عرض للطباعة
السسلام عليكم
شخباركمم اخواني ؟
السالفة ومافيها ... طرمبة البنزين قآمت تمزح معي فجآه
وسيآرتي 2012 .. < صرآحة آشوف آنهآ بدري تلعب معي ..
وخصوصا آن موتري موب مآشي آلا 12 وعليها ..
والوكالة يقولون المشكلة من الطرمبة .. والضمان مايتحملها .. !!
هل هذا صحيح ؟ لان يقولون البنزين ~> لونه غريب !! :d
طبعاً انا اعبيها بـ 95 !!
في الكتيب حق السيارة مكتوب 91 !
فمآ آتوقع آنه من البنزين .. !!:mad:
فما ادري الضمان يتحمل القطعه وآلآ لا ...!!!
وبالعربي وش الححححلل .. :(
:eek::eek::eek::eek::eek::eek::eek::eek::eek::eek: :eek::eek::eek::eek::eek::eek::eek::eek::eek:
غريبة اخوي بس مرة طربمة بنزين
انا اشوف البنزين ماله دخل الكتيب يكتب 91 ولاقد عبيته الا 4 مرات بس يوم اني ما القى محطة فيها 95 واللمبة شغال
الموتر عليه ضمان كيف ما يتحملون مشكله مو منك رح لمهم وانشب في حلقهم وقلهم بشتيكم للشركة الاوم في اليابان
والله يكتب اللي فيه الخير
و عليكم السلام ورحمة الله
ماعليش أخوي بس أنت ما وضحت المشكلة ايش بالضبط ،، وكيف حكمت ان المشكلة في طرمبة البنزين !؟
ياليت تقول وش المشكلة بالضبط وإن شاء الله نفيدك :)
حكمت عليها لان اول ماجتني المشكلة
دخلتها الوكالة ودفعت 240 فحص قير ~> لانها كانت
على ضغط الـ rbm 4 < ماتعشق .. تقعد كانها تقطع ..
بالمعنى العامي على الضغط رقم 4 يقعد يقطع الموتر يعني كانك ماغيرت النمره !!
الين ترفع رجلك شوي وتعشق ..
المهم انا شكيت بالقير وديتها الوكالة وفحصوها قالوا المشكله بالطرمبة
ومن البنزين ..
بنزينك لونه غييير .. ويبي لك طرمبة !!
طبعا رفضت وطلعتها وعطيتهم حقهم حق الفحص ..
لان السيارة تشتغل ..
فجاه قامت تطفي علي ..
ثم ترجع تشتغل ولمن ادعس تطفي ..
واوقات ماتشتغل .. بعد ماتطفي ..
المهم .. ان المشكلة من الطرمبة على كلاممهم ..
فقلت حرام اروح اشتريها بـ 1800 ولا بعد مؤب متوفره يبي لي طلبيه 15 يوم على كلام الوكالة
وانا مدري وش اسوي .. ؟
هل افك التانكي واكب البنزين الي بوسسطة واجرب يمكن تمشي .. ؟
والا اغير طرمبة ؟
^^^^^
الحين موضوعك اكتمل :)
بالنسبة لي أنا ،، اذا الوكالة قالت لك طرمبة البنزين فأنا اقولك غيرها
انا اللي اقدر افيدك فيه شي واحد
لو تبي اطلب لك القطعه من امريكا وبسعر ارخص من سعر الوكيل انا مستعد اطلبها لك وكل اللي عليك تروح قطع الغيار وتجيب رقم القطعه منهم بس
تحياتي لك :)
ممكن شخص حاقد عليك يدخل بالتانكي تراب
الله يكفينا شر الحساد يارب
آجل برد لك خببر ..اقتباس:
المشاركة الأصلية كتبت بواسطة Classic Design
لآنهآ آصلن مؤب فيه بالوكآلة بسس بدور لك رقمها وبشوف كم سعرها برآ !
آذآ تقريبآ نفسه آخذهآ من الوكآلة وآذآ فيه فرق شريتهآ من برآ !
لآهنت .. :o
الحمد لله على السلامه والله يجعلها اخرالمصايب قبل كل شي غير فلتر البنزين او شيك عليه يمكن مسدود من الوسخ اذا كان نظيف اكيد انك دايم تخلي البنزين على الصفر وهذا اللي خرب عليك الطرمبه <<صارت معاي قبل..
ونا اخوك يمكن عبيت بمحطه البنزين ملعوب فيهـ بعضهم مايخاف اللهـ يلخط فيه كيروسين ولا الوايتات مره يكون فيها 91 ومره 95 وتلقاه قبلها كان فيها ديزل
حسبي الله وهو نعم الوكيل علا الوكيل الخايس
ياخوي الضمان يتحمل التصليح حتى ٦٠ الف هذي في موديلات ٢٠١٢
ولاتقولون لي التانكي احد حط فيه تراب ولا المحطه حاطه بنزين مضروب
ياخي في رقابه بالمحطات وثاني شي لو السياره مقفله وجا واحد فتح التانكي يحط تراب اكيد بيشتغل الانذار السرقه يعني بالعقل
صدقني المحطة اللي أنت تعبي منها شكل التانكي فيه (( أوساخ الدنيا كلها )) أو إنهم يحطون بلاء في التانكي زي خلط النوعين 91 و 95 أو يحطون ( قاز ) لزيادة كمية البنزين ... وهذا يمكن يلاحظها الواحد إذا جاء عند المحطات يشم ريحة قاز ... نعم ( قاز ) ... طبعاً القاز إذا خلطته مع البنزين مرة مهوب مشكلة علشان يسوي عملية تنظيف كاملة من التانكي حتى يطلع الكربون من الشكمان .
ترا مشكلة موترك أجزم 99.9 % إنه من هالمحطات المخيسة ( حسبي الله على من يتلاعب منهم في أذيت الناس ومواترهم )
شوري عليك فك التانكي عند ورشة محترمة وحاول تشتري فلتر بنزين ( أصلي ) ... وشف وش يصير معك .
وسلامتك .
اقتباس:
المشاركة الأصلية كتبت بواسطة aBuZiyaD
أي رقابة يرحم أهلك
ما وراك أحد تراك في السعودية :d
الزبدة اني بسويها ..
وابشركم البوري خرب بعد ..
بالعربي الموتر فيه عين ..
انا بسويها وببيعها وبريح راااسي ..
اخوي اذا تبي العين تروح انشاء الله نزلها الحراج وحرج عليها
وانا اشوف ان البوري امره هين تعال اسمع البوري اللي عندي نفسية نص يوم تمام 3 اسابيع مزكم
السسالفة ومافيها كرهت الموتر يالربع ..
بنزلها حرآج آن جآبت سسعر بعت . .
والله انك صادقاقتباس:
المشاركة الأصلية كتبت بواسطة 5aled
لي اسيوع يوم شد البرد
ادق بوري مايدق الاواحد وصوووت يفشل
اما بعد الساعه 10 أو 11 لاحس الحرارة يدق طبيعي ولاكأن فيه شي
^^
+1
اما بالنسبه لي في الشتاء اشوف صوت البوري حاد<<قولوا ماشاء الله ولا وربي انزلها بالمنتدى واحرج عليها :d
البوري مرض اصاب الجميع :d
امس خوي مغير البوري لبوري فورد وارتاح وكمان سوى اصلاح لطرمبة الدركسون بعد ما كان يسوق تريلا من ثقلها صلخها ب 600 بصناعية النسيم
الله يعوض عليك اخوي
انا من رائي الشخصي تنشب للوكالة وادخل ع المدير وهاوشه
هذا حقك وانت دافع دم قلبك والله يعيننا وياك
اقتباس:
المشاركة الأصلية كتبت بواسطة 5aled
اخوي سيارته امريكيه 2012 يتصل على الشركه في فرع امريكا
اما اذا كان من 2011 ونازل يتصل على اليابان انا وسبق دقيت على اليابان وظبطوها غصب الوكاله حتي اني ماني ملتزم بالصيانات لاني عارف النظام كيف :cool:
الضمان يجي من الشركه المصنعه وليس من ( الوكيل ) عشان له حق يلغيه او لا ..
اخوي هذا رقم الشركه في اليابان اذا موترك ياباني من 2011 ونازل تحصله مكتوب على الباب
Honda Motor Co., Ltd.
2-1-1 Minami-Aoyama, Minato-ku
Tokyo, 107-8556, Japan
Phone+81-3-3423-1111
الرقم يكون تشيل علامه + وتحط بدالها صفرين 00
يعني يكون الرقم كذا
Phone 0081-3-3423-1111
وهذا ارقام لجميع المناطق
Honda and Acura
ارجو الاحتفاظ للرابط لانه بيفيدك وبيفيدك الف شاب عربي يجهل الانظمه ..
هذي لمنطقه امريكا
American Honda Motor Co., Inc.
1919 Torrance Blvd.
Torrance, CA 90501-2746
Phone: 310-783-2000 Fax: 310-783-2110
طبعا انت شيك على المناطق وكذا
وفيه رابط ابلكيشن اتذكر كنت احط رقم الشاصي ويطلع لي غلط واخر شي اكتشفت السبب ( بسبب سيارتي كانت يابانيه ولما احط الشاصيه مايقبلها في امريكا ) لانه مو مسجل عندهم ..
فـ انت جرب ادخل على الرابط وعبي بياناتك وارسلهم المشكله وقولهم سيارتي جديده وكذا
هذا الرابط
Owner Link - SiteMap
اضغط على يمين مربع ازرق الدخول والتسجيل
LOG IN Register بعدين سوي تسجيل على المربع الازرق Register
بعدين عبي بياناتك ورقم جوالك
وفي الخيار
VIN/HIN
حط رقم الشاصيه حقت موترك
واهم بيتواصلون معك ان شالله
ملاحظه ( ترا انا ماقد تعاملت مع الشركه الام في امريكا ) لاكن بيفيدونك كثير وحيل لان مو من حق الوكيل يرفض الضمان
وصور فيديو على السياره وافتح الكبوت ونزلها بالوتيوب واكتب فضيحه هوندا 2012 وروح الوكاله وصور قدامهم :rolleyes: مثل ماكنت اسوي انا بس يحمدون ربهم انهم وافقو
طبعا هذا رابط موضوعي سابقا بتستفيد كثير منه
http://www.hondaarabia.com/club/t50951/
بالتوفيق اخوي ودعواتك بالتوفيق .. :)
يالغالي انا ما اتوقع انها مسالت عين اتوقع هذا فعل فاعل او محطه وسخه مثل ما قالو الاخوان
لان تغير ولون البنزين هذا يعني انه في شي جوا التانكي
وموضوع البوري بصيط وانت حرج على السياره وانشاله تروح العين
عندي سؤال كيف تروح العين اذا حرجت عليها
يعني اوديها الحراج وبعدها ما ابيع والا فهمت غلط ؟
وبصراحه خفت كنت ناوي افك 2012
بس والله خوفني موضوعك
والله يبن الحلال علمي علمك بس هذا اللي عرفته >> بينطق :dاقتباس:
المشاركة الأصلية كتبت بواسطة الــهــنــادي
فتى سدير
سيارتي امريكية وانا قصدي بالكتيب حق بالنزين كتيب الشباب مو كتيبي لان ما معي ولا كتاب :d
آبشركم آني دخلتها آلوكآلة بعد ملآعن
وتمحيط وتبويس وتشويت ..
تم آصلآح البوري على الضمآن ..
وتم تنظيف التآنكي والبخاخات وتغير فلتر .. ومدري وش بعد
الزبدة انها كلفت 655 ريآل !
وبكرة بستلمهآ !
والله يعطيكم العافيه على وقفتكم معآي !!
اقتباس:
المشاركة الأصلية كتبت بواسطة saif abdullah
الف الف مبروك وان شاء الله انها اخر المصايب
مثل ما قلت لك وأنا أخوك .... المسألة واضحه... وهو إنك عبيت من محطة فيها بلاء ... بس ما تدري وش هو بالضبط هل تانكي المحطة متجمع فيه أوساخ وأتربه وغيره ، أو إنهم خالطين قاز أو نوعين البنزين 91 و 95 أو إحتمال يكون التانكي كان حق ديزل .
على العموم ... أحمد ربك وقل يا رب أجعلها أكبر المصائب ... والله يسهل أمرنا وأمـــــــــــــرك .