عرض للطباعة
السلام عليكم ورحمة الله وبركاته
اخواني انا حاب استشيركم ربالاكورد( aurion (2011
وش الافضل من ناحية
1- الامان
2- الجودة
3- اسعار قطع الغيار
4- الرساوة العزل الخ
5- التبريد
6- الخراب (يعني بعد 3 سنوات تبدا مشاكلها )
مع العلم ان
الاكورد ب 89الف 2011 4سلندر
الاوريون 87 الف 2011 6سلندر
اتمنى عدم التحييز
وشكرا لكم
الاكورد بشكل عام جودتها عاليه لكن مشكله التنسم الي في البيبان ولا جوده وتحمل مافي احسن منها
اليباني يبقى يباني
الاويون
صحيح انها حلوة
وسعرها كويس
لكن تجميع ماليزي والله اعلم \
الافالون
سوو لها ارجاع
لنها فيها عيب مصنعي
في عمود التوازن
ماتتدري الاروين بعد يقلون
لكن استخر اول
تحياتي
حياك اخوي ..
مقدر اضيف شي على أخوي اكوررررد2009 ..
كل المواصفات اللي قلتها تمييييل للأكورد بقووة يكفيك ( ياباني × ياباني ) ..
والاوريون تغلب على الاكورد من التقنيات المضافة وقوة المحرك ..
بس عيبها تجمييييع استرالي << ( لتصحيح ) ..
تويوتا من 2008 وفوق تجميع استرالي على كلام الوكالة ..
واخوي الصغير معه اوريون 2010 فل كامل وانا معي هنادي 6 ساندر ..
من تجربة فررررررررررق شاسع من كل النواحي موب عشان معي اكورد لا والله ..
استخير انت وشف وش اللي مرتاح فيه وتوكل على الله ...
اذا كانت المقارنه بين الاكورد الفل اوبشين نيفيقيشن و الاوريون قراندي بشاشة ,,
كل شي اما (لصالح الاكورد ) او تتساوى فيه السياراتين
الا السعر (وسعر اعادة البيع ) للاوريون ,,
اضف الى ذلك القوة للاوريون في اغلب الاحيان ,,
تقبل مروري
والله حيران
اليوم بشتري السيارة
نتمنى المزيد من الاعضاء
هلا فيك يالغالي
اول شيء استخير
و من ناحية رأيي اشوف انك تاخذ لك اكورد لأنها سيارة يبانية اختلاف عن الاوريون يلي تجميعها استرال و الاكورد جودتها عالية وقوتها و رساوتها في الخطوط لا يعلى عليها ومن ناحية الفخامة اشوف إن الاكورد افخم حتى لو تقارن السياحي من كلا السيارتين الاكورد هي الافضل تحس بالفخامة حتى وهي سياحي اما الاوريون تحس انك راكب كامري يعني ما يفرق إلا الشكل الخارجي فقط و الامان الاكورد من بين السيارات يلي من مستواها هي الافضل من ناحية الامان ويكفيك الفرامل يلي فيها قوة ما شاء الله تبارك الله
ومن ناحية الاعطال سألت مدير الميكانيكا في شركة نيسان طبعا ً قابلته صدفة في احد مكاتب الخطوط الجوية وسألته عن السيارات و وش الافضل قال لي الهوندات هي الافضل حاليا لانها تدوم مع الواحد 8 أو 7 سنوات وهي على جودتها واعطالها ما تبدأ إلا يلي استخدامه سيء و ما تكون خطيرة على السيارة يلي استخدامهم استخدام انساني ولكن لو تجي تشوف السيارات الثانية ثلاث سنوات بالكثير وتبدأ المشاكل
ومن ناحية اسعار قطع الغيار فتويوتا و هوندا حاليا قطعها نفس السعر لان تويوتا من فترة زودوا السعر على كل القطع بنسبة 20%
و الاكورد من ناحية العزل سمعت اذا تعديت 180 أو 160 تسمع تنسم الهوا في الشبابيك
واذا قصدك من ناحية عزل الصوت في الاكورد الجديد فسمعت انه صار افضل من الجيل يلي قبله
والتبريد فهوندا وتويوتا ممتازة في التبريد ولكن ما توصل مواصيل الالماني :)
ومن ناحية ثبات السعر عند البيع فالاكورد سعرها فوق ما يطيح ما شاء الله
و الاوريون ما ادري عنها يفيدونك باسعارها و لكن الكوامري على ما شفتها في المعارض و اسعارها يلي بالارض صرت اتحمد الله إن معي اكورد :d
وسلامتك ،،،
تسلم يالغالي
ومشكور على الافادة
اكورد 2011 ودعيلي
الاوريون
الاكورد سعرها فوق من غير مواصفات وقطع غيار غالية
يكفيك الاوريون V6 :cool:
لاتنسى الاستخارة
سلام عليكم طبعا اول شي ربي يوفقك انشاء الله في اختيار السياره المناسبه لك
تاني شي مو عشان معاي اكورد ولكن الاكورد صراحه وهذا كلام عن تجربه اخوي سياره رزه في الخط وراسيه وفخامه وجود ه تريح البااال ولاتنسه مساحه الاكورد الداخليه اكبر من الاوريون واكبر من الماكس كمااان وروح شوف واتأكد بنفسك.
ثالث شي طبعا مافي شي كامل والكمال لله سبحانه يعييب الاكورد في نظري كسياره اربع سلندر انها ضعيفه جدا يعني تحسها في القومه مررررره ثقيله بس في الخط تعطيك فلوو حبييت تشتري اكورد انصحك با v6 نصيحه سياره متل هذي وحلوه وجيده وراسيه يبغالها مكينه اكبر والله ثم والله لو عندي فلوس كان بعت سيارتي الاكورد 2008 4 سلندر واخذت 6 سلندر
واذا عااد ما قدرت الا على الاربع سلندر توكل على الله وخذها بس لاتجي بعدين تقول ضعيفه ومدري اييش اوكي خخخخ معليش طولت عليك واي استفسار عندك الخااص تحياااااااااتي
يا حبيبي اش لك واشل الاسترالي
خلك ع الاكورد
يا شباب راعي الموضوع واضح انه يبي استاندر من السعر اللي هو حاطه :)
+
اغلبكم قال وش تبي بالاسترالي و ناسي ان الاوريون من 2007 ( يعني لها 4 موديلات )
و سيارة اثبت وجودها و بقوووة و قطعها ياباني 100% و جودتها عالية
اتمنى اللي ما جرب الاوريون يعطينا رأيه بالاكورد فقط
و صاحب المووضوع انت قلت 3 سنوات و فوق .. انا معاي 2007 و دخلت رابع سنة بالسيارة
الى الان فقط زيت و سيفون و غيرت اقمشة مرة وحده فقط قبل سنة و نصف و انا راعي خطوط :)
هذه تجربة مبسطة عن الاوريون اللي عندي
بالتوفيق لك
اوريون
والله لها منضر خقق
و6 سلندر النشيطه تقوم ع الاس اس
اكورد بطه ياخي
والله كلها حلوة
وانصحك تجربهم عشان ماتندم
الاكورد حلوة والاوريون عيبها الوحيد >>داخليه كااامري
داخليت الاوريون السياحي ميح كامري مالها داعي الاكورد افخماقتباس:
المشاركة الأصلية كتبت بواسطة almodameer
على فكره الاوريون اقوى عزم من الاكورد فرق 6 سلندر
يااخوي السيارة اللي ترتاح لها اشتريها
اما موضوع المقارنات ماله داعي واذا منت مستعجل جرب السيارتين بعدين استخير واشتري
انا قبلك اكثر من ست مواضيع مقارنة في كذا منتدى ولا طلعت بنتيجة
حيرتوني زيادة :mad::mad:
نستنى المزيد من المشاركات
خذ الاكووووووووووووورد وانت مغمض
شوف انا ماراح اتكلم واقول هالشي عشان عندي اكورد
بس يشهد الله اني كنت محتار مثلك بالسيارتين وبعد تجربه اخترت الاكورد .
صراحه فخامه ورساوه وامان وجوده وسعر بعد البيع كلها في صالح الاكورد
دون تقليل بالاوريون بس هذا الواقع .
واللي يتكلم يقول الاكورد بطه ومدري وش يقول خله يستريح انا اخذت سياره
استخدمها مابعد افكر اخش الفورملا 1 وشي طبيعي ان الاربعه سلندر تكون بطيئه
خصوصا اذا كان عليها ثقل مثل الموجود على الاكورد .
وللمعلوميه ان الاكورد السته سلندر عدد احصنتها 272 والاوريون 264
بنفس سعة المكينة 3.5 يعني الاكورد تتفوق بالقوة بفارق 8 احصنه صحيح
ان الاوريون تروح على الاكورد بس فرق الوزن بين السيارتين له دور .
مشكور اخوي
انت وش خاطرك فيه من اول الي خاطرك فيه خذه والله يكتبلك الي فيه الخير..
انا ابغى الافضل
اقتباس:
المشاركة الأصلية كتبت بواسطة محتآآر
للتصحيح الاوريون 269 حصان :)
+
الوزن كلهم فرق حدود 20 كيلو فقط
و اللي يميز الاوريون بالعزم بصفه عامة هو وجود فتحتين لدخول الهواء للمكينة :)
والله الصراحه.. الاوريون رهيبه .. شكل وفخامه وقوه وعزم .. بس اللي معيبها داخليتها .. والله لولا داخليتها كان اشتريتها من زمان
الخلاصه كلهم حلوين ..
فهمت منك الحين بتاخذ تورينق يعني مافيها امان خير شر اما الاكورد انظمه و حركات طبعا الاويون تتميز بس بالمكينه . .اقتباس:
المشاركة الأصلية كتبت بواسطة almodameer
لاكن جوده داخليه للاسف تعال اسمعك ديكور اخوي بالخط و بعدين ترى داخليتها كامري بالضبط الى الطبلون و القير . !
العفووو اي خدمه تحت امركـ .,
تحياتي ,’
اقتباس:
المشاركة الأصلية كتبت بواسطة اكووورد 08
غريبة مع ان سلفر اوريون يقول انا مسمكر سيارتي مرتين و ماشيه معي و امسك بها خطوط ولي اربع سنوات ما اغير إلا زيت وسيفون الظاهر انه نسا العيوب !!؟
اقتباس:
المشاركة الأصلية كتبت بواسطة Acoord-2005
ما نسيت لان مافيها عيوب صارت معاي اساسا :)
و للتصحيح 3 حوادث ( خلفية + وجهية + الجنب اليمين )
و الوالد كذا مرة حاول يقنعني اني ابيعها و يشتري لي غيرها لكن انا رافض لاني مقتنع بالاوريون ولله الحمد
و انا ساحب ع الصيانة قبل سنتين و نص ( 15 الف كم )
و عندك مثلا المساعدات وكاله كلها ( ما عدا واحد خلفي يسار بسبب الحادث )
كراسي المكينة و القير كلها سليمة
عكوس و قطع ميكانيكية و كهربائية كلها سليمة الى الان
و سفرياتي ما بين القصيم و الرياض و المدينة و حائل
و دوامي يومي 100 كيلو
الاقمشة غيرتها بشهر 5 / 2009 و لها الان سنة و 6 شهور و هي المرة الوحيدة اللي غيرت فيها الاقمشة
تغير 3 اطقم كفرات الى الان
و اللي يبي يجرب سيارتي حياه الله سواء بالمدينة خلال الاجازات او القصيم خلال اوقات الدوامات الرسمية
و في ملاحظة حاب اقولها
سواقة الاوريون تفرق عن الكامري بكثييير و انا مجرب الكامري و صرااحه مدري وش تبي :d
الاوريون فيها انظمة امان و سلامة عالية و نظام تعليق ماركة ماكفرسون تبع اللكزس
و فيها قطع كثيرة مشتركة مع اللكزس
الزبدة الاكورد و الاوريون من السيارات التوب اليابانية حاليا
و اكثر ما يعجبني بالاكورد هي الداخلية :cool:
و اعشق الكوبيه بشرط انها تكون 6 سلندر :cool: << السيارة هذه مظلووومة
اخواني انا حاب استشيركم ربالاكورد( aurion (2011
وش الافضل من ناحية
1- الامان
جميعهم حلوات ماادري والله وش الافضل
2- الجودة
كلهم ايضا لكن ممكن لأن الاكورد ياباني في ياباني ولله الحمد تكون الجودة اعلى مع ان الاوريون جودتها حلوة
3- اسعار قطع الغيار
تفوق بسييييط للاوريون في بعض القطع وتفوق الاكورد في البعض يعني ع حسب القطعة لكن القطع متقاااربة جدا
4- الرساوة العزل الخ
الرساوة اكيد الاكورد افضل يكيفك الكفر يفرش وهي الوحيده مثل السيارات الالمانية
والعزل متقاربين جدا كلهم عاديات مهب كويس ولا سيء
5- التبريد
جميع السيارتين تبريدهم ممتاز
6- الخراب (يعني بعد 3 سنوات تبدا مشاكلها )
بأذن الله جميعهم بعد ثلاث سنوات مافيه مشاكل
مع العلم ان
الاكورد ب 89الف 2011 4سلندر
الاوريون 87 الف 2011 6سلندر
شكل الاكورد اللي بتاخذها سياحي>>لو تزيد وتحاول تدبر 10الاف تشتري فلللل مخمل
والاوريون اللي بتاخذها تورنق سياااااااحي
كانك راعي مقاومات وسرعة خذلك الاوريون كانك تبي رساوة وداخلية روعة خذ اكورد
بالتوفيق لك
والله يا الغالي
شوف ... ~
اذا تبي سرعه اخذ آريون
واذا تبي راحه وفخامه .. اخذ اكورد
الاكورد يميزها كثيره عن الاوريون
الاوريون = كامري لكن الفرق :
انه الاوريون 6 سلندر والكامري 4 سلندر
لو تروح تسال باوربا .. وتقول ابي كامري
بيقولولك 4 سلندر او 6 سلندر ( 6 سلندر هي الاوريون )
والسبب انه الشركه شافت انه الكامري اغلبه تكاسي بالخليج
فغيرت الاسم عشان تقدر تبيعها للناس العاديه
......
واذا تبي نصيحه ..
شوف الكامري من داخل وشوف الاكورد من داخل
لا تهتم بالسرعه ..
واذا كنت تبي سرعه اخذ اكورد 6 سلندر .....
بس صدقني الراحه اهم شي ..
حق دوامك .. حق طلعاتك .. اهلك يركبون معاك .. إلخ ..
يقدرون ياخذون راحتهم
مب الكامري محشورين : )
والله يوفقك
اذا تبي سرعه اخذلك سبورت :p
وتره لعلمك بالكامري والاكورد ماراح تطوف جيتي آر :d
ولا موستنق جيتي هع :p
بس فكر عدل
بالتوفيق
^^^^^
الرجال قال اوريون مش كامري :d
+
في كوابريس و افالون و اكورد و مايباخ تكاسي :d
+
اوروبا ما عندهم شكل الاوريون اللي عندنا :d
+
هذه كفرات الاوريون ايضا مفروشة و هي واقفة فما بالك و هي تمشي :dاقتباس:
المشاركة الأصلية كتبت بواسطة احبك يالاكورد
http://img294.imageshack.us/img294/2898/dsc02944sva.jpg
أخوي أنت داخل محبي الأكورد
كل واحد منا قبل شراء السيارة كان أمامه عدة خيارات من ضمنها الأوريون ولكن ميولة للأكورد لذا من الطبيعي
الغالبية العظمى راح تنصحك بالأكورد ولودخلت منتدى يختص بالأوريون راح تلاحظ نفس النتيجة . . . . . .
الأكورد والأوريون كل سيارة تتميز عن الأخرى بأشياء ولكن سأضع عدة نقاط مهمة
الشكل الخارجي/ يعتبر ذوق
المقصورة الداخلية / الأكورد أفضل
الجودة / تتفوق بها الأكورد ولا أعني بأن الأوريون سيئة بالعكس جيدة جدآ
المحرك / لصالح الأوريون والفرق كبير
القيادة داخل المدينة / الأوريون
القيادة بالطرق السريعة / الأكورد
الرساوة / طبعآ لصالح الأكورد لأنها تتمتع برساوة عالية
الوكيل / طبعآ عبد اللطيف جميل
سعر قطع الغيار / لصالح الأوريون ولكن الفرق يعتبر بسيط
سعر مابعد البيع / متساوية
هذه وجهة نظري بالسيارتين و لكن كلها خيارات أفضل من السيارات الأخرى بفنس الفئة
ويستمر مسلسل المقارنات والظاهر نفتح قسم خاص بالمقارنات بالمنتدى ازين لنا :d
انا رايي السيارتين حلواات وانا ارشح الاوريون :d>> غدي الاكورد تقل بالشوارع شوي ونحس بالتميز نوعا ما
اول شي مبروك مقدما على السياره اللي بتشتريها والله يكتبلك اللي في الخير ولا تنسى الاستخارهاقتباس:
المشاركة الأصلية كتبت بواسطة ALMODAMEER
1-بالنسبه للامان الاكورد طبعاا وبدون منازع والدليل ان جميع انظمه الامان فيها تبدا من الستاندر
بعكس باقي السيارات اللي تكون فيها مع الفئه الفل اوبشن
2 الجوده عن تجربه لمده تلاته سنوات الى الان السياره تحسها جديده ومتماسكه مشالله
3اسعار قطع الغيار مقبوله جداا بالمقارنه مع الفئات الاخرى عن تجربه
4 العزل الصراحه الاوريون افضل عن تجربه خط في الاوريون وكنت راكب واسائق ولكن الاكورد قريبه من
الاوريون نوعا ما في العزل ولكن مع تغيرالكفرات اتحسن العزل 35%
الرساوه الاكورد والافضل في فئتها عن تجربه التما 4 سليندر واوريون
5 التبريد كلهم ممتازين
6 الخراب الحمدلله ما وجهتني مشاكل مصعنيه ولا ميكانيكه ولا اي عيوب الحمدلله وبالنسبه للاويون افادك فيها
واذا بتاخد خد اوريون فل جراندي او خليك على الاكورد افضل حتى لو كانت اربعه
ملاحظه سلفير اوريون انتا الوحش:d مثال للشخص الغير متعصب اهنيك:)
فاهمهاقتباس:
المشاركة الأصلية كتبت بواسطة silver aurion
والكامري لو بتحبث اهي نفسها الاوريون والفرق انه الكامري 4 سلندر والاوريون 6 سلندر
اقتباس:
المشاركة الأصلية كتبت بواسطة accord king of road
والله يا كنق لو الواحد يتعصب لا بيفيد نفسه ولا بيفيد صاحب الموضوع
و اذا الاكورد استاندر فيها انظمة حلوة و افضل من الاوريون الاستاندر
انا هنا اقول اكورد افضل له :)
يا وحش انت :d
اقتباس:
المشاركة الأصلية كتبت بواسطة ولد عطا :-P
اقتباس:
المشاركة الأصلية كتبت بواسطة ولد عطا :-P
بالعكس الفروق اكثر بكثير بين الكامري و الاوريون
ميكانيكيا
- المكينة 6 سلندر ( نفس اللكزس ES و RX و الافالون )
- القير 6 سرعات مزودة بنظام تتابعي ( تربترونك ect )
-نظام التعليق مزودة بقوائم امامية انضغاطية ماركة ماكفرسون و خلفية مزدوجة الوصلات لعمل استقرار و رساوة عالية ( نفس الموجود باللكزس )
انظمة سلامة :
- 8 ايرباقات متوزعة في المقصورة مع نظام الكبح الاضافي srs
- vsc
-TCR
- ebd
- wil
- ELR
- BAS
- مزودة بالتصميم العالمي المتفوق goa لمتصاص الصدمات عند الحوادث للتخفيف من اصابة السائق و الركاب
- نظام الـ force limter في احزمة الامان و هي عبارة عن شد الحزام و تثبيت السائق و الراكب في حال الفرملة القوية
- بالاضافة الى abs المتوفرة ايضا بالكامري
مواصفات و اكسسوارات :
- الدخول الذكي
- التشغيل الذكي بضغطة زر
- مسجل 6 سيديات مع بلوتوث و التحكم من الدركسون و ايضا نظام aux ( الكامري سي دي واحد فقط )
- جلد طبيعي للدركسون
- جلد في كامل المقاعد
- مكيف الكتروني
- زينون فيلبس الالماني و محول دينسو الياباني
- نظام afs لالتفاف الانوار في المنعطفات
- مزودة بـ 6 حساسات من دينسو اليابانية مع العرض في شاشة المعلومات
- طبلون زينون ثلاثي الابعاد مع شاشة عرض المعلومات مثل ممشى البنزين و درجة الحرارة و معدل السرعه و معدل صرف البنزين و مدة الرحله و غيرها .
- رشاش اسطبات امامية
بالاضافة الى فروق بالطول و العرض و الارتفاع و الوزن و كلها لصالح الاوريون :)
و ايضا الاوريون اخذ جوائز في الجودة و السلامة 3 مرات خلال 4 سنوات
و 5 نجوم في اختبارات ANCAP العالمية في اختبارات الحوادث
بينما الكامري ولا مرة .. هنا يبان الفرق الصح :)
[ame]http://www.youtube.com/watch?v=y7S8Ne2rz0A[/ame]
[ame]http://www.youtube.com/watch?v=xl51Y5M_06c[/ame]
إذا كنت راعي مقاومات أوريون
راعي خطوط ورساوه وشكل الأكورد
الله يقدم للي فيه خير
كثر الله خيركم
شباب كل واحد قاعد يحط مواصفات الأكورد الفل
وسلفر أوريون قاعد يحط مواصفات الأوريون الفل
صاحب الموضوع حاط سعرها حوالي 90 ألف
يعني اتوقع تجيب له أكوورد سبشل وأوريون تورنق
فهذي الحاله الأكورد تتفوق على الأوريون في كل شي ألا المكينه الأوريون 6 سلندر أفضل وأقوى
ومن ناحية المواصفات الأكورد تتفوق بس ينقصك تركب جنوط الفل وتطلع الأكورد:cool:
أما الأوريون التورنق نفس الكامري مكيف فرارات تشغيل عادي يعني نفس الكامري بضبط تفرق القوه فقط لو قلت لي أوريون قراندي هذي مواصفاتها حلووه
والله يكتب لك ألي فيه خير
وارشح الأكورد على السعر ألي معااك.
توكل على الله وخذ اكورد 2011 وان شاء الله ما راح تندم :cool:
اخوي سلفر ترا الاخ يقول اوريون تورنق سياحية مهب الجراندي>>اللي انت جايب مواصفاتها