مساكم الله بالخير
أخواني وأحبائي أعضاء هذا المنتدى أنا جالس أكتب الموضوع وأبي شوركم ورايكم بدون لا أحد يبخل علي حتى لو بكلمه لأنه ممكن تفيدني .
أنا أشتريت سيارتي وكانت ماشية 70000 (أكورد 2006 4 سلندر فل بدون مراتب جلد ) والحين السيارة ماشيه في حدود 230000 طبعا من شريتها ما سويت لها أي صيانه (ما شاء الله ) ما غير أحط فيها بنزين 95 وزيت . السؤال أنا ناوي أدخلها تشييك عند الوكالة في بريده وش تنصحون أقولهم يغيرون سوا زيوت أو سيور أو أي حاجة ثانية يجب أنها تتغير . لأني الحين صرت أتردد شبه أسبوعي 1300 كم رايح جاي وأحيان تكون معي المدام وأخف أنها توقف على الخط بسبب عم تغيير بعض الأشياء الإستهلاكية وأتوهق باللي معي ههههههههههه وأنتم تعرفون الحريم وقروشتهن .
وعندي مشكلة طلعت الشيب براسي ولا أدري أيش حلها وهي أني لما أكون أمشي بالسيارة ما بين 40 ال 60 والنمرة تكون مريحها ع الآخر يعني مو شاد العزم تجي السيارة رجه قويه جدأ (نفاضه) لدرجة اللي يكون راكب معي يستغرب منها ولكن إذا كنت داعس من الصفر ما تطلع معي الرجة .
للمعلوميه غيرت كراسي المكينة ولا راحت , ورحت للوكالة في بريده وحصلت السوري وسألته قال ما أدري لكن غير زيت القير قلت له وتروح المشكله قال ممكن تروح وممكن تبقى على حالها وومكن ما تمشي السيارة:mad:بالله عليكم هذا رد . اللي حصلت له مثل هالمشكله ياليت يفيدني عنها
وآسف جداً ع الإطالة . ولا تبخلو علي في آرائكم .
ولكم تحياتي
