ياشباب خلونا نتكلم بجديه عن الأكورد
أهلين ياشباب
كيف حالكم طيبين ان شاء الله
انا حبيت افتح الموضوع معاكم لان الكيل طفح عند حده بسبب هالسياره اللي من جد انا اعتبرها سخيفه ومشاكل وما ادري ايش
أولا انا اقول الاكورد مو سياره سيئه لكنها مو بهذيك الجوده والعمليه خلونها من جوده القطع المستخدمه
بالله عليكم سياره فحماتها ماتطول كراسي الماكينه تتقطع بسرعه ورجه بطاريه تخلص بسرعه طرمبه دركسون ودوده وما ادري ايش
سلامات هذي سياره جديده تخرب هالخرابات وتصير فيها هالمشاكل وتاكل قطع استهلاكيه بجنون
ولا بالله عليكم اكورد 2009 ماشيه 10 الاف تفتح كبوتها تنسيم زيت في الطرمبه وما ادري ايش
واللي يقول انها افضل من التيوتا وافضل من الالتيما وافضل من السوبارو وما ادري ايش ترها مو افضل ولا 1 بالميه
انا اقول ان الهوندا خرطي في خرطي وسياره ماعندها ماعند جدتي
انا خالي عنده التيما 2007 ماشيه 218 الف شايفها بعيوني ولا اشتكا ولا شي من اخذها ماشاء الله تبارك الرحمن غير زيت وفحمات وبواجي وبطاريه وفلاتر واشياء استهالاكيه عاديه مو مثلنا ملاك الهوندا كل يوم والثاني فحمات كل يوم والثاني مغيرين بلوه انا بدون مبالغه دفعت عليها يمكن ربع قيمه السياره كل يوم والثاني فحمات والله ان الكامري وطختها وكل سياره يبانيه مو هوندا كويسه
الاكورد من موديل 2002 وبس ولا الباقي فاشل
على قد ماحبيت هالسياره على قد ماندمت وخرابات ياليت الوكاله تشملها كلا على حساب العميل استخدمت كامري من بعد الوالد الله يذكره بالخير من 2002 الى ان شريت 2007 لعبت فيها لعب لعنت خامسها تفحيط وقومات ما اشتكت ولا تخرب خرابات الاكورد وياكثر اللي اعرفهم عندهم من السيارات اللي من فئه الاكورد ما حد اشتكى منها ومثال السنواتا اللي يقولون كوري وسئه افضلا من الاكورد واقل خرابات وعمليه اكثر منها
لاتلعبون على حالكم وتقولن الاكورد والاكورد تراها خرابيط وخرابات
وهذي وجهه نضري وادري اني بتكفخ بس طقت جبدي من خرابات ومشاكل وانا معتني فيها وتوها ماشيه 150 الف:d
احترم جميع الردود والنقاشات ولا افرض رائي
وزي ماقلت الموضوع مجرد وجه نضر شخصه ماتمثل الكل
تحياتي للجميع
