خبر اكيد على السته سلندر والفروق بينهما
السلام عليكم
كيفكم شباب ؟؟؟
قبل كم يوم كنت في الوكاله الي بالخالديه وكنت اسولف مع الي على المكتب السعودي
>>يعرفه
المهم قلت له ابي اربعه سلندر فل كامل قال لي خلص وبعد 15 يوم بتجي 140 سياره فقط للون اللؤلي ولا راح تقعد اسبوع الا وهي مخلصه يعني احجز ازين لك طبعا حجزت الحمدلله وادعولي بالتوفيق
المهم قلت له اخاف اخذها وتنزل السته بعد شهر ونص تقريبا وفيها شاشه واندم قال لا ماعليك جابوها لنا وجربناها والي يختلف عن الاربعه ان فيها مكيف خلفي مع انه مايحتاج مكيفها ماشاء الله وزنون واطي ورشاشات مويه على الشمعات الي تجي بالصدام فقط لاغير
قلت له طيب 2009 هل فيها شاشه قال وانا اخوك حنا قدمنا طلبات العملاء للشركه الي في اليابان واخذنا اراء الجمهور في جده واكشتفنا انهم يبون 3 اشياء الا وهي :
1- شاشه .
2- التشغيل باللمس (البصمه) .
3- تقنية البلوتوث .
وردوا علينا الشركه وقالوا لنا راح نستخدم هالميزات في السنوات القادمه يعني ماتدري 2009 او 2010 الله اعلم .
هذا الي اخذته منه وان شاء الله مايكون احد سبقني وتحياتي لكم
