السلام عليكم ورحمة الله وبركاته
يااخوان بعت الهنادي يالبى قلبها راح توحشني :cool:
وافكر اشتري الا اكيد ازيرا 2012 6 سلندر نص فل
وش رايكم فيها من ناحية
1-الجوده الداخليه والميكانيكيه وكل شي يخص السياره
2- قطع الغيار هل هي مثل الاكورد غاليه بس تصبر ولا غاليه على الفاضي
3- العزل الأرضي هل هو ممتاز تكفون لأنه هبلبلي في محبوبتي اللي طلقتها بالثلاث >> الهنادي :mad:لو ادعس على علبة سن توب سمعة الصوت <<< اقول يازين ازعاجها
4- سعر البيع بعد الأستخدام هل هي تمسك مثل الاكورد
ولا تطيح في الأرض
لأنو موتري جاب سعر كويس جدا ونص اللي كانو في المعارض اشوي ويطلعون فوق التنده يعني ماشاء الله الكل يرغبها وسوقها ماشي وتمسك سعرها بقوه
5- وش رايكم في اللون البرونزي على الأزيرا لأني خاق معه
اتمنى ارائكم بكل صراحه وشفافيه ووضوح وبعيدا عن التعصب
فالنهايه حبيت اختم بأنطباعي عن الأكورد بحكم الأستخدام
اولا:سياره جدا رائعه واستخدمة 5 سيارات قبلها والأكورد تفوقت عليهم من كل النواحي
ثانيا: تمشيها 200000 الف كم كأنها ماشيه 30000 الف :cool:
ثالثا:ياكثر اللي يغارون منها ويسبون فيها وهم يتمنون انهم خذو اكورد;)
واذا واحد جا وسئلني وقالي ليش بعتها؟
اقوله اني استخدمة السياره 4 سنوات وحبيت اغير فقط لاغير :p
رابعا:سياره عمليه بمعنى الكلمه وياكثر ماخذة حفر وخنادق وماشاء الله ماقد غيرت لامساعدات ولا خربيط
خامسا:متأكد 100 % ان الأزيرا ماراح تصبر مثل الأكورد لأنها كوري:d
لكن وش نسوي نبي نكشخ و نفلها ونشقر على الورش كل عصريه:)
العيوب اللي لاحضتها عل القمر هوندا اكورد 2008 فل كامل 4 سلندر
1- طرمبة الدركسون
2 العزل الأرضي
لو شركة هوندا يتفادون هاذي المشكلتين راح تكون افضل سياره في قئتها بدون منازع
وشهاده من واحد جرب الأكورد للي يبي يشتري اكورد 2012 او اي موديل سابق ومتردد ومتخوف اقوله اشتر وانت مغمض ولا عليك من كلام العذال اللي ماغير يسبون على الفاضي ويمكن بعضه ماساق الهوندا بس قاعد يتفيدغ علينا قال ايش قال والله الهوندا حطمة امنياتي وضيعت مستقبلي اشتريها ب100 الف واذا فكيت الطاره على 160 احس فيها حذفه<<<<خف علينا ياراعي البانميرا :p
هذا اللي عندي ولا تنسون الأجابه
وشكرا
