وصلحنا طرمبة الدركسيووون والله ....

السلام عليكم ورحمة الله وبركاته ..

احبائي اعضاء هوندا الكرام اسعد الله اوفاتكم بكل خير ..

انا صراحة جاي اليوم وعلي علامات الاحباط شوي :d

يوم الاربعاء بعد صلاة العصر مدري وش جا على بالي وانا اشغل السيارة واسمع صوت الحنة الرائع :d

قلت الى متى هذه المعاناة ان شاء الله الشركة عمرها ما اعترفت بالعيب المصنعي ..

واروح واجزم اجيب قطع الاصلاح لاركبها ..

المهم بالبداية رحت ادور على ورشة ولقيت ورشة مدحوها شباب كثير مع اني بالاول كنت متوقع الي يشتغلون فيها جاهلين .. لكن جارنا يتعامل مع الي فيها من 7 سنوات ..

المهم سالته عن التكلفة قالي تكلفك 250 ريال شغل يد والقطع 150

قلت له لا انا بجيب لك القطع

المهم منا ومنا رضى اخر شي ب 230 ريال شغل يده

ورحت الوكالة جبت القطع مع علبة زيت وكلفوني = 115 ريال

رحنا الورشة وصورنا الشغل ومتفائلين ماشاء الله حولنا :d<< بنزل التقرير قريبا ..

المهم يوم فك كل شي قلت له بالنسبة للصوت وين الرمان الي خربان ويطلعه !

قالي موترك مافيه رمان .. الرمان من موديلات 2007 وتحت ..!!

تفاجئت شوي قلت ماعليه ان شاء الله يكون الصوت من الهوا ..

المختصر انه ركب كل شي ووصل وضبط وعبى الزيت ..

ويوم شغلت لقيت الصوت نفسه ماتغير نهائيا ...

السؤال هنا للي سبق وسوو اصلاح لموديلات 2008 وفوق !!

ايش السبب بالصوت ! معقولة الطرمبة !! طيب القطع الحين كلها سليمة

الجلد الي تركبت جديدة .. والقطع والمكونات الداخلية جديدة وبلمعتها 1

الحين مقروف ابي اشيل هالصوت مهما كلف كيف ؟؟؟

شكرا لكم ..


------------------------------------------
نرجع لكم ...

الكلام الاخير والي انصح الجميع يعملو فيه بعد ماعملت حصيلة تجارب على السيارة .,.,

علشان اختصر عليكم تشوفو وتقرو كل الردود ..

كما ذكرت اعلاه اني غيرت اصلاح الطرمبة .. توقف تهريب الزيت فقط لاغير..

جربت وغيرت رمان الشداد .. لم يتغير شيء ..

غيرت سير الماكينة وايضا لم يتغير شيء ..

الخلاصة المستنتجة ..

الطرمبة بعد مافكيتها داخليتها بالنسبة لي جديدة .. لكن مصدر الصوت من الريش الداخليه .. ولهذا مستحيل يروح الصوت الا بتبديلها لتاكل جزء من اطرافها .. رغم بسطه ..

عموما الي سيارته 2007 واقل يمكن يختلف شي بسيط بحكم وجود رمان داخل الطرمبة ويمكن تغييره ..

الكلام الحالي هذا الي توصلت له ولا يشترط انه يكون صحيح .,. لكن لايصال نتيجة التجربة على سيارتي ..

اجمالي التكاليف الي تمت لهالعملية..

115 قطع وزيت لاصلاح الطرمبة
250 اجور تركيب الاصلاحات .
25 رمان ايطالي افضل نوع(سعره بالوكالة 150ريال)
50 ريال اجور تركيب رمان(لوعارف شغلته بسيطه والله ماياخذ عشر دقايق)
285 سير وكاالة ..

الاجمالي = 700 ريال .,

انت من راسك سويت الاصلاح ولا صاحب الورشه قالك يبيلها اصلاح
اذا هو قلك هذي شغلته لازم يشيل الصوت باي طرريقه
او ممكن يكون عندك تهريب تحت وبيطلع الصوت منها
وبالتوفيق لك

اقتباس:

---

المشاركة الأصلية كتبت بواسطة اكوردتي عشق لا ينتهي

انت من راسك سويت الاصلاح ولا صاحب الورشه قالك يبيلها اصلاح
اذا هو قلك هذي شغلته لازم يشيل الصوت باي طرريقه
او ممكن يكون عندك تهريب تحت وبيطلع الصوت منها
وبالتوفيق لك

---

لا مو من راسي انا اخذتها الوكالة وقالي عندك تهريب بطرمبة الدركسيون

وبعدها اخذتها الورشة وقالي نفس الكلام

صوت الحنه مو شرط من طرمبة الدركسون ممكن يكون من البلوف حقت المكينه عمومآ افتح الكبوت وادعس بنزين واذا انت شاطر راح تطلع الصوت اذا هو من البلوف او لا:d

اقتباس:

---

المشاركة الأصلية كتبت بواسطة Accord F15

صوت الحنه مو شرط من طرمبة الدركسون ممكن يكون من البلوف حقت المكينه عمومآ افتح الكبوت وادعس بنزين واذا انت شاطر راح تطلع الصوت اذا هو من البلوف او لا:d

---

والله ماني شاطر :d

الصوت يطلع لد سرعة دوران المحرك 2000 وبعدها مايبين اثره كثير ..!

ياخي شي يقهر :d

انا كانت عندي الحنة ... بس شوف هي لها مشكلتين ...
اما تكون الطرمبة الى فووق فيها مشكلة وهاذي سهلة ... واما تكون في وحدة تحت سعرها غاااالي شوي ..!
هذا الكلآم عن 2005 انا اتكلم عن تجربة ... وكانت عندي الحنة واختفت بنسبة 105% والسيارة صار صوتها راااائع ... عملت لها
1- بدلت الانابيب الموصلة للعلبة لأنها كانت خشنة
2- عملت توضيب الى قطعة ناسي اسمها والله ... بس كل الشغلة مع شغل اليد والقطع بالضبط 410 ....
واتمنى اكون قد افدتك

حاب اضيف على كلآمي السابق ...
اذا كانت المشكلة من علبة الباور ... الحق على التوضيب قبل لا تخترب القطعة كلها وتدفع 500 قيمتهـآ ..!!!
بس حاااب اتذكر اسمها والله نسيته ...!!! اتمنى الشباب يفيدونك

الباور مو هي الطرمبة الي انا صلحتها ؟؟

طيب انت تقصد الدودة الي تحت يعني ؟؟

اقتباس:

---

المشاركة الأصلية كتبت بواسطة دنيآ الغرور

الباور مو هي الطرمبة الي انا صلحتها ؟؟

طيب انت تقصد الدودة الي تحت يعني ؟؟

---

اي هاذي هي الباور والطرمبة تختلف المسميات والمقصوود واحد ^.^ << يالبى بصص ...

اتوقع ان ما خاب ظني اذا ماخاب انا مو متأكد بس شكلها اسمها البرينجات !!!.. انا اعرف شكلها بس ناسي اسمها ومتأكد هع ...!! باحط لك صووورة انشالله اليوم ^.^

انت روح الورشة وقول لهم سوي توضيب للقطعة الى وضبها باسل وخلآص !!!.. <<< برآآآ

وعليكم السلام ورحمه الله وبركاته

يا هلا فيك أخوي معنى

بما أنك من القصيم أنصحك تروح للوكالة فيه عامل هناك أسمه أختر هذا ما شاء الله فاهم قله السالفة وخله يسمع الصوت وراح يعلمك من وين المشكله ووش حلها .

اقتباس:

---

المشاركة الأصلية كتبت بواسطة besoo

اتوقع ان ما خاب ظني اذا ماخاب انا مو متأكد بس شكلها اسمها البرينجات !!!..

---

البرينجات مومعناها الرومانات ,أو لها اسم ثاني.....؟

وشكراا

اقتباس:

---

المشاركة الأصلية كتبت بواسطة ن ع ر السعودية 0005

وعليكم السلام ورحمه الله وبركاته

يا هلا فيك أخوي معنى

بما أنك من القصيم أنصحك تروح للوكالة فيه عامل هناك أسمه أختر هذا ما شاء الله فاهم قله السالفة وخله يسمع الصوت وراح يعلمك من وين المشكله ووش حلها .

---

الإجابه الصحيحه:d

المشكلة لما اروح الوكالة يستلمني مدير الصيانة وينشبلي نشبة مو صاحية

ولما وريته الصوت انا قبل فترة قالي طرمبة الدركسيون تبي غيار مع انه مجرد نظر لها ..

مافيه ورشة ثانية طيب بالقصيم يعطيني الخبر الاكيد ؟؟

غير كذا شغل الوكالة مكلف مرة وعلى فكرة يندر جدا جدا جدا يسوو اصلاح لطرمبة ادركسيون

صاحبي دخلها قالوله ماتتصلح مع ان السلفة كلها ربلات وجلد ..

يحصرون على تركيب قطع جديدة اكسب لهم ..

رحت اليوم للي سوالي الاصلاح ... قالي احتمال من رمان الشداد .< احس انه يتخرص ..

طيب سمعت ان فيه قطع مراوح مدري وش اسمها داخل الطرمبة هي الي تصدر الصوت .. وش رايكم ؟؟

صباح الخير اخوي ياليت تذكر اسم الورشه اللي اشتغلت عندها اذا مو هي اللي في بالي بدلك على ورشه متخصصه في الهوندا
مع تمنياتي لك بالتوفيق

شارع الاربعين .. وانت متجه شمال ..

تجيك صناعية السليم على يسارك .. خذ الاشارة واعمل يوتيرن ..

اول فتحة ادخل يمين بتلقى حارة كلها ورشات ادخل يمين مرة ثانية بتلقى لوحه شعار هوندا

هلا فيك يالغالي

هل الصوت هو حنه او طقطقه .؟

وهل زيت الدركسون ممتلئ إلى الحد المطلوب .؟

وسلامتك ،،،

اقتباس:

---

المشاركة الأصلية كتبت بواسطة accord_2005

هلا فيك يالغالي

هل الصوت هو حنه او طقطقه .؟

وهل زيت الدركسون ممتلئ إلى الحد المطلوب .؟

وسلامتك ،،،

---

لالا حنننننننننننننة

الزيت تمام ولا ينقص

والله مشكله شبااااب اكثر المشاكل الان في المنتدى عن طرمبه الدركسون معقوله يعني كلها خربانه عندنا عيب مصنعي طيب ورا الشركه ماعملتلو تغيير او استبدال مجاني للسيارات هوندا
اعتقد انو الجيل القادم من هوندا سوف يتفادو الشي ذا ويخلو الطاره مثل المازدا6 الجديده واللكزس طاره الكترونيه يعني مافي عمود لف الطاره سفتي اكثر للسياره وامان ومافي لا حنننه ولا هم يحزنووون

ياشباب انا عندي 2009
مدري الصوت اللي تقصدونه هو طقطقه لما تلف الدركسون هذي عندي

اقتباس:

---

المشاركة الأصلية كتبت بواسطة msm9396

ياشباب انا عندي 2009
مدري الصوت اللي تقصدونه هو طقطقه لما تلف الدركسون هذي عندي

---

لا الي نقصده مو طقطقة .. الي عندي حنة < ياربي شلون بشرحلك الصوت :d

يعني لما تعطي السيارة شوية بنزين بدال مايكون صوتها عننننن او زززززن

هذي حيييييييييين

^^^^^

:d

رحت اليوم الوكالة ابي رمان الشداد

قالي مايجي رمان لحاله يجي شداد كامل

حس اني بدخل بعينه قالي عفوا لحظة اشيك لك ..

المهم شيك قالي موجود الرمان لكن يحتاج طلبية وسعره 150 ريال ويوصل بعد 3 ايام

قلت له من ذهب ولا الماس ؟ < قال لاء فالصو خخخ

سويت يوتيرن ورحت الصناعية اخذت رمان افضل نوع ايطالي

ومريت ع صاحبنا يغيره لي وغيره ع نية انه بيروح الصوت

المهم غيره وما استفدنا شيء الصوت هو هو ...

التكلفة لهالعملية //

25 قيمة الرمان الايطالي ..
10 ريال اجار كبس الرمان على الشداد ..
40 ريال اجور تركيب << والله ناصب علي لو عارف السالفة كذا كان سويتها بيدي .. وما احس يستاهل اكثر من 20 ريال كلها عشر دقايق ..

بانتظار حلول اخرى ..

طيب اذا الحنه للحين موجوده مع أني اشوفها طبيعيه في الأكورد

ياليت مقطع فيديو توضيحي أفضل علشان الأعضاء يكونون على بينه

ويعرفون العله ويساعدونك

اقتباس:

---

المشاركة الأصلية كتبت بواسطة تألمت بس تعلمت

طيب اذا الحنه للحين موجوده مع أني اشوفها طبيعيه في الأكورد

ياليت مقطع فيديو توضيحي أفضل علشان الأعضاء يكونون على بينه

ويعرفون العله ويساعدونك

---

خويي معه 2010 والثاني 2011 مافيها هالصوت الي عندي ..ّّ

ان شاء الله بصورة بفيديو مع اني اظن الكل عارفه

^

اخوي الحنه عندي من طلعت الموتر الى 60 تقريبا في القومه

وعقبها تروح ماشوف انها مشكله ابد ابد

بس انت نزل يمكن تختلف الحنه اللي عندك

حبيبي صاحب الموضوع مشكلتك وصارت معي وذبحتني اكثر منك >> :rolleyes: >>> مالك بالطويله :o باروي لك وش صار معي :flowers:

قبل فترة غيرت كم شغلة بسيطة مثل بواجي وفحمات والسير الخارجي ،، بعدها الامور تمام :cool: ،،بعد تقريباً 8 شهور من تركيبي لهالقطع لاحظت نفس حركتك ونفس صوت الحنة :mad: ،،زحلقتها بغرض اني اداوم دوام يحلحل العمود الفقري وكريات الدم الخضراء :rolleyes: ،، المهم حاولت من هنا وهنا لاحظت الصوت لم السير ولاحظت الشداد يلعب لعب موب صاحي ،، قلت ممكن فيه مشكله ،، طفيت السيارة . وانا اطالع الرمان الا واشوف السير مننننننننتهي :eek: >> يعني سنون السير متققططططعه ويصير لما يمشي على الرمانات وبالذات الشداد يسوي نفظه ويطلع هالصوت >> صار السير موب اصلي :) ورجعت للمحل اللي باعنيه وماخليت صغيرة وكبيرة الا فوق راسه موب علشان الفلوس > بس ليش يغشني :mad: ،،،المهم من الاخر شريت واحد من الوكاله بس كان سعره غالي :o فوق الــ 200 ريال :confused: على ما اعتقد > المهم غيرته بورشه معروفه عند الشباب هنا بالرياض في صناعية ام الحمام ولله الحمد تم السيطرة على المشكله :d


للمعلومية :) /
*طرمبة الدركسون التهريب اللي فيها لما يكون بنسبة بسيطة فهذا طبيعي ،

ثانياً * انت شيك على السير الخارجي وطالع السنن من داخل السير. وبنفس الوقت ممكن يحتاج السير للتغير > يعني ماراح تخسر حاجه لبا قلبك :cool:

اهم شيء لا تنسى ترد علينا وش صار معك :)

اقتباس:

---

المشاركة الأصلية كتبت بواسطة الهنادي راس مــالــي

حبيبي صاحب الموضوع مشكلتك وصارت معي وذبحتني اكثر منك >> :rolleyes: >>> مالك بالطويله :o باروي لك وش صار معي :flowers:

قبل فترة غيرت كم شغلة بسيطة مثل بواجي وفحمات والسير الخارجي ،، بعدها الامور تمام :cool: ،،بعد تقريباً 8 شهور من تركيبي لهالقطع لاحظت نفس حركتك ونفس صوت الحنة :mad: ،،زحلقتها بغرض اني اداوم دوام يحلحل العمود الفقري وكريات الدم الخضراء :rolleyes: ،، المهم حاولت من هنا وهنا لاحظت الصوت لم السير ولاحظت الشداد يلعب لعب موب صاحي ،، قلت ممكن فيه مشكله ،، طفيت السيارة . وانا اطالع الرمان الا واشوف السير مننننننننتهي :eek: >> يعني سنون السير متققططططعه ويصير لما يمشي على الرمانات وبالذات الشداد يسوي نفظه ويطلع هالصوت >> صار السير موب اصلي :) ورجعت للمحل اللي باعنيه وماخليت صغيرة وكبيرة الا فوق راسه موب علشان الفلوس > بس ليش يغشني :mad: ،،،المهم من الاخر شريت واحد من الوكاله بس كان سعره غالي :o فوق الــ 200 ريال :confused: على ما اعتقد > المهم غيرته بورشه معروفه عند الشباب هنا بالرياض في صناعية ام الحمام ولله الحمد تم السيطرة على المشكله :d

للمعلومية :) /
*طرمبة الدركسون التهريب اللي فيها لما يكون بنسبة بسيطة فهذا طبيعي ،

ثانياً * انت شيك على السير الخارجي وطالع السنن من داخل السير. وبنفس الوقت ممكن يحتاج السير للتغير > يعني ماراح تخسر حاجه لبا قلبك :cool:

اهم شيء لا تنسى ترد علينا وش صار معك :)

---

والله بكلامك عطيتني جرعة تفائل قد الدنيا :d

السير عندي تعبان بس مو كثير ! يعني السنون رايح منها شيء بسيط

بجميع الاحوال لما سويت اصلاح للطرمبة قالي المكانيكي غير السير !

قلت له نغيره بكم هو < عبالي معي كرولا :d
قالي ب 180 ريال بس..

قلت افا ياذا العلم .. حسيته ناصب علي وقلت له طيب خله انت وان شاء الله بجيبه بعدين واغيره

الزبده قبل شوي كنت بالوكالة بشري السير قالولي 285 ريال :confused::eek:

انفجعت من السعر واكتشفت ان الي عند الرجال مو اصلي !

رجعت لموتري قلت والله هالصوت طرب وشحليلة بس :d<< حول 300 ريال مو سهله :d

لكن الحين ماعندي مشكلة اغير السير .. بس معقوله هو يطلع صوت حنه ؟.؟؟؟؟

الي اعرفه ان السير يطلع صوت اسلاك تسك تسك تسك او اتسسسسسسسسسسسس

يعني مو حنننننننن

ياخي حسيت اني مفهي هههههههههههههههه :p

الهنادي شكلي بصمخك :d

غيرت السير جديد قيمته 285 ريال ولا تغير شي :d

يامال العافية بس ..


الكلام الاخير والكيد الي استنتجته وطلعت فيه ..

الطرمبة تحتاج لتغيير فقط لا غير ........ والصوت من الطرمبة نفسها ومايروح الا بالتغيير ...

الله يعوض الخسارات .. وان شاء الله كله لخير .. والحمد لله على كل حال ...

ههههههههههههههههههههههه اهنيك :d

المهم لاتحسب للخساير الله يزيدك ، بالعكس انت غيرت اشياء راح تغيرها مع الزمن يعني فيك فيك ;) ،،، ويوم تقول اني ما اعتقد انه من السير انا بقول لك ;) ،،،

الحين سنون السير لما تكون متقطعه مع حركته ودورانه راح يحرك الرمنات طبعاً ، لما يتحرك السير وبالذات عند رمان الشداد راح تلاحظ فيه اهتزاز مو طبيعي لدرجة انك تحس انه متفكك وحركته هذي راح تسوي احتكاك طبعاً وراح يطلع لك الصوت ،، :) << اتمنى انك فهمت :o ،،،،

وعلى طاري انك بتصمخني :mad: :mad: ،،، انا قلت لك شييك عليه وانا اعطيتك احتمال مو تاكيد يالدووب :p ،،

المهم يالغالي لاتحسب لخسايرك ،،، وتذكر ان الخسارة خسارة الدين ;) مو المال :rolleyes: ...

والله يرزقك بدنياك واخرتك وجميع اخواني المسلمين يارب :) ،،

امزح معك مالت عليك :d <<< حسيت اننا طولنا السالفة :p

صحيح اني غيرته بس القديم يمشيني 20 الف .. عناد فيك بعرضه للبيع مع باقي الاكسسوارات الي عندي :d

يارجال الحمد لله على كل حال وع قولتك الخسارة خسارة الدين :d

بشرنا أخوي وش صار معك

هل غيرت الطرمبة وإلا لا ؟؟

هل الصوت موجود وإلا لا ؟

وللمعلومية انا أعاني مثلك !!

بإنتظارك ...

بحاول أسجل لكم الصوت :d

اقتباس:

---

المشاركة الأصلية كتبت بواسطة الـنـبـيـل

بشرنا أخوي وش صار معك

هل غيرت الطرمبة وإلا لا ؟؟

هل الصوت موجود وإلا لا ؟

وللمعلومية انا أعاني مثلك !!

بإنتظارك ...

بحاول أسجل لكم الصوت :d

---

اخوي لا توجع راسك :mad:

الصوت يهبل تبي حنة احلى من كذا < يبي يقتنع :d

الصوت ماراح ولا خف !

الصوت حسب ماحسيته واستنتجته من الطرمبة نفسها (او من الريش الداخليه)

وماتوقع يروح الا بالتغيير

عن نفسي مارح اغيرها الحين لاني دجيت ماخليت شي بالسيارة ماغيرته حتى لو مافيه شي :d

صاحبي عنده نفس الحنة هذه بمجرد مغير الكفرات راح الصوت تماما إذا كفراتك قديمة غيرها وشوف

اقتباس:

---

المشاركة الأصلية كتبت بواسطة Mustafa 373

صاحبي عنده نفس الحنة هذه بمجرد مغير الكفرات راح الصوت تماما إذا كفراتك قديمة غيرها وشوف

---

ياقلبي طيب ولما توقف السيارة وش دخل الكفرات :d:d

الصوت من عند الماكينة واكتشفته اخر شي من الطرمبة ...

اقتباس:

---

المشاركة الأصلية كتبت بواسطة Mustafa 373

صاحبي عنده نفس الحنة هذه بمجرد مغير الكفرات راح الصوت تماما إذا كفراتك قديمة غيرها وشوف

---

اشرايك بعد نغير الكفرات
سبحان الله ان مثلك << منطرب !

ماااااااتم شي ماغيرته
والمشكلة .. هي هي
بس بصراحة ولفت ع هالصوت
وما استغني عنه << :(:(

واللي ما عنده حنّه .. جعلها ما تجيه :d
أهنيك على روحك الحلوة .. يااادنيآ :cool:

اقتباس:

---

المشاركة الأصلية كتبت بواسطة لعيونها

اشرايك بعد نغير الكفرات

سبحان الله ان مثلك << منطرب !

ماااااااتم شي ماغيرته
والمشكلة .. هي هي
بس بصراحة ولفت ع هالصوت
وما استغني عنه << :(:(

واللي ما عنده حنّه .. جعلها ما تجيه :d

أهنيك على روحك الحلوة .. يااادنيآ :cool:

---

ههههههههههههه

ان شاء الله بتنحل وتفرج باذن الله ..

http://www.hondaarabia.com/club/t47280/

الله يسهل بس وناخذ حقنا ..

شكرا حبيبي ع مرورك العطر ..

ياخي وين المقطع

تسلك لي انت :d

اقتباس:

---

المشاركة الأصلية كتبت بواسطة تألمت بس تعلمت

ياخي وين المقطع

تسلك لي انت :d

---

ههههههههههههههههههههههه

ابشر بكرا اجيبه

السلام عليكم ان شاء الله تموومين

انا الصوت موجود عندي وغيرت الطرمبة وباقي الصوت

بعني كان مرتفع بس حاليا احسه عادي جدااااا