرة بيرجع كل شيء على ما هو عليه وأفضل ..

اقتباس:

---

قريت موضوع مدري لـ مين بس ان الموضوع مثبت واسسمه ~> معلومات عن تنظيف الثروتل بدي للاكورد + تعليمات شركة هوندا

---

صاحب الموضوع العضو"متصفح"

رجع البطارية واشبكها وشد على الأصابع حتى تكون ثاتبه, بعدها انتظر يومين لأن بعد ماتنظف الثروتل بدي عادة تحتاج السيارة من يوم إلى يومين حتى يرجع الضغط طبيعي. {حسب المعلومات الموجوده بالموضوع}

إذا ماصار شيء ولا اختلف عليك محتمل طريقة تنظيفك للثروتل بدي خاطئة ويفضل انك تروح ورشة وتشوف ميكانيكي شاطر عشان يشوفه لك.
(او انك ترجع تنظف الثروتل بدي بالطريقة الصحيحة وتركز على المعلومات المهمه للتنظيف)

طبيعي بس اذا تبيها يرجع الظغط مثل اول امسك فيها خط

عطها فرصه يوم والا يومين اذا ما ضبطت ودها لورشه وبيخلصها لك وانت واقف
انا سارت معي نفس حالتك بالضبط - بس انا مانضفت ولا شي - فجأه سارت زي ماتقول في سيارتك تسرع على الدي والضغط على 1 واذا المكيف طافي الضغط يرتفع وينزل لحاله كن في احد يدعس بنزين
المهم بـ وديتها ورشه بالصناعيه القديمه وفك قطعه من ورا المكينه وراح استفرد بها ورجع ركبها والامور تمام

الله من الفلسفه ياصاحب الموضوع

اجل تقول لأخوك شغل وادعس وتطالع فتحة الثروتل من داخل :(

ياحبيبي فتحتة الثروتل لو يدخلها ذرة رمل ...راح تلعب فيك وتسبب لك مشااكل

البخ عن طريق الأطراف داخل الفتحه

وانت واخوك شكلكم جبتووا العيد


ابوكم لا يدري بس :(

بسيطة بسيطة
روح للوكالة وقول لهم إنك نظفت الثروتل ولكن ما طلع المقياس مضبوط
هم راح يوزنوهـ وزن الكتروني . ما أدري كيف كانت طريقتهم
ولكن وزنوها لي ما أخذ الوزن 5 دقائق .
يوزنون الامبير من نفس الثروتل بس والله ما ني عارف الشغل صح
لكن ابي اوصل لك لا تخاف

جزآكم الله خير ماقصصرتو والله ،، طيب الحين شوركم وش اسوي انا بمسسك خط الشرقيه بـ اذن الله انا والاهل اليوم الظهر ،، وش رايكم اوديها للوكاله الصبح ولا لم ورششه كويسه تعرفونها ؟ ولـآ امسك فيها الخط ومافيها خوف ان شاء الله ؟

...

اقتباس:

---

المشاركة الأصلية كتبت بواسطة أغـار يا هـوندا

بسيطة بسيطة

روح للوكالة وقول لهم إنك نظفت الثروتل ولكن ما طلع المقياس مضبوط
هم راح يوزنوهـ وزن الكتروني . ما أدري كيف كانت طريقتهم
ولكن وزنوها لي ما أخذ الوزن 5 دقائق .
يوزنون الامبير من نفس الثروتل بس والله ما ني عارف الشغل صح
لكن ابي اوصل لك لا تخاف

---

هذا في الموديل حقك موديل 2003-2004-2005 يختلف الموضوع لان الثروتل بدي عندك عادي مو الكتروني

يعني فيه سلك ساحب وحساس دعسة وحساس هواء كل حساس لحاله


في موديل 2006-2011 يختلف النظام وصار الكتروني بحت يعني تدعس وفيه حساس تحت يقيس مقدار الدعسة وبعده المكينة جوا الثروتل بدي تفتح بناء على امر الكمبيوتر حسب قوة الدعسة وسرعتها وحسب اذن نظام vsa لان لو مانع الانزلاق زعل شوي من الطريق تلقى نفسك داعس بس الثروتل بدي يسكر شوي لاجل يخفف الدعس حتى لو ما تغير الدعس عندك



بالنسبة لطريقة اخوي المتصفح اخي الكريم اتبعها تماما خطوة خطوة وباذن الله تضبط الامور معك

جزاك الله خير بس وش تنصحني اسوي الحين لاني مافهمت موضوع الاخت متصصفح قريته اكثر من مره لكن مافهمته زين ؟

أقلك روح للوكالة علشان تتطمن بس هذا في اعتقادي شي طبيعي بس انت تقول وراك سفر انت والاهل يعني لازم تتطمن على السيارة في الوكالة أحسن لك

يا حبيبي لااتخااف على قولت الشبااب يومين وتزين الاموور واذا صار شي الله لا يهينك الوكااله

ماهي ضارتك ان شاء الله
انا لما سارتلي تركتها يمكن اسبوعين او ثلاثه وبعدين صلحتها

الله يجزاكم خير ماقصصرتو والله ،، انا اشهد انكم اخوان واكثر بالشده ،، لاهنتم والله عاد انا الحين الحمدلله وصلت للشرقيه ،، وانبير الضغط خف من اول بكثير لكن مع ذلك مرتفع شوي ،، ابجرها كم يوم ان شاء الله لين ارجع الرياض ان ضضبطت الحمدلله وان ماضبطت رحت لم الوكاله

الحمد لله على سلامة الوصول

وان شاء الله تضبط امورك استمر

امين الله يسسمع منك اخوي

اتمنى يا اخوي في المرات القادمة

تكبر الخط لأنه صغير جدا وانا عندي .. قصر بالنظر .. :c050:

ياليت يكون حجم الخط 3 وفوق


حجم الخط = 3

حجم الخط = 4

حجم الخط = 5

وسع صدرك وانا اخوك وسع صدرك الدراهم تروح وتجي

وسع صدرك
هوندا ذي تتحمل وش زينها

ماشاء الله
مااشاء الله

طريقة تنظيف الثروتل بدي ( الإلكتروني )


افتح السويتش ( لا تشغلها )

وخل أي واحد يدعس البنزين بالكامل

الحين الثروتل بيكون مفتوح ( وتقدر تتحكم بمقدار الفتح والغلق .. بدعسة البنزين )

رش وامسح .. على كيفك


هذي الطريقة السليمة لتنظيف الثروتل بدي ( الإلكتروني )


الطريقة هذي ما عرفتها إلا بعد بحث طووووووووووووويل

في الانترنت والمواقع الإنجليزية

وجربتها بنفسي >> 100% :cool:
وما في مشاكل بتاتاً
بالعكس .. تحسّن العزم


أهم شيئ لا تفتح ولا تسكر الثروتل بدي ( إلا بدعسة البنزين )

عشان الثروتل ما يخرب عليك

اخوي بسيطة ان شاء الله
وسع صدرك
افصل البطارية لمدة ساعتين
وراح تآخذ معك يومين او ثلاث ايام
وترجع مثل اول ان شاء الله

اقتباس:

---

المشاركة الأصلية كتبت بواسطة Řééℓǎχ7

جزاك الله خير بس وش تنصحني اسوي الحين لاني مافهمت موضوع الاخت متصصفح قريته اكثر من مره لكن مافهمته زين ؟

---

اعجبتني الاخت متصفح صراحه :d

طيب انا 2008 انظف ولا مايحتاج اخاف اجيب العيد :confused:

و النعم في الاخ المتصفح .. بصراحة شرح ولا اروع .

انا عندي وجهت نظر في التنظيف ببخاخ اي سي ديلكو او غيرة ، انا طول عمري بنظف انا و اصحابي ببخاخ WD-40 الي هو زيت بالاصل و منظف نفس الوقت ، و انصح بيه و بشده ، الهدف منه هم تنظيف و بنفس الوقت تزييت المفاصل تبع الثروتل بدي .

رشك بشكل مباشر على الثروتل بدي و هو مفتوح كمان انا اشوف انه اكبر غلط انت عملتة ( من وجهت نظري المتواضعة ) ، طول عمري انا و اصحابي نطفي السيارة ، و نفصل البطارية ، و نفك الفلتر و الماصورة الموصلة منه للمكينة ، و ناخذ قطعة قماش ( ويحبذ الفلينة الي تلبسها تحت الثوب لانها قطن ) ، و ترش شوي على القماش و تمسح فم البوابة و البوابة نفسها ، و بعدين تفتح البوابة بيدك و تمسحها من الداخل ، بس انتبه يطيح اي شي داخل الثروتل بدي لانه موصل على طول لغرفة الاحتراق .

بالنسبة لمشكلة زياده الـ PBM او ضغط الهواء ، هذا بيكون طبيعي بمعدل ان الضغط يطلع فوق الـ 1 و يكون بين الـ 1 و 2 .. و ينزل بعد شوي لما ينحرق الزيت و يخرج من الشكمان ( يصفى الثروتل بدي منه ) و بعدين لو تلاحظ اصلا حتي لو السيارة توها جديد ، ان الثروتل بدي بيكون فيه وسخ خفييييف جدا بشكل لا يذكر ، بحيث انك لما تشغل السيارة و تحطها او تحطها على وضع D او غيره ، بتحصل الثروتل بدي يفتح بشكل خفيف جدا علشان يدخل الهواء للمكينة ( عملية الاحتراق ) .

لما تمشي بالسيارة تحصل السيارة كانها تدوس لحالها و احيان توصل لـ 30 او 40 ك/م اذا نظفت بأمانه و اخلاص :) .. و لما تدعس للسيارة تشوف السيارة تتفتف بعض الاحيان من بعد 60 الي 80 مثلا (هذا الي صار معايا ) ، و بعدض الاحيان تخف و تصير التفتفة من 80 الي 120 و احيان من 120 الي 160 .. و كلها يومين و تروح التفتفة ، بالعربي دوس للسيارة شوي علشان الزيت تخرج ، لكن بعد هذه الطريقة راح ترجع الرجفة العادية ( مثل ما طلعتها من الوكالة ) الا اذا كراسي المكينة مضروبة هذا شي ثاني

على العموم حاول هل يومين تمتر بالسيارة شوي ، او اذا انت من سكان جده الله لا يهينك امس فيها خط من جدة الي مكة و انت شاد عليها شوي .. بس انتبه من ساهر :) .. و اتوقع روحه و رجعة كفيلة انها تطلع الزيت بإذن الله

ان شاء الله اكون افدت .. و اذا عندك استفسار راسلني و ان شاء الله اقدر اخذمك :cool:

الله يعينك اخوي ويصبرك

الله يجزاكم خير ،، لا ابشركم ضبطت من نفسها الحمدلله والامور سالكه ،، ماقصرتو ي الربع