استفسار بشأن ثبات الأكورد !!!

بسم الله الرحمن الرحيم

السلام عليكم ورحمة الله وبركاته


اخباركم :)

شباب فيه حاجه تقهرني بالأكورد ؟؟؟؟

وهي اذا جيت تاخذ لفه بقووووه تحس ماشاء الله السيارة ثااابته وتسمع صوت كفراتها اذا قامت تزحف شوي

حلو


وبعض الاحيان تزوح " تزحف" بدووووووووووووووون صووووووت :confused:

وش السبب ممكن

يعني اليوم وانا رايح للجامعه تزحف بدون صوت وصعب التحكم فيها

وانا راجع تزحف بصوت واقدر اتحكم فيها

يعني هل تتوقعون السبب بأن الصبح الكفرات بارده ؟؟
والظهر حاره

بس حتى لو بعض الاحيان تصير الظهر

ومعليش ع البربره الزايده :d

ومشكورين ...

والله مافهمت شي ومادري وش الزحف الي تقصده ...

:confused:

ماعرفت

.............

مدري كيف اجيب لك كلمه اوضح ؟؟؟

طيب يعني لما تاخذ الدوار بسرعه

فيه سرعه محدده وتسمع صوت الكفرات

هذا اللي اقصده

ترى صوت الكفرات الي قصدك عليه حووووووط حييييييط حوووووط لو سمعتو غير كفراتك فدا يدل ان كفراتك معدومه وممسوحه

اقتباس:

---

المشاركة الأصلية كتبت بواسطة غسانR

ترى صوت الكفرات الي قصدك عليه حووووووط حييييييط حوووووط لو سمعتو غير كفراتك فدا يدل ان كفراتك معدومه وممسوحه

---

ايه هذا الصوت

هذا يطلع لما اخذ اللفه بقوووه او الدوار

لكن بعض الاحيان مايطلع الصوت والسيارة تحذف <<< كلمه جديده:d

يعني كأنك تاخذ الدوار وتسحب فرامل بنفس الوقت وخلفية السياره تحذف كانها ع مويه بدون صوووت


فهمتوا الحين :(

هذا الطريقة تمسح الكفرات لك من الجنب ومن نصها الكر يكون نظيف

فالنصيحة لك خذ الفة بالدووار وانتا مهدي افضلك وسلامتك

يعطيك العافيه انا عارف

لكن فيه ناس يقللون من ثباتها واخليهم يركبون معي :d


وبعض الاحيان العجله الله لا يعجلنا ويستر علينا

يمكن السبب ان لمن تطلع صوت حييط حييط تكون ماكل بطاطس وقتها :d

امزح امزح

نصيحه مني اخوك لاتسوي اصوات ولا شي بيعدم السياره واتوقع السبب نفس الاسفلت اذا كان نظيف او فيه حجر

لالا

تصير الحركتين بنفس الازفلت :(

يعني لااازم تعرف ايش السبب :d

يالييييييييت :d

وعليكم السلام

هههههههههههههه انكب غسان

شوف نواف انا يطلع معي صوت بالكفرات اذا لفيت بقوه ولكن اذا كان معي اشخاص راكبين ورا اما بدونهم لا

والشي الثاني قوة اللفه يمكن تفرق معك لانك صعب تقيسها بالملي

ونوع الكفرات لها دور بعد

^^^

هههههههههههههه خله يبي يستقعدلي استقعدت له :d


انا ماجربت ومعاي ناس اخاف اجيب فيهم العيد

يعني اجرب لحالي او معاي واحد :d

يعني يصيرلك مثل مايصيرلي

الكفرات برجستون

المهم يعطيك العافيه خيو مشار ي :)

اها يعني قصدك السيارة تنحرف عن المسار وماتقدر تتحكم باتجاهها .

انا ماقد صارت معي مع اني جربت الانعطاف بسرعة اكثر من 80

لكن كفراتي لينه شوي وشبه جديده

لذلك اظن لو تغير الكفرات تتخلص من المشكلة

او اذا موديل سيارتك اقل من 2008 فما ادري ان كان هذا شيء طبيعي فيها ..

غريبه سالفتك

انا اكثر من مره الف بسيارتي بقوه على سرعات وترجع السياره من نفسها
بدون مااسوي لها شي < ماشاءالله ويشتغل vsa في الطبلون
وهذا النظام الي يميز سيارات هوندا

اقتباس:

---

المشاركة الأصلية كتبت بواسطة the golden accord

غريبه سالفتك

انا اكثر من مره الف بسيارتي بقوه على سرعات وترجع السياره من نفسها
بدون مااسوي لها شي < ماشاءالله ويشتغل vsa في الطبلون

وهذا النظام الي يميز سيارات هوندا

---

سيارتك 2007 وفيها هالنظام ؟؟

طيب وت اباوت 2008 ؟

اقتباس:

---

المشاركة الأصلية كتبت بواسطة The Golden Accord

غريبه سالفتك

انا اكثر من مره الف بسيارتي بقوه على سرعات وترجع السياره من نفسها
بدون مااسوي لها شي < ماشاءالله ويشتغل vsa في الطبلون

وهذا النظام الي يميز سيارات هوندا

---

هالنظام موجود في اغلب السيارات بمختلف المسميات و لكن لنفس الغرض :cool:

اقتباس:

---

المشاركة الأصلية كتبت بواسطة Silver Aurion

هالنظام موجود في اغلب السيارات بمختلف المسميات و لكن لنفس الغرض :cool:

---

صدقت لكن الاكورد هي الاول في سيارات الدفع الامامي
في الثبات في المنعطفات :d او مايسمى بالرساوه

( من فئتها )

اقتباس:

---

المشاركة الأصلية كتبت بواسطة دنيآ الغرور

سيارتك 2007 وفيها هالنظام ؟؟

---

اقتباس:

---

المشاركة الأصلية كتبت بواسطة دنيآ الغرور

طيب وت اباوت 2008 ؟

---

2008 اعتقد حطوه في v6 فقط

مع واحد من الشباب عنده 2010 سبشل فيها النظام

الـ vsa يشتغل اذا زلقت السياره ويطلع صوت قوي [طررررر] لكن السياره تتعدل غصب ومن فوق خشمها :d

2008 مافيه الا بالـ سته سلندر , 2009 وطالع موجوده بكل الفئات ..

^^^

عليك نور

بس بعض الاحيان مايشتغل ؟؟؟

^^^

لان السياره ماحتاجته

^^^

بس السياره تحذف تزوح تزحف <<< نفس المعني :d

زحفه عن زحفه تفرق

الاكورد تحس

يعني اذا حسّت انها بتجيب العيد بالرصيف ولا بالنخله اشتغل النظام

اما اذا شافت الوضع تمام ومافيه صبه قريبه , ما اشتغل النظام ,

ماخذتها وناسه , :d

عندي سؤآل اللفـآت لمـآ تتآخذهـآ كم تكوون مـآشي ؟؟
آنـآ كذآ مره آلف على سرعـآت والحمدالله لآصووت ولا زحف آلا مره وحيده <طـآح قلبه :d

طيب والي معه 2008

ماتحس بشي يعني :d

اقتباس:

---

المشاركة الأصلية كتبت بواسطة عاشق السوسو

عندي سؤآل اللفـآت لمـآ تتآخذهـآ كم تكوون مـآشي ؟؟


آنـآ كذآ مره آلف على سرعـآت والحمدالله لآصووت ولا زحف آلا مره وحيده <طـآح قلبه :d

---

يعني الدوار 70 والدايري 90 :d

والله يا نواف حيرت المنتدى كله كل الي يدخل يقول وش ذا النشبه
هههههههههههههههههههههههههههههههههههههههههههههههه حرام عليك
حتى ميشووو يأس منك
انا اقولك بواقع تجربه انا عند دخلت الحي في لفتين قوية وحدة يسار والثانية بعدها على طول يمين <<<ساكن في حلبة رالي
مره تطارحت انا وولد جارنا هو معاه سوناتا انا أخذت اللفه الاولى وانا ماشي 100 طبعا السيارة زحفت شوي و اللفه الثانية هديت شوي وأخذتها مشيت حلاوة يعني يعتمد عليك انت في طريقة اللفه
لا تقولي وش سوى جارك لانه مسكين حسب نفسه معاه اكورد و لف معايا بقوة والسيارة كانت راح تحوووووووص عليه وصلنا الحارة قعدة اضحك عليه كان حيلبس في الصبه الي مع اللفه

اقتباس:

---

المشاركة الأصلية كتبت بواسطة اكورد مودي

والله يا نواف حيرت المنتدى كله كل الي يدخل يقول وش ذا النشبه
هههههههههههههههههههههههههههههههههههههههههههههههه حرام عليك
حتى ميشووو يأس منك
انا اقولك بواقع تجربه انا عند دخلت الحي في لفتين قوية وحدة يسار والثانية بعدها على طول يمين <<<ساكن في حلبة رالي
مره تطارحت انا وولد جارنا هو معاه سوناتا انا أخذت اللفه الاولى وانا ماشي 100 طبعا السيارة زحفت شوي و اللفه الثانية هديت شوي وأخذتها مشيت حلاوة يعني يعتمد عليك انت في طريقة اللفه
لا تقولي وش سوى جارك لانه مسكين حسب نفسه معاه اكورد و لف معايا بقوة والسيارة كانت راح تحوووووووص عليه وصلنا الحارة قعدة اضحك عليه كان حيلبس في الصبه الي مع اللفه

---

ههههههههههههه

وش اسوي :d

اخيرا جت كلمه متداوله :d تحوس او تحوص كلها واحد

هههههههههههههه


تشكراتي ع مرورك :)