>>> ماهي اعلى سرعه جبتها في الاكورد <<<

بسم الله الرحمن الرحيم

السلام عليكم ورحمة الله وبركاته وبعد

كيف الحال ان شاء الله ؟

المهم بماا انه اول موضوع لي زي ماهو موجود في العناون

اليوم نبغاء نعرف اعلى سرعه جبتها في الاكود بجميع موديلاتها

مفتوح للجميع ملاك الاكورد وهل تواجهك مشكله عندم تجعل

السياره في سرعه مابين 140 - 210 وهل هي راسيه في الاخط

للعلم بكرا بتطلع سيارتي الاكورد 2011 فل كامل 4 سرندل
لون لؤلؤي :cool:
بنبغاك تشارك معنا وتفيدنا يا اخ العرب
ملاحضه : اذا الموضوع مكرر فزيادت الخير خيرين ;)
تقبلو تحياتي لكم XxX obs Biue XxX
العنوان: http://www.hondaarabia.com/club/images/icons/icon2.gif
>ابو رــــنيم<

اعلى سرعه جبتها كانت 215 :d وبعدها بالضبط فصلة الوكاله, المصيبه انه جبتها انا من هنا وامن الطرق يميني من هنا :d
بس الحمدلله مشي الحال بعد الكثير من المناوشات خاصة إنه انا ما كنت حامل لا رخصه ولا استماره :d
واللي معي زميل الي مانو سعودي مبلغ عنه هروب

ههههههههههههههههه بالله ابعد عني اخاف انمسك واروح بخرايطها
هههه اتمنى تقبل مزحي شوي وشكرا على المرور السريع
تحياتي

انا اخر سرعة جبتها 140 :d

انا جبت الفصله وكانت على الـ 220 حدودها طبعآ مره وحده ومرت على خير لأني ما احب السرعه والسياره راسيه الحمد لله بكل سرعاتها لكن لا يفسر الامر بأنك تمشي بسرعه عاليه وتاخذ منعطف حتى لو كانت السياره مرسيدس ممكن تقابلك حفره بالمنعطف او اي شيء اخر تكون اخر لحظات حياتك

لو الطلبون 260 صح
لكن مخلينه يفصل على 215 حركه مال امها داعي
عشرين الف سياره بتشطفك وانت تضحك فلذلك اركد احسلك وسو فيها موترك حق روقان مو حق دعس
لانك لو دعست مابتشفر غير مع الكرس 84 غيرها لا قومه ولا خط
وبالنسبه لاعلى سرعه سدحنا ام الطلبون الين قامت السياره تناقز تقول معك واحد يكع بالفرامل الله يقلعهم
بالنسبه للرساوه الرساوه تكون مابين 80 الى 150 كاقصى حد
بعدها دور رحمت ربك لا رساوه ولا هم يحزنون
وبالتوفيق للجميع

اقتباس:

---

المشاركة الأصلية كتبت بواسطة دنيآ الغرور

انا اخر سرعة جبتها 140 :d

---

يووووه :eek:

شكلك كنت مسررع :d

ههههههههه يعطيكم الف عافيه على ردودكم الي توسع الصدر ;)

120 بس :cool:

وش الفائده من السرعه ماورها الا المصايب !

اقتباس:

---

لو الطلبون 260 صح
لكن مخلينه يفصل على 215 حركه مال امها داعي
عشرين الف سياره بتشطفك وانت تضحك فلذلك اركد احسلك وسو فيها موترك حق روقان مو حق دعس
لانك لو دعست مابتشفر غير مع الكرس 84 غيرها لا قومه ولا خط
وبالنسبه لاعلى سرعه سدحنا ام الطلبون الين قامت السياره تناقز تقول معك واحد يكع بالفرامل الله يقلعهم
بالنسبه للرساوه الرساوه تكون مابين 80 الى 150 كاقصى حد
بعدها دور رحمت ربك لا رساوه ولا هم يحزنون
وبالتوفيق للجميع

---

ههههههههههههه
صآدق والله السرعه مآفيهآآ خير

أنا وصلت للـ 180 وقآمت رجولي تتنآفض

ياراعي الموضوع الله يعطيك خير السياره ويكفيك شرهآ وع البركه

اخر سرعة وصلت لها كانت 200 بعد ما اشتريتها بيومين في الخط السريع بس ما مداني ادعس اكثر لان فيه سيارات قدامي يعني اذا طولت للفصلة حفصل عند مسجل سيارة الي قدامي
ههههههههههههههههههههههههههههههههههههه.

أول كنت أسرع ومتهور بس من عقب ما صورني ساهر خلاص مثبت السرعه 120 -125 .... والصراحه نظام ساهر أدبنا صحيح سرقه فلوس بس بالنهايه خلنا مانسرع والله السرعه مامنها فايده ولو لاقدر الله صار بنشر ولا خلل بالسياه 120 تقدر تتفاده غير 160 ولا 180 يحمد ربه إذا واحد الله نجاه .... وآســـــــــــف على الإطاله

انا عندي اكووورد 98 جبت طبلونها 240 ونزل بعد ما ادري كم وصلت بالضبط

وعندي مرسيدس اس 2001 بدون فصلة ينزل تحت ال260 بس هذي ما اسويها الا على خط مطار الشرقية

انا جتني فتره ماامسك خط الا وتشوف الموتر يطق له 12 مره >> الفصله

لكن من تالي تأدبت :d

والموتر اتعب وانا اقول لك راسي خصوصا على الخطوط برا المدن

والله يبارك لك بسيارتك

الله يرحم بس, اول ما طلعت الموتر رحت لحق الوكاله اتضاربت معاه إلا يخلي السياره تفصل ع الـ120 يقولي ما اقدر يابن الحلال, واروح للصيانه و و و و وبالاخير ما استفدت,, كله خوف من اني اسرع لأني اعرف نفسي لو مسكت خط وشفته فاضي قدامي راح احط رجلي فيها,, بس تراها رااااااااااااسيه ما شاء الله تبارك الله
ويا ابو رنيم مبروك عليك السياره الله يعطيك خيرها ويكفيك شرها.

يلي اذكره بالكثير ما تعديت 140

ولكن عادة 120 - 130 ومع ساهر ضنتي بنفضي الجير و نرتاح :)

و الحمد لله ماني من محبي السرعة و التهور

انا والله كان معي مكسيما قبل واطاير عليها يوم شريت الهوندا ركدت مرة خصوصا الاربع سلندر ماتعطيك مرة
فقلت اركد ابرك لي ..

كان عندي اكورد كوبيه 99 وصلت لل 215 للفصلة

والحين عندي 2004 اخر سرعة وصلت لها 220 على الفصلة وكنت طالع مع لومينا 2006 ال اس خط من الثمانين

طلع عني وبين صدامي وصدامه مترين .. :)

عاش الاكورد

200 :) كآن معآي النوم والجوع :d

أعلى سرعه وصلتهـأإ هي 225 مع الفصلة وإلأا كان جبتهـأإ حد ما تجيب

اخر سرعه جبتها 220

لكن تندمت يوم وصلت قلت لو اني ضرب علي كفر وانقلبت وش بستفيد ..؟

السرعه ما فيها خير ولو لا قدر الله انقلبت وجاك شلل بتتندم

كم من واحد فارقناه والسبب السرعه ..؟

احيانا ما نقدر نسيطر على السيارة .. ولا يغرك رساوة السيارة .. فيه بانورامات تقلب !!

ما اقول الا الله يحفظ الجميع بس ..

الرساوه معاك في الاكورد والسرعه 210 وتفصل
بس خلك على 120 الى 140 ازين لك وتريح راسك
وتقدر تتحكم في السياره لاكن على 200 وش تتحكم فيه

اقتباس:

---

المشاركة الأصلية كتبت بواسطة Solidus 2010

200 :) كآن معآي النوم والجوع :d

---

نوم + سرعة +جوع =خلطة دمار شامل<<الله يستر عليك بس لا تعاودها
اهديك هالمقطع
([ame=http://www.youtube.com/watch?v=mIcG2lnDmqk]YouTube - sleep driver[/ame]) لاحظ انو غفى لثواني.
اما بالنسبة لي انا كان عندي كابريس 2006 اس اس طبعا انا قمت عليه 160 بس حبيت اكملها واوصل 260 والله واجيبها وتكفشني دورية سرية و لا رضيت اوقف من يوم عديت كوبري الصالة ضرب علي كفر امامي جهة الراكب و هذي اخر مرة اشوف طبلون فوق الـ120 والنتيجة صفيحة فالجمجمة و 4 ضلوع مهشمة وشظايا فالحبل الشوكي واسياخ فرجولي الثنتين زراعة كبد وما طلعت من العناية الفائقة الا بعد 3 شهور و 14 عملية جراحية و سنة كاملة علاج طبيعي وهذا كله والدكتور يقول انت ربك ستر عليه هذي اخف الاضرار اللي ممكن تحصل على هذي السرعة وهذا غير ان امي كان كل يوم كابوس بالنسبة لها وابوي فحالة لا يعلمها الا الله وكمان مستقبلي راح كنت ادرس طب واضطريت اني اعيد الجامعة من اول ولله الحمد تجاوزت محنتي بعون من الله ثم امي وابوي الحين بعد 110 رجولي تنافض انا ما قلت كل هذا الكلام عشان اقول شوفوني صارلي حادث لا والف لا انا ذكرته عشان اشوف بعض الشباب الله يهديهم يتفاخرون بالسرعة وانا والله ان حياتي كان بتروح بسبب تهور ثواني .. شهوة لثواني..نفس ضعيفة لثواني.. آآآآآه ما اضعفك يا ابن ادم
اختم كلامي واقول (لا تسرع فالموت اسرع)

^^^ الحمدالله على السلآمه والسرعه مـآفيهـآ خيير بس يـآخي يجي وقت لآزم تشوف فيه رسـآوه الموتر آنـآ جربتهـآ مره وحده في خط الشرقيه من بعد التفتيش آلآول لحد الخبر 218 فصلت الهوندآ والحمدالله ربك ستر بس جد لبى الهنـآدي ولبى رسـآوتهـآ :cool:

و الله انا شبه اسبوعيا لازم اخليها تفصل على ال220
و الحمد لله السيارة اوك
تمام و راسيه

الله يعافيكم على ردودكم العطره والسرعه مافيها خير
ولاكن مايمنع اذا شفت الخط فاضي تمشي 160 كحد اقصى :o
اذا مانت مستعجل امش 100 اصرف لك ;)

والله ياشباب احدثكم عن نفسي

انا شخص عاقل والحمدلله اقصى سرعه جبتها بحياتي 160 بحالات معدوده

ماعرف مقاومات ومطارحات ومادري وش المسميات الثانيه

من الخرابيط حقتكم ذي < اتعب انا ههههههه

المهم وانا جاي امس على الطريق السريع حائل القصيم

الا جنبي كامري من موديل 98-2002 < ماعرف بالظبط اجهل بعضات الامور ههههه

< ماقلت لكم مادري عن شئ

المهم انه يدز لين يتعداني ثم يهدي

ويولع لي النور الداخلي ويكبس ومادري شيسوي قلت ياولد

اول معك كابرس 92 كحيان مايوصل 120 الا كني امشي مليون من الهواء

والصجه واللجه

خلني امغط الاكورد جديده ووتطربك

والمهم وانا ادز

و150 و160 و180 ياشباب قمت ارتعش

حسسسسسسسسسيت بنشوه لاتقارنها اي نشوه

حسسسيت بالأثاره وقمت اناقز وارتعش وانا بمحلي

اطالع وين الكامري الا جنبي

وادز واوصل 200 210

الا الكامري يدز ويتعداني ثم يهدي

قام يتلاعب فيني

:( العن ام القهر اول مره ويصير فيني كذا

لعنبو حيه كم يمشي موتره مليون

امشي 210 ويدز يتعداني ثم يهدي لين يواسيني

وانا اهدي بعدها وابلع العافيه واصير رجال عاقل مرتن ثانيه

الا وهو يولع النور الداخلي ويطفيه


يعننننننننننننننننننننننننني اني قدرتك انت واكوردك

وانا ارمقه بهكالنظره العاقله

السياره وسيله وليست غايه

وليس هذا سباق سيارات مير توكل على الله

وخلك بطريقك وانا بطريقي

وياحلو ال140 وجاي وبسسسسسسسسسسسسسسسسسسس

محدثكم العاقل ابوريــم :)

هههههههههههه مشاء الله عليك رجال عاقل ومبين
لوني منك سحبت عليه وقلت له توكل على الله
ع العموم يعطيك الف عافيه على مرورك الحلوو

لو الطرق عندنا امنة مافيها مشكلة لو طريق زي هندسة طريق اوتوبان في المانيا كان عادي خذ راحتك

لكن في طرقنا تمشي وتلقى منخفض قدامك وقبل لا تنزل السيارة لمستوى المنخفض هذا يصير فيه كتلة هواء تحت السيارة يعني بالعربي تطير وما تدري كيف كتلة الهواء هذه متوزعة تحت ممكن بكل بساطة تطير وتنحرف برة الطريق وياليت فيه حواجز جانبية ماصة للصدمة بالعكس تنقطع وما تمتص الصدمة والمفروض الدولة تفتح تحقيق موسع في الموضوع هذا


[ame=http://www.youtube.com/watch?v=G6_Xt-2qDR4]YouTube - &#x202b;مشاكل السياج الحديدي على الخطوط .....!!؟؟&#x202c;&lrm;[/ame]


فيه موضوع شاركت فيه وكتبت اكثر من عشر نقاط عن الهندسة الصحيحة للطرق اللي تخلينا نمشي 300 فيها بامان لكن على مستوى الطرق اللي نستعملها يوميا اشوف ان 140 الى 150 كافي ويقارب مستوى الخطر

اعلى سرعه جبتها 230 على خط القصيم

و تبت بعدها امشي طبلون ...

و قتها كانت راسيه برضووا


بدران

يعطيك الف عافيه ع مرورك لااله الاالله المقطع مخيف
واخطر شي وانت مسرع وسياج الحديد قدامك
والله تروح فيها حلوه افكارك لاكن من ياخذ بها في عين الاعتبار
تحياتي لكم

السرعه ما منها الا الحوادث وترويع خلق الله

استجابتا لطلبك

اعلا سرعه 260 جبتها بعد فك الفصله

لكن ما انصح اي احد يفك الفصله لانها بتسبب لك مشاكل في القير والمكينه والكمبيوتر انت في غنا عنها

مع العلم سيارتي 6 سلندر

الله يستر على شبابنا ويهديهم ويكفينا وياكم الحوادث والكوارث

آخر سرعة جبتها بأكوردتي الحبيبة 180 كلم

في طريق جدة مكة القديم ( الجديد )

وبعدها حسيت أني طاااااااير وضربات قلبي صارت

أسرع من سرعة الصوت وليس سرعة 180 كلم

عموماً أعتقد أن هذا الموضوع أصبح من مواضيع الماضي

لأنه الآن وبكل فخر وبعد نظام الأخ العزيز سارق ( ساهر )

أعتقد أنه يكفينا مكينة بقوة 50 سي سي وسرعة 80 كلم

بحد أقصى والله يستر على الجميع ويخليلنا فلوسنا

من عيون سااااارق

وهناك مثل أنجليزي جميييييل جداً يقول

( إذا كنت مستعجل فسر على مهل )

وساهر في خدمة الشعب

185 لتجاوز جيوب لكزس و شاسيات 2010
لشيبان أهل قطر اللي كانو مثبتين السرعة 180

خخخخخخخخخخخ


ولا حظ أنهم شيبان ... فما بالك بالشباب

تحياتي

أعلى سرعة كانت بأكوردتي 2003قير عادي كانت 220 وكنت دايم عالفصلة مسرع علطول أما الان بالليجند 245كنت أتسابق مع أفالون 2011 وهوه فصلت معه على 235بس الله يكفينا شر السرعة وزي ماذكروا الاخوان ووضحوا خطوطنا ما بتساعد أبدا

حادث اكورد شنيع جدا وتناثر اشلاء الراكبين
[ame=http://www.youtube.com/watch?v=krxL_HtuWjY&NR=1]YouTube - &#x202b;حادث الاكورد ذكريات عكس يوم الخميس دانكن.mp4&#x202c;&lrm;[/ame]
واعتبروا يااولي الابصار

اقتباس:

---

المشاركة الأصلية كتبت بواسطة 2010 accord

نوم + سرعة +جوع =خلطة دمار شامل<<الله يستر عليك بس لا تعاودها
اهديك هالمقطع
(youtube - sleep driver) لاحظ انو غفى لثواني.
اما بالنسبة لي انا كان عندي كابريس 2006 اس اس طبعا انا قمت عليه 160 بس حبيت اكملها واوصل 260 والله واجيبها وتكفشني دورية سرية و لا رضيت اوقف من يوم عديت كوبري الصالة ضرب علي كفر امامي جهة الراكب و هذي اخر مرة اشوف طبلون فوق الـ120 والنتيجة صفيحة فالجمجمة و 4 ضلوع مهشمة وشظايا فالحبل الشوكي واسياخ فرجولي الثنتين زراعة كبد وما طلعت من العناية الفائقة الا بعد 3 شهور و 14 عملية جراحية و سنة كاملة علاج طبيعي وهذا كله والدكتور يقول انت ربك ستر عليه هذي اخف الاضرار اللي ممكن تحصل على هذي السرعة وهذا غير ان امي كان كل يوم كابوس بالنسبة لها وابوي فحالة لا يعلمها الا الله وكمان مستقبلي راح كنت ادرس طب واضطريت اني اعيد الجامعة من اول ولله الحمد تجاوزت محنتي بعون من الله ثم امي وابوي الحين بعد 110 رجولي تنافض انا ما قلت كل هذا الكلام عشان اقول شوفوني صارلي حادث لا والف لا انا ذكرته عشان اشوف بعض الشباب الله يهديهم يتفاخرون بالسرعة وانا والله ان حياتي كان بتروح بسبب تهور ثواني .. شهوة لثواني..نفس ضعيفة لثواني.. آآآآآه ما اضعفك يا ابن ادم
اختم كلامي واقول (لا تسرع فالموت اسرع)

---

الحمدلله على سلاآمتك أولاآ وربنآ يستر علينآ وعليك ولاآ يوريك مكروه ,, وجزآك الله الف خير على نصيحتك , السرعة شينة في جميع الأمآكن بسس انا ما أسرع إلاآ في خط الجنوب لأنه كآن وقتهآ فآآآآآآآآآآآآآآآآآآآضي , ومو طول الخط وانا داعس 200 , يعني متفآوت الدعس :)

بالنسبه للاخوان الي ذكرو تجاربهم المؤلمه للعضه والعبره

احب اشارككم لانه صراحه كلام اخوي 2010 accord مؤثر واتوقع له تأثير في بعض اخواننا الي يسرعون

لانه ما احد يحس بالمصايب الا من جربها وارجو الله محد يمر بمصايب الحوادث ويدعي كل ماشاف حادث يارب لاتورينا مانكره

ويدعي كل ماركب سيارته بسم الله توكلت على الله وهو رب العرش العظيم اللهم احفظنا عن كل مكروه ولا تفجعنا في مصائب الدنيا واذكر الله وان شاء الله مايصيبك الا كل خير

الزبده تجربتي بدات في صباح يوم الاثنين الموافق يوم 12 من شهر اغسطس 2009 كانت بداية دراستي في جامعة الامام يعني اول اسبوع من الفصل الثاني في الساعه 8 ونص صباحا وتحديدا تحت كبر العليا اشارة لكسز

كنت انطلق بسرعة 210 بالاكورد الي في الصوره نفسها ومن التهور كنت اخيط او بالاحرى اساقط بين السيارات وبنفس الوقت اكلم وادخن وكل شوي اشرب حمضيات

الزبده فيه صبات على اليمين طبعا بالوضع الي انا فيه والسرعه الجنونية وكثرة السيارات جيت ابسقط يمين بعد ماتعديت سيارة نقل كانت في الوسط لفيت بقوه لكن مثل ماقلت الوضع الي انا فيه ما اسعفني لتدارك الموقف

صقعت بالصبه الي يسار من الكفر الخلفي يسار وراحت السياره على وجهها في الجدار الي كان يمين وكملت تحوص وعلى وجهها مره ثانيه في الجدار وصار الي صار طبعا فقدت رجلي اليسار بكسر مضاعف اجبرني بترك الدراسه سنه كامله وبكذا راحت على سنتين عاطل وعدة رضوض بالجمجمه والصدر واليدين

لكن بحمد الله ومنته كانت تجربه مؤلمه وفيده والحمد لله الي جات على كسر وامور خفيفه

وهذي صوره من قلب الحدث صورها اخوي في صناعية ام الحمام

وفي النهاية اتمنى الكل ياخذ الحذر والحيطه من السرعه لا يغرك اكورد وراسيه ولا الشارع فاضي ترا الدنيا مالها امان

وشكرا
http://store1.up-00.com/Mar11/b3u71221.jpg

أخر سرعه جبتها كانت على الفصله 220 لاني كنت زعلااااااان هيا كانت مره من اول ماشريت السياره وما عاد عدتها وصدقني ترى السرعه قاتله !