اخيييرا حجزت هوندا اكورد 2013 v6

السلام عليكم و رحمة الله و بركاته

الحمدلله حجزت هوندا اكورد 2013 v6 الفئة العادية و الاستلام الاسبوع الجاي بفضل من الله

وعندي عدة استفسارات
اولا قال لي مندوب المبيعات وصلتنا 800 سيارة اكورد 2013 في المملكة (الدفعة الاولى) و منها 4 فقط v6 الفئة العادية (السؤال هنا هل كلامه عن الفئة العادية صحيح لاني شاك فيه بصراحة) ارجو من اللي عنده علم يفيدنا و من الاخ بلال العلمي ايضا

وقال لي انت من حسن حظك اننا حصلنالك اخر وحدة من الدفعة الاولى واللون اللي ابغاه :cool:

ثانيا هل الدركسون يجي فيها جلد و مخشب ؟ (ابغى اجابة اكيدة:mad:)

ثالثا ايش الاشياء اللي تجي مع السيارة ؟ (مثلا دعسات وكذا)


والله يتمم على خير لك شخص ناوي على سيارة
والله ييسر امورك الجميع دنيا و اخرة

وشكرا

آول شي مبروكـ السياره والله يعطيك خيرها ويكفيك شرهآ
ثآنيا الدركسيون يجي جلد
وآنا انشالله فتره بسيطه وبروح آطلعلي 6 سلندر سبورت :rolleyes:

انا حجزت وقال تاخذ شهر لين تجي بعد الحجز بساعات اتصل وقال من حسن حظك لقيت وحده على نفس الون اللي تبغاه راح تجي بعد 20 يوم وقالي ياليت تسدد قيمة السيارة قبل وصولها باسبوع! قلت داخل نفسي ايه هين خلها بس لين تجي ما راح ادفع لين اشوف السيارة بعيني واتاكد من سلامتها ان شاءالله.

المهم اخذ عربون 2000 ريال وش رايكم من حقهم ياخذون ولا ؟ مع العلم تويوتا ما ياخذون. بس انا قلت يمكن لان تويوتا اكثر مبيعا وسياراتهم ماتجلس عندهم غالبا ما تباع, اما هوندا يمكن يجيبونها ومحد يشتريها لاني سبق وشفت في مستودعهم في المدينة المنورة سيارات 2012 محد شراها.

على العموم مبروك اخوي الله يباركلك في سيارتك ويعطيك خيرها ويكفيك شرها انا اخذت نفس الفئة وياليت الشباب يجاوبون على تسالك انا ما عندي فكره اول مره اتعامل مع هوندا.

تحياتي

وعليكم السلام

صراحه افضل الفل الفل الفرق 5000 ريال فقط والشكل احلى

يكفي الجنوط لحالها وتشغيل ستارت الظاهر ماهي موجوده بالعاديه والبصمه بعد

عاشق الهوندا
الله يبارك فيك والله يرزقك بالسيارة اللي تبغاها
هل انت متأكد ان الفئة العادية v6 دركسونها جلد فقط

هوندا 2013
الله يبارك فيك والله يرزقك بالسيارة اللي تبغاها
بالنسبة لسؤالك, بحكم خبرتي البسيطة اتوقع من حقهم

ميشو
الفئة العادية ما تفرق عن السبورت الا في :
1/ الجنوط 17 و السبورت 18 و شكل الجنط مختلف (اشوفها لصالح السبورت) (مع ان العادية جنطها جدا جميل و مميز)
2/ الجناح (اشوفها لصالح السبورت)
3/ التيبترونيك اللي خلف المقود (اشوفها لصالح السبورت)
4/ لون العدادات و لون الطبلون ازرق و السبورت احمر (اشوفها لصالح العادية)
5/ التطعيمات ان صح التعبير تخشيبة و السبورت كاربون فايبر اسود (اشوفها لصالح العادية) (مع العلم ان العادية تجي قطع كثيرة مخشبة مثل حامل اكواب التكاية الخلفية و السبورت ما تجي كاربون فايبر اسود وايضا فتحات التكييف الخلفية حولها تخشيبة و قطع اخرى)

...........

خذ السبورت ابرك مواصفاتها احسن من العاديه بكثير والفرق بس 5000 ,,, وبالنسبه للاشياء اللي تجي معها انا ماخذ سبيشل عطوني دعاسات وشنطة السلامه بس!

ماشاء الله
الله يعطيك خيرها ويكفيك شرها انا افضل الفئه العاديه v6 تخشيبه والاسيات بيج وجنط17 ..

اقتباس:

---

المشاركة الأصلية كتبت بواسطة accord 6th gen

عاشق الهوندا
الله يبارك فيك والله يرزقك بالسيارة اللي تبغاها
هل انت متأكد ان الفئة العادية v6 دركسونها جلد فقط

هوندا 2013
الله يبارك فيك والله يرزقك بالسيارة اللي تبغاها
بالنسبة لسؤالك, بحكم خبرتي البسيطة اتوقع من حقهم

ميشو
الفئة العادية ما تفرق عن السبورت الا في :
1/ الجنوط 17 و السبورت 18 و شكل الجنط مختلف (اشوفها لصالح السبورت) (مع ان العادية جنطها جدا جميل و مميز)
2/ الجناح (اشوفها لصالح السبورت)
3/ التيبترونيك اللي خلف المقود (اشوفها لصالح السبورت)
4/ لون العدادات و لون الطبلون ازرق و السبورت احمر (اشوفها لصالح العادية)
5/ التطعيمات ان صح التعبير تخشيبة و السبورت كاربون فايبر اسود (اشوفها لصالح العادية) (مع العلم ان العادية تجي قطع كثيرة مخشبة مثل حامل اكواب التكاية الخلفية و السبورت ما تجي كاربون فايبر اسود وايضا فتحات التكييف الخلفية حولها تخشيبة و قطع اخرى)

...........

---

مسكات الباب ماهي كروم بالعاديه

وتأكد من التشغيل بالزر والدخول الذكي للسياره متوفره ولالا

يا اخواني يا احبائي انا مستغرب من الناس الى تشري وتدفع فلوسها على سيارات مايدرى وش مواصفاتها اصبرو شوي الين تتوفر بجميع فئاتها ثمن شوفها وخذ تست درايف ثمن ادفع فيها والله يباركلك
الشاهد من الكلام الوكالات تبي فلوس وبس ماهمها الزبون ياعالم افهمو لاتطيرون بالعجه افرض اعطوك موتر غير الى تبيه تظيع فلوسك علافاضي او حتى لو جابولك الموتر افرض انه ملفق التركد والتفكير السليم وعدم العجله شي طيب كبرو مخكم شوي سبحان الله
وتقولون التجار فيهم جشع ونصب واحتيال مالومهم والله من الطفاقه الى عايش كثير من الشعب فيها

تقبلو مرورى

اخوي المواصفات مذكوره بالتفصيل
وبعدين اسمحلي هذي هوندا اعتقد السياره معروفه وخطواتها ثابته مومثل بعض الشركات موديل 2014 وللحين كست وغير السقطات والتصاميم الغبيه طبعا معروفه الشركه
ثاني شي الانترنت سهل العمليه الان في شرح دقيق لكل نقطه في السياره ممكن تركب السياره وتجربها ولاتعرف تقنياتها ومواصفاتها الغير ظاهره وبالنهايه الهوندا تستاهل كل فلس يندفع فيها

وعليكم السلام ورحمة الله وبركاته ..

الله يعطيك خيرها ويكفك ششرها وعلى البررركة ..

بالنسبه لعدد السيارات مدري صراحه بس اتوقع مبالغه !
انا طلعت فئة السبورت ووقتها قالو لي ان ما فيه بالرياض الا 4 سيارات سبورت فقط !
عاد ما تدري عن صحة الكلام بس خذ من الرخيص :d

الدركسون جلد في كل الفئات " حسب ما اعرف "
في الـسته سلندر " متأكد " كلها جلد ..
لكن الفرق بين الفل كامل 6 سلندر عن السبورت انها تجي بتخشيبه في الدركسون " متأكد "

يعني يا طويل العمر سيارتك فيها تخششيبه على الدركسون و المنطقه بجانب القير وحمالة الأكواب و حول المكيف الخلفي


سيارتي ما جا معها الا الدعاسات + كرتون هوندا ابيض [ فيه شويت معدات بس ما فتحته ] ..


السياره رائعه ومريحه وما تنمل سواقتها ..

والله يكتب لنا ولك الخير ..

موفق ..

بخصوص التغشيل, في الاكورد 2013 6 سلندر العادي على حسب ما شفت في المعرض معروضه التشغيل فيها بصمة.
ولكن كثير من الاعضاء شككني في البصمة يقولون التشغيل بالمفتاح مو بصمة ؟! فياليت نتفق السيارة بصمة ولا مفتاح ؟

اقتباس:

---

المشاركة الأصلية كتبت بواسطة meshoo

وعليكم السلام

صراحه افضل الفل الفل الفرق 5000 ريال فقط والشكل احلى

يكفي الجنوط لحالها وتشغيل ستارت الظاهر ماهي موجوده بالعاديه والبصمه بعد

---

سبق وشفت السيارة في الوكالة بالرياض 6 سلندر عادي التشغيل بصمة وستارة خلفية اوتوماتيك.

مدري عاد اذا وقت البيع تختلف مواصفات السيارة ؟! فهذه تعتبر كارثة!

اقصد بالبصمة زر التشغيل. يعني تشغيل السيارة بدون مفتاح هذا مقصدي. اللي يسميها البعض زر ستارت.

اقتباس:

---

المشاركة الأصلية كتبت بواسطة هوندا 2013

بخصوص التغشيل, في الاكورد 2013 6 سلندر العادي على حسب ما شفت في المعرض معروضه التشغيل فيها بصمة.
ولكن كثير من الاعضاء شككني في البصمة يقولون التشغيل بالمفتاح مو بصمة ؟! فياليت نتفق السيارة بصمة ولا مفتاح ؟

---

بصمه يا غالي .. ( كنت حاجز وحده قبل ) ..
حتى الاربعه سلندر الفل كامل - جلد - تجي بصمه ..
الاربعه سلندر فل كامل مخمل - منب متأكد منها - لكن ان ما خاب ظني فهي بصمه ايضا ..

الستاندر و السبشل الي بمفتاح ( ايضا منب متأكد من السبشل ) لكن متأكد من الاستاندر ..

باختصار خذ الأكيد ان الاستاندر مفتاح عادي .. والفل كامل جلد 4 و 6 سلندر بصمه بالاضافه اكيد للسبورت الي تجي بصمه

الفئات الي تجي بمفتاح ودخول عادي بالريموت هي /

الاستاندر - الاسبشل

الفئات اللي تجي دخول ذكي وتشغيل بزر هي /

فل مخمل - فل جلد - 6 سلندر عادي - 6 سبورت

الله يعطيكم العافية على المشاركة المفيدة

بالنسبة للأخ حميد

انا والله اللي مستغرب منك جاي مطفي النور كانك تدري عني اعرف مواصفاتها ولا لا ياحبيبي تراني عارف مواصفاتها بالتفصيل باستثناء تخشيبة المقود واللي تاكدت منها انها موجودة قبل شوي و مترقب السيارة من قبل ما يكشفون عنها رسميا في امريكا و قاري تقريبا كل المواضيع عنها في المواقع العربية و قليل من المواقع الاجنبية وشايف تقريبا كل مقاطع الاكورد v6 في اليوتيوب ولا تتسرع في الحكم على الناس و بعدين ليه اصبر لين تتوفر بجميع فئاتها دامني ابغى الفئة المعينة اللي في راسي وعارف ايش فيها وايش مافيها ولقيتها متوفرة الحمدلله (الظاهر انها متوفرة بجميع فئاتها) و كمان النت ما خلى شيء اختصر المسافات و استفدت كثير من المواضيع اللي نزلت في المنتدى ومن ناس ثقة و رحت الشركة وانا عارف ايش اللي اسويه (لو مانزلت مواضيع بالشكل اللي يفيدني كان فصفصت الموظفين في الشركة) و بالنسبة للتست درايف معاك حق نسبيا لاكن انا استفدت و اقتنعت من اللي قريته و شفته
و خصوصا المقطع حق الاخ حسن الكتبي لانه ثقة ومجرب سيارات كثير و ايضا الاخ vis و ايضا انا مجرب سابق لهوندا اكورد و عارف ميزة سيارات هوندا وواثق انها راح تعجبني

بالنسبة للشركات انها تدور فلوس هذا اكيد و داري انهم مبالغين في اسعار السيارات نوعا ما <<< الشكوى لله و محتاج السيارة فعلا
هي تدور فلوس و انا ادور سيارة مالي و مالها <<< المقصد من الجملة هذه ان لكل انسان رغباته الخاصة

بالنسبة لفرضيتك مو في مكانها الصحيح و لك حدث حديث... لو كان ملفق اكيد اني ماراح اقبله و اقول لهم ما اتفقنا على كذا و كمان لك حدث حديييييث ومن متى عبدالله هاشم يلفق غير تركيب الحساسات بس و انا راضي به
و لا تحكم على الناس بالعجلة و التفكير غير السليم وان عقولهم مي كبيرة انت اللي استعجلت
و من جد سبحان الله

والموضوع مانزلته على اساس استفسارات بحتة بقدر ما هو تعبير عن النفس :rolleyes:


والله يهديك بس ......



حسيت اني تعبت هههه

كان فيا كلام وشكرا:d

مشكور يا vis على الخبر الحلو
و مبروك مؤخرا على السيارة خخخ الله يعطيك خيرها و يكفيك شرها

و هذه صور v6 الفئة العادية من العضو (mnr) :o

الداخلية

http://im35.gulfup.com/novLA.png


الدركسون

http://im35.gulfup.com/XfjFu.png


الدركسون من زاوية اخرى

http://im35.gulfup.com/CPAxH.png


الخلفية من جنب

http://im35.gulfup.com/OvoY0.png


الخلفية من الخلف

http://im35.gulfup.com/9jibV.png






والسلام خير الختام .....

اقتباس:

---

المشاركة الأصلية كتبت بواسطة accord 6th gen

و ايضا انا مجرب سابق لهوندا اكورد و عارف ميزة سيارات هوندا وواثق انها راح تعجبني

---

السلام عليكم ..
الله يبارك لك فيها يا رجال ودامك مقتنع بالسياره توكل على الله ..
انا رجال قدامك لو سمعت كلام الناس كلهم والله ما كان شريت ابدا ..
وصدقني دامك معجب بالأكورد [ سابقا ] فعز الله راح تنبسسط بهالجيل
ما اكذب عليك انا والله كنت اركب الأكورد يضيق صدري ! ما حبيت الموديلات السابقه مره
ولا كنت افكر اشتريها .. والحين اقول الحمد لله يا رب الي وفقتني لهالسياره
فعلا مبسوط فيها الله يطرح فيها البركة ..
وعقبال ما نفرح باستلامك للسياره ان شاء الله ..

وترا ما سويت الا الواجب والله يبارك في أيآمك ..

الله يعطيك خيرها ويكفيك شرها يارب والسيارة ممتازة خصوصا الستة سلندر

قيرها هو نفس قير اكيورا tl 2012 الست سرعات

وغير كذا السيارة مدحها حسن الكتبي وهذا الشخص ما يجرب اي سيارة يكفي انه مدحها ومدح رساوتها وعزلها ونعومتها

وغير هذا السيارة على مستوى كبير من الامان

مبروووك على السيارة

الله يعطيك من خيرها ويكفيك من شرها

لست مقتنعا من كلام المندوب اللي يقول آخر سيارة من حظك هههه :)

هذا أسلوب علشان تدفع الفلوس ( تشويق & تسويق معا )

الأفضل ما تدفع الباقي حتى تعرف رقم الهيكل والتأكد من سلامة السيارة كاملة ...

قابلوني بعد شهرين اذا لم يشتكي البعض من أن عزل ورساوة وعزم الاكورد الجديدة مثل سابقتها

اقتباس:

---

المشاركة الأصلية كتبت بواسطة سلطان2020

قابلوني بعد شهرين اذا لم يشتكي البعض من أن عزل ورساوة وعزم الاكورد الجديدة مثل سابقتها

---

اذكر الله وصل على رسوله صلى الله عليه وسلم.

وتفاول خير وتمنى لاخوانك المسلمين الخير وراعي ان هناك من اخوانك من سبق وشراء السيارة فبكلامك هذا تقلقه.

على العموم اسئل الله ان يرزقك بمثلها او بافضل منها ولكل مسلم.

^
^
على اي اساس قلت هذا الكلام :eek:
يابني ادم هههههههههه قلنالك في مقاطع باليوتوب برامج عالميه تقيس اداء السيارات
يقولون السياره هااااديه جدا ويوم يقولون هاديه مايقارنوها بالبي ام يقصدون فيه الجيل اللي قبله
يعني راح تكون لاباس انا شفت اكثر من مقطع فيديو اول شي يمدحوه هدوء المقصوره انا مقتنع صراحه
لوتتابع المواقع الاجنبيه الانظار عليها كلها وهذي السياره اجمعو النقاد عليها انها متكامله اصلا لوماظبطت بتصير سقطه كبيره لهوندا هذي راس المال :d وبس ياشباب رجاءا بلا تحطيم جربها واحكم لاحظة انه اهل الكوري والتيويتا والنيسان قايمه قيامتهم سببتلهم ازمه نفسيه السياره

اخوي انا حجزت سبورت قبل أسبوع وقالولي التسليم يوم 25 فبراير
متأكد انه بيوصل موترك بعد اسبوع ؟؟
:confused:

ماشاء الله تبارك الله

الله يعطيك من خيره ويكفيك شره