عرض للطباعة
السلام عليكم و رحمة الله و بركاته
عندي سيارة هوندا أكورد 2005 أربعة سلندر
أخواني الكرام ساعدوني إذا أحد حصلت له هذي المشكلة من قبل
رجة قوية في السيارة و هي واقفة عند الـ n أو dو السيارة واقف
غيرت كراسي الماكينة ما راحت المشكلة!
كراسي الجير ممتازة و ما فيهم شي
البواجي جدد
الثروتل-بودي منظف
فلتر الهوى اوكى
أحد مرت عليه هالمشكلة من قبل؟!
وعليكم السلام ورحمة الله وبركاته
هل عندك تقطيع اذا مشيت ؟
لا يا أخوي السيارة حلاوة في كل شيء إلا الرجة القوية
أنا بوديها الوكالة بكرة بس خايف يرقعوني كم يوم أو يقولوا لي تصليحها بذاك الحساب
السلام عليكم ورحمة الله وبركاته
يا اخي العزيز مشكلة الرجة هذي موجودة عندي ورحت للوكالة اكثر من مرة وفي الاخير قالولي ما نعرف وش المشكلة وانا الحين مطنش الموضوع وخليها على ربك
سيارتي : اكورد 2005
غيرت كراسي مكينة وجربكس ومازالت موجودة .
والله يا أخوي انت وفرت علي كثير
تعرف روحة الوكالة تآخذ مني وقت كثير
والله إنه وقت ضيق مرة في الشغل و ما عندي وقت حتى اجلس مع أهلي
و عارف لو وديت السيارة الوكالة غير الفلوس راح أضيع وقت كثير
أنا بطنش الوضع و خليها على الله .... بس الرجة مو طبيعية ترج السيارة كااااملة الكراسي و الدركسون!!!
غريب الوكالة ما يعرفوا حل المشكلة!!
نفس مشكلتك حتى الطبلون ينتفض تقول بردان :(
والطآره والباب اذا كان مفتوح بنتفض بعد
وش السسوات مع ذي الرجه !؟
نفس الهرجه :mad:هوندا 2005والظاهر هذا عيب مصنعي والاخوان الئ باوكالة ماعندك ماعند جدتي قديمه صح
1-غير كراسي المكينه
2-غير البواجي
3-غيرت فلتر الهواء
4-غير كراسي القير
5-تنضيف تروث البدي
ولا توصلو لحل وفي الاخير قالولي عندك مشكلة في الكمر حق المكينة علما ان يوجد به حقه موخفيفه الخفيفه وتوصلو الئ حجه ما اقول الا الله يعيننا
أنا موتري ما يعاني نفس المشكلة وأعرف أكثر من واحد معه 2004 و 2005 و2007 كلهم مواترهم سليمه أنا أبي أعرف ليش إذا ما لقيتو حل للمشكلة قلتو عيب مصنعي :mad: الورش هي إلي راح تأخذ فلوسك وبدون فائدة بعكس الوكالة تدخلها عندهم وأنت مرتاح وتطلع من عندهم وما ترجع لهم بعكس الورش إذا طلعت من عندهم لازم ترجع لهم مرة أو مرتين <<< ومو كلهم طبعا فيه بعض الورش شغلهم من أحسن ما يكون .
وصاحب الموضوع أنا أقول أختصرها على نفسك وودها الوكالة خلهم يفحصون المشكلة بعدين أنت قرر يا تصلحها عندهم أو برى الوكالة .
كيف صرفية البنزين عندك ؟
السيارة وهي باردة فيها صوت طقطقة ؟
سؤال أخير شيكت على حساس فلتر الهواء؟
صرفية البنزين والله عند 470 أو 480 كلم ... أنا يومياً أسوق في الخط السريع الهايوي
طقطقة مافيها نهائياً ... الرجة تجي لما أعشق القير للـ n أو d
شنو حساس فلتر الهوى هذا؟!
الرجة موجودة عندي والي سويته
1- غيرت كراسي المكينة
2- غيرت كراسي القير
3- غيرت كراسي الكمر
4- نظفت الثورتل بدي
5- غيرت فلتر الهوا وغطا فلتر الهوا والخرطوش الي يوصل من فلتر الهوا الى الثورتل
والرجة زي ماهي
اقتباس:
المشاركة الأصلية كتبت بواسطة nice accord
السيارة تمشي 450-470 ك بعدين تولع اللمبه
ايه نعم فيه صوت طقطقه
ان كانك تقصد حساس الثورتل الي بالخرطوش ايه نظفته
ان كان عندك حل تكفى قله لنا
أنت تقريباً نفس مشكلتي ... شنو صوت الطقطقة الي يطلع عندك؟!اقتباس:
المشاركة الأصلية كتبت بواسطة slaitr
أنا كان يطلع عندي صوت عند بكرة الشداد، غيرت الرمان و راح الصوت
^^^
طيب كم كلفتك مع شغل اليد ووين؟
الورش قالت لي غير الشداد كامل وخبرك الشداد غالي
بالنسبة للرجه شكل مالنا الا نرضى بالامر الواقع ونعتبره مسّاج:)
أنا غيرت الرمان الي تحت ... والله مادري كم سعره بصراحة بس تقريباً من 300 ريال
شغل اليد كان 300 ريال لأنه تم تغيير كراسي المكينة الثلاث و نظف الثروتل و سوى كم شغله
هذا كله سويته في ورشة، و الرجة ما راحت ... رحت ورشة ثانية و شيك على السيارة ما شاف أي مشكلة
أنا حتمال أودي السيارة الوكالة بكرة و بشوف شنو يقولوا ... أكثر من 500 ريال مو حاط فيها
اقتباس:
المشاركة الأصلية كتبت بواسطة slaitr
إذا كانت الرجة خفيفة طنش وإذا لا
إحتمال تكون الرجة ان واحد من البلوف مسكر شيك على البلوف
هل فيه أحد من اللي عندهم المشكلة نظف البخاخات ؟
وش نوع البنزين المشتخدم؟
مجرد توقع و أتمنى تلقون الحل
السيارة حالياً في الوكالة و بشوف شنو يردوا علي اليوم
الرجة قوية جداً جداً مو طبيعية حتى المهندس استغرب منها الماكينة تهتز بقوة
أنا وديتها ورشة هوندا و قالوا كل شي أوكى مافيها شي!
البنزين 95 الأحمر
نشوف شنو يصير
هلا فيك و الله يالغالي
بما إنك جربت كل الحلول فيه حل أخير و إن شاء الله ينفع سوي للسيارة تنظيف بخاخات وشف كيف وإن شاء الله تكون حل للمشكلة و عندك قلف اكسبريس يسوون تنظيف للبخاخات وشغلهم تمام على ما سمعت
وسلامتك ،،،
عندي هوندا أكورد ماشي 60 ألف ما تركت شي فيها إلا وبدلته :confused:
بس للحين فيها رجه عند d , r رجه قويه
بس الشي الوحيد للحين ما بدلته هو السياره كامله :mad:
مادري وش الحل وياها :confused:
توها الوكالة متصله بي
عشان الكل يعرف غش و نصب الوكالة ...
يقولوا المشكلة كراسي المكينة
كراسي الماكينة جدد و أصليين من عندهم فكيف تكون هي المشكلة؟!
راح أجيب لهم الفواتير و نشوف كذبهم و خداعهم
أنا أفضل لي أبيع السيارة دام وكيلها مو عارف مشاكلها!
وش رايك تسوي تصفية مكينة .؟
(تغيير البواجي + الأسلاك + تنظيف البخاخات ) اتوقع تنحل بأذن الله
ارفع الكمريشر /الهوى الي واحد او اقل
ملاحظه : انا حصلتي مشكله قريبا جدا منكم وخسرة علي السياره عند الورش 2000ريال بدون اي فايده ورحت للكهربائي امير والحمدالله تمام ولها 5شهور
انصحكم بزياره الكهربائي امير موجود بمكه في ورش شارع الحج عند سوق دواس ومايتفنن في السيارة اذا يعرف يسويها لك واذا ما يعرف يقولك ما اعرف وديها الشركه احسلك
وهو مشاء الله معروف عند اهل الورش
روح الشركة <<< انصحك
اقتباس:
المشاركة الأصلية كتبت بواسطة german iv ever
يالغالي جرب ونظف البخاخات عند محل تغيير الزيوت يلي هو قلف اكسبريس سمعت انهم ينظفون بخاخات
لان من اسباب الرجة إن البخاخات تكون محتاجة لتنظيف
وسلامتك ،،،
اقتباس:
المشاركة الأصلية كتبت بواسطة nice accord
قبل سنة شيكت على البلوفات ومافيها شي
اي نعم قبل سنتين نظفت البخاخات وسويت تصفية للمكينة
91
يا جماعة أنا عندي نفس المشكلة أحد حلها منكم ؟؟؟
ماعليش صح أن الموضوع قديم بس عشان ألأعضاء الي مشاركين هنا كانت نفس المشكلة عندهم ,,, إذا حد يعرف واحد منهم يخبره يحلنا المشكلة بارك الله فيكم
احتمال تكون تحتاج وزن البلوف وتنظيف حساس tps