الآن... جنوط الأكورد الأصليه ب 1400 ريال فقططططططط
أكيد مستغرب .. :confused: صح ..؟
والله هذا الي وصلني من خبر ...
اليوم مريت على محل جنوط في أبها البهيه أبي أشوف جنط مدحه أخوي لي ودلني على المحل ...
وصلت المحل قابلت الأخ الحبيب (( أسميه أبو نصبه )) باكستاني .. نفسه في خشمه ..
سألت عن الجنط وشفته .. طلع بايخ مو مثل ماتوقعته .. الزبده أنا سويت ننفسي أبي أستبدل جنوطي (( أصليه )) والكفرات طبعا ميشلان (( وكاله )) وحالتها ممتازه جدا ..
قلت خلني أشوف وش بيقول ,, قلت له يابو الشباب ابي أستبدل معك وشرايك ..؟
طالع الرجال يمين يسار .. سوالي فيها فاهم ونظرات ثاقبه ..
أنا توقعت يقولي بيزيدني 3 آلاف أو حدودها .. لأن الجنوط الي عنده ب ألفين ريال ..
المهم قالي خلاص مافي مشكل أعطني ألف ريال ..:eek: ..
أنا أفتح عيني أبي أشوف انا بحلم ولا علم .. قلت صديق : معلوم كم سعر هاذا جنط في وكاله ؟
قال : لا .. قلت الواحد ب 1770 ريال أضربها بأربع وزيد عليها سعر الكفرات ميشلان أصلي ..
قال لا مافي .. قلت تكفى يالي مشققني بجنوطك أنا أبي أضحك عليك شوي ولا والله ماأبيعها لك لو تناقز للسما ..
قالي شوف أنت يجي يوم الخميس الجاي أنا يجيب جنوط هوندا أصلي أربع ب 1400 ريال :confused:
قلت على مين يابو الشباب .. قال شوف أنت ياخذ جنوط ودي وكاله اذا مافي أصلي يرجع ياخذ فلوس .. قلت تم يوم الخميس أنا محضر عندك ومعي 10 من الشباب لو تبي بس أهم شي أصلي .. قال خلاص ..
من هنا الى يوم الخميس وراح أعطيكم الخبر ان شاء الله ..
آآآآآآآآآآآآآآآآآآسف على الأطاله .. بس والله اني أكتب لكم وأنا أضحك لما أتذكر شكله وهو يقولي زود ألف لأن الرجال يتكلم بكل ثقه ..
