قصتي يوم الاحد 27\5 مع واحد مريض حسود حسبي الله عليه

السلام عليكم ورحمة الله وبركاته

ياشباب ماني عارف كيف ابداء الصراحه مقهوووور قهر

اليوم كنت موقف في مواقف سفليه في احد الابنيه

و جاء واحد وقف جنبي المهم جلست حوالي 10 دقايق وانا بالسياره ونزلت

اول ماصكيت الباب سمعته يقول هيه طنشت انا احسبه يكلم احد ثاني

بعدين التفت على سيارتي لقيته واقف عند باب سيارتي .. انا قلت امكن نزل ياخذ اغراض من المرتبه الخلفيه لسيارته

وكملت المشي ودخلت المبنى وسبحان الله قلبي نغزني حسيت انو وراه مشكله

رجعت لقيته يسوي شي عند سيارتي اول ماشافني مشى بسرعه وركب سيارته وحطها بالريوس ودعس

انا على طول لقطت رقم اللوحه < والله كنت حاس انو مسوي هرجه بسيارتي ..وفعلا صدق احساسي

لقيته عادم لي الباب حقي مخوش بالمفتاح حفر البويه لي حفرر حسبي الله عليه ولو مارجعت كان كمل عالباقي

المهم ما امداني الحقه وطلعت عالخط الثاني ولقطت اقرب حجر واستناه لكن للاسف طلع من الحواري من الخلف

وبلغت الشرطه وارسلوا دوريه وجاء حضرته بعد نص ساعه وقال لي كلمتين ومشى !!< تعب نفسه صراحه

قال لي روح بلغ مركز الشرطه الفلاني "التابع للمنطقه اللي حصل فيها الاعتداء"

وفعلا رحت بلغت وعطيتهم وصف السياره ورقم اللوحه و اوصاف الجاني

وقال لي الضابط تعال بعد يومين ..

الخلاصه من القصه

وش تتوقعون يسوون لان مافيه شهود.. انا الصراحه ناوي ما اترك حقي والكلام اللي باللون الاحمر انا كتبته عشان اوضح لكم اني ماعرفه ولا عمري شفته بحياتي ولا لي عداوه مع احد بس مجرد واحد مريض اعمى قلبه الحسد < وقتها كنت ملمع السياره وفاك الفتحه وكاشخ بالعربي

وانا اتوقع باذن الله راح يجيبونه .. ولو يجي ابوه يحب رجلي ماتنازلت قهرني قهر الله لايوفقه

الشيء الثاني ابي ارجع السياره زي ماكانت وش الحل

وكم التكاليف طبعا باذن الله الواحد الاحد مايدفعها الا هو


والمعذره على الاطاله اخووووكم محمد

انا معك ولا تتنازل عنه علشان الي زيه واشكاله تنردع ولا عاد تسوي مثل كذا
وعلى السياره امرها بسيط كلها شغل وكاله وتلميع وترجع مثل قبل

أعوذ بالله :eek: إش الناس الزبالة هذي ؟؟ تبغا نصيحتي خليك مع الشرطه يوميا ناشبلهم عشان يحضروه وبعدها خذ حقك منه ,,, ملاحظه السياره خليها زي ما هيا لا تصلحها دحين عشان تثبت التهمه عليه ,,, وإن شاالله تاخد حقك منو

اعوذ بالله .. وش هالادامي .. لا تتنازل خله يصلحها .. واذا صلحها طبعا ماراح ترتاح نفسك .. الا بعد ما تترفس في بطنه .. عمى ان شاء الله .. الدنيا فووضة ..

لا تتركه الا بعد ما تمسح بوجه الارض .. والله جد قهر ..

اول شئ بعض الامور ترفع الضغط والله العظيم ترفع الضغط واقسم بالله العظيم انها ترفع الضغط اول شئ هذا انسان ضعيف وزي اشكاله راح تحصل كثير يعني لاقدر الله لو انا حكيت في رصيف او جدار او اي شئ اهون من انه زي هذا انسان واطي واعذروني على هذا الكلمة انا عادتي هادئ ومااتنرفز على طول لاكن بعض الناس من جد تخليك تطلع من طورك :A6rb.Com_75: لاكن حبيبي شوف لاتسكت وخليه عبرة لة وللناس الواطية امثاله سامحوني على بعض الالفاظ

لا حول ولا قوة الا بالله !!!!!! إيش الحسآدة وقلة الحيآ ذي ؟! والله عآلم بهآيم الله يفكنآ شرهم ,, معوض خير ان شاء الله لاآ تسيبه حتى يتربى ابن اللذين الدنيآ مو سآيبة !! وعلى الخدوش بإذن الله تلميع سآطع وتنحل , بسس خليهآ الآن الى مآ يصيدو المعفن وتآخذ حقك منه ... موفق يآغآلي

وعليكم السلام ورحمة الله وبركاته

عندي مداخله بسيطه وتحليل صغير لروايتك

انت ذكرت انك لما نزلت من السياره وقفلت الباب ناداك وقلك هيي

ليش مايكون فيه احتمال صغير انك لما فتحت الباب دقيت سيارته

ولما ناداك مارديت عليه

قام حقد هو وجرح سيارتك زي ما انت دقيت سيارته ببابك

مجرد تحليل لمجريات الأحداث وردة فعلك وفعله

:)

لو على حسابه خلي الوكالة تضبغلك جنب كامل عشان ما يفرق اللون وعشان تخسره من قلب.
حسبي الله عليه وعلى أمثاله.
أبداً لا تتنازل, خله يذوق التوقيف عشان يعرف ان الله حق

وعليكم السلام


معقوله فيه ناس كذا هذا واحد ما يخاف ربه

بس خلك منه و اذا جابته الحكوووومه تفاااهم معاه هناك

و انشاء الله ربي يعوضك يالغالي


معووووووووض انشاء الله

لا حول ولا قوة الا بالله

الله يعطيكم العافيه ياشباب على مشاركتكم

وبالنسبة لكلام اخوي memories

كثير قالوا لي نفس الشيء

بس انا اكثر شيء انتبه له الباب متاكد مليووون بالميه اني مادقيته انا سكرت الباب بسرعه ومشيت

اخوي انت مأمن شامل

لأن إذا مأمن شامل ترا يشملها التأمين و يصلحونها لك مجانا

و الله يعوضك خير ان شاء الله :)

إلا الآن الناس هذي ما ماتت حسبي الله عليه والله جد يقهر المهم لا تخلي حقك يروح يصبغ الباب بالكامل من الوكالة عشان يأخذ درس .

السلام عليكم
كيف يوم الاحد 27 - 5 اليوم لسه 2-5 وكمان 27 يوم جمعة << مجرد استفسار
وبالنسبة لموضوعك تاخد تقرير الشرطة وعلى التأمين عدل تدفع حد التامين لعدم وجود طرف ثالث ثم على الوكالة بعد التقييم وشكرا

عادي ياالغالي تصير دائماً في جدة عشان كذا يقولك ابتسم فانت في جدة
اما مثلك بالضبط ونفس الباب اول امس لقيت الباب مو ممخش الا محفور جعل يده يتحفز فيها
بس خليك متابع معاهم وشوف اش يقولولك بس نصيحه لو ماعندك واسطه روح صلح سيارتك احسنلك و عوضك على الله

يا شباب والله تن عندي واحد مخشلي السيارة الا ما اذنت
واللون عنابي
حسبي اللله ونعم الوكيل

الله يعينك على هذي الاشكال
بس انت ليش ما وقفت لما ناداك ورحت شفت ايش عنده اذا كنت شاك في امره ممكن كان ماصلت لكذا

والله يعينك على الشرطة الفاشلة
بيقولك جيب شهود وهو قاعد يحك سيارتك طبعا اذا انكر وجحد اللي عمله في السيارة
واخر ما راح توصل للمحكمة حيث يطلب منه القاضي بالحلف وتنتهي ويطلع منها

لاحول ولاقوه الا بالله

عينه قويه يحك ويمشي كمان ياشيخ ليتك لحقته كان اخذت حقك

وبردت خاطرك وكسرت له قزازه ولاصفقته عشان يعرف سيارات الناس مو لعبه :mad:

الله يعينك تابع مع الشرطه بس اعتقد مابتطلع بنتيجه دام انه مافي شهود

نصيحه اذا الخدش شي بسيط حاول تشوف كم تكلف اعرضها على ورش مضبوطه

يلعن ام المرض الى زي كذا لاتخليه

الله يعوضك اخوي , ولو مالقيتها بالدنيا بالآخرة .
بعدين يا اخوان أشوف بعض الردود يحرضه أنه يأخذ حقه بإيده وهذا ماينبغي , فيه أمن مسؤول عن هالشيء لو اني اتفق معكم في أنه فيه علالة ولف ودوران , لكن ماتحل المشكلة بمشكلة , ولو أنه شخص سوي ما سوى كذا , أقصد أنك لو تمشكلت معه ما تدري وش وراه , وممكن يوديك في مشكلة أكبر ( أقصد جريمة ) , فالأسلم انك تلجأ للجهات الأمنية وتنتهي المشكلة على مخوش في الباب ولا تنتهي في جريمة .

حبيبي انا رأيي غير رأي الكل
رأيي تترك الخدش دا
ان مسكته صلحها وان ما مسكته اتركه خليه دفعة عين عن سيارتك
وياخي ترى الاكورد ما شاء الله ملكه
لا تزنق نفسك مع اي واحد تحسه سافل
والله اني بالجامعه اتعب عشان ادور مكان بعيد مافيه احد عشان ما احد يخدشلي السياره
تقول bmw
وايكيا جده وقفت بعيد عشان الخدوش دي وانه احد ينزل يخبطلي الباب بسيارته ولا شي
انتبهو لسيارتكم ووقفو بعيد شوي ولا انه ينحرق قلب الواحد زي كده
والله يعوضك خير

اقتباس:

---

المشاركة الأصلية كتبت بواسطة fr33d

حبيبي انا رأيي غير رأي الكل
رأيي تترك الخدش دا
ان مسكته صلحها وان ما مسكته اتركه خليه دفعة عين عن سيارتك
وياخي ترى الاكورد ما شاء الله ملكه
لا تزنق نفسك مع اي واحد تحسه سافل
والله اني بالجامعه اتعب عشان ادور مكان بعيد مافيه احد عشان ما احد يخدشلي السياره
تقول bmw
وايكيا جده وقفت بعيد عشان الخدوش دي وانه احد ينزل يخبطلي الباب بسيارته ولا شي
انتبهو لسيارتكم ووقفو بعيد شوي ولا انه ينحرق قلب الواحد زي كده
والله يعوضك خير

---

داوم على الأذكار ومايصير الا ماكتب الله لك .

حسبي الله ونعم الوكيل

عموما ياخوي املك ضعيف في هالشغله خصوصا اذا انكر

بيقولوا لك اثبت وانت ماعندك شي تثبت به
حتى مااافي شهود

فنصيييحة لاتتعب نفسك على الفاضي

بتااخذ حقك منه في حالة وحده بس >>لو اعترف على نفسه وهالشي شبه مستحيل

الله يعوض عليك ويكفينا ويكفيكك شرهم


انا اللي يقهرررري ليه يسوون كذا !!!!!

يعني هل فائدة له بهذا الفعل!!!

ولو مسكوه لك وجابوه اكيد بينكر انت كبر السالفة اخر شيء بيحلفونكم بالمصحف

وهذيك الساعة بيخاف وبيعترف

واله يوفقك

لا حول ولا قوه الا بالله
اخي الفاضل انا انصحك انك اذا تقدر تسامحه مو لخاطر عيونه لا فقط لوجه الله سامحه وقل اللهم اجرني في مصيبتي واخلف لي خيرا منها وانسى الرجال وابحث عن حل لمشكلتك وصدقني الله بيسهل امورك ويعوضك بخير وان شاء الله اذا سامحته ووكلت امرك لله بترتاح نفسيا بدل ماتقعد كل ماتشوف المخوش تتضايق وتسب وتلعن وتكسب اثم واعتقد انك مابتطلع بشي من الشرطه خاصه مافي شهود وبيروح تعبك على الفاضي وبتنقهر زياده

الله يعطيكم العافيه ياشباب على كلامكم ونصايحكم

لكن والله كل مابغيت اركب السيارة واشوفها يجي زي النار بقلبي من القهر هوا مختار هذا المكان الا عشان اشوفها وانقهر

لكن اليوم الساعه 10 الصباح موعدي مع الضابط وراح نشوف وش نهايتها

وانا باذن الله بستمر الى النهايه حتى لو مافيه امل عشان اشوف وش يصير

على الاقل احس اني سويت شيء .. واذا ما افادتني الحكومه ولا اخذت حقي انا معي رقم لوحته راح اجيبه باذن الله بطريقتي

نشوفكم على خير وراح ابلغكم اليوم ان شاء الله وش يصير اذا رجعت

لاتتنازل عن حقك علشان يتربى قليل التربية !!

جعل يده القص والحرق

حصلي زيك بس مامداه الى البقس الي جاء من وراء راسه هههههههه

بــــــــاك ولله الحمد

تـــم التعرف على الجاني وعلى سيارته ومكان سكنه ورقم جواله

طلع اثيوبـــي الوسخ ويوم السبت باذن الله موعدنا انا وياه عند الضابط

لو ماجاء راااح يجيبوه مع اذانيـــــــــه

كنت متأكد اني مالي عداوة مع احد لكن مجرد حاقد مريـــض :mad:

ويـــا انـــا يــا هـــو

^^

الحمدلله .. صراحة ماتوقعت يحصلونة

تكفى لا تخليية وخذ حقك منة

وقلنا وش يصير معك

موفق

اقتباس:

---

المشاركة الأصلية كتبت بواسطة غاب القمر

بــــــــاك ولله الحمد

تـــم التعرف على الجاني وعلى سيارته ومكان سكنه ورقم جواله

طلع اثيوبـــي الوسخ ويوم السبت باذن الله موعدنا انا وياه عند الضابط

لو ماجاء راااح يجيبوه مع اذانيـــــــــه

كنت متأكد اني مالي عداوة مع احد لكن مجرد حاقد مريـــض :mad:

ويـــا انـــا يــا هـــو

---

ارمي عليك عقالي

انك مما تتنازل عنة الحيوان هذا الله يعز الحيوان منه

ومادام انه سوا معك كذا فاكيد سواها معى كثير غيرك واراد الله انه ينتقم نه
حتى لو قالو لك نقصبه قل موافق

الي متى وحنا في معاه مع البنقال وسواقين المزينات والحبوش ذولا يجون يقلون ادبهم عندنا ولا يترزقون
والله لوانك في بلدة ورفعت عينك فيه بس ان يهينك*

شف لا تتنازل

واذا جحد انه ما سوى شيء والشرطه قالت مالك شيء عندنا
مالك الا يدك خذ حقك بايدك .. قسم لافقع وجهه الين اعلمه ان الله حق

اجل ادفع 90 والا 100 الف والا 10 ريال .. ويجي غيري يلعب فيها
الدنيا فوووضى

لاحول ولاقوة الا بالله

تحليل ميموريز منطقي جدا .. لأنك لو انتبهت له يوم يناديك ورديت عليه .. فتتوقع وش كان يبي يقول ؟ يعني بيقول ترى بخدش لك سيارتك اذا رحت ؟

طبعا لا .. فأكيد كان فيه شي ما انتبهت انت له

عموما الله يعوضك بخير وحقك ان شاء الله مايضيع دام وصلت للشخص

الله المستعااااااااااااااان بس

والله الأغبياء والمرضى النفسيين والحاقدين كثيييير

حسبنا الله ونعم الوكيل

وكله بسبب ضعف الوازع الديني وضعف التربية السليمة

صارلي موقف قريب لموقف ...

انا كنت اغير زيت المهم في رجاالين يغرون زيت بعد هم على سيارهتهم يعني 2 وانا وخويي واقفين بعد عن السياره..

المهم احنا اعمارنا 19 سنه وهم تعطيهم ابو 30 سنه وفوق ... سيارتهم باث فندر قديم

وانا اكوردي 2009 لؤلؤي ....

المهم خويي راح لسياره قرب منها ولا يشوفهم واقفين بجنب السياره ويقلون ورعان ومعهم اكورد ...

الزبده سعمت صوت ارتفع وجيت والقى خويي يسددلهم بالكلام ويقول اذكروا ربكم ...

الزبده جيت وسلمت عليهم وقالي خويي على طول السالفه وقلت لخويي ما اصدقك هذولي رجاجيل كبار الزبده فشلناهم ...

وبعد هذا الموقف صرت ما افتح الفتحه الا في اماكن فرت شباب ....

والله الي يحسدون واجد (اعوذ بالله من شر حاسدن اذا حسد)

والمشكله سياراتنا من وكالت هوندا ومو غاليه مررره

وشلون لو سيارتي مرسدس >>> كان من اول يوم .... ماودي اتفاول

لاكن الله يكفينا شر الحسد ...

وياخوي لا تتنازل هذا حقك ,,,

كلنا ندري انك تقدر تصلحها بفلوس والحمد لله

لاكن هذا شيء يقهر يعني لاتتنازل اذا مسكوه

اخوك فهد

لا تتنازل

ولو بيدك ترحله رحله و بهدله في عيشته

وروح خد حقك منه لو مره مره

لم خويانك وروح عنده البيت كسر سيارته شلحها له

لو نزل كسرو دماغه والي يفزعله كسرو دماغه كمانا

وطمنا

"متابع"

حسبنا الله ونعم الوكيل والله اني اكثر شي قهرني بعض الردود من الاعضاء الله يهديهم اللي يقول ...روح اضربه واللي يقول روح شلحله سيارته يعني انت لو كان لك نسبة ضعيفة بان تاخذ حقك بينقلب عليك الموضوع بعدين حبيبي غاب القمر انا بعطيك موضوعك على نقاط 1- حبيت اذكرك بقوله تعالى:" الذين ينفقون في السراء والضراء والكاظمين الغيظ والعافين عن الناس والله يحب المحسنين" يعني انا انصحك بالتسامح واجرك على رب العالمين2- انسبة ان حقك يجيك هذي ضعيفة لانو لو كل واحد بيجي يشتكي راح جابو المشكي عليه ما كان حصلت سيارة فيها عيب فالشارع كان اي واحد صار شي فسيارته وقف عند الاشارة وشاف واحد اخذ لوحته وراح المرور وقالهم هذا صدمني اتمنى وصلت الفكرة 3- مافي دخان بدون نار يعني انت ما معك مايباخ ولا رولز رويس عشان يحقد عليك لدرجة هذي لكن اكيد انت سويت شي ولو ما تدري عنه بدر بدون قصد او فعل عادي لكن جا في وقت غلط وفسره غلط انا مرة كنت اعبي بنزين وكنت اناظر التسعيرة تبع البنزين وكان في جمس فالجهة الثانية وينزل اخينا فالله ويقولي ياقليل الادب جالس تناظر اهلي ومن هذا الكلام انا اعتذرت منه وحاسبت ومشيت يعني بعض الاحيان نفعل افعال صحيحة عامة لكن تكون خاطئة في بعض الحالات....تقبل مروري

معوض خير ان شاالله

بس نصيحة خذها

راجع الشرطة لين مايحفظوك

وبعدها اذا قبضو عليه وتاكدت خله يخيس مكانه وروح وارجع بعد يوم او يومين

وبعدها ادخل وناافخ صدرك