ساعدوني يا حبايبي عندي ازيرا وودي بالاكورد Plz!!!

السلام عليكم

في البدايه احبكم يا عشاق الاكورد :o واحترم ملكتكم

من جد اصحاب الاكورد ذوووق ( ولا عزاء لأصحاب الكامري << ووع :p )


يا شباب ابي رايكم وابي ادردش معكم بالموضوع هذا وتساعدوني بحيرتي

انا عندي هيونداي ازيرا 2007 طبعاً فل اوبشن ( جلد . فتحه . 6 سيديات MP3 . مكيف الكتروني منفصل التحكم بخاصيه تنقية الهواء الداخلي . ستاره خلفيه . زينون . مكيف خلفي . جنوط 17 . 12 ايرباق . انظمة سلامه BA ABS ESP EDP TCS . عدادات اوبتترون . ذاكرة مقاعد . مقاعد كهربائيه . دركسون بتعديل كهربائي . مثبت سرعه . تحكم من الدركسون . وغيره بس مابي اطول عليكم )

المميزات اللي عاجبتني فيها الرساوه العاليه هاديه مره وناعمه في السواقه والثقل اللي فيها


بس طفشاااااان منها الحين وودي ابيعها وابدلها بالاكورد والسبب الناس طفشوني وربي قرفت من السياره بسببهم ( كوري وكوري وكاشخ بكوري ) والله مع اني ما امدحها او افاخر فيها عندهم بس من جد حطموووني وماتسوى على اقساط واخرتها شماته في شماته والشي الثاني اصوات الديكور اللي فيها

ودي ابدلها بالاكورد 4 سلندر فل

وش رايكم ؟؟

وكيف مواصفات الفل من الاكورد هل هي نفس مواصفات ازيرتي ؟؟

وخايف من شغله ياشباب لأني بغير من 6 سلندر الى 4 سلندر واخاف اطفش من العزم لأن سيارتي قويه مشاءالله وهالشي مبسوط منه ؟؟

للي عنده خبره بنظام التأجير انا سيارتي انسامت على الطاير بـ 63 الف وناس يقولو تجيب اكثر لو افترضنا بعتها بـ 65 الف وحطيتها مقدم للأكورد كم بتصير القسط علي شهرياً لأن عندي قسط حالياً 1700 ريال ؟؟

وكيل سيارتي ممتاز واخاف اتبهدل كثير مع وكيل هوندا لأنو في ناس كتير مايمدحووه فـ ايش رايكم ؟؟

في ناس يقولو الاكورد مو هاديه على الخط وفيها اشياء تخرب بسرعه كأنهم فقشو عليا بس ايش رايكم ؟؟


انتظركم

اخوي والله لا ترد على كلام الناس انت اللي مقتنع فيه اركبه يعني مع احترامي للياباني بس ما فيه هالفخامة مثل الامريكي وبعدين رح يقولولك (ياباني ياباني كاشخ بياباني)لا اتغشمر :d
بس الله يوفقك وانك تجيب الاكورد وتستمر معنا في المنتدى
تحياتي

^
^

اشكرك على المرور يا عسل

والله انا قلت هالكلام وقت ما اشتريت الازيرا وماراح ارد على احد بس طفشوووني ومتل مايقولو " كثر الطق في الحديد يفك اللحام"

يعني من جد يأست

والاكورد كانت سيارة احلامي ولازالت سيارة احلامي

تمنيتك ترد على الاسئله بس مو مشكله ماقصرت والله يعطيك العافيه

العزم الأكورد 9 ثواني والأزيرا 7 <<<<< فرق حرام عليك
الممشاء الأكورد 220 الأزيرا اتوقع فوق 240
الصرفية الأكورد بنزين 91 فل ب27 ريال من اقل E الأزيرا اكيد اغلى ب5 ريال

الممشا في اكم 500 الطبيعي والسفر 600 بس الأزيرا تصرف

الأكورد قطع الغيار نااااااااااااااااااااااااااااااااااااااار< الصدام ب750 الرفرف ب470 الكبوت ب1090 الشبك المستحقر الصغير ب950 الأنوار الأمامية الواحد ب2000 مع كامل اغراضة بما قيها الوزنيةال اخرة

الأزيرا بعد غالية بس مو مثل الأكورد

وانصحك انك ما تتطلع اكورد على حساب ازيرا

وبعدين اللأكورد اتوفع ارسى من الأزيرا واضمن من القير مش زي الأزيرا عادي واوت مع بعض


عمموما لا تسوي زي غلطتي

قبل سنة كنت معزم على ازيرا وفجاة رحت لهوندا واختارلي الوالد اكورد فل اسود 4 والله اني مقهور الى يومك على اني فوت الأزيرا ان شاء الله خيرة

وفي كلتا الحالات انت خسران فلا تخسر زيادة

ونسيت اقلك الأكورد اجمل من الأزيرا بس من الداخل تتميز الأزيرا بتخشيف الدركسون بس مو مشكلة ب400ريال مش راس خبر

وراح تفتقد الستارة الخلفية والحساسات والأنوار الطيفة وغيرها من المميزات اللي تتميز بها الأزيرا

^
^

ياعمي والله حتى الازيرا قطعها غاليه الفحمات بـ 400 ريال والمساحات بـ 160 ما فرقت معي

بس مثل ماقلت انا الحين امر بحاله نفسيه مع الازيرا واخاف تجيني بالاكورد بعد لأني بفقد مميزات على قولتك بس والله العشق شي ثاني يعني احس انها هي اللي تتحكم بالشخص يعني انا كانت عندي سيفيك وكنت اعشقها ومرتاح فيها مررره مع انها مو فخمه ولا مواصفات واعتقد اني بعشق الاكورد بتنحل مشكلتي وخاصه اني بفتك من كلمة كوري كوري

وصدقت ان الاكورد احلى من الازيرا واجود بالديكورات

ومشكور ياقمر

احم احم ...

الازيرا سياره حلو جدا وتطاولت على الصناعه الكوريه بكل معنى للكلمه ...

يكفيك والله وانت تتكلم عن المواصفات تذكرت البي ام 530 :rolleyes:

من جد المواصفات ماشالله عليها ...

طبعا الاكورد كغيرها من السيارات التي قد تحتوي على مشاكل خفايف بس ...

ولا تخاف مارحت بعيد .. وكيلكم غالي زي وكيلنا تقدر بطتكم تبط بطتنا زي ماطبنم ارررر :d

تبي نصيحه لوجه الله ...

اذا السياره خسران فيها وراح تبقى تدفع فيها اقساط ... واهم شي معجب فيها ...

بس عيبها بانها كوريه ...

اسمح لي ... الناس مابفيدوك ... ولا راح يساعدونك لما تزيد عليك الاقساط وتضيق بك الحال لاسمح الله :)

وتقبل مرووووري

يا ابن الحلال خلك على الازيرا ولا تزيد على نفسك اقساط وتعب

الحمد لله اذا هي ماشيه معاك زي العسل

ومواصفاتها جدا رااااااائعه

اذا قالك احد كوري ومدري ايش قله عادي وعارف انه مب زي الياباني بعدين يطفشون هم

واهم شي الاستخاره

شو ياحبيبي لاتبيع الازيرا خليها معاك ليش بأكون صريح معاك للغاية الازيرا فيها مواصفات افضل بكثير من الاكورد وكل المواصفات اللي ذكرتها فقط في الاكورد اليابانية وبالمشمش تدخل عندنا ولو دخلت راح تضرب الاكورد فوق ، اما بالنسبة للاكورد الاكورد سيارة لك وللزمن وعلى قولتهم كد ومد بس كمواصفات ترفيهية ماتقارن بالازيرا يعني كلها مواصفات عادية ، مثبت سرعة ، ست سيديات ، جلد ، الشكل روعة وكشخة ، لكن المشكلة في المواصفات الترفيهية هذا اللي يعيب الاكورد بصراحة ، لكن إذا كنت صامل على الاكورد لا تتنازل عن ستة سلندر لأنها راح تفرق معاك حتى لو ماشريت 2008 ستة سلندر اشتر 2007 ستة سلندر حرام يااخي تنزل من محرك 6سلندر إلى محرك 4سلندر .

تحياتي لك وهذي إجابتي بصراحة .

الاكورد اكثر مايميزها ، الثبات ، الهدوء ، الجودة ، الكشخة والرزة ، صناعة يابانية 100% ، مستحيل احد يقول لك مالقيت اي سيارة تأخذها إلا هاذي لأنهم عارفين انك اخترت الإختيار الصائب ، ماراح تندم عليها ولو بعد 10سنوات ، راح تعيش معاك وماراح تطلب منك الكثير ، 2008 فيها تصميم يوحي بأنك راكب Bmw مو اكورد .

تحياتي ،،،

اخوي محرك سيارتك 3.3 ولا 3.8
وأنا أنصحك تبقى على الأزيرا وهذا رأيي
وخذ هذي القاعدة لمدى الدهر القناعة كنز لايفنى حتى لوكانت أفيو :d
والله يوفقك

انا عندي 2008

الصراحة حلوة

بس بسأل الديكور اللي على القير عندي يطقطق...!!"اقصد الديكور اللي لونة فضي الل فية كتابة تعشيقات القير"

احد عندة نفس المشكلة

يا حبيبي ما عليك من الناس .. خلك على سيارتك ..

انا يوم أشتري الاكورد مافيه احد ما قالي مثل ذا الكلمات ..

الله يعينك على العكوس !

الله يعينك على قطع الغيار النااار !

الله يعينك على القير لا يخبط !

الناس ما يعجبهم شيء .. انت مقتنع في شي خذه و تحمل الي يجيك .. بس اهم شي تكون مرتاح .. ولو انا في مكانك صراحه ما راح أبيع الازيرا و راح اقهرهم :d

:rolleyes:

لالالالالالالالا

يخوي ((لا تنززل عن السته سلندر))

والله تتحسف

الحين الواحد اذا شرا سته سلندر

خلاص يكون طموحه اعلى 8سلندر

والله بتتحسف

او خذلك 2007 V6

تحياتــــي...

خلك من كلام الناس

اللي يقول كوري كوري ترى والله ما يفهم في السيارات

ولا تزيد نفسك هم ترى الناس ما ينفعونك

تروح تاخذ سيارة ثانية وتحمل نفسك عبء زيادة عشان واحد قلك سيارتك كوري

طيب

اذا جبت له الياباني وقلك سيارتك يابني وانبسط هو اش راح تستفيد انت

بيدفع عنك اقساط
او فكر انو يساعدك في شي
والله ما دري عنك

خل يقول اللي يقول......ترى سيارتك ممتازة و أتوقع لها مستقبل زاهر < ---طالب مو سيارة:d


الناس يقولون ولا يساعدون ولا طحت ما حد يطل فيك

ما اعيب الاكورد

بس ما دام إنك نازل من سيارة سته سلندر ,, وفيها هالمواصفات

فما اعتقد ان الاكورد بترضيك



والمفروض إنك تشتري السيارة عشان تستخدمها

مو عشان توري الناس


لو عشان توري الناس

فما لك إلا تركب بودي حق بانوراما

على اكسنت

وورييييييهم :d




عموماً قبل ما تسوي أي شي عليك بالاستخارة

وبالتوفيق

خلك على مجنونك لا يجك الي اجن منه
الازيرا تتفوق على الاكورد في الموصفات وحته الاكورد سته الفل
وانا عندي سوبارو وناس يقلون لي شلك بسوبارو كلها مشاكل ووكيل دمار وقطع غيار غير متوفره وانا اشوف عكس ذالك
وانت براحتك
وتقبل مروري

من راقب الناس مات هماً .

وفر ريالك اللي راح تصرفه في اليوم الابيض ترا ماراح ينفعك إلا اهو في اليوم الاسود .

رضا الناس غاية لاتدرك

بصراحه

مواصفات الأزيرا الترفيهيه افضل بكثيييير من الأكورد

انصحك خلك على الأزيرا وما عليك من كلام الناس

حرام والله تترك الـ 6 سلندر وتروح للأربعه

راح تتحطم من جد :d

وحرام والله تثقل على نفسك بالأقساط عشان الناس

انسى تغير الا اذا كنت بتبيعها وتشتري اكورد بنفس السعر ماتزيد ريال واحد عشانك طفشت ماهي مشكله لان الاكورد مع الوقت احسن لك لاكن الهونداي الحين احسن من التايوتا وبشرط انك تشتري سته سرندل حتى لو 2007 ولو ماشيه قليل هذا احسن حل لو كنت كارها وقبل كل شي لا تعطي عقلك غيرك

ياحبيبي بلا يأست بلا فتااق لاااااااااااايهمونك الناس الي يقولك كوري ومادري ايش قله شف الكوري وفحط في وجهه وعلى فكره ترى مايتكلم كذا من الناس الى الي غاااااااااير وهذي فكره مكشوووفه ومجربه :d فيعني نصيحه ماعليك من احد وازيرا قمة الفخامه وفخر هونداي

خلك عليها نصيحه اخويه ياغالي ومايحتاج اتكلم على الأزيرا والبنسبه للأكورد لو اخذتها صدقني راح تفقد اشيااااااااااااء واشييااااااااااء كثيره وبتندم عليها مدامها ماشيه معك زي العسل ليه تغيرها ؟
واسف على طول كلامي اذا ازعجتك

وبالأخير الرأي الأول والأخير راجع لك تبقى وجة نظر تحيآآآآتي عزووز

اقتباس:

---

المشاركة الأصلية كتبت بواسطة جرح الغدر & اكورد

ياحبيبي بلا يأست بلا فتااق لاااااااااااايهمونك الناس الي يقولك كوري ومادري ايش قله شف الكوري وفحط في وجهه وعلى فكره ترى مايتكلم كذا من الناس الى الي غاااااااااير وهذي فكره مكشوووفه ومجربه :d فيعني نصيحه ماعليك من احد وازيرا قمة الفخامه وفخر هونداي

خلك عليها نصيحه اخويه ياغالي ومايحتاج اتكلم على الأزيرا والبنسبه للأكورد لو اخذتها صدقني راح تفقد اشيااااااااااااء واشييااااااااااء كثيره وبتندم عليها مدامها ماشيه معك زي العسل ليه تغيرها ؟
واسف على طول كلامي اذا ازعجتك

وبالأخير الرأي الأول والأخير راجع لك تبقى وجة نظر تحيآآآآتي عزووز

---

:d يرحم امك ترجملي هالكلمتين اللي اوجعني راسي ابي افهمها ولا قدرت :(

حبيبي خلك على قردك لايجيك الاقرد منه

اقتباس:

---

المشاركة الأصلية كتبت بواسطة AL5FY

:d يرحم امك ترجملي هالكلمتين اللي اوجعني راسي ابي افهمها ولا قدرت :(

حبيبي خلك على قردك لايجيك الاقرد منه

---

هع هع هع هع قلبك :p

الرجال يقول يأست من السياره يعني مليت منها خلاص مافيه امل ارجع لها فهمت :d

عاد انا جيت وقلت لها بلا يأست بلا فتااق :d هذا كل الكلام :p وذا مافهمت علمني افهمك بعد ;)

السلام عليكم ورحمة الله وبركاته ..

شف أنا بعطيك الزبدة ..

لكن أبيك تجاوبني على هذي الأسئلة :

1_ أنت شاري السيارة لك أو لــ أخوياك ..؟؟

إذا كنت شاريها لهم شف وش اللي يبونه وجبه لهم :d

2_ أنت يوم شريت الموتر تبيه خدمه أو سمعه .. ؟؟

إذا كان سمعه خذ لك bmw 97 أو 95 وقل معي ألماني
لكن قبل لا تشتريها تعاقد لك مع ورشة وسطحه .. :d

شف أخوي ..

أنا قبلك كنت محتار بين اكورد 2008 v6 و أفالون 2008 و أوريون بحكم تقارب السعر ..

ولا فكرت في الازيرا ولا أعرف عنها إلا القليل ..

لكن بعد ما شفت تجارب غيري والتقارير ..

تغيرت نظرتي ..

وتعال شف ليش ..

1_ الازيرا متفوقه على الاكورد في المواصفات ولا أحد يقدر ينكر هالشيء .

2_ الازيرا أرسى من الاكورد بفرق و(إن ماخاب ظني حتى من الافالون) .

3_ الازيرا أهدى واقل صوت هواء من الاكورد بكثيييير واللي ما جرب اليوتيوب مليان
تخيل أنها أهدى من الافالون ( والكل عارف صوت الهواء في الافالون )

4_ من ناحية الأداء إذا كانت مكينة موترك 3.8 بيفرق معك العزم حتى لو أخذت أكورد v6
وأيضا قوة الفرمله ( لا أحد يستغرب وهذي المعلومات من مواقعهم ) .

ومن ناحية الجودة اعرف اثنين واحد معه النترا ماشي فوق الــ 220000 بدون مشاكل ..
والثاني أعرفه عز المعرفه معه اكسنت 2005 ماشيه حول الــ 180000 بدون مشاكل ..
بالرغم أنه مرة يطلعها بر وكم مره غرزت
و عد واغلط كم مرة تقاوم ( اسألوا راعين الكرولا والصني عن الاكسنت :d )
وفي الخطوط يمشي بين الـ 150 وال170 يعني الموتر نشيط



غير هذا كله السعر غاااااااااااااااااااالي مرة بالنسبة لسيارة بحجم الكامري والسوناتا ..

95000 على سيارة v4 بالله تستاهل ..؟؟؟ >>>> شكله بيتشوت اليوم :d:d

والله لو كان على الاقل بــ 85000 كان اقول اللي يختار غير الاكورد ( للي بحجمها ) أنه مجنون :d ..

على فكره أنا من زمان ما دخلت هنا ..
لكن اليوم جيت على موضوعك ..
سبحان الله

تقبلوا مروري

تحياتي

:):)

.

اخوي ماعليك من اللي يقول كوري وصدقني بتتعب لو تراعي مشاعر الناس حتى لو تشتري اكورد بيجيك واحد يخربها ويقول لك كامري احسن :p

انا قبل الازيرا عندي سوناتا 2002 وماطقيت خبر للي يقولون كوري تصدق لدرجة ان في ناس كان يقولون اني مبتلش فيها عشانها سيارتي امدحها ويوم طقيت الازيرا ولا واحد فتح فمه لأني لو مبتلش كان ماشريت هيونداي مره ثانيه

السوناتا للحين معي ماشي 280 الف والازيرا ماشيه 46 الف وكلهم عسل ما شاءالله

الملخص اذا بتشتري اكورد توكل على الله سياره رائعه بمعنى الكلمه تورثها لعيالك وشكلها بنظري احلى من الازيرا لكن بقول شي ولا يزعلون مني اصحاب الاربعه سلندر اذا بتاخذها لا تاخذ الا 6 سلندر ولا خلك على الازيرا اصرف لأنك بتحس بالفرق كثير

الاكورد 6 سلندر قوه وعزم واحلى مافيها انك تتميز بسياره منتشره , يعني الاكورد منتشره لكن السته قليل << يحب التميز :d

وبالتوفيق ولا تنسى انبطاعاتك عن الاكورد اذا كتب الله ومبروك مقدماً

يا اخي خلك من كلام الناس

ابوي معه جيب هيونداي((تريكان))

معه سبع سنوات ولا قال شئ

انا لو كان معي فلوس الأزيرا فل كامل كان شريتها ما شريت الأكورد..:)

"رضاء الناس غاية لاتدرك"

ياحبيبي خلك على موترك
ومواصفات الازيرا افضل من مواصفات الاكورد
واللي يقولك كوري قله: جب زيه وبعدين تعال تكلم

ماتحسون ان الموضوع قديم ( شهر 2 ) :d
الظاهر الأخ شرى طياره من القهر :d

اثر ماهوب انا الحالي

انا كان معي كامري ومع الوقت طفشوني منها وكنهم يقولون غصب بعها

ومع التجريح من الاقارب وبعتها وافتكيت لانها طاحت من عيني

وشريت اكورد فل كامل2008 ولا احد يقول لي ولا كلمه سكووووووووت مهجد الشعب؟؟؟ اها لا يكثر

اما عن الازيرا حقتك اعلمك وش بتحس فيه فرق::اول شي بيجذبك قوه الديكور في الاكورد
تضربه يكسر يدك

اما عن الازيرا تتفوق بالمواصفات واقول لك كلمه نص المواصفات الى عندك انا شخصيا في غنا عنها
مثل ستاره خلفيه >>>بدالها تضليله عازل حراري
ذاكره مقاعد >>> شكلك مااستخدمتها ابد ولوها عندي مالمستها
دركسون بتعديل كهربائي>>> بالسنه مره تعدله يعني يدوي يكفي ويوفي
مقاعد كهربائيه >>>في الاكورد مقاعد كهربائيه بس للسواق وهاذا مريحني
حساسات>>> لها فايده بس الحين الناس طاحو في الكاميرا وانا في غنا عنها

يعني خلك زيي اقتصادي بس مقابل الجوده انا تركت الرفاهيه بشرط وجود جوده وقوه وتحمل وامان
وتكفيك ان سيارات هوندا سمعتها ازين من غيرها

بس صدقني بتحس في فرق بين الازيرا و الاكورد الى يحطمونك تراهم يحطمون ناس غيرك مثل
راعي اللكزس Ls يقولون له تراك راعي سياره راس مالها من تويوتا وراس مالك ياباني والعالم الماني
مهوب انت الحالك الى يعاني

واستخر ربك

المشكله عاد الى منت حاسب حسابها

ان الازيرا اكثر مواصفات وسعرها اقل

اما الاكورد اغلى بكثير

انا عندي 4سلندر شاريها بعد حب خشوم ب94الف وبايالله لقيت النوع الى ابيه

والفل 6سلندر طبعا للشيوخ ماهيب لكل من هب ودب << مثل شعبي هههه ب111الف
ويوم ركبتها بالوكاله كنها تكلمني وتقول وش ازين انا ولا اللكزس ههههههههه متئثر بالكزس

راجعوا تاريخ الموضوع

يغلق !!