صور حادثي الأليم( اكورد سبورت موديل90)
بسم الله الرحمن الرحيم
السلام عليكم ورحمة الله وبركاته
صدق من قال( اللي ع الجبين لازم تشوفه العين)
السياره/ هوندا أكورد سبورت موديل 90
قبل لا اوريكم الصور حبيت احكي لكم سالفة حادثي اللي صار لي قبل سنتين بالاكورد انا و ولد عمي و واحد من الشباب ....
.
.
.
.
كنت ادرس بالكلية الصناعية بالجبيل...
وكان يوم الثلاثاء جاني ولد عمي مع ورفيجي وانا نايم وجلسوني من النوم....قلت اشبلاكم شصاير قالو يالله ننزل الحسا...طيب يعوال الحلال باكر الاربعا ورانا دوام...قالوا يااارجااال خل عنك قال ايش قال دوام......الزبده انهم فرو مخي وعزمنا ننزل الحسا.....قول مسكنا الخط الساعه وحده بالليل وكنا نتمشى ع الرااااااحه يعني الطبلون ما عدا ال100.....وكان ولد عمي راكب ورا لأنو خويي اللي كان معنا متيييين ولا يمديه يركب ورا ....قول وصلنا محطة الخالدي بعد ما اخذنا مخالفتين على حزام الامان :mad::mad:......وقفنا بالمحطة ونزلنا البقالة نشتري بعض الحاجيات.......جينا نركب السيارة قال ولد عمي انا بركب قدام...قلنا له يبن الحلال شتركب قدام شيركب خوينا ورا ما يقدر يركب متين......عننند ولد عمي الا يركب قدام(سبحان الله):confused:...قول ركب قدام ومشينا....الزبده ما اطول عليكم السالف وان طالت......قول وصلنا الحسا الساعه 4 الفجر وجيت عند المنعطف اللي عند بيت المقاول المعروف حسين العلي الا بذاك الالنترا اللي خاااش فيني وجه بوجه.... الضربة جت اكثر شي جهت اليمين يعني جهت ولد عمي.......وتوفى ولد العم بعد الحادث بدقايق:(....وخويي اللي ورا جته ضربه خفيفه.....اما انا الله سترها معااي لولا الاأير باق والا كان رحت ملح بس ربك ستر
.
.
.
واسمحو لي اذا طولت عليكم
وهذي بعد الحادث
1
ملف مرفق 1608
2
ملف مرفق 1609
3
ملف مرفق 1610
4
ملف مرفق 1611
5
ملف مرفق 1612
