(منقول) مقارنة مفصلة بين السوبارو الليجاسي & الهوندا أكورد

الموضوع منقول:
المصدر: اضغط هنا الموضوع الرئيسي
كتب الموضوع الأصلي:V-I-P

السلام عليكم ورحمة الله وبركاته

اولا: وقبل كل شئ الموضوع هذا للفائده ونرجوا عدم التعصب

ثانيا: انا اختر الاكورد وقارنتها مع الليجاسي لأنها اقرب سياره لها من فئتها من ناحية التصنيع والتجميع وتوفرها بـ 4 و 6 سلندرات
وهذا الي اقصده:
الكامري تأتي 4 و 6 سلندرات ولاكن تصنيعها في استراليا
الماجنا تأتي 4 و6 سلندرات ولاكن تصنيعها في استراليا
الالتيما تأتي 4 و 6 سلندرات ولاكن تصنيعها في امريكا
الزوم تأتي 4 سلندرات فقط وتصنيعها في اليابان
الماكسيما تأتي 6 سلندرات فقط وتصنيعها في اليابان
الاكورد تأتي 4 و6 سلندرات وتصنيعها في اليابان <<<< الليجاسي تأتي 4 و 6 سلندرات وتصنيعها في اليابان

ثالثا: طبعا الليجاسي والاكورد تتشابه بأشياء كثيره مثل الـ ABS والتحكم في ارتفاع الانوار والقفل المركزي والزجاج الكهربائي ووو ..........
وفي هذا الموضوع راح اذكر الاشياء الموجوده بالليجاسي وليست موجوده بالاكورد والعكس

رابعا: راح اقارن في افضل نوع واقل نوع من الاكورد والليجاسي
احس اني طولت عليكم بسم الله نبدأ

http://rrr2008.jeeran.com/vs.jpg
اولا: اقل نوع من الليجاسي والاكورد (( 4 سلندر )) قير عادي

الشكل: طبعا بالنسبة لي عندي شكل الليجاسي افضل من الاكورد
ولاكن الشكل يعتبر ذوق خاص تعادل

وجود شكمانين بدبتين منفصلتين عند الليجاسي - الاكورد يوجد شكمان ودبه واحده نقطه لليجاسي

http://rrr2008.jeeran.com/hhh.jpg
توفر الاكورد بأنوار ليزر (( LED )) للطبلون - الليجاسي انوار طبلون عاديه

نقطه لليجاسي - نقطه للأكورد

http://rrr2008.jeeran.com/ooo.jpg
وجود مكيف بتحكم الكتروني عند الليجاسي - الاكورد تحكم يدوي

نقطتان لليجاسي - نقطه للأكورد


يوجد في الاكورد أنوار ليد في الاسطبات الخلفيه - الليجاسي انوار عاديه

نقطتان لليجاسي - نقطتان للأكورد

http://rrr2008.jeeran.com/lll.jpg
الليجاسي جنوط كروم - الاكورد طاسات

3 نقاط لليجاسي - نقطتان للأكورد

http://rrr2008.jeeran.com/kkk.jpg
تابع

الاكورد 2.4 لتر = 177 حصان - الليجاسي 2.0 = 165 حصان

3نقاط لليجاسي - 3 نقاط للأكورد

http://rrr2008.jeeran.com/fff.jpg

يوجد في الليجاسي مثبت سرعه - الاكورد بدون مثبت

4 نقاط لليجاسي - 3 نقاط للأكورد

http://rrr2008.jeeran.com/eee.jpg

الاكورد تمسك سعرها عند اعادة البيع اكثر من الليجاسي

4 نقاط لليجاسي - 4 نقاط للأكورد

يوجد في الليجاسي كشافات ضباب - الاكورد بدون كشافات ضباب

5 نقاط لليجاسي - 4 نقاط للأكورد

http://rrr2008.jeeran.com/jjj.jpg

الابعاد الداخليه والخارجيه للأكورد اكبر من الليجاسي بقليل

5 نقاط لليجاسي - 5 نقاط للأكورد

في الليجاسي توجد 3 ميزات بالنسبه لمقياس الرحلات منها مقياس للبنزين الموجود في التانكي كم يمشيك كيلو - الاكورد لايوجد فيها

6 نقاط لليجاسي - 5 نقاط للأكورد

http://rrr2008.jeeran.com/www.jpg

الاكورد تستطيع غلق النوافذ من خارج السياره ومن داخلها - الليجاسي من داخل السياره فقط

6 نقاط لليجاسي - 6 نقاط للأكورد

وزن الليجاسي 1365 كغ - الاكورد 1413 كغ

7 نقاط لليجاسي - 6 نقاط للأكورد

الليجاسي يوجد بها عدسات في انوار الواطي والكشافات - الاكورد انوار عاديه

8 نقاط لليجاسي - 6 نقاط للأكورد

http://rrr2008.jeeran.com/ppp.jpg

يأتي مع الليجاسي 3 مفاتيح ريموت (( مثل الاصليه )) - الاكورد يأتي معها مفتاح واحد بريموت ومفتاحين عاديات

9 نقاط لليجاسي - 6 نقاط للأكورد

يوجد في الليجاسي سي دي وكاسيت - الاكورد سي دي فقط

10 نقاط لليجاسي - 6 نقاط للأكورد

http://rrr2008.jeeran.com/ddd.jpg

الليجاسي يوجد بها مقياس لدرجة الحراره الخارجيه - الاكورد لايوجد

11 نقطه لليجاسي - 6 نقاط للأكورد

الليجاسي يشيل 6 سيديات في وقت واحد - الاكورد يشيل سي دي واحد فقط

12 نقطه لليجاسي - 6 نقاط للأكورد

الـ TRIP حق الليجاسي يقيس الى عشر الاف كيلو - الاكورد الى الف فقط

13 نقطه لليجاسي - 6 نقاط للأكورد

الليجاسي صرفيتها للبنزين افضل من الاكورد (( بالنسبه للـ 4 سلندر فقط ))

14 نقطه لليجاسي - 6 نقاط للأكورد

الليجاسي دفع رباعي مستمر AWD - الاكورد دفع امامي

15 نقطه لليجاسي - 6 نقاط للأكورد

http://rrr2008.jeeran.com/qqq.jpg

اسعار قطع الغيار الليجاسي افضل من الاكورد

16 نقطه لليجاسي - 6 نقاط للأكورد

سعر الليجاسي 66 الف شامل اللوح والنقل - الاكورد 67 الف غير شامل اللوح

17 نقطه لليجاسي - 6 نقاط للأكورد

وفي الختام فرق 11 نقطه لصالح اليجاسي
يتبع




7
7
7

ثانيا: افضل نوع من الليجاسي والاكورد (( 6 سلندر )) قير اوتوماتيك

يوجد في الليجاسي والاكورد انوار طبلون ليزر (( LED ))

تعادل

http://rrr2008.jeeran.com/bbb.jpg

يوجد في الليجاسي والاكورد شكمانين بدبتين منفصلتين

ايضا تعادل

http://rrr2008.jeeran.com/mmm.jpg

الليجاسي جنوط مقاس 17 - الاكورد جنوط مقاس 16

نقطه لليجاسي

http://rrr2008.jeeran.com/iii.jpg

يوجد في الاكورد تحكم في المكيف للسائق والراكب - الليجاسي تحكم واحد

نقطه لليجاسي - نقطه للأكورد

http://rrr2008.jeeran.com/nnn.jpg

يوجد في الليجاسي سي دي وكاسيت - الاكورد سي دي فقط

نقطتان لليجاسي - نقطه للأكورد

http://rrr2008.jeeran.com/ddd.jpg

يوجد في الاكورد أنوار ليد في الاسطبات الخلفيه - الليجاسي انوار عاديه

نقطتان للليجاسي - نقطتان للأكورد

http://rrr2008.jeeran.com/lll.jpg

يتبع
7
7

يوجد في الليجاسي تحكم كهربائي للسائق والراكب - الاكورد للسائق فقط

3 نقاط لليجاسي - نقطتان للأكورد

http://rrr2008.jeeran.com/aaa.jpg

المرأة الوسطى في الاكورد فيها تخفيف تلقائي للأنوار - الليجاسي مرآة عاديه

3 نقاط لليجاسي - 3 نقاط للأكورد

http://rrr2008.jeeran.com/ttt.jpg

يوجد في الليجاسي كشافات ضباب - الاكورد لايوجد

4 نقاط لليجاسي - 3 نقاط للأكورد

http://rrr2008.jeeran.com/ppp.jpg



http://rrr2008.jeeran.com/www.jpg

http://rrr2008.jeeran.com/yyy.jpg

الاكورد تمسك سعرها عند اعادة البيع اكثر من الليجاسي

4 نقاط لليجاسي - 4 نقاط للأكورد

يوجد في الليجاسي قير توب ترونيك (( عادي واوتو في نفس الوقت )) - الاكورد قير اوتو فقط

5 نقاط لليجاسي - 4 نقاط للأكورد

http://rrr2008.jeeran.com/ccc.jpg

الابعاد الداخليه والخارجيه للأكورد اكبر من الليجاسي بقليل

5 نقاط لليجاسي - 5 نقاط للأكورد



في الليجاسي توجد 3 ميزات بالنسبه لمقياس الرحلات منها مقياس للبنزين الموجود في التانكي كم يمشيك كيلو - الاكورد لايوجد فيها

6 نقاط لليجاسي - 5 نقاط للأكورد



الاكورد تستطيع غلق النوافذ من خارج السياره ومن داخلها - الليجاسي من داخل السياره فقط

6 نقاط لليجاسي - 6 نقاط للأكورد

http://rrr2008.jeeran.com/sm-honda.jpg

طبلون الليجاسي 260 كم - الاكورد 240 كم

7 نقاط لليجاسي - 6 نقاط للأكورد

http://rrr2008.jeeran.com/vvv.jpg

الاكورد 250 حصان - الليجاسي 250 حصان

7 نقاط لليجاسي - 7 نقاط للأكورد

http://rrr2008.jeeran.com/ggg.jpg

الليجاسي يوجد بها عدسات في النور الواطي والكشافات - الاكورد انوار عاديه

8 نقاط لليجاسي - 7 نقاط للأكورد

http://rrr2008.jeeran.com/ppp.jpg

يتبع
7
7
7

الـ TRIP حق الليجاسي يقيس الى عشر الاف كيلو - الاكورد الى الف فقط

9 نقاط لليجاسي - 7 نقاط للأكورد





وزن الليجاسي 1525 كغ - الاكورد 1532 كغ

10 نقاط لليجاسي - 7 نقاط للأكورد

يوجد في الليجاسي سنادة ظهر للراكب والسائق - الاكورد يوجد للسائق فقط

11 نقاط لليجاسي - 7 نقاط للأكورد


http://rrr2008.jeeran.com/xxx.jpg

يأتي مع الليجاسي 3 مفاتيح ريموت (( مثل الاصليه )) - الاكورد يأتي معها مفتاح واحد بريموت ومفتاحين عاديات

12 نقطه لليجاسي - 7 نقاط للأكورد

عدد الايرباقات في الليجاسي 8 ايرباقات - الاكورد 2 فقط

13 نقطه لليجاسي - 7 نقاط للأكورد


http://rrr2008.jeeran.com/zzz.jpg

الليجاسي دفع رباعي مستمر AWD - الاكورد دفع امامي

14

14 نقطه لليجاسي - 7 نقاط للأكورد

http://rrr2008.jeeran.com/qqq.jpg

اسعار قطع الغيار الليجاسي افضل من الاكورد

15نقطه لليجاسي - 7 نقاط للأكورد


سعر الليجاسي 98,500 شامل اللوح والنقل - الاكورد 99,000 غير شامل للوح

16نقطه لليجاسي - 7 نقاط للأكورد

وفي الختام فرق 9 نقاط لصالح الليجاسي

ومثل ماقلنا في اول الموضوع

موضوع هذا للفائده ونرجوا عدم التعصب




نرحب بأرائكم وانشاء الله مافيه اخطاء بالموضوع بس الي يلاحظ فيه خطأ يليت يذكره:)


الموضوع منقول للفائدة
والي يحب يرد على صاحب الموضوع يضغط على هذا الرابط الي جابه لنا اخونا الاخطبوط
اضغط هنا الموضوع الرئيسي

الاكورد 6 سلندر تحكم كهربائي لمقعد السائق والراكب أيضا

مع كل الذي ذكر لازلت أفضل الهوندا

ايضا هناك بعض النقاط التي تختلف رؤيتها من شخص لاخر

مثلا السرعه 260 ماابيها اخاف اتهور

ايضا وزن السياره مثلا الماكسيما اخف من الثنتين لكن يؤثر على متانة البودي وايضا التحكم عند المنعطفات

بعدين المسجل والسيدي >> الناس الحين تتعامل بالاي بود واحنا لازلنا على الاشرطه

هناك نقاط ماذكرت مثل الثبات الرساوه الراحه

مشكور storm civic

يعطيك العافية على التنبيهات وشكرا على المرور:)

وانا كمان يا اخوي الاخطبوط لو ما احب الهوندا ما كان سرت عضو فعال ;)

ولكن كما ذكرت ان الموضوع للفائدة ولمعرفة آراء محبين هوندا...

أخوي سيفيك لو كتبت منقول كان أفضل ... و الموضوع أنا قرأته سابقاً ...

بالنسبة لي أفضل الأكورد لسبــــــــــب كـــــــــــافي :

صيانة متوفرة في كل مكان لأن السيارة معروفة .. و حتى وكيلها جيد نوعاً ما ... أما السوبارو فالوكيل غير معرووووووووف لحد الآن ..... و الأعظم إن مكائن السوبارو على طريقة H مثل البورش .. يعني صيانة معقدة ماحد يفهم لها .....


تحياتي لك .....

ستورم سيفيك مع احترامي لموضوعك لكن انا مريت عليه مرور الكرام بدون ماانتبه لأي صورة لأنه منقول من منتدى السيارات وسبق وقرأته وايضا وضعتي رأيي فيه بأن المقارنة ناقصة كثيرة والدليل واضح تفوق الاكورد شوف الشارع اكثر الاكورد او الليجاسي وانا اخترت الاكورد لشيئين ثباته سعرها عند إرادة بيعها ولأنها مستحيل تكون تكسي اتوقع هذا الشيئين كافيين وشاكرك على موضوعك .

اول شي الموضوع منقول :cool:
ثاني شي انا شايفة من زمان بس تم تعديل الصور كانت المقارنة على الموديلات السابقة للأكورد
انا اسف ادري اني خربت عليك بس علشان لانغش الاعضاء
كاتب الموضوع مشرف بالقسم ونكة عاشق السوبارو او من هذا القبيل .. :d
يعني الكتاب واضح من عنوانة وحتى اللي رادين وراه كلهم من ربعة وكل واحد حاط بتوقيعة معشوقتي سوبارو وحبيبتي السوبارو ومادري شنو الزود اللي فيها :confused:
روح جيب ثنين مجانين وقولهم من افضل هذي ولاذيك بيقولك الاكورد وهو مغمض لامجال للمقارنة
نص المعلومات للأسف غير صحيحة وباين التعصب :confused:
والله انا كرمت نفسي عن الرد بالموضوع نفسة وكنت مسجل بالمنتدى لأنة الحقيقة واضحة

وصدقني اللي اقولة موتعصب جيبلي كامري التيما اي سيارة ثانية كورلا اي سيارة غير هذي
سامحني يالغلا

اشكر مروركم يا شباب واحترم آرائكم وبصراحة انا كانت غيابة عني كلمة منقول ( :eek: الي عملت ضجة :eek: ) ولو ادري انها بتزعلكم ما كان نقلت الموضوع بكبره :(

ولكن الي عجبني في الموضوع انه يوضح اشاء كثيرة ومن ضمنها اشياء لم اكن اعلم عنها في الاكورد :)

وشكرا على التنبيه يعطيكم العافية شباب:cool:

(( تمت اضافة الكلمة الخطيرة الى الموضوع (منقول) ))

الله يعطيك العافيه على النقل اخوي Storm CiViC

و رأيي في الموضوع احتفظ فيه لنفسي

لكن الاحظ ان الموضوع فيه شوي تعصب لليجاسي

يعني فيه تدقيق زايد بمواصفات الليجاسي و اهمال للاكورد .. مثل

اقتباس:

---

يوجد في الليجاسي سنادة ظهر للراكب والسائق - الاكورد يوجد للسائق فقط

http://rrr2008.jeeran.com/xxx.jpg

---

لو بدقق كذا بالاكورد ممكن تنقلب النتيجه لصالح الاكورد

مثل الاكورد فيها درج صغير يسار الدركسون و الليجاسي ما فيها

و التكايه بالوسط بالاكورد متحركه و الليجاسي ثابته

و بالاكورد الدرج اللي في التكايه اكبر من الليجاسي و مقسوم لجزئين
بينما الليجاسي جزء واحد

.... الخ

هذي المقرانه شفتها من سنه وما عجبتني و الأن مره ثانيه

فيها تحيز بشكل كبير للسوبارو وما ذكر بالمقارنه الحجم الي تتفوق فيه الأكورد من الداخل والخارج كذلك المكيف دبل

وسعر السوبارو بشكل عام في الأرض يعني سوبارو إمبريزا 2002 تحصلها على 21 ألف
بالإضافه إلى سعر قطع الغيار مو رخيصه واغلى من الهوندا وكذلك شعبيتها قليله

ولم يذكر تسارع الأكورد 6 سلندر من الصفر مقارنه مع السوبارو ذات المحرك التوربو بوكس

ولا أعلم بوجود 6 سلندر من هذا المديل من السوبارو

عموماً شكراً سيفيك ستورم

أول شي بالنسبه للسرعه ماعلينا من كم مكتوب علينا هل تجيبها ولا لا

ثاني شي الاكورد سياحي مره قير عادي بـ64ألف شامل اللوح

أكورد فل أبشن2006بـ89ألف

يعني السعر لصالح أكورد يالحبيب

تحياتي

ما شاء الله على الخبرة الي عندنا في النادي:eek:

الله يزيدكم علم يا شباب :cool:

وشكرا على مروركم

بصراحة بعد ما شفت الخبرة الي عندكم عن الاكورد
وحسيت ان الاكورد انظلمت انا قررت اني اجيب الرابط حق الموقع الي نقلت منه الموضوع عشان نرد على الي كتب الموضوع;)


(( للاسف يا شباب ناسي من فين نقلت الموضوع بس يا ريت الي يقدر يجيب رابط للموضوع ويحطه هنا عشان تقدروا تدافعوا عن محبوبتكم الاكورد )):)

:eek: عشان الناس الي تقرى المقارنة لا تفكر ان الليجاسي احسن:eek:

اقتباس:

---

المشاركة الأصلية كتبت بواسطة S c O r P i O n

كاتب الموضوع مشرف بالقسم ونكة عاشق السوبارو او من هذا القبيل .. :d
يعني الكتاب واضح من عنوانة وحتى اللي رادين وراه كلهم من ربعة وكل واحد حاط بتوقيعة معشوقتي سوبارو وحبيبتي السوبارو ومادري شنو الزود اللي فيها :confused:
روح جيب ثنين مجانين وقولهم من افضل هذي ولاذيك بيقولك الاكورد وهو مغمض لامجال للمقارنة
نص المعلومات للأسف غير صحيحة وباين التعصب :confused:
والله انا كرمت نفسي عن الرد بالموضوع نفسة وكنت مسجل بالمنتدى لأنة الحقيقة واضحة

وصدقني اللي اقولة موتعصب جيبلي كامري التيما اي سيارة ثانية كورلا اي سيارة غير هذي
سامحني يالغلا

---

صح لسانك اخوي :cool:
فعلن الموضوع فية تعصب كبيييييييييير لسوبارو ;)

يعطيك العافية يا اخوي اتش على التذكير ويا ريت احد يحط الرابط عشان توضحوا الحقيقة وتدافعوا عن محبوتكم

ياشباب انا اعرف الي كتب الموضوع شخصيا ويدرس معي في الكلية
انشالله اجيب الرابط

اقتباس:

---

المشاركة الأصلية كتبت بواسطة ذياب

ياشباب انا اعرف الي كتب الموضوع شخصيا ويدرس معي في الكلية
انشالله اجيب الرابط

---

الله يعطيك العافية وما نستغنى عنك يالغالي :cool:

هذا الرابط

http://www.assayyarat.com/forums/showthread.php?t=77800

شكرا يا اخطبوط

ما شاء الله عليك اسم على مسمى لانك اخطبوط رائع اكيد الي جاب الرابط احد الارجل الي فالتها في المنتديات الاخرى;)

شكرا لك يا اخطبوط النادي

الاكورد فل اوبشن :
ازرارالتحكم بالسرعةوالمكينة275 حصاناجماليا 6250دورة في الدقيقة
الأيرباق يوجد2 امامي و2 جانبي و2 علوي ,
انوار الضباب توجد ايضا وسلامي لك..

المووضوع اكثر من مرة اقراه وصاحبه متعصب جدا للسوبارو ونزل موضوع عن مقارنة لقطع غيار الاكورد والليجاسي وتلاعب بالاسعار وخلا الليجاسي افضل سيارة والمقارنة كلها اخطاء قارن الليجاسي فل كامل 4 سلندر مع الاكورد السياحية 4 سلندر المفروض العكس المفروض يقارن بقلة الخرابات المتانة والاعتمادية الايرباكات بالاكورد اكثر من الليجاسي وموجودة بكل الموديلات بعكس الليجاسي ومواصفات لو بنقولها كلها تخلي الليجاسي تتقارن مع الهوندا سيتي مع ان الهوندا سيتي تتفوق على الليجاسي جير 7 غيارات من داخل اوسع من الليجاسي اعتمادية اكثر متانة وصلابة اكثر وزن اخف مع ان الوزن الزايد افضل لانه يخلي السيارة راسية اكثر
ومشكور على نقلك للموضوع

الأكورد السيارة رقم واحد لمحلات تأجير السيارات في الرياض...:p

السوبارو يكفيها محرك البوكسر والدفع الرباعي....

يا شباب ممكن تتحلوا بالموضوعية شوية...

ضحكني اللي يقول إن الوزن الخفيف سلبي في المنعطفات ... راجع قوانين الفيزياء وقانون كمية الحركة ;) واسأل نفسك ليش سيارات الفورملا 1 من أخف السيارات...
ولا الثاني يقولك محرك سوبارو مب زين لأنه مثل المعتمد في سيارات بورش وتصليحه صعب... أقول خلينا على سيارات الكربريتور والكرسيدات أحسن وأبسط... من متى صارت التقنية عيب...:confused:

والله اللي يشوف ردودكم يقول كاتب الموضوع واحد داخل وسط ناس في مسجد وكفر علنا... استغفر الله العظيم.... ترى الرجال بس نقل وجهة نظر...

على هونكم شوي عالرجال...
أنا ما أعرفه بسلامته...
وعندي تحفظ على موضوع عدم ذكر المصدر من البداية...
وعلى المقارنة اللي تقارن أمور غريبة...

ولكن يظل من حقه إبداء رأيه بحرية طالما لم يغلط على أحد... ولكم الحق في تفنيد كلامه بأسلوب علمي...مو بأسلوب غرندايزر أقوى من مازنجر.... :d :d :d

ختاما أعتذر من الجميع عن الرد الساخن ولكنكم مسخنين الموضوع ومستلمين الرجال ومستلمين السيارة المنافسة بشكل غير منطقي...


السلام عليكم ورحمة الله وبركاته :)

نتحلى بالموضوعية ولا يهمك
اخوي امبالا الوزن الزايد له سلبيات وله افضليات وافضلياته اكثر من سلبياته ليش الكابرس ثقيل طيب؟
النؤطة الثانية لاتقارن سيارات الفورملا مع سيارات الشارع
النؤطة الثالثة شرايك بسيارة تسوي دفع رباعي واسلاك من الصدام للصدام وشغلات مكانيكية وزحمة ومحرك بوكستر وتجي سيارة ثانية بمحرك عادي وجير بوكس عادي ودفع امامي ويطلع توازنها افضل واستخدامها احسن ليش استخدم سيارة معقدة ميكانيكيا وصيانتها غالية واخلي سيارة صيانتها سهلة ومواصفاتها الميكانيكية افضل ؟
النؤطة الرابع بازنجر اقوى من قريندايزر لان بازنجر انتاج شركة هوندا <== متعصب
ويبئى من حئ كل واحد يقول رايه واختلاف الوجهات لايفسد للود قضية

اقتباس:

---

نتحلى بالموضوعية ولا يهمك

---

على بركة الله

اقتباس:

---

اخوي امبالا الوزن الزايد له سلبيات وله افضليات وافضلياته اكثر من سلبياته ليش الكابرس ثقيل طيب؟

---

من متى الكابريس سيارة يحتذى بها في الهندسة والتصميم؟؟ ليش الفيراري خفيفة... ليش الكورفيت بوديها أغلبه فايبرغلاس؟؟

اقتباس:

---

النؤطة الثانية لاتقارن سيارات الفورملا مع سيارات الشارع

---

ليش الفورملا من تصميم فيغا الكبير؟؟ أخي نحن نعيش في كوكب واحد وجاذبية واحدة... وقوانين فيزياء واحدة... وزن خفيف + نظام تعليق متقدم + ايروداينمكس مناسب = تماسك أفضل مع الطريق... قانون واحد أما كلام الشياب والصالوون ثقيل والكابريس ما بعده ...فهذا شي ثاني :)

اقتباس:

---

النؤطة الثالثة شرايك بسيارة تسوي دفع رباعي واسلاك من الصدام للصدام وشغلات مكانيكية وزحمة ومحرك بوكستر وتجي سيارة ثانية بمحرك عادي وجير بوكس عادي ودفع امامي ويطلع توازنها افضل واستخدامها احسن ليش استخدم سيارة معقدة ميكانيكيا وصيانتها غالية واخلي سيارة صيانتها سهلة ومواصفاتها الميكانيكية افضل ؟

---

من كل ما سبق

اقتباس:

---

ويطلع توازنها أفضل

---

.....؟؟؟ هنا مربط الماعز... أخي حكمت على أي اساس.... عندك مقارنة علمية؟؟ إلقاء الكلام جزافا لا مكان له في نقاش علمي...

اقتباس:

---

النؤطة الرابع بازنجر اقوى من قريندايزر لان بازنجر انتاج شركة هوندا <== متعصب

---

إذا الدعوى تعصب فإنت حليت المشكلة...بس ياليت كنت تقول هالنقطة من البداية بدل ما تتعبنا بالرد على كل نوئطة
بس وين راحت الموضوعية؟؟ ذهبت مع الهو مع الريح :)

اقتباس:

---

ويبئى من حئ كل واحد يقول رايه واختلاف الوجهات لايفسد للود قضية

---

عزيز وغالي... عزيز وغالي...



تحية للجميع والسلام عليكم ورحمة الله وبركاته... :)

شوف اخوي هذا الموضوع قريته بجده بويز

وامتنعت عن الرد لمدى سذاجة المقارنه

اجيء اقارن بين سيراتين واقول نقطه للدرج ونقطه للدعاسه

والله حتى طريقت مقارنتها مبينه التحيز اللي فيها

وبعدين اصلا ماتحتاج مقارنه الشوراع تشهد مين الاحسن

وسلام

وشلون سيارات الفورمولا ون هي نفسها سيارات الشوارع

ليه مانحط احزمة امان باربعة نقاط تثبيت بسيارات الشوارع

ليه مانحط ايرباق وراديو بسيارات الفورمولا ون

وش رايك نركب كفرات السوبارو على سيارة فورمولا ون ونجرب بما انهم كلهم في الهواء سوا

ليه وليه

كل شي بوزن وعقل وكل سيارة صنعت للغرض المطلوب منها

مو تحط قانون عام وتقول هذا يمشي ولا احد يقول لا (وتتناسى) النقاط الاخرى

اقتباس:

---

المشاركة الأصلية كتبت بواسطة الاخطبوط

وشلون سيارات الفورمولا ون هي نفسها سيارات الشوارع

ليه مانحط احزمة امان باربعة نقاط تثبيت بسيارات الشوارع

ليه مانحط ايرباق وراديو بسيارات الفورمولا ون

وش رايك نركب كفرات السوبارو على سيارة فورمولا ون ونجرب بما انهم كلهم في الهواء سوا

ليه وليه

كل شي بوزن وعقل وكل سيارة صنعت للغرض المطلوب منها

مو تحط قانون عام وتقول هذا يمشي ولا احد يقول لا (وتتناسى) النقاط الاخرى

---

يعيش اخطبوط النادي
:cool: يعيش يعيش يعش:cool:

:) اشكر جميع الشباب الذين ردوا على هذا الموضوع وقاموا بكتابة ملاحظاتهم:)

أنا أتبر الاكورد و الليجاسي مــتــســاويتان

مشكور أخوي عمار على موضوعك

وعقبال ما عبدالله هاشم يحس ويطور الأكورد

اقووووول .... صح يا قوي
بالنسبة لي انا مو متعصب ولا شيء ...
و كمان زي ما ذكرت اول ما سجلت بالمنتدى ...
انا ما عندي أكورد .. لكن ركبتها وجربتها .. و الله ابداع > مو عشان المنتدى اسمه > محبي هوندا
============================
انا افضل الأكورد لعدة أشياء كثيرة .. يكفي انها حلوة ولها اسم وتحفظ السعر و محركها جبار
ويمكن لو طولت في التجربة راح اشوف حاجات كثيرة ...
============================
بالنسبة للمفاتيح .. كلها بريموت 3 مفاتيح للأكورد > المصدر >> الكاتالوج في هذا المنتدى ...
============================
و اخيرا (((( أكورد - أكورد - أكور ))))

انا الموضوع شفته من منتدى السيارات من فترة

وكنت ابي اعلق عليه بس قلت الرجال باين انه يحب السوبارو ومافي داعي اجادله

المختصر المفيد

الأخو ماخذ أشياء عادية جداً تتفوق فيها السوبارو على الأكورد علشان يقارنها

توزيع النقاط على حسب المزاج، يعني في أشياء تتفوق فيها الأكورد على الليجاسي يعطيها نقطتين والبعض يتفوق الليجاسي على الأكورد ويعطيها فرق أكثر ليش ؟؟ وأشياء ما تستتدعي كل هالتمييز، الأكورد ما حط نص مميزاتها ويقول أفضل

المهم الموضوع شفته وماله داعي في ظلم للأكورد بشكل كبير

تحياتي :)

أخوي ستورم سيفك ادري ان ردي قديم بس حبيت اقولك ان موضوعك حلو حتى لو انة منقول في ناس مايدرون :)
اذا خيروني بين الهوندا اكورد ستة سلندر فل اوبشن للشمس او الليجاسي ستة سلندر فل اوبشن راح اختار الليجاسي لأن اللجاسي من افضل السيارات من ناحية الاداء و الثبات و المواصفات(تقدر تختار نوع القيادة الي انت تبية من 3 اختيارات هذي اتكفي. الهوندا ممتازة بس في احسن(للعلم عندي هوندا) وهذا رأي يا شباب