تعالو اعلمكم كيف شفت الأكورد 2008 في البحرين

اولاَ الشكر لله ثم لأخوي قرين بعد ما قريت موضوعه ان الهوندا وصلت للبحرين وبما اني من سكان المنطقه الشرقيه خذيت حالي ورحت للبحرين وطلعت للوكاله وقابلني اخ محترم ارفع اليه كل شكر ومحبه من هذا المنتدى وهو الاخ محمد وشفنا الهوندا الأكورد 2008 ....... واليكم الحقيقه كامله ......

الاسعار السياحي ب81000
الفل مخمل 90000
الفل جلد 93000

بالنسبه للفل مخمل وجلد كله جنط 17 وفيه كشافات سفليه في الصدامات وبالنسبه للطرح في جميع دول الخليج راح يكون في 5 نوفمبر واي سؤل انا حاضر ........ احب افيدكم ان السياره شبيهه جداَ با البي ام دبليو الفئه الخامسه ولكن من الخلف لكم عليها شوي .....

معلومه تهم الكل ويتسأل عنها الكل الأكورد الخليجي بجميع انواعه فل وسياحي سته سلندر واربعه سلندر بدون نفيقيشن ولكن شاشه للمعلومات فقط والفل 4 سلندر وال6 سلندر بمقابظ نيكل اما السياحي نفس لون السياره ....

اخوكم
طلال

يعطيك العافيه اخوي طلال علي هذا المجهود

بس حبيت اعرف الاسعار هذه بالنسبه للعمله البحرينيه والا بالعمله السعوديه لانه هناك فرق العمله بين البلدين وحبيت اعرف علشان احسبها بالعمله السعوديه لانه السعر عالي مرررررة وغاليه .
والله حرام بعد الانتظار والملل هذا كله يطلع سعرها كذا .

اشكرك اخوي

وماقصرت

يعطيك العافية على المعلومات ونترقب نزولها 5 نوفمبر .

اخوي يعطيك العافيه ممكن تعطيني سعر الاكورد 6 سلندر فل كامل جلد وكل شيء

يأخوان بالنسبه للسعر انا حولت من الدينار البحريني للريال السعودي

الاخ غازي الشريف .....

يا هلابك يا خوي الاسعار اللي انا منزل فوق بالريال السعودي بعد الحسبه

تقبل مودتي اخوي

يعطيك العافيه اخوي ولك مني فائق الاحترام والتقدير

ومشكور علي المجهود الاكثر من رائع
بس ماتلاحظون انه السعر مرة عالي ومرتفع لو نتذكر الموديلين السابقين ( 2006,2007) كم كان سعر الفل ( 4 سلندر جلد ) بالنسبه للسعرر الحالي (لل 4 سلندر 2008) مخمل ماهو جلد والله حرام .

من المتوقع ان الاسعار تكون بهذا المستوى

انتوا جالسين تقارنوا اسعار 2007 و2006....بـ2008

ترا الفرق مو سهل ...ياشباب هذا جيل جديد بشكل جديد بمكائن وتقنيات جديدة...اصلا مستحيل تنزل بنفس سعر القديم في اي حال من الاحوال

انا اشوف ان الاسعار معقولة جدا وعلى العكموم مشكور على الطرح

سلااااااااام..

طيب ما شفت مكان الصناعه ؟

هل هي يابانيه و لا مثل الكلام اللي طلع انها تجمع بتايلند

طيب ما شفت اذا سيفك 2008 وصلت بعد ولا لسى

اخوي غازي بالظبط بين كل الفئات الموجوده بين 2007 و2008 فرق 10000وللمعلوميه السياحي 2008 يجي بمثبت سرعه واللي بفتحه ما عاد يجي ......

اخوي اكورد 06 والله هذي فاتتني يا خوي ولا تأكدت منها بصراحه مع العلم انها حاجه مهمه .....

<<<<<<< هذا العضو (تويتي)
رايح اليوم الجامعه وشافها في سطحه حوالي8 سيارات في الدائري الغربي متوجه للوكاله في تاريخ
17/10/1428هـ الساعه 9,20 صباحا

اخوي مايغو للأسف ما انتبهت للسيفيك وكان هدفي محدد وهو الأكورد 2008

اخوي تويتي

عساها ما اشغلتك عن المحاضرات واخذتك لعالم ثاني ......

;):)

مشكور اخوي على الاخبار الرائعه

اقتباس:

---

المشاركة الأصلية كتبت بواسطة n.s.h

مشكور اخوي على الاخبار الرائعه

---

لا شكر على واجب حبيب قلبي وللمعلوميه يا حبايب قلبي ان الأكورد 2008 سته سلندر انوار زينون ....

اقتباس:

---

المشاركة الأصلية كتبت بواسطة @طلال@

اخوي تويتي

عساها ما اشغلتك عن المحاضرات واخذتك لعالم ثاني ......

;):)

---

ههههههههههه
لا اخوي عندنا دكتور فله
تصدقون حسبت له كم مرة يشخص في المحاضرة لو اقولكم ماراح تصدقووووون

مشكور ياخوي

:mad:لكن سعرها مره غالي :mad:

هلا بك اخوي قرين

اخوي هاوي اكورد الصراحه ماسألت عن الv6 اسف اخوي ....

اخوي محجوب انا معاك ان الاسعار ممكن تتغير مع كل جيل ولكن بمتوسط 5000 ريال مو 11000 لان الفل 4 سلندر اللحين ب82000 والفل 2008 ب 93000

وتقبلو مودتي

فيه سبيشل والا لا

والسياحي ب81 غاليه والله

انا حدي 80الى 82 وش اخذ اكورد ولا التيما اوبشن ب82

اخوي المهاجر بالفعل السعر غالي ......

اخوي مومو 4 سلندر ما يجي سبشل خلاااص اللي يجي فل كامل جلد ومخمل والنوع السياحي (ستاندر) السياحي ب81000 طبعا السياحي زي ماذكرت بالسابق فيه مثبت سرعه وجنط 16 بطياس وبدون كشافات وهي الموجوده بالرابط

http://www.arb-up.com/files/arb-up-Oct2/2nJ33911.jpg

اما ايش تختار اكورد او التيما فهذا يعود لك انت

اقتباس:

---

المشاركة الأصلية كتبت بواسطة @طلال@

اخوي هاوي اكورد الصراحه ماسألت عن الv6 اسف اخوي ....

اخوي محجوب انا معاك ان الاسعار ممكن تتغير مع كل جيل ولكن بمتوسط 5000 ريال مو 11000 لان الفل 4 سلندر اللحين ب82000 والفل 2008 ب 93000

وتقبلو مودتي

---

الان السعر نازل عزيزي ,, ولكن خلينا نرجع للوراء ,,, الفل جلد كان ب 88 الف ريال مايتحرك ابد :d

ضيف عليه 5 الاف ,, يطلع ب 93 ;)

لا تنسى انه السيارة جدا مختلفه ,, وطبعا مثل ماصرحت الهوندا ,, انها اكبر اكورد انشئت على الاطلاق ,,,

ماتبيهم يربحو حبتين :rolleyes:

اخي وحبيبي عاشق احترم كل ما ذكرت حتى ولو اختلفت معك فيه

طيب يعني كل الانواع ما فيها نفيقيشن ولا ايش


ياليت تردون

أشـكرك أخوي طـلال على التقـرير ..
وأقول للإخـوان نصيحة بـ السبيشل 2007 سعرها يا بلاش 76.700 ريال :)
يعني الفرق واضح ماعاد فيه إلا سياحي أو فـل من 2008

يعطيك الف اخي الفاضل طلال على التقرير المبسط بس ماتلاحضون الطاسات بايخه :mad:
حقت السبشل 2007 احسن بووووواجد :cool:

اخوي فتى سدير نعم جميع الانواع بدون نفيقيشن فقط شاشه للمعلومات زي اللي في لافالون القديم......

اخوي جوست فور يو الشكر لله ثم لتواجدك وبالنسبه للسعر السبشل مطلعه واحد من ربعي ب73

اخوي 606 الله يعافيك ما سوينا شي يا حبيب قلبي

طيب متى تنزل بالرياض يعني 5 نزفمبر بعد كم يوم من اليوم

وادعولي الله يرزقني بوحده فل كامل

لا تعتمدون على المواصفات البحرينية ..

انتوا بالسعودية من الممكن ان ينزلها وكيلكم بنافيجشين للستة سلندر..

أما احنا بالبحرين يدري انها ما بتمشي لأن السعر بيروح فوق وايد فحق كذا ما راح ينزلها ..

و شوفوا في موضوع هناك يتكلم عن مقابلة مع مدير التسويق بالكويت .. قال ان الستة بتجي بنافيجيشين أكيد .. و هذا للكويت ..

يعني بقى تنظرون عبدالله هاشم شو بيجيب لكم ..

و تدرون ليش 2008 ما فيها سبيشل ..

لأن وكيلنا بالبحرين عمره ما نزل سبيشل ..

ما عندنا إلا سياحي .. فل مخمل .. فل جلد .. 6 سلندر.. بس هذي الأربع أنواع

و روحوا شوفوا المواصفات الاماراتية .. لموديلات 2007 (Honda UAE)

عندهم نوعين 6 سلندر .. 6 سياحي تقدر تقووول (بدون جلد و بدون فتحة ) و 6 فل اللي اهي نفس الي عندنا و لكن زيادة عليها ايرباجات جانبية ..

يعني هي المواصفات الخليجية يتفقون على الأمور الرئيسية .. مثل المكينة و الشكل و و و و إلخ..

لكن في أمور المواصفات البسيطة جداً (نفيجيشن .. فتحة بالسياحي .. 6 بدون فتحة ) هذي كل وكيل و يشوف متطلبات الزبائن عنده ..

و آنه متأكد إن في البحرين لو نزلوا فل بفتحة .. و فل بدون فتحة .. السيارات (فل بفتحة ) راح تطيح بجبد الوكالة ..

لأن احنا عندنا بالبحرين ما يحبون الفتحة (أتكلم بشكل عام) ..ما عدا فئة الشباب

و لنفس السبب الكامري عندنا ما تنزل بفتحة إلا الكامري se ..

فيعني لا تخافون .. أعتقد بتنزل عندكم السبيشل و يمكن تكون (أقدرها) بحدود 85000 :d

يعني نفس سعر الفل 2007 ..

و مشكووور أخوي على الموضوع و ما قصرت

اخوي هوندا اكورد 2007 اشكر لك مرورك وحضورك ولكن بالنسبه للسبشل 2008 حتى موظفين عبدالله هاشم افادوني انه ماراح ينزل ....... ولعلمك هو اللي سو لهم مشكله في تصريف الفل 4 سلندر يعني معظم الشباب توجهو له ونسو الفل ....

تحياتي لك