طريقة تشخيص تهريب ونقص زيت الدركسون وطريقة تعبئته للأكورد 2003 - 2007

السلام عليكم وحمة الله

أخباركم عساكم بخير .؟

اليوم أقدم لكم شرح لكيفية تعبئة زيت الدركسون وكيفية التشخيص هل عندك تهريب في العلبة أو
لا مع إن التعبئة بسيطة لكن نظرا ً لسؤال بعض الأعضاء عنها قلت اشرحها الآن و اشرح كيفية معرفة وجود التهريب

الموضوع هذا خاص لكل من معه هوندا أكورد من 2003 إلى 2007

و الآن نبدأ بالكشف على الموتر

عاد قولوا ما شاء الله تبارك الله على الموتر قبل كل شيء << يخاف من الحسد :d


اعذرونا عاد الكبوت مغبر شوي :)

باسم الله نبدأ بالكشف :

إذا بغيت تعرف هل عندك تهريب في علبة الدركسون اتبع الخطوات التالية

تلاقي بجنب المكينة هذي القطعة المبينة في الصورة :

http://d.imagehost.org/0762/1-1.jpg

وهذي هي بشكل أوضح :

http://d.imagehost.org/0171/2-2.jpg

طبعا ً اذا لقيت عليها زيت والقطعة مزيتة اعرف إنه عندك تهريب وهذي هي القطعة ويظهر عليها الزيت :

http://b.imagehost.org/0203/3-3.jpg

بشكل أوضح :

http://b.imagehost.org/0504/4-4.jpg

طبعا ً عندك حلين :

الأول : إنك تشتري جلد لعلبة الدركسون مع لي ناسي اسمه لكن إذا رحت لأي ميكانيكي بيعرف اسمه بالضبط وتكلفك القطع بعد الخصم من محلات قطع غيار هوندا 125ريال بدون الإصلاح

و الثاني إنك تشتري زيت الدركسون وتصير كل شهر أو أسبوعين تشيك إذا شفته ناقص تعبيه
طبعا أنا رحت لميكانيكي وقال لي عن هالحلين وقلت طيب لو صرت أعبي باستمرار هل يأثر يوم إني أخليه بدون الإصلاح قال لي لا ما يأثر لكن لازم إذا جاء موعد تغيير زيت الدركسون لازم تغيره
و قال لا تتركها مدة طويلة بدون أي إصلاح لكن إذا بتتركها مدة مؤقتة إن شاء الله ما يصير شيء لكن إذا بتهملها بدون زيت ولا إصلاح بتجيك مشاكل أنت في غنا عنها

طبعا أنا اتبعت الحل الثاني لمدة مؤقت إلين ما أزيد ادخل السيارة الورشة أغير كم قطع ومرة وحده أغير جلد علبة الدركسون وبعض الليات اللازمة للتغيير

المهم نرجع لطريقة التشخيص الطريقة الأولى مثل ما قلت لكم بالنظر و مثل ما شفتم بالصور
و الطريقة الثانية بسماع صوت أثناء اللف وهو صوت حنة في الدركسون

وترا الحنة تجي لبعض السيارات يلي ما فيها أي مشكلة بالدركسون وهذي تكون في أيام البرد وإذا سمعت صوت حنة في أيام البرد تأكد من الزيت إنه مليان وإذا كان مليان لا توسوس لأنه من البرد وشيء طبيعي وعادي


وتنبيه بسيط من أجل الفائدة :

أغلب طريقة تعدم ليات الدركسون إن إذا كنت واقف بالسيارة و لفيت الدركسون و السيارة واقفة يعني تلفه وتبقى ماسك الدركسون بدون أي حركة وبدون ما تخلي الدركسون يستريح فهذي تعدم الليات ولكن إذا كنت بتلف بعدين تمشي ما يأثر و لكن اللف ومسك الدركسون بدون أن يستريح فهذا يأثر على الليات وهو من الأسباب الرئيسية لتلفها
طيب الآن نجي لطريقة التعبة


أول شيء الاحتياجات :

1 - زيت الدركسون الأصلي من هوندا لا تاخذون نوعية ايسي ديلكو لأنها ما تناسب السيارات اليابانية وانا مجربه وهي تناسب السيارات الأمريكية وهذي صورة زيت هوندا الأصلي وقيمته 47 وبعد الخصم 42 و الخصم 20% ما فرق السعر إلا 5 ريال لكن أهم شيء الزيت ناخذه وهذي صورته

http://d.imagehost.org/0745/1_29.jpg

وهو صناعة تايلندية

http://b.imagehost.org/0094/2_16.jpg

وهذي الفاتورة :

http://d.imagehost.org/0416/3_4.jpg

2- ( قمع ) مثل يلي عند محلات تغيير الزيوت ولكن يكون صغير واذا ما قليت فهذا هو البديل عندي له حل بسيط وممتاز إنك تشتري ورق بلاستك حق تغليف من المكتبة :

http://d.imagehost.org/0662/9_20.jpg

وطريقة استخدامه جايين لها

3 – قفازات عشان الزيوت و الأتربة يلي في الكبوت
الآن نجي لشرح مكان التعبئة و طريقة التعبة مع إنها بسيطة جدا ً لكن قلت وش وراي فاضي ما
عندي شغله :d

تنبيه قبل لا تسوي شيء :

1 - قبل لا تبدأ بالتعبئة أطفئ السيارة

2 – خل السيارة تبرد لمدة ساعتين بالقليل لسببين لأنه أفضل للسيارة و سبب من عندي وهو عشان الورق البلاستيك لا يحترق عليك بسبب الحرارة


باسم الله نبدأ بالشرح :


هذا موقعه في الكبوت

http://d.imagehost.org/0337/4_5.jpg

وهنا بصورة أقرب :

http://d.imagehost.org/0742/5_1.jpg

وهذا حنا وصلنا له

http://b.imagehost.org/0156/6.jpg

نقوم بفتح الغطاء الأحمر

http://d.imagehost.org/0174/7_4.jpg

وهذا هو مدخل الزيت وطبعا يوم شفته إلا هو ناقص بنسبة 40%

http://d.imagehost.org/0445/8.jpg

طيب الآن نحط الورقة البلاستيكية يلي قلت لكم عنها ويلي هي بديلة عن القمع :

http://b.imagehost.org/0021/10_4.jpg

وهذا هو الغالي الآن نفتحه ونروي عطش الدركسون :)

http://d.imagehost.org/0408/11_3.jpg


طبعاً يوم تعبي الزيت لازم ما يزيد عن الخط يلي فوق مثل ومثل ما هو واضح بالصورة و الخط يلي تحت معناه إن الزيت ما ينقص عنه يعني اذا بتعبيه لا تخلي الزيت يزيد عن الخط العلوي واذا جيت تشوف الزيت تتفحصه هل هو ناقص او لا لازم ما يكون ناقص تحت الخط السفلي

http://www.hondaarabia.com/club/user...s527-10327.jpg


و الآن نصب ولكن بهداوة وإذا وصل للخط العلوي ننتظر شوي حق دقيقة بالكثير ونشوف إذا نقص نزيد إلين يروح للخط العلوي الأنه ينزل في العلبة

http://b.imagehost.org/0400/12.jpg

هذا الغطاء بعد ما مسحته بمنديل وركبته

http://d.imagehost.org/0179/14_1.jpg

وصارت الآن الأمور تمام

و آسف على الإطالة وأتمنى إني أفدتكم و أي ملاحظة أفيدوني بها

ولا تنسونا من صالح دعائكم

وأشكر أخوي abu khaled وجزاه الله خير على إفادتي بخصوص معيار الزيت وسيتم تنبيه كل من رد على الموضوع بخصوص المعيار

مع خالص تحياتي لكم :

Acoord-2005

تسلم ويعطيك الف عافية ع التقرير
ولاعدمنا مواضيعك يابطل

لاهنت يا الشمالي
وهذا من ذوقك ياغالي
و اتمنى الفائدة تعم للجميع

يسلموووووو على التقرير

تسلم يدك ياكويس

يعطيك العافيه على الشرح الكافي والوافي

ما قصرت

يعطيك الف عافيه

يعطيك العافية اخوي بس عندي سؤال يسدح نفسه :d علبة الدركسون تعبيها فل للفم ام لها مقاس معين وانا اللي اعرفه ان لها مقاس معين Maximum

اقتباس:

---

المشاركة الأصلية كتبت بواسطة mmm800

يعطيك العافية اخوي بس عندي سؤال يسدح نفسه :d علبة الدركسون تعبيها فل للفم ام لها مقاس معين وانا اللي اعرفه ان لها مقاس معين maximum

---

هلا فيك ياالغالي

الله يعافيك

وبخصوص سؤالك لا مالها مقياس معين تعبيها فل وتغطيها مضبوط

وسلامتك ،،،

بيض الله وجهك ويعطيك الف الف عافية
على التقرير
عندي ملاحظة اللي اعرفه والجميع
ان له مقياس معين وهو الحد الاعلىmaximum
طيب اذا زاد هل فيه ضرر على الطرمبه او لا

اقتباس:

---

المشاركة الأصلية كتبت بواسطة accord-2006

بيض الله وجهك ويعطيك الف الف عافية
على التقرير
عندي ملاحظة اللي اعرفه والجميع
ان له مقياس معين وهو الحد الاعلىmaximum
طيب اذا زاد هل فيه ضرر على الطرمبه او لا

---

الله يعافيك ويسلمك

و الله ما خبرت إن له مقياس لان العلبة اصلاً ما فيها معيار عشان تعرف ولا هي شفافة عشان الواحد يحدد لكني اعبيه فل بس ما يوصل إلى الراس عشان اذا قفلته ما ينكب
واذا كان فيه ملاحظة او فيه له معيار محدد افيدني وانا اكون شاكر لك يالغالي

ومن ناحية هل فيه ضرر و الله يالغالي ما أدري لكن أنا اعبيه والحمد لله ماشي كل شيء تمام و اذا كان فيه ضرر ياليت أي أحد يفيدنا

وسلامتك ،،،

الله يعطيك العافية يا غالي وجهد تشكر عليه ومفيد للأخوان اللي يعانون من هالمشكلة..

تسلم يمينك ياكاتب الموضوع..
بس السؤال الآن عادي ازيد العلبه على اخر شي مايضر الطرمبه :confused:؟
وشكرآ

اقتباس:

---

المشاركة الأصلية كتبت بواسطة احمد 182

تسلم يمينك ياكاتب الموضوع..
بس السؤال الآن عادي ازيد العلبه على اخر شي مايضر الطرمبه :confused:؟
وشكرآ

---

هلا فيك يالغالي
أعتذر يا أحمد عن الخطأ و المعيار موجود بس انه غير واضح وخصوصا اذا كان الكبوت عندك مغبر ولكن هذي هي صور واضحه من اخوي ابوخالد الله يعطيه العافية
http://www.hondaarabia.com/club/user...s527-10327.jpg
وراجع موضوعي من اول وجديد وشف الشرح على كيفية معرفة نظام المعيار وبيوضح لك كل شيء
وسلامتك ،،،

الله يعطيك العافيه يالغلا كله...

الله يعافيك يا أحمد ومنور الموضوع يالغالي

ياخوي مكتوب في العلبة Maximum يعني الحد الاقصى واذا زاد عن كذا اكيد بيكون فيه ضرر ..

اقتباس:

---

المشاركة الأصلية كتبت بواسطة mmm800

ياخوي مكتوب في العلبة maximum يعني الحد الاقصى واذا زاد عن كذا اكيد بيكون فيه ضرر ..

---

طيب يالغالي ياليت تصورها وتنزلها لنا لاني ما لقيت مكتوب على العلبة شيء

الله يعطيك العآفيهٍ مآقصرتِ تسلم يدينك على هالمعلومآت القيّمه

يعطيك العافية ع الموضوع
.:.:.:.:.:.:.:.:.:.:.:.:.:.:.:.:.:.:.:.:.:.:.:.:.: .:.:.:.:.:.

http://www.hondaarabia.com/club/user...s527-10327.jpg

الزيت لازم ما ينقص عن الخط اللي تحت ولا يزود عن الخط اللي فوق والا بيسبب لك مشاكل

اقتباس:

---

المشاركة الأصلية كتبت بواسطة abu khaled

يعطيك العافية ع الموضوع
.:.:.:.:.:.:.:.:.:.:.:.:.:.:.:.:.:.:.:.:.:.:.:.:.: .:.:.:.:.:.

http://www.hondaarabia.com/club/user...s527-10327.jpg

الزيت لازم ما ينقص عن الخط اللي تحت ولا يزود عن الخط اللي فوق والا بيسبب لك مشاكل

---

الله يعطيك الف عافية يالغالي

وآسف لازم اسرق الصورة أحطها بالموضوع عشان نفيد الناس :d

وما قصرت يالغالي

الله يعافيك
خذ راحتك انا ما حطيته الا علشان نفيد الشباب :)

وينك من زمان ياشيخ بعد ماغيرت المجموعه كامله والطرمبه والليات جاي الحين

:d:d:d


عالعموم تسلم ايدك واتمنى من المشرفين والاداريين يثبتوا الموضع حتى يستفيد العموم

ياحبيبي انا عندي تنديه والزيت ماينقص ورحت للمكانيكي وقال هذا تبخير نتيجة الضغط وراح انزل صوره توضح ذلك

لاهنتم يا السعن ويا ابوموده

و اتمنى إننا نفيد ونستفيد

الله يعطيك العافيه

الله بعافيك يا أكورد بن لواص :d

بيض الله وجهك حبيبي ومشكور

وعساك ع القوة

الله يقويك يا عمري :d

ولاهنت على المرور

مساك الله بالخير اخوي
ويعطيك العافيه ع الموضوع بس عندي سؤال
انا عندي مشكله في الدركسون فيه صوت حنه وله تقريبا 3شهور وتهريب توه ماله الا 5 ايام
وش الحل برايك فيها

اقتباس:

---

المشاركة الأصلية كتبت بواسطة accordy2006

مساك الله بالخير اخوي
ويعطيك العافيه ع الموضوع بس عندي سؤال
انا عندي مشكله في الدركسون فيه صوت حنه وله تقريبا 3شهور وتهريب توه ماله الا 5 ايام
وش الحل برايك فيها

---

مساك الله بالرضا

الله يعافيك

بخصوص مشكلتك فيحتاج لك تغيير جلد علبة الدركسون ورح لأي ميكانيكي عشان يتأكد هل اللي يحتاج له تغيير او لا
وترا مشاكل التهريب إما تكون من اللي او الجلد أو الاثنين مع بعض مثل يلي صاير عندي الاثنين يحتاج لهم تغيير ولكن انت تأكد أي واحد يحتاج له تغيير عشان لا تشتري شيء انت منت في حاجة له

وسلامتك ،،،

الله يعطيك العافيه وماقصرت..
بس عندي مشكله عندي صوت في الطرمبه له 3 شهور راح الصوت لفتره اسبوعين ورجع مره ثانيه
والحين فيه تنديه بسيطه لها اسبوع ماادري المشكله في الاصلاح ولا غيره

اقتباس:

---

المشاركة الأصلية كتبت بواسطة acoord-2005

مساك الله بالرضا

الله يعافيك

بخصوص مشكلتك فيحتاج لك تغيير جلد علبة الدركسون ورح لأي ميكانيكي عشان يتأكد هل اللي يحتاج له تغيير او لا
وترا مشاكل التهريب إما تكون من اللي او الجلد أو الاثنين مع بعض مثل يلي صاير عندي الاثنين يحتاج لهم تغيير ولكن انت تأكد أي واحد يحتاج له تغيير عشان لا تشتري شيء انت منت في حاجة له

وسلامتك ،،،

---

مشكوور وبيض الله وجهك وان شاء الله راح اشوفها

اقتباس:

---

المشاركة الأصلية كتبت بواسطة accordy2006

مشكوور وبيض الله وجهك وان شاء الله راح اشوفها

---

الله يسلمك و حنا بخدمتك يالغالي

سؤال الله بعطيكم العاقيه
اككورد 2007 الدفعه الأخيره

بالنسبة لمقاس علبة الزيت ( الدريكسون ) تقول ماينقص عن الخط السقلي ولا يزود عن العلوي !!
انا زودت الزيت وزاد عن العلوي هل فيه ضرر ؟؟
واذا كان فيه ضرر كيف اقدر انقص الزيت .؟

اللي الاحظه اسمع صوت حننه مع لفة الدرركسون وبالصباح او اذا السياره باردة وشغلت السياره ولفيت بعد التشغيل اسمع صوت قوي ومزعج ... بنظرك وش السبب ؟
وبالنسبة لعلبة الزيت مو مغبره مرره على خفيف تتوقع من الزيت الزائد يمكن من الاستعمال ( يطفر ) < يطلع ؟
اعتذر عن الإطاله ,
واخيرا الله يحزاكم الف خير ويكتبه بموازين حسناتكم

اقتباس:

---

المشاركة الأصلية كتبت بواسطة اكورد بن لواص

سؤال الله بعطيكم العاقيه
اككورد 2007 الدفعه الأخيره

بالنسبة لمقاس علبة الزيت ( الدريكسون ) تقول ماينقص عن الخط السقلي ولا يزود عن العلوي !!
انا زودت الزيت وزاد عن العلوي هل فيه ضرر ؟؟
واذا كان فيه ضرر كيف اقدر انقص الزيت .؟

اللي الاحظه اسمع صوت حننه مع لفة الدرركسون وبالصباح او اذا السياره باردة وشغلت السياره ولفيت بعد التشغيل اسمع صوت قوي ومزعج ... بنظرك وش السبب ؟
وبالنسبة لعلبة الزيت مو مغبره مرره على خفيف تتوقع من الزيت الزائد يمكن من الاستعمال ( يطفر ) < يطلع ؟
اعتذر عن الإطاله ,
واخيرا الله يحزاكم الف خير ويكتبه بموازين حسناتكم

---

هلا فيك يا الغالي

اذا زاد بنسبة بسيطة إن شاء الله ما يضر ولكن اذا زاد بنسبة كبيرة جداً فيحتاج لك تسحبه واتوقع عند محلات الميكانيكا فيه جهاز عادة يشفطون فيه الزيت فبإمكانك تروح لهم او فيه طريقة بسيطة ولكنها خطيرة شوي عليك إنك تجيب لي وتدخله بالعلبة وتشفط بفمك شفطة سريعة وقوية وانتبه لا يخش بفمك وبيطلع وخل اللي مايل و يصب :d << انا مسويها في تانكي البنزين شفطت عشان خويي طفت سيارة مافيها بنزين
ولكن الافضل إنك تروح لمحلات الميكانيكا

وثاني شيء بخصوص الحنة تجي في ايام البرد عادةً و تجي اذا كان عندك تهريب وفيه صور ومعلومات لمعرفة التهريب ومن ناحية العلبة اذا كانت مغبرة وفيها زيت فممكن يكون عندك تهريب أو ممكن من الزيادة يلي أنت زودتها إذا كانت الزيادة بشكل كبير فأكيد انها طلعت ومن ناحية إكتشاف التهريب عبي زيت العلبة إلى الخط العلوي وبعد اربع ايام شف إذا نقص عن الخط العلوي بشكل كبير وملحوظ فلازم تروح لميكانيكي عشان يحدد لك الليات يلي تحتاج التغيير ولكن بما إنك زودت بالغلط رح الان وشف نقص عن الزيادة يلي انت مزودها ولا لا وبكذا تعرف اذا كان فيه تهريب

وبخصوص العيب المصنعي انت رح للوكالة وغيرته لأن فيه شباب يقولون غيرنها وفيه ناس يقولون الـ 2007 مافيها عيب مصنعي ولكن العيب موجود فيها لاني اعرف ناس معهم 2007 وراحوا للوكالة

وسلامتك ،،،

الله يعطيك العافيه ياغالي

غسلت العلبة وشفت الزيت وحصلته فل وبقوووووهـ واخذت فاين ونقصت الزيت الى حد الخط العلوي وابنتظر اربع ايام واشوف العلبة اذا غبرت عرفت ان فيه تهريب

جزاك الله خير .
تحياتي

يعطيك العافيه
وبيض الله وجهك.

وياك يا بن لواص و يا عاشق سيفيك

و لاهنتم على الردود ونورتم الموضوع

ماشاء الله تبارك الله عليك

شرح وافي الله يعطيك الصحة والعافية...ويعطيك خير سيارتك

يعطيك العافية شرح وافي
بس في ملاحظة الزيت الي انت مصوره زيت ناقل حركة اتوماتيكي يعني (للقير)
وانا قد مرة شفت عند محل قطع غيار هوندا زيت خاص بالدريكسون
ياليت توضح لي ان كان عندي لبس