بخصوص موية الرديتر الزرقاء للاكورد

السلام عليكم ورحمة الله وبركاته
يا اخوان موية الرديتر للاكورد لونها ازرق للاكورد 2013 واعتقد 2012 نفس الشي لانها جاية من امريكا والله اعلم
المهم
رحت الوكالة سألت عنها قالو عندنا الموية الي لونها اخضر مافي غيرها وقيمتها 75 ريال !
سألته كيف احط موية خضره على مويه زرقه ؟ قال عاااااادي !!!!!!!
شباب وش الحل هل كلامه صحيح عادي احط مويه زرقه على مويه خضره في طرمبة او قربة الرديتر ؟ مافيها مشاكل
وايش تنصحوني
وشرايكم بموية تويوتا الحمراء يمدحونها او موية المرسيدس لانها نفس اللون ازرق لكن ما ادري وش نظامها ...
وشكراَ

وعليكم السلام


الالوان سواءا اخضر اواحمر اوازرق مافي فرق المقصدمن اللون اذا صار تهريب مويه بالراديتر
يحدد وين التهريب بالضبط
موية تويوتا اومرسيدس ماجربتها
خلك على كاسترول حق الوكاله افضل

كنت اتوقع بينها فرق لاني دخلت على موضوع بمنتدى ثاني يتكلم عن اللوان ماء الرديتر ولحس مخي !

مشكور ويعطيك العافية يا اخ مبارك

بعض انواع موية الرديتر تجي مخلوطه نص مويه ونص موية رديتر

وبعض الانواع تجي مركزه

وبعض الانواع تجي مخلوطه وجاهزه لسياره بنسبه معينه

الاكورد تاخذ نص مويه ونص موية رديتر بس منيب متأكد

راجع الكتالوج وشوف

وشوف الجالون حق موية الرديتر اذا مخلوط نص مويه ونص موية رديتر لاتخلطه مع المويه

ملاحظه الرديتر لاتعبيه الا ماء مقطر

نسيت اقولك ترا فيه اختلاف من ناحية الالوان يكون بينهم اختلاف بالمواد

بس مادري اذا خلطت نوعين مع بعض بيضر السياره او لا

اقتباس:

---

المشاركة الأصلية كتبت بواسطة ACCORD SPORT

بعض انواع موية الرديتر تجي مخلوطه نص مويه ونص موية رديتر

وبعض الانواع تجي مركزه

وبعض الانواع تجي مخلوطه وجاهزه لسياره بنسبه معينه

الاكورد تاخذ نص مويه ونص موية رديتر بس منيب متأكد

راجع الكتالوج وشوف

وشوف الجالون حق موية الرديتر اذا مخلوط نص مويه ونص موية رديتر لاتخلطه مع المويه

ملاحظه الرديتر لاتعبيه الا ماء مقطر

---

اقتباس:

---

المشاركة الأصلية كتبت بواسطة ACCORD SPORT

نسيت اقولك ترا فيه اختلاف من ناحية الالوان يكون بينهم اختلاف بالمواد

بس مادري اذا خلطت نوعين مع بعض بيضر السياره او لا

---

مشكور اخوي
بس ايش تقصد بالملاحظة ؟ هل داخل الرديتر اعبي ماء مقطر والقربة ماء رديتر او كيف فهمني تراني ما افهم بهشغلات كثير ؟

ترى انا اقصد قربة الرديتر لانها ناقصة شوي وابغى اشتري جالون ماء رديتر عشان كل ما غيرت الزيت اشيك على القربة

وشكلي بعبي ماء تويوتا المخفف الجالون ب40 كثير يمدحونه

مدري كيف بتطلع الخلطة ازرق واحمر وهل له اثر الله اعلم

اقتباس:

---

المشاركة الأصلية كتبت بواسطة سبحان الله 100

مشكور اخوي
بس ايش تقصد بالملاحظة ؟ هل داخل الرديتر اعبي ماء مقطر والقربة ماء رديتر او كيف فهمني تراني ما افهم بهشغلات كثير ؟
ترى انا اقصد قربة الرديتر لانها ناقصة شوي وابغى اشتري جالون ماء رديتر عشان كل ما غيرت الزيت اشيك على القربة
وشكلي بعبي ماء تويوتا المخفف الجالون ب40 كثير يمدحونه
مدري كيف بتطلع الخلطة ازرق واحمر وهل له اثر الله اعلم

---

ايه تعبيه بالقربه

ونصيحتي لك لاتعبي حق تويوتا دام السياره جديده امش على كلام الوكاله لان لو صار شي لسياره لا قدر الله ممكن يطلعون نفسهم من السالفه وماراح يصلحونها على الضمان

وبخصوص القربة يقولون تعبي ماء مقطر الين ما تحس ان اللون بدء يتغير بعدين تزود ماء رديتر

والله بدأت ابحث وقرأت مواضيع شيبت راسي كل شوي اسمع كلام

احترت ننتظر باقي الاخوان ان شاء الله عندهم العلم الاكيد

زمان كان الناس يقولون المويه الخضراء يوم كانت المكاين والراديتر حديد
والمويه الحمراء للمكاين الالومينيوم والراديتر ههههههه والمويه الزرقاء للي مكاينهم فولاذ ههه>>امزح:d
كلام غير صحيح وليش الوكاله تستخدم مويه خضراءمثل ماذكرت ؟!!
على العموم موية مرسيدس زرقاء اذا تبي نفس اللون ..

اقتباس:

---

المشاركة الأصلية كتبت بواسطة سبحان الله 100

وبخصوص القربة يقولون تعبي ماء مقطر الين ما تحس ان اللون بدء يتغير بعدين تزود ماء رديتر
والله بدأت ابحث وقرأت مواضيع شيبت راسي كل شوي اسمع كلام
احترت ننتظر باقي الاخوان ان شاء الله عندهم العلم الاكيد

---

انا اعبي ماء مقطر اذا نقصت المويه بالقربه
وتغيير موية الراديتر عند 100الف اختياري وعند 200الف اجباري..

انا ناوي اغير موية الرديتر لموديل 2009 وهي عندي خضراء

ممكن تقول لي ولا عليك امر وش نوع المويه الخضراء هل هي نفس شد البلد ؟!

والجالون اللي سعره 75 كم لتر ؟

والاكورد كم يكفيها من لتر ؟

^^^^^
الراديتر يكفيه 1جالون و2لتر مويه مقطره واقل بشوي
1جالون =3.78لتر
انا انصحك بموية مرسيدس بس غالي شوي
الجالون تاخذه 140 ريال تقريبا..
موية المرسيدس تباع باللتر..

اقتباس:

---

المشاركة الأصلية كتبت بواسطة مبارك عبدالله

^^^^^
الراديتر يكفيه 1جالون و2لتر مويه مقطره واقل بشوي
1جالون =3.78لتر
انا انصحك بموية مرسيدس بس غالي شوي
الجالون تاخذه 140 ريال تقريبا..
موية المرسيدس تباع باللتر..

---

موية المرسيدس وش يجي لونها ؟
وموية الرديتر حقت الوكاله ماعانيت منها مع ان الموتر ماشي 300 الف ماشاء اللهه
يعني موية الوكاله تجي مركزه ؟ مهوب نص مويه مقطره ؟

اقتباس:

---

المشاركة الأصلية كتبت بواسطة تألمت بس تعلمت

موية المرسيدس وش يجي لونها ؟
وموية الرديتر حقت الوكاله ماعانيت منها مع ان الموتر ماشي 300 الف ماشاء اللهه
يعني موية الوكاله تجي مركزه ؟ مهوب نص مويه مقطره ؟

---

لون موية المرسيدس ازرق وصحيح ان حقت الوكاله تجي مركزه اومخلوط ماتاكدت...

انا كان معاي ماكسيما 2004 كل مية الف كيلو اطلع المويه الاخضر حق الوكاله واحط مويه الاخضر من سي ديلكو اصلي ، واذا تبي مويـه ازرق شوف وكيل قطع غيار سي ديلكو يمكن تلاقي عنده لونه ازرق انت شوف ان شاء الله تلاقي واذا مافيه ابد ، حاول تخلي الموتر يمشي على الاقل مية الف كيلو وغير المويه الازرق كله وحط اخضر من سي ديلكو ، ترى مويه تويوتا اللي عند عبداللطيف جميل مهوب اصلي من المصنع حتى الجركل يختلف من اللي عند وكيل الامارات يجي شكله واضح اصليه ، وصنعه ياباني واللي عند عبداللطيف جميل صنعه سعودي اكيد حط خلطه مويه عاديه مع موية المصنع كذا راح يجي الصدا ، واللي عند سي ديلكو يجي صنع امريكي ميه ميه اتمنى افدتك ، :cool:

أحذر تخلط ماء الراديتر بألوان أو انواع مختلفه ؛ وأحذر من نصب وكالة عبدالله هاشم

كل شيء عندهم عااااادي .. لو عندهم زيت عافيه وتسألهم عادي أستخدمه للمكينه أو الخ... بيقولون لك عاااااادي

أنا غاسل يدي منهم :mad:

و أهم شيء انهم يبيعون ويصرفون اللي عندهم

ملاحظه :
ماء الراديتر انواع وتركيبات ( توليفات - خلطات ) مختلفه .. وفيه شيء عمره قصير وفيه شيء عمره طويل LONG LIFE
واذا استخدمت نوع غير مناسب راح يسبب تآكل بالـ ( الراديتر - طرمبة الماء - مسارات الماء بالمكينه - بلف الحراره - الخ... ) + السيليكات يسبب تقطع ربل وصوف طرمبة الماء وممكن يسبب مشاكل أخرى كبيره

وأيضا
ماء الراديتر يجي نوعين بعضه مخفف ومخلوط بالماء المقطر وجاهز للتعبئه ؛ وبعضه مركز ويحتاج للتخفيف بالماء المقطر
اذا مكتوب premixed أو 50\50 أو do not add water .. أعرف أنه مخفف ومخلوط وجاهز للتعبئه

أنا سيارتي أكورد 2006 مكتوب بالكتالوج أستخدم ماء راديتر هوندا النوع 2 .. بالأنجليزي يسمونه TYPE 2

http://store2.up-00.com/Apr13/S0R16301.jpg

http://store2.up-00.com/Apr13/0bI16301.jpg

وهذي صور من قوقل لشكل علبة TYPE 2

http://www.hondapartsdeals.com/image...OL999-9011.JPG

http://image.ohozaa.com/i8/5img_4395.jpg

http://i847.photobucket.com/albums/a...NewImage-3.jpg



ماء راديتر هوندا Type 1 الأخضر أردى وأسوء وأقصر عمر من الأزرق Type 2
ولو خلطته مع الأزرق راح يقلل عمر ماء الراديتر الأزرق ؛؛ وممكن يسبب مشاكل

* ماء راديتر الوكاله Type 1 مصنوع في تايلاند .. ولا كتب عليه LONG LIFE
وخلف العلبه مكتوب عليها باللغه التايلانديه ما نقدر نقرأها

أنا سألت خدمة عملاء هوندا في تويتر USA
وقالي
http://store2.up-00.com/Apr13/JFJ14597.png
يقول أن type 1 منقطع من مده طويله ؛ ولست متأكد
ويقول أن ماء راديتر هوندا الأزرق type 2 عمره طويل LONG LIFE وتركيبته ( توليفته - خلطته - الخ... ) تختلف عن TYPE 1


أنا اتوقع
عبدالله هاشم يجيبه بأقل سعر ممكن ويبيعه بسعر غالي
( أخضر + قديم Type 1 + ممكن يسبب تقطع صوف وربل طرمبة الماء = تهريب + ممكن يسبب تآكل .. ومصنوع في تايلاند )

هم ما راح يضرهم شيء .. أصلا ما راح تحتاج ماء راديتر إلا بعد إنتهاء مدة الضمان
ولو خرب عليك شيء هم الكسبانين .. تشتري قطع غيار منهم

ليته يجيب الأزرق حتى لو أغلى من الأخضر ؛ أهم شيء يكون مناسب 100%


وأحذر من ماء راديتر مرسيدس الأزرق لأن فيه مواد ما تناسب السيارات اليابانيه .. ماء راديتر مرسيدس مناسب للسيارات الألمانيه

ولو استخدمته في السيارات اليابانيه راح يسبب تآكل ومشاكل


السيارات اليابانيه = لها تركيبه ( توليفه - خلطه ) خاصه من ماء الراديتر

السيارات الألمانيه = لها تركيبه ( توليفه - خلطه ) خاصه من ماء الراديتر

السيارات الأمريكيه = لها تركيبه ( توليفه - خلطه ) خاصه من ماء الراديتر


الإختلاف في المواد اللي تكون في ماء الراديتر وليس الإختلاف فقط باللون

أي سياره لازم تستخدم ماء الراديتر المناسب لها ؛ لأنك إذا استخدمت شيء غير مناسب راح يسبب تآكل ( مسارات الماء بالمكينه + الراديتر + بلف الحراره + ريش طرمبة الماء + ويقطّع ربل وصوف طرمبة الماء يعني يسبب تهريب )


ماء راديتر هوندا Type 2 الأزرق عمره طويل ويدوم لمدة 10 سنوات أو 200 ألف كم ( أيهما أسبق )
ثم بعد 10 سنوات أو 200 ألف كم :
تصير تغيره كل 5 سنوات أو 100 ألف كم
^ المصدر : كتالوج السياره ^

نصيحه : لا تغيره قبل المده هذي .. لأنك ما راح تلقى ماء الراديتر الأزرق Type 2

وعند التغيير تحتاج جالونين
لأن ( ماء راديتر هوندا وتويوتا وميتسوبيشي و الخ ... كلها تجي مخلوطه وجاهزه للتعبئه ومكتوب عليها لا تضيف ماء )


لكن انت اذا نقص عندك ماء الراديتر زده ماء مقطر
لأن كميه بسيطه ما راح تضر أبداً .. لكن لو الكميه كبيره جدا يعني 4 علب ماء مقطر .. بتأثر على نسبة سائل التبريد وعلى الحمايه من الصدأ والخ...

واذا عبيت أخضر مع الأزرق .. راح يقل عمر وفعالية ماء الراديتر الأزرق


ماء راديتر تويوتا = مصنوع في السعوديه ولا أثق بجودته لأني زي ما أحنا عارفين كلنا نصب وغش عبداللطيف جميل
يجي بنسبة 50% سائل تبريد ومانع صدأ و 50% ماء مقطر

ماء راديتر ميتسوبيشي ياباني = ما أدري اذا مناسب أو لا .. لأنهم ما كتبوا على العلبه مواصفاته
يجي بنسبة 30% سائل تبريد ومانع صدأ و 50% ماء مقطر


أنا بغير ماء الراديتر ومحتار ما أدري وش أعبي ؛ سيارتي ماشية 200 ألف

وكنت أستخدم أسي ديلكو البرتقالي DEX-COOL أغلى من الأخضر .. مشتريه من مركز صيانه اسي ديلكو ؛ وبعد 3 سنوات تقريبا من الإستخدام أشوف فيه شوائب كثيره بماء الراديتر

http://store2.up-00.com/Apr13/Pl616736.jpg

http://store2.up-00.com/Apr13/VtQ16736.jpg

وهذا الغطاء بعد التنظيف من الشوائب والأوساخ

http://store2.up-00.com/Apr13/zpB16736.jpg




أخوي سيارته تويوتا ومشتري كم جالون ماء راديتر تويوتا المصنوع بالسعوديه من موزع قطع غيار تويوتا الجالون الواحد بعد الخصم بـ 40 ريال ؛ وقلت بحط لكم الصور للفائده

http://store2.up-00.com/Apr13/Vqu16430.jpg

http://store2.up-00.com/Apr13/9bk16430.jpg

http://store2.up-00.com/Apr13/BAN16430.jpg

http://store2.up-00.com/Apr13/7mQ16430.jpg

http://store2.up-00.com/Apr13/yxR16580.jpg

اخوي انا معي هوندا 2013 نفس طريقتك كان ناقص العلبه حقت الرديتر رحت واشتريت ماء مقطر وغلقت الماء شوي حتى وصل. كتبه ماكس ... والحين الأمور تمام

THE SILVER ACCORD ماشاء الله عليك دائماَ استفيد من ردودك ومواضيعك لانك توصل الفكرة بشكل واضح الله يعطيك العافية بزود ماء مقطر الين ما نلقى حل مع هذا الوكيل

اقتباس:

---

المشاركة الأصلية كتبت بواسطة ابوالحمدي

اخوي انا معي هوندا 2013 نفس طريقتك كان ناقص العلبه حقت الرديتر رحت واشتريت ماء مقطر وغلقت الماء شوي حتى وصل. كتبه ماكس ... والحين الأمور تمام

---

انا عندي من المصنع جات ناقصه ما ادري ليش حتى موية المساحات كانت ناقصة كثير وزيت الفرامل كان ناقص شوي اتوقع المصنع ينقصها عشان الشحن والتخزين

انت مع صيانة 1000 او 5000 خلهم يشيكون عليها وخلك واقف على روسهم اقسم بالله افشل صيانة شفتها بحياتي يعني لا تتوقع يشيكون على شي بدون ما تقولهم
تخيل جلست استهبل عليهم قلت شيك على زيت الدركسون جلس يطالع يمين يسار ههههههههه في الاخير وبعد ما سأل الي جنبه قال هذي شكلها كهرباء ... الله الله على الاستنتاج :d
انا غسلت يدي منهم ومن صيانتهم



مشكورين

اليوم الصبح رحت لوكالة ميتسوبيشي

وللأسف مالقيت عندهم ماء راديتر ياباني 100%
وأنا رايح لهم أكلت مطب جامد أبن *&^# :mad:ما كان واضح ما عليه خطوط صفراء
المشكله أنه رفيع جدا وكبير جدا .. وصوت الخبطه قوي
ما أقول إلا حسبي الله ونعم الوكيل على اللي حط المطب هذا

عندهم نوعين :
1) نوع مصنوع في الإمارات UAE .. أخضر .. 30% سائل تبريد ومانع صدأ و 70% ماء مقطر .. سعر الجالون بعد الخصم 44 ريال
2) نوع مصنوع بواسطة شركة بترومين .. يجي أحمر أو أخضر .. 40% سائل تبريد ومانع صدأ و 60% ماء مقطر .. سعر الجالون بعد الخصم 37.5 ريال

* ماء راديتر تويوتا = مصنوع في السعوديه

* ماء راديتر وكالة هوندا الأخضر = مصنوع في تايلند

شكلي بستخدم ماء راديتر الوكاله الأخضر والشكوى لله ؛ مع أن الأزرق Type 2 أفضل بكثير وعمره أطول

تايب الاخضر يجي علبه كانها علبة زيت قير ؟! كم يكفي الرديتر من علبه ؟
انا شد البلد جاي اخضر وماشي عليه 300 الف بدون تغيير ومن ابدع مايكون اللي هو نفس النوع اللي ينتقده سلفر اكورد على مااظن وليت اخونا سلفر يفيدنا اذا معلومتي غلط لانك بتضطر تغير الاخضر دام الازرق منقطع
انا عندي اذا نقص ازوده موية صحه من البقاله العلبه بس اما الرديتر نفسه ماعمري فتحته

بتوكل على الله واشتري الاخضر من الوكاله واغيره الاسبوع الجاي ان الله احيانا

على فكره القربه حقت الرديتر صناعه تايلنديه وطبيعي باشراف هوندا
علشان كذا عملوا ماء الرديتر مع القربه كلها في تايلند لقلة التكاليف >> مجرد استنتاج يعني نوعية ممتازه ماتقل عن الازرق:cool:

اليوم الصبح رحت لوكالة ميتسوبيشي

وللأسف مالقيت عندهم ماء راديتر ياباني 100%
وأنا رايح لهم أكلت مطب جامد أبن *&^# :mad:ما كان واضح ما عليه خطوط صفراء
المشكله أنه رفيع جدا وكبير جدا أشد وأكبر من الرصيف .. وصوت الخبطه قوي
ما أقول إلا حسبي الله ونعم الوكيل على اللي حط المطب هذا < اعذروني على الشطحه لكن انقهرت


الزبده .. وكالة ميتسوبيشي عندهم نوعين :

1) نوع مصنوع في الإمارات UAE .. أخضر .. 30% سائل تبريد ومانع صدأ و 70% ماء مقطر .. سعر الجالون بعد الخصم 44 ريال

2) نوع مصنوع بواسطة شركة بترومين .. يجي أحمر أو أخضر .. 40% سائل تبريد ومانع صدأ و 60% ماء مقطر .. سعر الجالون بعد الخصم 37.5 ريال

أخذت جالونين من النوع الثاني ( أحمر ) والله يستر لا يكون فيه ( سليكات silicate ) لأن السليكات يعدم صوف طرمبة الماء وممكن يسبب مشاكل ثانيه


http://store2.up-00.com/Apr13/bYV40249.jpg

http://store2.up-00.com/Apr13/quU40249.jpg

http://store2.up-00.com/Apr13/sg640249.jpg

http://store2.up-00.com/Apr13/ChC40249.jpg

http://store2.up-00.com/Apr13/BQX40435.jpg

http://store2.up-00.com/Apr13/oHW40435.jpg

http://store2.up-00.com/Apr13/YKm40435.jpg



* ماء راديتر تويوتا = مصنوع في السعوديه

* ماء راديتر وكالة هوندا الأخضر = مصنوع في تايلند

ويمكن الفرق بين Type 1 و Type 2 .. بالعمر ومدة الإستخدام

يعني الأزرق Type 2 LONG LIFE مكتوب بالكتالوج يتحمل 200 ألف كيلو أو كل 10 سنوات .. ثم يتغير كل 100 ألف كيلومتر أو 5 سنوات

والأخضر اتوقع عمره أقصر بكثير ولا فيه كلمة LONG LIFE على العلبة .. يعني يمكن كل 80 ألف كيلو أو كل سنتين يحتاج تغيير

الزبده
برأيي المتواضع :

1) إذا سيارتك لون ماء الراديتر ازرق ( شد بلد ) .. اذا نقص زده ماء مقطر لأنك ما راح تلقى ماء راديتر أزرق عند وكالة هوندا

2) إذا لون ماء الراديتر عندك أخضر ( شد بلد ) .. غيّر ماء الراديتر للاحتياط كل سنتين

طبعا اذا انت مشتري سيارتك مستعمله .. يمكن راعيها الأول مغير ماء الراديتر ومعبي أخضر

أو الوكاله أثناء الصيانه الدوريه غيرو ماء الراديتر أو زادوه أخضر

وأنصحكم جميعا بقراءة كتالوج السياره ؛ بتلقى النوع المناسب

اقتباس:

---

المشاركة الأصلية كتبت بواسطة تألمت بس تعلمت

تايب الاخضر يجي علبه كانها علبة زيت قير ؟! كم يكفي الرديتر من علبه ؟
انا شد البلد جاي اخضر وماشي عليه 300 الف بدون تغيير ومن ابدع مايكون اللي هو نفس النوع اللي ينتقده سلفر اكورد على مااظن وليت اخونا سلفر يفيدنا اذا معلومتي غلط لانك بتضطر تغير الاخضر دام الازرق منقطع
انا عندي اذا نقص ازوده موية صحه من البقاله العلبه بس اما الرديتر نفسه ماعمري فتحته

بتوكل على الله واشتري الاخضر من الوكاله واغيره الاسبوع الجاي ان الله احيانا

---

ماء راديتر هوندا الموجود في السعوديه Type 1 الأخضر
يجي جالون ويجي بعلب صغير لتر واحد ( كأنه علبة زيت قير ) لكن مكتوب عليها ماء راديتر ولون الماء أخضر


انت سيارتك وكالة على يدك أو مشتريها مستعمله ؟ وكم موديلها

ترى يمكن ماء الراديتر عندك أزرق لكن اذا رحت للوكاله أو البناشر أو الخ... يزيدونها أخضر فـ تصير القربه خضراء والراديتر أزرق

أو بسبب الخلط يصير اللون أخضر على أزرق

أنا ما أنتقدت ولا جربت Type 1 .. لكن بكتالوج سيارتي مكتوب استخدم Type 2 + الأجانب ما يستخدمون إلا Type 2 الأزرق ومصنوع في أمريكيا

و الكتالوج ما جاب طاري Type 1 الأخضر القديم .. لو هو مناسب كان قالوا إستخدم TYPE 1


الأخضر القديم Type 1 مكتوب عليه باللغه التايلنديه ولا ندري اذا فيه سليكات أو لا

لو فيه سليكات راح يسبب مشاكل على المدى البعيد وممكن القريب

يعني لو استخدمت Type 1 أو أي ماء راديتر .. أي شيء غير الأزرق
ولو صارت مشكلة بنظام التبريد ( الراديتر - مسارات الماء - الخ... )
لا تلوم هوندا

لوم نفسك و عبدالله هاشم
لأن هوندا مالها ذنب


على العموم أنا بسأل خدمة العملاء حقين امريكا بتويتر

هل راح نواجه مشاكل اذا استخدمنا الأخضر TYPE 1 في السياره اللي تحتاج او تستخدم TYPE 2

( فرق السماء عن الأرض مقارنة بخدمة العملاء عندنا بالسعوديه )

هناك يهتمون بالعملاء ويجاوبونك بسرعه ؛ وهنا حقين عبدالله هاشم يسحبون عليك ولايردون عليك أبد حاطين حساب تويتر مجرد شكل

بحثت عن موية راديتر هوندا TYPE2بالايباي ماهوموجود وحصلته بالامازون لكن للاسف توصيله محلي:mad:
وابشركم لقيته بسعر مناسب بموقع هوندا الامريكي ..

اقتباس:

---

المشاركة الأصلية كتبت بواسطة مبارك عبدالله

بحثت عن موية راديتر هوندا TYPE2بالايباي ماهوموجود وحصلته بالامازون لكن للاسف توصيله محلي:mad:
وابشركم لقيته بسعر مناسب بموقع هوندا الامريكي ..

---

المشكلة بالشحن كم بيكلف ( جالونين لكل سياره ) ؟

فيه بـ إيباي

ماء راديتر هوندا TYPE 2 مركز ويحتاج تخفيف بالماء المقطر
http://www.ebay.com/itm/ws/eBayISAPI...m=230916792295
يعني 4 علب من هذي أتوقع تكلفتها شحنها أرخص من جالونين مخفف بالماء المقطر .. لأنها بتكون أخف
نكون تخلصنا من وزن الماء المقطر

يعني أيهم أخف و فضل وأوفر من ناحية تكلفة الشحن :

4 علب صغيره ماء راديتر مركز ويحتاج للتخفيف بالماء المقطر
4 علب ماء مقطر من السعوديه ( متوفر وبكثره عندنا في السعوديه )

أو

2 جالون ماء راديتر مخفف ومخلوط بالماء المقطر

الأربع علب المركزه الصغيره سعرها 38.52$ يعني 145 ريال تقريبا .. هنا

الجالونين من ايباي بـ 20$ يعني 75 ريال تقريبا هنا

اقتباس:

---

المشاركة الأصلية كتبت بواسطة THE SILVER ACCORD

المشكلة بالشحن كم بيكلف ( جالونين لكل سياره ) ؟

فيه بـ إيباي

ماء راديتر هوندا TYPE 2 مركز ويحتاج تخفيف بالماء المقطر
http://www.ebay.com/itm/ws/eBayISAPI...m=230916792295
يعني 4 علب من هذي أتوقع تكلفتها شحنها أرخص من جالونين مخفف بالماء المقطر .. لأنها بتكون أخف
نكون تخلصنا من وزن الماء المقطر

يعني أيهم أخف و فضل وأوفر من ناحية تكلفة الشحن :

4 علب صغيره ماء راديتر مركز ويحتاج للتخفيف بالماء المقطر
4 علب ماء مقطر من السعوديه ( متوفر وبكثره عندنا في السعوديه )

أو

2 جالون ماء راديتر مخفف ومخلوط بالماء المقطر

الأربع علب المركزه الصغيره سعرها 38.52$ يعني 145 ريال تقريبا .. هنا

الجالونين من ايباي بـ 20$ يعني 75 ريال تقريبا هنا

---

الروابط اللي ذكرتها توصيلها محلي ولبعض المناطق مافيه توصيل للسعوديه
اللي حصلته جالون ماء راديتر مخفف 50/50ومن موقع هوندا الامريكيه 2جالون ب105 ريال واصل للسعوديه
:)
نفس اللي بالصوره
http://www.hondapartsdeals.com/image...OL999-9011.JPG

اخوي سلفر انا مطلع الموتر على يدي وكاله
ولا عمر اي بنشري زاد موتري مويه عاديه او موية رديتر
انا اللي اعبيه مويه من نفسي

بس حبيت اعطيكم تجربتي للون الاخضر واتوقع الازرق جاي من 2010 وطالع .. ياليت ملاك 2008 و2009 يشوفون موية الرديتر عندهم وش لونها
اللي من ميتسوبيشي هل هو ممتاز ؟ مافيه ضرر لو شريته وعبيت منه لان يبقى موية رديتر من القديمه في المكينه مثل ماانت عارف واخاف يكون فيه ضرر خلط نوعين مختلفات

وبالاخير بصراحه سلفر ومبارك عبدالله ومعهم الاخ جاكي2 تستاهلون الاشراف ابرك من هالنايمين اللي نسمع فيهم ولا نشوفهم :cool:

بعدين يااخوان انا المويه عندي خضراء وتايب2 ازرق يعني صعب استخدمه

اقتباس:

---

المشاركة الأصلية كتبت بواسطة سبحان الله 100

THE SILVER ACCORD ماشاء الله عليك دائماَ استفيد من ردودك ومواضيعك لانك توصل الفكرة بشكل واضح الله يعطيك العافية بزود ماء مقطر الين ما نلقى حل مع هذا الوكيل
انا عندي من المصنع جات ناقصه ما ادري ليش حتى موية المساحات كانت ناقصة كثير وزيت الفرامل كان ناقص شوي اتوقع المصنع ينقصها عشان الشحن والتخزين
انت مع صيانة 1000 او 5000 خلهم يشيكون عليها وخلك واقف على روسهم اقسم بالله افشل صيانة شفتها بحياتي يعني لا تتوقع يشيكون على شي بدون ما تقولهم
تخيل جلست استهبل عليهم قلت شيك على زيت الدركسون جلس يطالع يمين يسار ههههههههه في الاخير وبعد ما سأل الي جنبه قال هذي شكلها كهرباء ... الله الله على الاستنتاج :d
انا غسلت يدي منهم ومن صيانتهم
مشكورين

---

هههههههه لاماعليك صيانة الوكالات عارفلهم يشيك على الشي الظاهر له او يركزون على خراب يتكرر بالسيارات اللي تجيهم @ احب اضيف شي لاتحط اي زيت غير زيت الوكاله لأني عرف من تجربتي بالسيارات هوندا ماتعيش الا بزيتها ان كان مكينه او قير او دركسون او فرامل،،،،، تحياتي لك

[IMG]untitled[/IMG]


طيب انا موتري 2012 وصدمت عليه غيرت الرديتر وحطيت ميتسوبيشي الاخضر
هل هو زين ولا لازم اغيره

يا شباب ماء راديتر هوندا الأخضر TYPE 1 المتوفر بالسعوديه

فاشل .. مكتوب عليه بالخلف يتغير كل سنتين أو كل 40 ألف كيلو متر

وحتى له تاريخ صلاحيه ( مكتوب خلف العلبه ) !

للأسف شريت جالون من الوكاله ولا أنتبهت لتاريخ الصلاحيه .. باقي 8 شهور وينتهي ( من أصل سنتين 24 شهر )
ولا أدري اذا أقدر أرجعهم عليهم وأخليهم يستبدلونه بجالون ثاني تاريخ انتاجه جديد ( أو على الأقل أجدد شوي ) .. أو ممنوع الترجيع والإستبدال ؟

طبعا الوكاله ومحلات قطع غيار هوندا .. ما يجيبون الأزرق TYPE 2 اللي عمره طويل ويتحمل لمسافة ومده طويله < وأفضل بكثير من الأخضر

يجيبون الأخضر Type 1 بسعر رخيص ويبيعونه بسعر غالي جالون واحد بسعة 4 لتر في الوكاله بـ 69 ريال

والعلب الصغيره ام 1 لتر عند محلات قطع الغيار بـ 25 ريال وبعد المكاسر بـ 23 ريال


وهم الكسبانين ؛؛ و حنا تتعب بتغيير ماء الراديتر كل فتره قصيره 40 ألف أو كل سنتين

حسبي الله عليهم


نصيحه اللي بسيارته ماء راديتر هوندا أزرق .. لا يغيره إلا اذا مشت سيارته 200 ألف أو اذا السياره صارلها 10 سنوات < حسب المكتوب بكتالوج سيارتي

ثم يتغير كل 100 ألف أو كل 5 سنوات .. ولكنه للأسف غير متوفر بالسعوديه

والأخضر حده سنتين من تاريخ إنتاجه أو 40 ألف كيلو متر


يا شباب اللي يدل وكالة مازدا أو سوبارو .. ياليت يشوف وش نوع ماء الراديتر اللي عندهم .. و وش صناعته

وهل هو عادي أو مكتوب عليه LONG LIFE

انا والله العظيم ما أدل وكالة مازدا أو سوبارو .. وإلا كان رحت لهم

مالها الا ماء مقطر

صراحه شرح ميه ميه,,, مالها المويه الزرقا Type 2 LONG LIF

وشكلي راح اشتريه من امريكا عندي عنوان بامريكا وخصوصا ان سيارتي الان ماشيه 195 الف مع العلم تم تغيير موية الراديتر مره واحده في صيانة 100 الف في الشركة وحطو ماء كاسترول يجي اخضر اشوفه طيب ,,,, اذا فيه احد عندو معلومه عن كاسترول مع العلم سعر الجالون غالي حوالي 60 ريال .... وشكرا

اقتباس:

---

المشاركة الأصلية كتبت بواسطة Accord08ADA

صراحه شرح ميه ميه,,, مالها المويه الزرقا Type 2 LONG LIF
وشكلي راح اشتريه من امريكا عندي عنوان بامريكا وخصوصا ان سيارتي الان ماشيه 195 الف مع العلم تم تغيير موية الراديتر مره واحده في صيانة 100 الف في الشركة وحطو ماء كاسترول يجي اخضر اشوفه طيب ,,,, اذا فيه احد عندو معلومه عن كاسترول مع العلم سعر الجالون غالي حوالي 60 ريال .... وشكرا

---

اذا لقيت موقع يبيع المويه الزرقاType 2 وقدرت تشحنها على السعودية لا هنت كلمني عشان تطلب لي معاك :)

اقتباس:

---

المشاركة الأصلية كتبت بواسطة سبحان الله 100

اذا لقيت موقع يبيع المويه الزرقاType 2 وقدرت تشحنها على السعودية لا هنت كلمني عشان تطلب لي معاك :)

---

ياشباب حابب ان نتشارك ونساعد بعض بعد توفيق الله استطعت اجيب سعر ماء الراديتر المركز 80 ريال للحبه مع الشحن في حال اذا طلبت سته حبات طلبيه واحده وحق تعبي 15:p في العلبة
:) , ياشباب عني محتاج عدد 2 علبة مركز لاني باذن الله راح اغير ماء سيارتي . والعضو سبحان الله 100 ,, لذا ياشباب اللي يبغى يراسلني على الخاص
وشكرا لكم

اقتباس:

---

المشاركة الأصلية كتبت بواسطة Accord08ADA

ياشباب حابب ان نتشارك ونساعد بعض بعد توفيق الله استطعت اجيب سعر ماء الراديتر المركز 80 ريال للحبه مع الشحن في حال اذا طلبت سته حبات طلبيه واحده وحق تعبي 15:p في العلبة
:) , ياشباب عني محتاج عدد 2 علبة مركز لاني باذن الله راح اغير ماء سيارتي . والعضو سبحان الله 100 ,, لذا ياشباب اللي يبغى يراسلني على الخاص
وشكرا لكم

---

الله يعطيك العافيه والله يجزاك خير

كم سعة\حجم العلبه الواحده ؟ يعني لتر واحد أو جالون 4 لتر \ 3.785 لتر ؟
ياليت تحط صورة للعلبه للتوضيح

http://montada.haraj.com.sa/imgdir/51058bb5cf962.jpg

http://2.bp.blogspot.com/-usSUGgd9fH...0/IMAG0959.jpg


هل تقصد اذا طلب 6 علب طلبيه واحده ؛ تكون العلبه الواحده أم لتر واحد بـ 15 ريال ؟ ياليت توضح أكثر

اذا ( لتر واحد ) يعني علبه صغيره ترى تحتاج أكثر من علبتين يعني تحتاج 3 علب والباقي ماء مقطر

أهم شيء يكون ماء راديتر هوندا Type 2 الأزرق

بكتالوج سيارتي اكورد 2006 مكتوب :

الأربعه سلندر مكينة 2.4 قير عادي :
سعة التغيير = 5.1 لتر
السعة الكليه = 7.2 لتر

الأربعة سلندر مكينة 2.4 قير أوتوماتيك :
سعة التغيير = 5 لتر
السعة الكليه = 7.1 لتر

السته سلندر V6 مكينة 3.0 قير أوتوماتيك :
سعة التغيير = 6.7 لتر
السعة الكليه = 8.4 لتر

وأنا عن نفسي اذا جيت أغير ماء الراديتر بفضيه ثم أعبيه ماء مقطر .. واروح على السياره لمشوار عشان تحتر السياره و يتحرك ماء الراديتر

وأخلي السياره تبرد .. واذا بردت فضيت الماء وعبيت ماء راديتر هوندا الأزرق Type 2 مع ماء مقطر


أخوي ما عمره غير ماء الراديتر وسيارته أكورد 2006 فل كامل ؛ ولون ماء الراديتر عنده أزرق يعني Type 2


ملاحظه :
تغيير ماء الراديتر يحتاج خبره عشان تعبيه بشكل كافي وإلا راح ترتفع الحرارة H


http://store2.up-00.com/Nov12/GZd32948.jpg

http://store2.up-00.com/Nov12/eSM32949.jpg

http://store2.up-00.com/Nov12/Cxz32949.jpg

http://store2.up-00.com/Nov12/8oL32949.jpg

http://store2.up-00.com/Nov12/rO433198.jpg

http://store2.up-00.com/Nov12/j4f33198.jpg



صرة الراديتر .. تفكها وتركبها بيدك .. لا تكسرها

http://store2.up-00.com/Apr13/pZz48624.jpg

الخزان الإحتياطي أو القربه .. تحتاج مفتاح 10 عشان تفك المسمار اللي يمسكها وتفرغ الماء القديم اللي فيها

http://store2.up-00.com/Apr13/s9P48624.jpg



وإحذر أنك تغير ماء الراديتر والمكينه حاره :

1) يفور ماء الراديتر الحار بوجهك ويحرق جلدك .

2) اذا عبيت ماء بارد والمكينه حاره والخ... ممكن ينشعر رأس المكينه .

لأن المكينه تكون حاره وفجأة يجيها ماء بارد جدا مقارنة بحرارتها ( حرارة المكينه )

اقتباس:

---

المشاركة الأصلية كتبت بواسطة THE SILVER ACCORD

تم الرد على جميع الاسئلة


الله يعطيك العافيه والله يجزاك خير

كم سعة\حجم العلبه الواحده ؟ يعني لتر واحد أو جالون 4 لتر \ 3.785 لتر ؟

ياليت تحط صورة للعلبه للتوضيح

حجم العلبة 1 Quart يعني لتر بضبط ( 946ml ) ملي
العلبة الزرقا والسوده واحدة هذا مجرد لووووووووووووون فقط يعني بلاستك فقط لا اكثر ولاا اقل


[IMG]http://im37.gulfup.com/vYbqo.jpg[/IMG]
[IMG]http://im32.gulfup.com/7STty.jpg[/IMG]



هل تقصد اذا طلب 6 علب طلبيه واحده ؛ تكون العلبه الواحده أم لتر واحد بـ 15 ريال ؟ ياليت توضح أكثر


اوضح لك اذا طلبت الطلبية 6 علب احصل على خصم مقداره 10% يعني حوالي 2.77 ريال سعودي في العلبة الواحدة نعم انه ليس فرق كبير ولكن بشكل جماعي اتوقع انو يفرق لذا ومن هذا باب تم طرح الفكرة وان تعم الفائده للجميع تم طرحها وللعلم بعد بحث طويل لم احصل على اقل من هذا السعر وللعلم ان المواد السائله اغلب الشركات الشحن لا تقم بشحنها ,
العلبة لتر واحد كما تم شرحها مسبقا



اذا ( لتر واحد ) يعني علبه صغيره ترى تحتاج أكثر من علبتين يعني تحتاج 3 علب والباقي ماء مقطر

أهم شيء يكون ماء راديتر هوندا Type 2 الأزرق


بخصوص كم تحتاج والله ما اعرف بس فيه شرح خلف العلبة بس لسى مادققت فيه اتوقع ثلاث علب تكفي مع القربه ويكون عند زائد تخله معك احتياط ( للعلم ممكن احد يقلي والله تكلفه ارد له واقول الماء الازرق عمره 200ألف كليو وليس مثل الاخضر 40الف كيلو يعني الماء الازرق لك ولزمن وخاصة اللي يفكر على انه يحافظ على حرارة المكينة )

---

تم الرد

تم التواصل مع الاخ اكورد08 وطلب علبتين
شباب باقي علبتين الي يبغى يكلم Accord08ADA

تم شراء 6 علبة ولله الحمد محجوز منها اثنان ,, زي ماتشوفو العدد قليل فالشخص اللي يبغى يحجز يتواصل معي ع الخاص ,, حال وصولها سوف أخبركم
وشكرا

السلام عليكم ورحمة الله وبركاته

كما هو موضح امامكم حصلت موية الراديتر الزرقاء الاصليه بالرياض في الصناعيه القديمه من محلات العبيدان بجانب قطع غيار عمر النعماني
بسعر 80 ريال للجالون ...
http://im37.gulfup.com/klhp1.jpg

اقتباس:

---

المشاركة الأصلية كتبت بواسطة مبارك عبدالله

السلام عليكم ورحمة الله وبركاته

كما هو موضح امامكم حصلت موية الراديتر الزرقاء الاصليه بالرياض في الصناعيه القديمه من محلات العبيدان بجانب قطع غيار عمر النعماني
بسعر 80 ريال للجالون ...
http://im34.gulfup.com/O5JYT.jpg

---

و عليكم السلام ورحمة الله وبركاته

يا سلام عليك دائما مبدع ؛ الله يعطيك العافيه

ولكن عندي سؤال بسيط هل عليها تاريخ انتاج وإنتهاء ( يعني مدة الصلاحيه ) ؟

كانك مشتري واحد ياليت تشيك على الجالون من كل الجهات حتى من تحت