عرض للطباعة
السلام عليكم كيفكم شباب بداية اتمنى للجميع دوام الصحة والتوفيق موضوعي
بالمختصر انا من فترة ادور على اكورد اسيبشل 2010 ولقيت في معرض سيارات
لون فضي بسعر82000 عالزيرو بضمان الشركة
هل اللون مناسب؟
هل السعر مناسب؟ وماسك بعد البيع
بخصوص القطع والله احترنا الي يقول غالية والي يقول سعرها طيب وقريب من
التويوتا
والله اني في حيرة اش رايكم اخذها ولا اخذ كامري
مع اني والله اعشق الاكورد
تكفون ياشباب اشيرو علينا الله يوفقكم لكل خير ويرزقكم امين
كلك نظر يالغالي
صلي صلاه الأستخاره وبي التوفيق
اقتباس:
المشاركة الأصلية كتبت بواسطة شرقاوي هاوي
شكرا اخوي على تجاوبك
يعني قصدك اتوكل واشتري :cool: طبعا بعد الاستخارة
بالنسبه للون فهذي مسألة ذوق ..
اما السعر فأعتقد هذا سعرها جديده في الوقت الحالي في كل مكان .. لكني اشوفه غالي بالنسبه لي
اسعار القطع مابين الغاليه والمتوسطه وتختلف من قطعه لقطعه
وبينها وبين الكامري .. انا اشوف ان الاكورد افضل من الكامري
وبالنهايه هذي سيارتك وهذا قرارك
استخر وتوكل على الله والله يوفقك
ومبروووووك مقدماً واله يعطيك خيرها ويكفيك شرها ولا يوريك فيها مكروه
مشكور اخوي عالنصيحةاقتباس:
المشاركة الأصلية كتبت بواسطة fares__ksa
وياريت نسمع رد الاخوان ولا يبخلو علينا
صراحه السعر حلو ومناسب واتوكل على الله والفضي اللون لك وللزمن زي مايقولو
وين بقية الشباب الطيبين ياريت يفيدونا ولا عليهم امر
اخوي كلهم سيارات ممتازة وعملية و مرغوبه عند البيع
توكل على الله وخذ الفضي تراه جيد ع السبيشل
أخووي توكل على الله وخذها
وسعرها جدا مناسب مقارنه ب 2011
واللون ما عليه كلام :cool:.
الاكورد قوه تحمل تصبر عليك وكل شي مهما دفعت فيها راح تصبر عليك
وانت اذا شخص بتستخدم وش عليك في البيعه
متا ماجيت تبيعها تروح بنصيبها
الكامري اشوف انها مافيها شي جديد يعني نفس الديكورات
فانصحك بالهونداء
واذا انت بتاخذ مستعمل
في محل في الرياض في الشفا
في معارض الشفا اسمعه معرض السلام
دايم اشوف عنده هوندات
وبعضها نظيف وبعضعا الله يستر
تحياتي لك
الف شكر على الردود الطيبة
كلهم حمار مكده و كرف و اعتمادية و الاكورد تفرق بأنها افخم و ارسم
و بنفس الوقت على وشك يودعون الجيل الحالي يعني الكامري تقريبا 2012 بتتغير كليا و الاكور 2013 :)
و بالنهاية دامك محتار بينهم و هذا اهم شي لانك بالنهاية بتوصل لسيارة تخدمك فترة طويله
و تصويتي بيكون للأكورد و حبذا حبذا حبذا لو فيه لؤلؤي :)
والله يالغالي انصحك نصيحه لوجه الله ابتعد عن اللون الفضي غير مرغوب عند البيع ابدا ابدا ابدا < شريطي
وقيمته بالسوق اقل بكثير عن باقي الالوان حتى داخليته اسود ماتحس بفحامة السيارة
لو تبي لون يكرف ابيض لؤلؤي افخم واحسن .. وافضل عند البيع
وبالنسبة للسعر هذا سعرها الطبيعي الان وممكن تحصل اقل بعد فيه بعض المعارض بالصيفيه اذكرها يعني قبل 6 شهور كانت تبيع الاكورد سبشل جميع الاوان بنفس السعر هذا 82
وصدقني ماقول لك الكلام هذا الا عشان ماتندم بعدين وتكره سيارتك
وانت استخيير تحياتي لك
كسيارة الأكورد خذها و انت مغمض و بقولك شي
بعد 5 سنوات من استخدامك للأكورد ... ارجع لموضوعك هذا و شوف شنو بترد عليه؟!
للمعلومية انا عندي سيارة أكورد 2005 ... أبوي عنده أكورد 2006
بعد 6 و 5 سنوات السيارة هي هي الأكورد
مشكور اخوي على النصيحة وبيض الله وجهكاقتباس:
المشاركة الأصلية كتبت بواسطة غاب القمر
والله حيرة شديدة الحمد لله على كل حال
ياشباب اشكركم على تجاوبكم وبيض الله وجوهكم
عندي واحد من الشباب اشترى كامري 2010 كاش أعتقد بحول الثمانين
الأسبوع الماضي يقول لي طفشت منها كل ما أسوي مشكلة أطلع بمشكلة جديدة
يقول وداها لشريطي يبي يبعها أعطاه فيها 50000
عاد أنا أنصحك تبعد عن الكامري لأنه بيفتح عليك ويبهذلك وماعليه اعتمادية
http://www.hondaarabia.com/club/atta...1&d=1295884377
اللون مقبول وحلو
اول شي مبرووووووووووووووووووووووووك مقدمآ بالنسبه للون عادي جدآ انصحك تزود فلوسك شوي وتاخد لون غير الفضي ومن ناحيه الكامري ابعد عنها والله من كثر المشاكل الى فيها
اقتباس:
المشاركة الأصلية كتبت بواسطة ل ن م 311
اكيد شريطي بيسومها 50000
تبيه يسومها 87000 مثلا!!!
خخخخ :d
الللون حلو
مع تظليل خفيف
وغسل وامش وكسر ارقاب خل الله :d
اختيار موفق والله يطرح لك البركه
الاكورد افضل من الكامري بمراحل
خذ السياره الي تعشقها وتوكل على الله لانك لو خذيت سياره غير الي تعشقها راح تقول ليتني صبرت وخذيت الي في بالي.
موفق والله يعطيك خيرها ويكفيك شرها.
واللون الفضي ماعليه كلام
اللون اللؤلؤي اكثر لون منتشر .
انا ارشح الاكوررد لان اصلن مافي مقارنه وطبعا هذا مايقلل من جمال وقوة وتحمل الكامري واللون حلو بس المشكلة داخليه لونها اسود او نفس اللون:( وحلاة الداخليه تكون بيج:cool:
الاكورد افضل من الكامري بقووة من وجهة نظري في كللل شيء رساوة ديكور اكسسوارات شكل رسمية
السعر 82 الف مهب رخيص تراه لأنك بتلقى اكورد (((لؤلؤي))) لأن حلاة الاكورد لؤلؤية والداخلية بعد بيج بتلقاها بحدود ال88الف 2011 في المعارض ع الزيرو
نصيييحة دور ال11 اللؤلؤي السبيشل ماتفرق عن ال10الفضي الا 4-6الاف تقرريبا
والله انا اعتبر الاكورد افظل و افخم
السيارتين كلها حلوه بس أنت شوف إللي ترتاح لها أكثر جرب قيادة السيارتين وراح تفهم كلامي
كل وحدة تتميز بشي و يعيبها شي آخر . مثال الكامري أفضل قيادة داخلة المدينة لأنها سلسلة و الأكورد
افضل على الطرق السريعة لإنها أرسى و أثبت .
قطع الغيار الكامري أفضل و ليست ببعيدة عن الأكورد بالقطع الإستهلاكية
كلها تفحتفظ بقيمتها عند إعادة البيع ( متقاربة )
الكامري أفضل وكيل و أقل تعقيد و الأكورد أفضل أمان و جودة
الشكل الخارجي يعتبر ذوق
بالنسبة للون الفضي من الخارج لون ممتاز و لك ولزمن الخدوش ما تبين مثل الأبيض والألوان الفاتحة
ولكن المشكلة من الداخل لونها شعبيته قليلة مقارنة بالبيج لذا أنصحك زود عليها 5000 و طق 2011 أفضل
موديل و اللون إللي يعجبك إذا كنت تتكلم عن الاسبشل لأن سعرها 87000 بالمعارض أنا أخذتها أصفار قبل
فترة ولكن كانت بأسم واحد قبلي ( مال متدين ) بالوحات و التأمين .
بحكم تجربتي للكامري و الأكورد أفضل الأكورد .
وأتمنى لك التوفيق
كامري <<<< ههـااااااااااااااااااااااااااااااااااااااااااااااا ااي
شف الحبيب كانك تبي تشتغل تكسي خذ كامري وكانك تبي سياره دلع وفخامه خذ هوندا
ويكفيك اسمها هوندى أكورد شف الاسامي مو تيويا كامري وشدعوا
وأبو لو شرها لي لاكب عليها بنزين بريال واولعبه
ما حبيت اظيق صدرك بس خذ نصيحت الشباب واستخر ربك وشف السيارتين وفكر
وموفق انشالله
اكورد طبعا
شف الفرق بالمواصفات بين 2010 و 2011 واذا شفته مايستاهل خذ لك 2010 عالزيرو
بالنسبه للالوان انصحك العودي او الفيراني لان الؤلؤي تبان فيه العيوب والسمكره الخ وراح يرفع ضغطك اذا جاه خدوش
وبصراحه الفضي حلو مو بطال وفي النهاية اذواق شوف الصور واحكم
http://up4.m5zn.com/9bjndthcm6y53q1w.../w12cnteb9.jpg
http://images.aarabladies.com/media/...dcdf3aae9d.jpg
أنا خويي طلع كامري الفل 2011 من حوالي 3 أشهر من المعارض بحدود 84 ألف ودحين جالس يتحسر على الفلوس اللي دفعها، يقول سيارة تعبانة بكل معنى الكلمة،، حتى إنه ركب معي كم مرة في السيفيك وقال لي ماشاءالله تبارك الله، أعجبته في الهدوء وجودة الديكورات الداخلية، قلت له أجل كيف الأكورد :cool::cool::cool:
أخوي توكل على الله وخذ السيارة بس لاتنسى صلاة الإستخارة وهي المهم،، وبالتوفيق أخوي...
والله ياغالي انا كنت محتار مثلك مابين اكورد وكابرس وكامري
جربت الكابرس مع اخوي 6 اشهر لقيت مالي مصلحه بتاااااااااااااتا اعطال والسيارة ثقيله على الرغم من المواصفات والرساوة ...
الكامري جربتها اسبوع ياخي احس اني راكب سيارة بدون سقف وقزاز خخخخ العزل زفت لكن الجودة يمدحونها
غير كذا الكامري احس مافيها فخامة نهائيا وانتشارها قلل هيبتها بشكل كبير
والان ولله الحمد اخذت اكورد 2008 فل كامل لون اسود والموتر مثل العسل لكن له معي حوالي اسبوع ..
والله يكتب لك الي فيه الخير
الأكورد ميزتها تتحمل معااااااااااااك
وانا أشوف السعر زايد شوي , لكن الي يعجبك وداش راسك اشتريه على طول