تجمع القصيم الخامس ( الموعد + المكان )

بسم الله الرحمن الرحيم
تم الاتفاق مع الشباب على التجمع الخامس

الخميس
23/ 12 /2010
(( تم التاجيل الى هذا التاريخ بسبب يوم عاشوراء ))
الوقت
بعد صلاه العصر (ان شاء الله ) حتى ....

المكان
نفس اماكن التجمعات اللي قبل
عنيزه منتزهات الحاجب اللي على طريق المذنب

سيكون التجمع في المكان المخصص للشباب
لا اشوف احد يدور عند العوائل :mad:

طبعا سيتم الاستعانه بمصورين محترفين يعني اغسل السياره قبل ماتجي

هذا تقرير للتجمع الي قبل
http://www.hondaarabia.com/club/t41090/

اللي عنده استفسار عن المكان او اي شي انا جاهز عنده الخاص او الايميل

ان شاء الله اكون اول الحاضرين

بررهوم سجل اسمي ان شاء الله معكم :)

وياليت الي يقدر يجي معه شي يجيب شاهي قهوه فطايروحلا ولا تنسون اهم شي الفرشه :d

لان ذاك اليوم ماغير نشرب من العصير مافيه غيره هههههههههههه

إن شاء الله أكون من الحاضربن

طيب وإذا صارت الأجواء أمطار :d زي اليوم وما تقدر تغسل سيارتك يصير التصوير والمواتر على غبار المطر أحسن شيء :d <<<< ترى ما كان ناوي يغسل سيارته اليوم :(

هلابكم وحياكم الله
الفرشه موجوده معي وحده وسجل شاهي وملحقاته
بس اهم شي كل واحد يجيب جاكيت او فروه ترا البرد مايرحم

اقتباس:

---

المشاركة الأصلية كتبت بواسطة ن ع ر السعودية 0005

إن شاء الله أكون من الحاضربن

طيب وإذا صارت الأجواء أمطار :d زي اليوم وما تقدر تغسل سيارتك يصير التصوير والمواتر على غبار المطر أحسن شيء :d <<<< ترى ما كان ناوي يغسل سيارته اليوم :(

---

يالله ترزقنا
احسن يكون التجمع على اجواء اوربيه :d

يوم الخميس عاشوراء وكثير من الناس صايمين , ولا نجيب فطورنا هناك ؟

اي والله والله مدري لكن كان الشباب يبونه الاربعاء

خلاص شباب بما انه يوافق عاشوراء بياجل الى الاسبوع اللي بعده
لان الاربعاء صعبه يكون فيه لان الناس دوامات وقلق
معليه شباب

أبوعلي سوء تعديل بنفس الرد الأول يكون أفضل وبخط كبير وبــ اللون الأحمر حتى يكون وأضح للجميع

تم التعديل

زين انكم اجلتوه اجل هالاسبوع نروح لام رقيبه نشوف المزاين :d

اقتباس:

---

المشاركة الأصلية كتبت بواسطة Mr.Goldy

زين انكم اجلتوه اجل هالاسبوع نروح لام رقيبه نشوف المزاين :d

---

انتبه لا تصدمون بعير ديته اغلى من دية الآدمي هالوقت :mad:

هلا هلا

اخباركم ي حلوين

سجلني معكم ان شاء الله :d

.

^
والله يً انت قديييييييم , :d

< وش دخلك بذآ , :d

^
يارجال لايهمك يسجل للتجمع ويسحب :p

اقتباس:

---

المشاركة الأصلية كتبت بواسطة mr.goldy

^
يارجال لايهمك يسجل للتجمع ويسحب :p

---

واااااااااااك الله يرجك ياشيخ

كفو والله العدد للحين تمااااااااااااام وان شاء الله زياده

كم وصل العدد الحين ؟
وانا بإذن الله معكم وفيه كم واحد احاول اقولهم .
وياليت يصير فيه اعلان للتجمع بالمنتديات القصيمية ( شباب عنيزة , الرس أكس بي , ... )

بنعينك مسول الاعلان ياخالد تولى مهمه الاعلانات:d
العدد سيتم التستر عليه لاسباب فنيه بحته :d

اقتباس:

---

المشاركة الأصلية كتبت بواسطة EBrA

بنعينك مسول الاعلان ياخالد تولى مهمه الاعلانات:d
العدد سيتم التستر عليه لاسباب فنيه بحته :d

---

اطلع منه اجل :d

اقتباس:

---

المشاركة الأصلية كتبت بواسطة EBrA

بنعينك مسول الاعلان ياخالد تولى مهمه الاعلانات:d


العدد سيتم التستر عليه لاسباب فنيه بحته :d

---

حلووووهـ :d

اقتباس:

---

المشاركة الأصلية كتبت بواسطة Mr.Khaled

كم وصل العدد الحين ؟
وانا بإذن الله معكم وفيه كم واحد احاول اقولهم .
وياليت يصير فيه اعلان للتجمع بالمنتديات القصيمية ( شباب عنيزة , الرس أكس بي , ... )

---

يارجال سوينا قبل ومحد جاء الا حقين المنتدى :d

انتم ابخص اجل , بس بعض الناس لو يعلن العدد لكن شكل العدد ما يواجه هههههه

لا ابشرك يواجه وبقوه من طرفي ... بيجون
بس ان شاء الله مايسحبون زي بعضات الناس
:d

حلو , بس ودنا نسوي ترتيب للسيارات وحركات واذا حاصل مسيرة .

مسيره مبطي ماشفتنا مسوين تجمع بالحجز

ههههههه
والله مشكلة الله يعين عليهم بعد لا يجون لمكان التجمع ويسوون لنا سالفة .

لاماعليك المكان هذاك على كثر ما اقعد فيه ماشفت ولا دوريه بعدين هذاك مكان مخصص للشباب
يعني مافيه اي مشكله

تكفون نبي يصير فيه ترتيب للسيارات ووقفات نصب , وانا ابي انزل موضوع بشباب عنيزة وفاخرية عنيزة عشان عندي عضويات .

الموضوع في منـتديات شباب عنيزة
تجمع ملاك هوندا الخامس بالقصيم ( الموعد + المكان ) - منتديات شباب عنيزة Shabab Onaizah

الموضوع في منـتديات فاخرية عنيزة
تجمع ملاك هوندا الخامس بالقصيم ( الموعد + المكان ) - منتديات فاخرية عنيزة

مشكور خالد والله ماقصررت يالغلا

شباب لاتنسون اللي يقدر يجي معه شاهي قهوه حلا معجنات ( اي شي )
لايقصر
واهم شي لاتنسون الفروه ترا باليل برررررررررررررررررد

اقتباس:

---

المشاركة الأصلية كتبت بواسطة ebra

شباب لاتنسون اللي يقدر يجي معه شاهي قهوه حلا معجنات ( اي شي )
لايقصر
واهم شي لاتنسون الفروه ترا باليل برررررررررررررررررد

---

الله يعين على البرد ومشكور على التنبيه والله يعطيك العافية .

ان شاء الله

والوعد هنااااك :d

:(

عيال دخلت سيارتي الوكاله امس وراحت علي نومه اليوم :(

ولا بتطلع الا يوم السبت

اعتذر :$

تم التجمع ولله الحمد و كان حظورآ مميزآ ورائعآ و رغم برودة الجو إلا أن حرارة اللقاء و السوالف طغت عليه بإنتظار التقرير من Ebra

الحمد لله تم التجمع على الخير
وفيه واحد شكله مضيع رايح لام رقيبه اليوم وسحب علينا
لكن التقرير في الطرييييييييييييق ان شاء الله

بس ياشباب وش رايكم التجع الجاي باستراحه
ويكون قطيه بين الشباب مقدار 30 - 40
ويصير قيه عشاء وبلاستيشن ولعب كوره ووناسه

ابراهيم ياخلفهم متى تنزل التقرير ؟