لحسه في الجير ؟ ادخلوو

السلام عليكم ورحمة الله وبركاته اسعد الله وقاتكم بكل خير وسروور << احلى يالمقدمهـ :rolleyes:

كيف الحال ياشباب انشاء الله بخير ؟

المهم والزبهد :d

اليوم كان فيه هجوله ( تفحيط ) وكنت اطرد وراهم معي :d

المهم والموكب من شارع لشارع المشكله هنا اني ادعس كل الدعسه بعدين افكها ونفس الطريقه طولت عليها ثم مادريت الى القير مادري وش جااه :confused::confused:

يرد نمره من نفسه وجاته لحسه انا ضاق صدري توني مغير القير :eek:

المهم سحبت على الهجوله ابي ارررجع للسويدي <<< قمط :d

وذا مسكة خط ظبط القير واذا هديت جاته اللحسه :d

فرجعت ونحر الصناعيهـ وقامو يتفلسفون ابو يمن يقولون يبيله توظيب :eek::eek: << جلطه :d

سلكة لهم :p

وروح البيت ضايق صدري قيري خرباان ولبق موتري ودخل البيت وصكها نومه لما المغرب ;)

اقوووم المغرب :d قلت خلني اروح ادور شوي يمكن القير زان ولا شي ؟ :confused:

وشغل ومشي والقير ولا احلى منه <<< طاير من الفرحهـ :d

قلت كفوووووووو

ودور شوي ومريت المحطهـ وغيرة زيت القير والحمد الله ضبط ولا ضبط مادري شفيه صراحه

<<< موسوس :p

الزبده من كل الهرج هذا كله وش اللحسه الي خربت جوي اليوم في القير هل احد صارت له ؟

وش سببها ؟

وش حلولها ؟

واسف حباااااااااااايب قليبي على الأطاله << قصة حيااتهـ :p


تحيآآآآآآآآآآآآآآآآآآآآتي عزووز

انا مره صارت لي على صابونه....اذا عشق يطق طقه الييييمه يوجعك ظهرك منه:d

واستمر الوضع نص ساعه...طفيت السياره..وشغلتها مشيت القير ماشي معي تمام:confused:


اجل انت من حقين السويدي:d وينك بالضبط:d يمكنك الي جنب بيتنا:p

والله هاذا الفحيط مايجيب الا المشكال وانا اخووك

أخي عزوز ممكن القير فصل عندك ( الأمان ) لأن بعض السيارات الجديدة تفصل القير


عشان مايخرب وإذا سيارتك قديمه أكيد القير جاه النوم (( يعني خربان ))


أتمنى اني أفدتك

دمت بحب

يعطيكم العافيه وسيارتي هوندا 2001

مشكلة موترك كلتشات القير وهذي حصلت مع اكورد 2002 (التحليه)

accord2002>>علشان تعرفه خخخخخ

وبعدين كل الورشات قالو له توضيب وكلام فاضي والي يقول نفك القير وعليك القطع وكلام روحه وجيه

اذا انت مغير القير ع الضمان روح لهم واذا انتهى الضمان قولهم ابي اغير كلتشات القير وهذا شي اكيد والي مو عاجبك ممكن تراسل اكورد 2002 على الايميل ..
accord.2002@hotmail.com
ويفيدك اكثر لانه من واقع تجربته وهذا كلامه لانه منشغل وواحد من اخوياه وصل الكلام هذا له وارسله لي ع الايميل بحكم اني شغال على الايميل وقت طويل في الويك اند عربي خخخخخ

للعلم سيارة التحليه اكورد 2002
لاحد يجي يتفلسف عليك وهو ماعنده سالفه ولا جرب الموديل الي هو معاك ;)

ترا مايفرق بينك وبين اكورد 2002 الا الاستماره

هذا والله الموفق ;)

والله يا حبيبي مشكلة القير مشكلة اهم شي لا تهمله والوكالة لا تروح لمهم ما راح يفيدونك لسبب بسيط موتري 2002 أكورد فيه تهريب بالزيت طقيته أحلى غسيل بستم قولة انهم يشوفون التهريب مسوي طيب أبي أساعدهم المهم قالوا لي قيرك يبي له توظيب !!!! ليش قال ممكن فيه كلتشات ورمانات العكس وما ادري ايش طيب انتم الوكالة ما فيه المفروض يمكن فيه تهريب طلعه لي من وين وبس قال لازم ينفك القير يا حبيبي وبكم انشاء ربك قال بس الفك معناه توظيب !!!! افا ليش قال علشان نفكه ب 1800 وبعدين قال القطع بحسابه طيب ممكن كم يكلف توظيبه خلني أعزكم الله ثور وبصلح عندكم قال يوصل ل 7000 الى 9000 قلت تعرف تجيب لي سويدااان (لونه أسود) ادلعه قال ابشر ما عاد تبي تصلح قلت الشباب يمدحون ورشة الجنوب وشكله عندهم السبت الصبح عاد وانا ادردش مع الهندي قلت طيب اذا توظيب بحدود 9000 بكم القير جديد قال ب 18000 الى 20000 قلت وين اوديه طيب برايك قالها بلسانه وبعد ما طلعت له فار براسه احسن ورشه للهوندا الجنوب وفيها واحد اسمه زفر ارسلني عليه ووالله ما اعرف الورشه ذي ولا أدري حتى وين محلها بس تأكدت انهم صدقيين عاد المختصر حتى الوكالة ترى ما راح يفيدونك بأي شي بخصوص القير عن تجربتي يوم السبت حضر على ورشة الجنوب نتلاقى هناك انشاء الله.

عاد الشباب اللي يعرفون الورشه مايقصرون علينا بالوصف ولهم جزيل الشكر ترى أخوكم بالرياض ميح أي دااااااج بقوة

تقبل تحياتي

اذا تبي الاجابة جاوب ع السؤال س/ من وين جبت القير الي ركبته؟

منورين حبايبي على مرووركم وبالنسبه للقير الحين ماشي معي تمااااااااااام بس ابي اعرف وش صار له ذاك اليوم ؟؟؟

واخوي accord2oo7 http://www.hondaarabia.com/club/imag...ser_online.gif

القير جايبه من التشليح وعليه ضمن 3 شهور ونتهى الضمان

وشاريه ب3 الأف
بس الحين الحمد الله والشكر تمااام الجير << مستانس

ويعطيكم العافيه وماتقثصرون

فيه محلات تبيعه بارخص من كذا بكثير واذا طفشك حولها عادي

شوف يالغالي:
اذا القير سخن او اكثرت من المشي على السياره تأتيك حالة القير
بأن يفصل أو يتاخر بتعشيق النمره
واذا ركنت السياره واعطيت القير النمره (r) اذا لاحظت بتأخر القير بالتعشيق
او تسمع صوت قوي

فأنصحك بمن جرب تصليح القير
وتذهب الى ورشه متخصصه بسيارات الهوندا او ورشه متخصصه بالقير الاتو
ربما تكون كلتشات تغيرها وتغنيك عن توضيب القير وباقل تكلفه

تحياتي لك.

اقتباس:

---

المشاركة الأصلية كتبت بواسطة عاشق هوندا اكورد

مشكلة موترك كلتشات القير وهذي حصلت مع اكورد 2002 (التحليه)

accord2002>>علشان تعرفه خخخخخ

وبعدين كل الورشات قالو له توضيب وكلام فاضي والي يقول نفك القير وعليك القطع وكلام روحه وجيه

اذا انت مغير القير ع الضمان روح لهم واذا انتهى الضمان قولهم ابي اغير كلتشات القير وهذا شي اكيد والي مو عاجبك ممكن تراسل اكورد 2002 على الايميل ..
accord.2002@hotmail.com
ويفيدك اكثر لانه من واقع تجربته وهذا كلامه لانه منشغل وواحد من اخوياه وصل الكلام هذا له وارسله لي ع الايميل بحكم اني شغال على الايميل وقت طويل في الويك اند عربي خخخخخ

للعلم سيارة التحليه اكورد 2002
لاحد يجي يتفلسف عليك وهو ماعنده سالفه ولا جرب الموديل الي هو معاك ;)

ترا مايفرق بينك وبين اكورد 2002 الا الاستماره

هذا والله الموفق ;)

---

كلام 100%د صارت لواحد من اخويي قالوا له توضيب وفي الاخير كلتشات

ياشباب الحين القير مافيه اي شي والله الحمد لاكن ابي اعرررف وش جاه في اليوم هذاك ؟

بـــس يعني لاحد يقول قيرك يبيله توضيب ولا كلتشات ولا كذا الحمد الله تمام القير الحين لاكن انا ابي اعرف وش جاه ذاك اليوم بس

تحيااتي واشكر كل من رد على موضوعي ونور وعطر متصفحي بمروووره وعطره لاهنتو ..

روح اسأل القير ممكن يفيدك بالمشكله(امزح)

بس الشباب قالو لك من واقع التجربه

واذكر المشكله حصلت مع احد اقاربي لما ذهب الى المنطقة الشرقيه وخرب القير واليوم الثاني رجع زي العسل وبعدها ظهرت المشكله بعد ايام

لاتعصب ولا ترفع البياله
شوي شوي على هونك

واذا القير ما رد لك جواب (انتظر لما تجي المشكله واسأله)

خخخخخخخخخخخخخخخخخخخخخخخخخخخخخخخخ

لبى قلبك بس انا ماعصبت ياغالي بس اقولكم القير الحين تمام لاكن مادري عن الجاي بس انشاء الله بيهجد

شوف لو رجع طبيعي احمد ربك

ممكن الزيت سخن في اللديتر ومالحق يبرد وانتا ماشي فتلاقي تاخير ونتعه في التغير

ونصيحه لا يقولو لك غير زيت خليه زي ماهو قير الهوندا ماشاء الله مايخرب ونظامه معقد والفلتر حق القير داخلي لازم ينفك القير ويتوضب بعدين يتغير الفلتر والزيت ولا تهلوس قيور الهوندا قويه

ياااااااااااااااااناااااااااااااااااااااااااااس المشكله رجعت <<< مقفله اخلاقه الي عنده حل ولا يعرف المشكله ولا يعرف احد يضبطها صح علمووني جزاكم الله خير

انا من الرياض الي يعرف حق قيرات اتوماتيك ولا يعرف المشكله لايبخل علينا لاهنتو

المشكله القير بدا يودع مع الحراره ودعسات الاحس بعد فتره وخصوصن الصيف بتشوف المشاكل صح

طيب لمت الدي الي في الطبلون صارت تولع وتطفى؟؟ جوبني ضروري

لا اللمبات ماتشر ولا شي اول يوم كان حساس كانت تشر وغيرة الحساس وضبطة لاكن الحين تنتيع وقروشه بدون لمبات

شوف الحساس ابو راسين الكبير ياريت تشيك عليه لانه دايما منه الخراب

في جده سعره مستعمل 150 ريال

:d
كنت متوقع
وكأننا في مسرحيه نتكلم ونمثل
وفجاه يصبح الحلم حقيقه
ههههههه

اقتباس:

---

المشاركة الأصلية كتبت بواسطة جرح الغدر & اكورد

ياشباب الحين القير مافيه اي شي والله الحمد لاكن ابي اعرررف وش جاه في اليوم هذاك ؟

بـــس يعني لاحد يقول قيرك يبيله توضيب ولا كلتشات ولا كذا الحمد الله تمام القير الحين لاكن انا ابي اعرف وش جاه ذاك اليوم بس

تحيااتي واشكر كل من رد على موضوعي ونور وعطر متصفحي بمروووره وعطره لاهنتو ..

---

اقتباس:

---

المشاركة الأصلية كتبت بواسطة m6no5

روح اسأل القير ممكن يفيدك بالمشكله(امزح)

بس الشباب قالو لك من واقع التجربه

واذكر المشكله حصلت مع احد اقاربي لما ذهب الى المنطقة الشرقيه وخرب القير واليوم الثاني رجع زي العسل وبعدها ظهرت المشكله بعد ايام

لاتعصب ولا ترفع البياله
شوي شوي على هونك

واذا القير ما رد لك جواب (انتظر لما تجي المشكله واسأله)

---

الان اصبح الحلم حقيقه

اقتباس:

---

المشاركة الأصلية كتبت بواسطة جرح الغدر & اكورد

ياااااااااااااااااناااااااااااااااااااااااااااس المشكله رجعت <<< مقفله اخلاقه الي عنده حل ولا يعرف المشكله ولا يعرف احد يضبطها صح علمووني جزاكم الله خير

انا من الرياض الي يعرف حق قيرات اتوماتيك ولا يعرف المشكله لايبخل علينا لاهنتو

---

طيب يالغالي
ممكن اشوف سيارتك واخبرك بالمشكله
لان ممكن يكون كلتشات القير
والمفروض ماتغير الحساس
لان لو صلحت الكلتشات بتتصلح الحساس

ولي صديق من واقع تجربه
اذا ممكن نتقابل في يوم من الايام او تحدد موعد لكي نلتقي وافصل لك المشكله واعطيك الحلول

او تنتظر الى يوم الخميس بالحضور الى التجمع

انتظرك يالغالي

واعرف لك ورشه في الصناعية القديمه
بالرياض

ههههههههههههههههههههههههه لبى قلبك والله انك صادق اوكي ارسلي ايميلك على الخاص بنتظارك

انا معي اكوورد 2004 خبط قبل سنه ووضبطه وخرب ورجعته على الضمان وماشاءالله

بالتوقيت المحلي من يوم خلص ضمانه صار يرد نمره كاان السيارة تنــتع وغالبا الصبح اذا كانت

باااارده ولها 8 شهووور وهي كذا واناااااا محتااااااااار حراااااام اخسر خمسه الاف والحين خمسه

متووووووووهق؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة اكوردي...

انا معي اكوورد 2004 خبط قبل سنه ووضبطه وخرب ورجعته على الضمان وماشاءالله

بالتوقيت المحلي من يوم خلص ضمانه صار يرد نمره كاان السيارة تنــتع وغالبا الصبح اذا كانت

باااارده ولها 8 شهووور وهي كذا واناااااا محتااااااااار حراااااام اخسر خمسه الاف والحين خمسه

متووووووووهق؟؟؟؟؟؟؟؟؟؟؟؟؟؟؟؟

---

انا الحين توها صايره فيني نفسسسسسسس مشكلتك بالظبط وهذا انا اليوم مدخلها تتوظب القير والله يعيني عليه ذاقير والله يعينك عليه انت بعد ومشكلتك على حسب خبرتي الكلتشات نفسي يعني وحاول تصلحها في اسرع وقت ياغالي عشان ماينعدم قيرك

تحيآآآآآآآآآآآتي

8
يعطيك العافيه وديتها لووورشة الجنووووب بس ماقالي كلتشاات قالي ركب تشليح

والا ووظبه ..,,,,,... والله البلشه

الله يعينك اجل بس ماهو توظيب كامل نص

اخوان الي معه لحسه في الجربكس افضل انه يخليه ملحوس لانه بيخسره وفتره ويرجع ملحوس نفس الشي صار مع صديق لي وخسر 7000 ريال وبالقوه ضبط قسم بالله انه يقول يليتني خليته ملحوس افضل كان ماشي تمام يعني خله يخبط بعدين غيره كامل وعليه ضمان وبصراحه اكثر الخرابات في الجربكس موديل 98_2002

عليك نور اكثر الخرابات في قيووووورنا يالموديلات هذي من 98 ال 2002 الله يعين

يا اخوان انا عندي تاخر شوي ف التبديل خصوصآ من الاول للثاني يرافقه نتعه خفيفه / ورحت لورشه قال لي صوفة تعشيق القير تهرب عندك .. ورحت للوكاله ولي اسبوعين رايح جاي عليهم كل ماجيت عطوني موعد عشان يفحصون لي القير بس ويشوفون ايش المشكله وكل مواعيدهم صباح وانا مشغول ماني قادر اروح لهم .. الزبده ابي اعرف وش مشكلة القير بواقع شي مريتوا فيه / تكفون أفادتكم :(

:d