بسم الله الرحمن الرحيم
كيف الحال وش اخباركم
توني جاي من شركه هوندا اللي على خريص واول ما دخلت سالت
السوري وقالي موعد العرض يوم الاثنين وسألته عن الاسعار قال والله
ما ادري لحد الان
رحت للي على اليسار السعودي مكتبه قدام الدبابات وسألته قال العرض
يوم الاحد او الاثنين بالكثير وسالته عن الاسعار قال امممممم كلها كم يوم وتشوفها
قلت يعني مرتفعه والا تمام الاسعار قالي شكلك ملزم استرح وقعدت وقالوش اللي تبغى
تسأل عنها بالظبط قلت هي نوعين قال لا 3 انواع وليس كما ردد البعض انها نوعين فقط
الاسعار على النحو التالي
السياحي قير عادي سعرها 70الف ريال
السياحي قير اتومتيك سعرها 75الف ريال
السبيشل قير اتومتيك سعرها 80الف ريال
الفل كامل مخمل سعرها 85الف ريال
الفل كامل جلد سعرها 88500الف ريال
السته سلندر موعد نزولها بعد شهرين من اليوم اي 1-1-2008
الاسعار معقوله جدا جدا جدا بالنسبه للفل كامل المخمل 85 الف ريال
بينما الالتيما سعرها 86الف ريال يعني الاكورد ارخص منها ب1000 ريال
اللي بيقولي فرق والله بين الالتيما والاكورد من ناحيه المواصفات ابقول
فرق بين سياره تشتريها وتعيش معك وتبيها بسعر معقول
وسياره تشتريها مده سنتين وتبيعها ب20000الف ريال
والحمد لله ان الاسعار جت كذا مع اني كنت متوفع انها تكون اعلى من كذا بكثير
اتمنى اني وفقت في تنزيل الموضوع
ملاحظه
الموضوع حصري لهوندا اريبيا ومن اراد النقل فعليه ذكر المصدر فقط
يعني منقول من منتديات هوندا اريبيا:)
اي خدمه انا في انتظاركم
