قدر الله وماشاء لطف :) حآدثـي

بسم الله الرحمن الرحيم
الحمد لله رب العالمين والصلاة والسلام على أشرف الخلق والمرسلين

كيفكم يآشباب ان شاء الله بخير :)

أنا قدر الله علي وصار لي حادث بمنطقة الخاصره على طريق الرياض الطائف .. والحمد لله على كل حال
كلنآ سلمنا ولله الحمد من دون اي خدش

والحديد يتعوض أهم شي العافيه

اللي صار معي أنه ضرب على الكفر الايمن الخلفي وأنا متجاوز والسياره كانت متجهه اول ماضرب الكفر جهة الخط الثاني حاولت أعدلها لكنها حآآآآآآآآآآآآآآآآآآآآآآآآآآآآآآآآآىست معي وجات زوحفت جهه الخط الثاني بس الحمد لله كان فيه شبك في النص ضربت السياره بالشبك وانقلبت من قوة الخبطه وانقلبت على جهه اليسار

لكن الحمد لله على كل حال

بعد مارجعنا للطائف على سطحه يوم الاربعاء بالليل وقفتها عند ورشه هناك معروفه اسمها ورشة السواط وانتظرت لحد اليوم فتحت رحت لهم اليوم الساعه 9 واتفقت معهم بعد المراعاه قالي شغل يده مع البويه تكلف 7000 ريال .. لكن القطع اللي طلبها والله كثير
راح اعرضها عليكم

4 جنوط بالكفرات
صدام خلفي
اسطب خلفي ايمن ديكور شنطه ( اللي يجي باللوحه ) مع علامة هوندا وكتابة accord
مشقبيط ركن صدام خلفي يمين ( اللي لونه اسود يركب عليه الصدام )
2أزياق سقف
مرايات جانبيه
فتحه السقف كامله
عتب تحت الابواب جانب ايمن
باب امامي يمين
رفرف ايسر ايمن
كبوت
شبك
شمعات اماميه
قربة الهواء اللي تجي يسار تحت الصدام
قزاز امامي
قزاز يسار
كتف اللي من الكبوت للسقف ايسر

الصور :(

http://www.m5zn.com/uploads/2010/11/...52gm4y9boh.jpg

http://www.m5zn.com/uploads/2010/11/...t5zv8qzhoq.jpg

http://www.m5zn.com/uploads/2010/11/...uaqcoi9vb5.jpg

أقتراحتكم .. ومسآعدتكم .. وكل شي تقدرون تسآعدوني فيه من أمكان بيع قطع الى تشاليح الى اي شي يقدر يفيدني

انا مشتري كاش يعني ماعليهآآآ تأمين

الحمد لله على السلامه اهم شي انت طيب وخويك الثانى بخير مافيكم شي انشالله
الحديد يتعوض وانا اخوك بس صدقنى سيارتك بتكلفك كثير وبعدين قبل هاذا كله انت ياصاحبي المفروظ تسئل الشباب الى بيصلحون السياره هل السياره بترجع مثل اول ولى اشلون ولى بيبقى فيها اثار الحادث
تقبل مرورى

الله يعوض عليك اخوي

والحمدلله ع سلامتك والحديد يتعوض

الله يسلمك يآصاحبي .. والله على كلامهم المكينه ماجها شي والقير سليم مادري ان كان فيه شي بالمساعدات والا الاذرعه .. لكن يسرها الله

الله يسلمك أخووووي ,, وشاكر على الرد

اولا من كل قلبي اقولها لك

الف الف الف الحمدلله على السلامـه يارجال

تريلات محمله حديد راحت على خط الجنوب ولا احد درى عنها ..اهم شي الروووح وانا اخوك

دامك انت سالم وخويك محمد ...امزح امزح دامك سالم وخويك سالم بعد ومافيكم شي


طبعا انت من كلامك مش مأمن وراح تكلفك السياره بصراحه وبكل امانـه


لكن يارجال الخيره فيما اختاره اللـه وهونها وتهـون ..

وانا من وجهة نظر اخوك المتواضعه بحكم خبرتي في التشاليح ومجال الطب في السيارات

تبيع سيارتك تشليح وتحط قيمتها دفعه اولى لأكورد 2011 إن كان لك خاطر فيهاا
او افالون 2010

وتقسط ولا تنسـى تأمن والله يعوض عليك

الحمد لله على سلامتك اخوي ..

والحديد يتعوض بغيره ..

اهم شيء السلامه ..

واذا لك رغبه في جنوط بكفراتها ، تقدر تراجع موضوعي =)

الله يسلمك أخوي فيصل .. والله حرام أبيعها تشليح لانها توهآ مشت 40,000 والمشكله انه علي قرض ماقدر أطلع شي بالفتره الحآليه .. شآكر لك

الله يسلمك كآكآشي .. الشي اللي تذكرته انه اول موضوع نزلته بذا المنتدى يوم طلعت السياره أنت ثالث وآحد رديت والحين أنت الثالث ..

على العموم مشكور ويآليت تراسلني على الخاص بخصوص الجنوط

ضرووووووووووري تكفى

اولا الحمد لله على السلامة .. وان شاء الله اخر الاحزان ..

من ناحية القطع لاتشيهل هم .. ان شاء الله كلهن بتحصلهن .. ونا الحين بروح اشوفلك تشليح القصيم .. انتظر ردي باليل ..

والحمد لله على السلامة .. مره ثانية

الله يسلمك أخوي ,,, وشآكر لك


بأنتظارك بالليل .. ألف شكر

اول شي الف الف الف حمدالله على السلامه
والله يعوض عليك خير
اخوي انا على مشفت السياره انه انعدمت اذا السمكري انت واثق منه انه برجعه تمام توكل على الله
ومنحيت القطع لا تشيله هم لانو قطع الاكورد الجديده رخيصه يمكن الي بيكلك شوي بلسعر الفتحه والجنوط
واذا تبيني اجيبلك اسعار القطع كامله انا جهز واذا احتجت اي مسعده من الرياض هم بعد انا جهز
والله يكتبلك الي فيه الخير

الحمدالله على سلامتك
والله يعوضك خير انشاء الله

هلا بالغالي ..

قبل شوي دقيت على وحد من الشباب .. قلتلة ابي خلفية اكورد يعني صدام رفرفين و اصطبات و الشنطة قال موجوده بـ 7500 ريال ..

هذي بس الخلفية ..

فانصيحتي انك تبيعها تشليح .. لانها بتكلفك اكثر من 20 الف ..

وشي ثاني الرفرف الايسر خلفي والكتوف .. تحتاج قص وتلحيم .. لاني الاكورد الرفرف الخلفي ماجي منفصل نفس الامامي .. وغير كذا .. اتوقع لو عدلتها سمكره ومعجوون .. كله فتره .. ويبدا تطير البوية .. ويتكسر ..

هذي نصيحتي لك .. يالغالي ..

والله يكتبلك اللي فية الخير ..

الحمدلله على السلامه , والحمدلله جت في الحديد
الله يعوضك ان شاء الله , واهم شي يا الشباب السرعه , ترا ما وراها الا المصايب
ولا تنسون حزام الأمان على الأقل في الطرق السريعه , ماتدري مرات يجي الخطأ من سياره ثانيه
وانت اتروح فيها

والله يعوضك خير ان شاء الله ^^

نصيحه بيعها تشلييح

ولا ما حترجع اكورد >>> يعني حتتعبك بالاصوات حقتها

السمكرى طالب 7 على ايش ما انو هوا يبغا كل شئ على جااااهز

الحمد على سلامتك والله ..

والحديد بداله حديد لكن اهم شي سلامتك انت ومن معك

والله يعوضك بخير منها وياجرك بمصيبتك

الف سلامه عليك انت والي معاك
ماتشوفوا شر واخر المصايب يارب

انا مثلك مسوي حادث بسيارتي لمره الثانيه واكتشفت انها مصقوعه بعين صح
لان انا الحين مسوي فيها حادث وبنفس طريقه الحادث الاول وبنفس جهه الضربه وبنفس ايام الحادث الاول من السنه الي قبلها
وانا ماابي احطمك يالخوي بس انا بصراحه تعبت بتصليحها بس انا افضلك اذا فيه امكانيه انك تبيعها بيعها ولا تتردد
وهذا موضوع حادثي >> http://www.hondaarabia.com/club/t34825/

وموفق ان شاء الله

الحمد لله على سلامتك ياالغالي
وبالنسبه للقطع ولد عمي عنده تشليح في بريمان وبحاول اوفر لك اغلب القطع باذن الله وباسعار قليله
بس اذا تبغى نصيحتي بيعها تشليح لانك بتتعب مستقبلا كل يوم مشكله
ارسلي على الخاص بالقطع اللي تحتاجها ياغالي وانا تحت امرك

الحمدلله ع السلامة و ما تشوف شر

و الله يعوض عليك و الصدمة صراحه بتكلف كثييير :(

اهم شي انت سالم و لا السيارة مع نفسها تروح و تجي

اقتباس:

---

المشاركة الأصلية كتبت بواسطة أڪۋردي ستآيل

الله يسلمك أخوي فيصل .. والله حرام أبيعها تشليح لانها توهآ مشت 40,000 والمشكله انه علي قرض ماقدر أطلع شي بالفتره الحآليه .. شآكر لك

---

يا رجال احمد ربك بس

في واحد تووه مستلم السيارة من الوكاله .. والله من الوكاله للمحطة عبى فل بنزين

و اول ما خرج من المحطة و تطيره تريلا جابت خبر السيارة ما كملت نص ساعه الا و هي بالتشليح

الحمد لله على السلامه وما تشوف شر
في الحديد ولا في الأرواح يا أخوي

الحمدالله ع السسسلأأمه ، معوض خير يآربٍ
مآقصروا الشبآبِ زي مآقآلوٍ رآح تكلفك كثيرٍ ومآرآح ترجع مثل مآكآنتِ بيعهآ تشليح والعوض على اللهٍ
وآهم شي انكم سآلمِين

لا حول ولاقوة الى بالله

الله يرزقك أحسن منها يارب وماتشوف شر والحمدلله على السلامه

بس كم كنت تمشي ياخوي قبل مايضرب عليك الكفر ..؟

والحمدلله على السلامه مرة ثانية ..

الحمد لله على سلامتك

نصيحه اخ بيع السياره وقيمه الاصلاح مع بيعتها جب سياره جديده ازين لك


سمكره 7000 ريال

جنوط 3000 ريال

قطع غيار ممكن توصل 10000 ريال

بعد فتره من الاستخدام بتطلع اصوات لليل وبتغير مساعدات وعكوس واذرعه بتكره حياتك وكل شي بسعر خرافي

اللهم آجره في مصيبته و أخلف له خيرآ منها , الحمدلله على سلامتك و إذا سلم العود الحال تعود و الحمدلله أنها بالحديد

الحمدلله على السلامة والله يعوضك

الحمد لله على السلامه

واحمد واسجد لـ ربك على انه نجااكم انت و خويك والله اول ما شفت السيارة انصددمت يعني ما توقعت هالشكل


وكل شي مقدر ومكتوووب

وبالنسبة للقطع ما اقدر اقوول الا الله يعييينك

ونصيحة صحيح السيارى بتكلفك كثيير

بس انت ما تقدر تبيعها وتشتري جديد لان علييك قرض

يعني ياخووي مالك الا تصلحهاا والله يعيييينك على الاسعاار

وان شااء الله بعد ما تتصلح ما يطلع فيهاا شي


وما اقدر اقوول غير الله يصبررررك ويووفقك ويعيينك

الحمد لله على سلامتك اولا

والله تبي النصيحه بيعها تشليح واستخلف الله فيها

الله يعوضك بأحسن منها

والله راح تكلفك كثير اذا فتحت السقف لوحدها ب 3200 ريال حتى التشاليح مستحيل تحصل لي 6 شهور ادور اخر شي ولفتها .

الله يكون بعونك ..

الحمد على سلامك في الحديد ولا فيك
يعين تر ماشوف ذيك الضراض التستاهل نك تبيعه تشليح لن مافيه ضرب قويه في الخالف والفي لاامام وال في خفسات في تنده وبعدين في فرق اذ بتسمكر بعض القطع وان بتركب جديد في سيارت جاتهم ضربات اقو من كذ وضبطوه ورجع تمام والله حارم تبيعه على هاذي ضربات وشكرن...

الحمد لله على سلامتك الحديد يجي ويروح و الروح اذا راحت ما بدالها روح

الحمد لله على سلامتك والحديد بداله حديد

الحمد لله على السلامه و الحديد يتعوض

و اهم شي انت واليي معك ما جاكم شي

بصراحه اشوف ان السمكري بالغ في سعر التصليح لان اغلب شغله تركيب قطع لاكن شف كم بيكلفك تصليحها وحاول تكون القطع تشليح لان الوكالة غالية لاكن لو بيكلفك تصليحها ثلاثين الف ماانصحك تصلحها وخذ العلم مافي سيارة ترجع بعد حادث انقلاب زي اول الله يجبرك في مصيبتك ويعوضك خيرا منها استخر قبل ماتسوي شي .

الحمد لله على سلامتك انت وخويك يالغالي والحديد يتعوض نصيحتي لك بيعها تشليح واذا لك رغبة فيها وناوي تصلح فزين انك اخترت تسويها في الطايف لأن العمالة هناك ممتازة وورش الطايف دايم يمدحونها اخوياي

الله يعوض عليك وانا اخوك واي مساعده ابشر من عيوني الثنتين
فداااا رااااسك

الحمد لله على السلامة والله يعوضك بأحلى منها

الحمد الله على السلامة وخطاك الشر
اخوي انا اقول يمدحون التجاري من ناحية القطع الخارجية زي الصدامات وغيرها والباقي الله يعينك عليه .
خذ السيارة لجده وهناك ظبطها والله يعينك

استغفرالله

الحمدلله على سلامتك

وما تشوف شر

والسياره تتعوض

واذكر الله قبل لا تمشي بالسياره

الله يوفقك ويحميك من هلشوارع

الحمدلله ع السلامة

معوض خير ان شالله

الشباب ما قصروا وانا معهم انك تبيع السيارة وتشتري غيرها

ضربتها قوية رح تكلفك كثير ومارح ترجع مثل اول

بس عندي سؤال ولو انه مو بمحله بس يفيدني كثير

كم كانت سرعتك لما صار معك الحادث

وربي يوفقك باللي رح تسويه سواء تصلح السيارة او تغيرها

تحياتي لك

الحمدلله على السلامه
والله يعينك

الحمد لله ع سلامتكم والله يعوضك خير

واهم شئ صحتك وسلامتك تسوى العالم